Samkara: Upadesasahasri 1.7

बुद्ध्यारूढं सदा सर्वं दृश्यते यत्र तत्र वा । मया तस्मात् परं ब्रह्म सर्वज्ञश् चास्मि सर्वगः

buddhyārūḍhaṃ sadā sarvaṃ dṛśyate yatra tatra vā / mayā tasmāt paraṃ brahma sarvajñaś cāsmi sarvagaḥ

Sanskrit only: no published translation is held for this verse.

यथात्मबुद्धिचाराणां साक्षी तद्वत् परेष्व् अपि । नैवापोढुं न वादातुं शक्यस् तस्मात् परो ह्य् अहम्

yathātmabuddhicārāṇāṃ sākṣī tadvat pareṣv api / naivāpoḍhuṃ na vādātuṃ śakyas tasmāt paro hy aham

Sanskrit only: no published translation is held for this verse.

विकारित्वम् अशुद्धत्वं भौतिकत्वं न चात्मनः । अशेषबुद्धिसाक्षित्वाद् बुद्धिवच् चाल्पवेदना

vikāritvam aśuddhatvaṃ bhautikatvaṃ na cātmanaḥ / aśeṣabuddhisākṣitvād buddhivac cālpavedanā

Sanskrit only: no published translation is held for this verse.

मणौ प्रकाश्यते यद्वद् रक्ताद्याकारतातपे । मयि संदृश्यते सर्वम् आतपेनेव तन् मया

maṇau prakāśyate yadvad raktādyākāratātape / mayi saṃdṛśyate sarvam ātapeneva tan mayā

Sanskrit only: no published translation is held for this verse.

बुद्धौ दृश्यं भवेद् बुद्धौ सत्यां नास्ति विपर्यये । द्रष्टा यस्मात् सदा द्रष्टा तस्माद् द्वैतं न विद्यते

buddhau dṛśyaṃ bhaved buddhau satyāṃ nāsti viparyaye / draṣṭā yasmāt sadā draṣṭā tasmād dvaitaṃ na vidyate

Sanskrit only: no published translation is held for this verse.

अविवेकात् पराभावं यथा बुद्धिर् अवेत् तथा । विवेकात् तु पराद् अन्यः स्वयं चापि न विद्यते

avivekāt parābhāvaṃ yathā buddhir avet tathā / vivekāt tu parād anyaḥ svayaṃ cāpi na vidyate

Sanskrit only: no published translation is held for this verse.