Utpaladeva: Sivastotravali 12

रहस्यनिर्देशनाम द्वादशं स्तोत्रम् सहकारि न किञ्चिद् इष्यते भवतो न प्रतिबन्धकं दृषि & भवतैव हि सर्वम् आप्लुतं कथम् अद्यापि तथापि नेक्षसे

rahasyanirdeśanāma dvādaśaṃ stotram sahakāri na kiñcid iṣyate bhavato na pratibandhakaṃ dṛṣi & bhavataiva hi sarvam āplutaṃ katham adyāpi tathāpi nekṣase

Sanskrit only: no published translation is held for this verse.

अपि भावगणाद् अपीन्द्रियप्रचयाद् अप्य् अवबोधमध्यतः & प्रभवन्तम् अपि स्वतः सदा परिपश्येयम् अपोढविश्वकम्

api bhāvagaṇād apīndriyapracayād apy avabodhamadhyataḥ & prabhavantam api svataḥ sadā paripaśyeyam apoḍhaviśvakam

Sanskrit only: no published translation is held for this verse.

कथं ते जायेरन् कथम् अपि च ते दर्शनपथं व्रजेयुः केनापि प्रकृतिमहताङ्केन खचितः & तथोत्थायोत्थाय स्थलजलतृणादेर् अखिलतः पदार्थद्यान्सृष्टिस्रवदमृतपूरैर्(?) विकिरसि

kathaṃ te jāyeran katham api ca te darśanapathaṃ vrajeyuḥ kenāpi prakṛtimahatāṅkena khacitaḥ & tathotthāyotthāya sthalajalatṛṇāder akhilataḥ padārthadyānsṛṣṭisravadamṛtapūrair(?) vikirasi

Sanskrit only: no published translation is held for this verse.

साक्षत्कृत भवद्रूपप्रसृतामृततर्पिताः & उन्मूलिततृषो मत्ता विचरन्ति यथारुचि

sākṣatkṛta bhavadrūpaprasṛtāmṛtatarpitāḥ & unmūlitatṛṣo mattā vicaranti yathāruci

Sanskrit only: no published translation is held for this verse.

न तदा न सदा न चैकदेत्य् अपि सा यत्र न कालधीर् भवेत् & तद् इदं भवदीयदर्शनं न च नित्यं न च कथ्यते ऽन्यथा

na tadā na sadā na caikadety api sā yatra na kāladhīr bhavet & tad idaṃ bhavadīyadarśanaṃ na ca nityaṃ na ca kathyate 'nyathā

Sanskrit only: no published translation is held for this verse.

त्वद्विलोकनसमुत्कचेतसो योगसिद्धिर् इयती सदास्तु मे & यद् विशेयम् अभिसन्धिमात्रतस् त्वत्सुधासदनम् अर्चनाय ते

tvadvilokanasamutkacetaso yogasiddhir iyatī sadāstu me & yad viśeyam abhisandhimātratas tvatsudhāsadanam arcanāya te

Sanskrit only: no published translation is held for this verse.

निर्विकल्पभवदीयदर्शनप्रप्तिफुल्लमनसां महात्मनाम् & उल्लसन्ति विमलानि हेलया चेष्टितानि च वचांसि च स्फुटम्

nirvikalpabhavadīyadarśanapraptiphullamanasāṃ mahātmanām & ullasanti vimalāni helayā ceṣṭitāni ca vacāṃsi ca sphuṭam

Sanskrit only: no published translation is held for this verse.

भवन्भवदीयपादयोर् निवसन्न् अन्तर एव निर्भयः & भवभूमिषु तासु तास्व् अहं प्रभुम् अर्चेयम् अनर्गलक्रियः

bhavanbhavadīyapādayor nivasann antara eva nirbhayaḥ & bhavabhūmiṣu tāsu tāsv ahaṃ prabhum arceyam anargalakriyaḥ

Sanskrit only: no published translation is held for this verse.

भवदङ्घ्रिसरोरुहोदरे परिलीनो गलितपरैषणः & अतिमात्रमधूपयोगतः परितृप्तो विचरेयम् इच्छया

bhavadaṅghrisaroruhodare parilīno galitaparaiṣaṇaḥ & atimātramadhūpayogataḥ paritṛpto vicareyam icchayā

Sanskrit only: no published translation is held for this verse.

यस्य दम्भाद् इव भवत्पूजासङ्कल्प उत्थितः & तस्याप्य् अवश्यम् उदितं सन्निधानं तवोचितम्

yasya dambhād iva bhavatpūjāsaṅkalpa utthitaḥ & tasyāpy avaśyam uditaṃ sannidhānaṃ tavocitam

Sanskrit only: no published translation is held for this verse.

