Samkara: Upadesasahasri 1.9

सूक्ष्मताव्यापिते ज्ञेये गन्धादेर् उत्तरोत्तरम् । प्रत्यगात्मावसानेषु पूर्वपूर्वप्रहाणतः

sūkṣmatāvyāpite jñeye gandhāder uttarottaram / pratyagātmāvasāneṣu pūrvapūrvaprahāṇataḥ

Sanskrit only: no published translation is held for this verse.

शारीरा पृथिवी तावद् यावद् बाह्या प्रमाणतः । अबादीनि च तत्त्वानि तावज् ज्ञेयानि कृत्स्नशः

śārīrā pṛthivī tāvad yāvad bāhyā pramāṇataḥ / abādīni ca tattvāni tāvaj jñeyāni kṛtsnaśaḥ

Sanskrit only: no published translation is held for this verse.

वाय्वादीनां यथोत्पत्तेः पूर्वं खं सर्वगं तथा । अहम् एकः सदा सर्वश् चिन्मात्रः सर्वगो ऽद्वयः

vāyvādīnāṃ yathotpatteḥ pūrvaṃ khaṃ sarvagaṃ tathā / aham ekaḥ sadā sarvaś cinmātraḥ sarvago 'dvayaḥ

Sanskrit only: no published translation is held for this verse.

ब्रह्माद्याः स्थावरान्ता ये प्राणिनो मम पूः स्मृताः । कामक्रोधादयो दोषा जायेरन् मे कुतो ऽन्यतः

brahmādyāḥ sthāvarāntā ye prāṇino mama pūḥ smṛtāḥ / kāmakrodhādayo doṣā jāyeran me kuto 'nyataḥ

Sanskrit only: no published translation is held for this verse.

भूतदोषैः सदास्पृष्टं सर्वभूतस्थम् ईश्वरम् । नीलं व्योम यथा बालो दुष्टं मां वीक्षते जनः

bhūtadoṣaiḥ sadāspṛṣṭaṃ sarvabhūtastham īśvaram / nīlaṃ vyoma yathā bālo duṣṭaṃ māṃ vīkṣate janaḥ

Sanskrit only: no published translation is held for this verse.

मच्चैतन्यावभास्यत्वात् सर्वप्राणिधियां सदा । पूर् मम प्राणिनः सर्वे सर्वज्ञस्य विपाप्मनः

maccaitanyāvabhāsyatvāt sarvaprāṇidhiyāṃ sadā / pūr mama prāṇinaḥ sarve sarvajñasya vipāpmanaḥ

Sanskrit only: no published translation is held for this verse.

जनिमज् ज्ञानविज्ञेयं स्वप्नज्ञानवद् इष्यते । नित्यं निर्विषयं ज्ञानं तस्माद् द्वैतं न विद्यते

janimaj jñānavijñeyaṃ svapnajñānavad iṣyate / nityaṃ nirviṣayaṃ jñānaṃ tasmād dvaitaṃ na vidyate

Sanskrit only: no published translation is held for this verse.

ज्ञातुर् ज्ञातिर् हि नित्योक्ता सुषुप्ते त्व् अन्यशून्यतः । जाग्रज्ज्ञातिस् त्व् अविद्यातस् तद् ग्राह्यं चासद् इष्यताम्

jñātur jñātir hi nityoktā suṣupte tv anyaśūnyataḥ / jāgrajjñātis tv avidyātas tad grāhyaṃ cāsad iṣyatām

Sanskrit only: no published translation is held for this verse.

रूपवत्त्वाद्यसत्त्वान् न दृष्ट्यादेः कर्मता यथा । एवं विज्ञानकर्मत्वं भूम्नो नास्तीति गम्यते

rūpavattvādyasattvān na dṛṣṭyādeḥ karmatā yathā / evaṃ vijñānakarmatvaṃ bhūmno nāstīti gamyate

Sanskrit only: no published translation is held for this verse.