Samkara: Upadesasahasri 1.8

चितिस्वरूपं स्वत एव मे मते रसादियोगस् तव मोहकारितः । अतो न किंचित् तव चेष्टितेन मे फलं भवेत् सर्वविशेषहानतः

citisvarūpaṃ svata eva me mate rasādiyogas tava mohakāritaḥ / ato na kiṃcit tava ceṣṭitena me phalaṃ bhavet sarvaviśeṣahānataḥ

Sanskrit only: no published translation is held for this verse.

विमुच्य मायामयकार्यताम् इह प्रशान्तिम् आयाह्य् असदीहितात् सदा । अहं परं ब्रह्म सदा विमुक्तवत् तथाजम् एकं द्वयवर्जितं यतः

vimucya māyāmayakāryatām iha praśāntim āyāhy asadīhitāt sadā / ahaṃ paraṃ brahma sadā vimuktavat tathājam ekaṃ dvayavarjitaṃ yataḥ

Sanskrit only: no published translation is held for this verse.

सदा च भूतेषु समो ऽस्मि केवलो यथा च खं सर्वगम् अक्षरं शिवम् । निरन्तरं निष्कलम् अक्रियं परं ततो न मे ऽस्तीह फलं तवेहितैः

sadā ca bhūteṣu samo 'smi kevalo yathā ca khaṃ sarvagam akṣaraṃ śivam / nirantaraṃ niṣkalam akriyaṃ paraṃ tato na me 'stīha phalaṃ tavehitaiḥ

Sanskrit only: no published translation is held for this verse.

अहं ममैको न तदन्यद् इष्यते तथा न कस्याप्य् अहम् अस्म्य् असङ्गतः । असङ्गरूपो ऽहम् अतो न मे त्वया कृतेन कार्यं तव चाद्वयत्वतः

ahaṃ mamaiko na tadanyad iṣyate tathā na kasyāpy aham asmy asaṅgataḥ / asaṅgarūpo 'ham ato na me tvayā kṛtena kāryaṃ tava cādvayatvataḥ

Sanskrit only: no published translation is held for this verse.

फले च हेतौ च जनो विषक्तवान् इति प्रचिन्त्याहम् अतो विमोक्षणे । जनस्य संवादम् इमं प्रकॢप्तवान् स्वरूपतत्त्वार्थविबोधकारणम्

phale ca hetau ca jano viṣaktavān iti pracintyāham ato vimokṣaṇe / janasya saṃvādam imaṃ prakḷptavān svarūpatattvārthavibodhakāraṇam

Sanskrit only: no published translation is held for this verse.

संवादम् एतं यदि चिन्तयेन् नरो विमुच्यते ऽज्ञानमहाभयागमात् । विमुक्तकामश् च तथा जनः सदा चरत्य् अशोकः सम आत्मवित् सुखी

saṃvādam etaṃ yadi cintayen naro vimucyate 'jñānamahābhayāgamāt / vimuktakāmaś ca tathā janaḥ sadā caraty aśokaḥ sama ātmavit sukhī

Sanskrit only: no published translation is held for this verse.