भगवन्न् इतरान् अपेक्षिणा नितराम् एकरसेन चेतसा & सुलभं सकलोपशायिनं प्रभुम् आतृप्ति पिबेयम् अस्मि किम्

bhagavann itarān apekṣiṇā nitarām ekarasena cetasā & sulabhaṃ sakalopaśāyinaṃ prabhum ātṛpti pibeyam asmi kim

Sanskrit only: no published translation is held for this verse.

त्वया निराकृतम् सर्वं हेयम् एतत् तद् एव तु & त्वन्मयं समुपादेयम् इत्य् अयं सारसंग्रहः

tvayā nirākṛtam sarvaṃ heyam etat tad eva tu & tvanmayaṃ samupādeyam ity ayaṃ sārasaṃgrahaḥ

Sanskrit only: no published translation is held for this verse.

भवतो ऽन्तरचारि भावजातं प्रभुवन्मुख्यतयैव पूजितं तत् & भवतो बहिर् अप्य् अभावमात्रा कथम् ईशान् भवेत् समर्च्यते वा

bhavato 'ntaracāri bhāvajātaṃ prabhuvanmukhyatayaiva pūjitaṃ tat & bhavato bahir apy abhāvamātrā katham īśān bhavet samarcyate vā

Sanskrit only: no published translation is held for this verse.

निःशब्दं निर्विकल्पं च निर्व्याक्षेपम् अथानिसम् & क्षोभे ऽप्य् अध्यक्षमी क्षेयं त्र्यक्ष त्वाम् एव सर्वतः

niḥśabdaṃ nirvikalpaṃ ca nirvyākṣepam athānisam & kṣobhe 'py adhyakṣamī kṣeyaṃ tryakṣa tvām eva sarvataḥ

Sanskrit only: no published translation is held for this verse.

प्रकटय निजधाम देव यस्मिंस् त्वम् असि सदा परमेश्वरीसमेतः & प्रभुचरणरजःसमानकक्ष्याः किम् अविश्वासपदं भान्ति भृत्याः

prakaṭaya nijadhāma deva yasmiṃs tvam asi sadā parameśvarīsametaḥ & prabhucaraṇarajaḥsamānakakṣyāḥ kim aviśvāsapadaṃ bhānti bhṛtyāḥ

Sanskrit only: no published translation is held for this verse.

दर्शनपथम् उपयातो ऽप्य् अपसरसि कुतो ममेश भृत्यस्य & क्षणमात्रकम् इह न भवसि कस्य न जन्तोर् दृशोर् विषयः

darśanapatham upayāto 'py apasarasi kuto mameśa bhṛtyasya & kṣaṇamātrakam iha na bhavasi kasya na jantor dṛśor viṣayaḥ

Sanskrit only: no published translation is held for this verse.

ऐक्यसंविदमृताच्छधारया सन्ततप्रसृतया कदा विभो & प्लावनात् परमभेदमानयंस् त्वां निजं च वपुर् आप्नुयां मुदम्

aikyasaṃvidamṛtācchadhārayā santataprasṛtayā kadā vibho & plāvanāt paramabhedamānayaṃs tvāṃ nijaṃ ca vapur āpnuyāṃ mudam

Sanskrit only: no published translation is held for this verse.

अहम् इत्य् अमुतो ऽवरुद्धलोकाद् भवदीयात् प्रतिपत्तिसारतो मे & अणुमात्रकम् एव विश्वनिष्ठं घटतां येन भवेयम् अर्चिता ते

aham ity amuto 'varuddhalokād bhavadīyāt pratipattisārato me & aṇumātrakam eva viśvaniṣṭhaṃ ghaṭatāṃ yena bhaveyam arcitā te

Sanskrit only: no published translation is held for this verse.

अपरिमितरूपम् अहं तं तं भावं प्रतिक्षणं पश्यन् & त्वाम् एव विश्वरूपं निजनाथं साधु पश्येयम्

aparimitarūpam ahaṃ taṃ taṃ bhāvaṃ pratikṣaṇaṃ paśyan & tvām eva viśvarūpaṃ nijanāthaṃ sādhu paśyeyam

Sanskrit only: no published translation is held for this verse.

भवदङ्गगतं तम् एव कस्मान् न मनः पर्यटतीष्टम् अर्थम् अर्थम् & प्रकृतिक्षतिर् अस्ति नो तथास्य मम चेच्छा परिपूर्यते परैव

bhavadaṅgagataṃ tam eva kasmān na manaḥ paryaṭatīṣṭam artham artham & prakṛtikṣatir asti no tathāsya mama cecchā paripūryate paraiva

Sanskrit only: no published translation is held for this verse.

