Samkara: Upadesasahasri 1.6

छित्त्वा त्यक्तेन हस्तेन स्वयं नात्मा विशेष्यते । तथा शिष्टेन सर्वेण येन येन विशेष्यते

chittvā tyaktena hastena svayaṃ nātmā viśeṣyate / tathā śiṣṭena sarveṇa yena yena viśeṣyate

Sanskrit only: no published translation is held for this verse.

तस्मात् त्यक्तेन हस्तेन तुल्यं सर्वं विशेषणम् । अनात्मत्वेन तस्माज् ज्ञो मुक्तः सर्वविशेषणैः

tasmāt tyaktena hastena tulyaṃ sarvaṃ viśeṣaṇam / anātmatvena tasmāj jño muktaḥ sarvaviśeṣaṇaiḥ

Sanskrit only: no published translation is held for this verse.

विशेषणम् इदं सर्वं साध्वलंकरणं यथा । अविद्यास्तम् अतः सर्वं ज्ञात आत्मन्य् असद् भवेत्

viśeṣaṇam idaṃ sarvaṃ sādhvalaṃkaraṇaṃ yathā / avidyāstam ataḥ sarvaṃ jñāta ātmany asad bhavet

Sanskrit only: no published translation is held for this verse.

ज्ञातैवात्मा सदा ग्राह्यो ज्ञेयम् उत्सृज्य केवलः । अहम् इत्य् अपि यद् ग्राह्यं व्यपेताङ्गसमं हि तत्

jñātaivātmā sadā grāhyo jñeyam utsṛjya kevalaḥ / aham ity api yad grāhyaṃ vyapetāṅgasamaṃ hi tat

Sanskrit only: no published translation is held for this verse.

यावान् स्याद् इदमंशो यः स स्वतो ऽन्यो विशेषणम् । विशेषप्रक्षयो यत्र सिद्धो ज्ञश् चित्रगुर् यथा

yāvān syād idamaṃśo yaḥ sa svato 'nyo viśeṣaṇam / viśeṣaprakṣayo yatra siddho jñaś citragur yathā

Sanskrit only: no published translation is held for this verse.

इदम् अंशो ऽहम् इत्य् अत्र त्याज्यो नात्मेति पण्डितैः । अहं ब्रह्मेति शिष्टो ऽंशो भूतपूर्वगतेर् भवेत्

idam aṃśo 'ham ity atra tyājyo nātmeti paṇḍitaiḥ / ahaṃ brahmeti śiṣṭo 'ṃśo bhūtapūrvagater bhavet

Sanskrit only: no published translation is held for this verse.