शतशः किल ते तवानुभावाद् भगवन् के ऽप्य् अमुनैव चक्षुषा ये & अपि हालिकचेष्टया चरन्तः परिपश्यन्ति भवद्वपुः सदाग्रे

śataśaḥ kila te tavānubhāvād bhagavan ke 'py amunaiva cakṣuṣā ye & api hālikaceṣṭayā carantaḥ paripaśyanti bhavadvapuḥ sadāgre

Sanskrit only: no published translation is held for this verse.

न सा मतिर् उदेति या न भवति त्वदिच्छामयी सदा शुभम् अथेतरद् भगवतैवम् आचर्यते & अतो ऽस्मि भवदात्मको भुवि यथा तथा सञ्चरन् स्थि तो ऽनिशम् अबाधितत्वदमलङ्घ्रिपूजोत्सवः

na sā matir udeti yā na bhavati tvadicchāmayī sadā śubham athetarad bhagavataivam ācaryate & ato 'smi bhavadātmako bhuvi yathā tathā sañcaran sthi to 'niśam abādhitatvadamalaṅghripūjotsavaḥ

Sanskrit only: no published translation is held for this verse.

भवदीयगभीरभाषितेषु प्रतिभा सम्यग् उदेतु मे पुरो ऽतः & तदनुष्ठितशक्तिर् अप्य् अतस् तद्भवदर्चाव्यसनं च निर्विरामम्

bhavadīyagabhīrabhāṣiteṣu pratibhā samyag udetu me puro 'taḥ & tadanuṣṭhitaśaktir apy atas tadbhavadarcāvyasanaṃ ca nirvirāmam

Sanskrit only: no published translation is held for this verse.

व्यवहारपदे ऽपि सर्वदा प्रतिभात्व् अर्थकलाप एष माम् & भवतो ऽवयवो यथा न तु स्वत एवादरणीयतां गतः

vyavahārapade 'pi sarvadā pratibhātv arthakalāpa eṣa mām & bhavato 'vayavo yathā na tu svata evādaraṇīyatāṃ gataḥ

Sanskrit only: no published translation is held for this verse.

मनसि स्वरसेन यत्र तत्र प्रचरत्य् अप्य् अहम् अस्य गोचरेषु & प्रसृतो ऽप्य् अविलोल एव युष्मत्परिचर्याचतुरः सदा भवेयम्

manasi svarasena yatra tatra pracaraty apy aham asya gocareṣu & prasṛto 'py avilola eva yuṣmatparicaryācaturaḥ sadā bhaveyam

Sanskrit only: no published translation is held for this verse.

भगवन् भवदिच्छयैव दासस् तव जातो ऽस्मि परस्य नात्र शक्तिः & कथम् एष तथापि वक्त्रबिम्बं तव पश्यामि न जातु चित्रम् एतत्

bhagavan bhavadicchayaiva dāsas tava jāto 'smi parasya nātra śaktiḥ & katham eṣa tathāpi vaktrabimbaṃ tava paśyāmi na jātu citram etat

Sanskrit only: no published translation is held for this verse.

समुत्सुकास् त्वां प्रति ये भवन्तं प्रत्यर्थरूपाद् अवलोकयन्ति & तेषाम् अहो किं तदुपस्थितं स्यात् किं साधनं वा फलितं भवेत् तत्

samutsukās tvāṃ prati ye bhavantaṃ pratyartharūpād avalokayanti & teṣām aho kiṃ tadupasthitaṃ syāt kiṃ sādhanaṃ vā phalitaṃ bhavet tat

Sanskrit only: no published translation is held for this verse.

भावा भावतया सन्तु भवद्भावेन मे भव & तथा न किञ्चिद् अप्य् अस्तु न किञ्चिद् भवतो ऽन्यथा

bhāvā bhāvatayā santu bhavadbhāvena me bhava & tathā na kiñcid apy astu na kiñcid bhavato 'nyathā

Sanskrit only: no published translation is held for this verse.

यन् न किञ्चिद् अपि तन्न किञ्चिद् अप्य् अस्तु किञ्चिद् अपि किञ्चिद् एव मे & सर्वथा भवतु तावता भवान् सर्वतो भवति लब्धपूजितः

yan na kiñcid api tanna kiñcid apy astu kiñcid api kiñcid eva me & sarvathā bhavatu tāvatā bhavān sarvato bhavati labdhapūjitaḥ

Sanskrit only: no published translation is held for this verse.