Utpaladeva: Sivastotravali 13

संग्रहस्तोत्रनाम त्रयोदशं स्तोत्रम् संग्रहेन सुखदुःखलक्षणं मां प्रति स्थितम् इदं शृणु प्रभो & सौख्यम् एष भवता समागमः स्वामिना विरह एव दुःखिता

saṃgrahastotranāma trayodaśaṃ stotram saṃgrahena sukhaduḥkhalakṣaṇaṃ māṃ prati sthitam idaṃ śṛṇu prabho & saukhyam eṣa bhavatā samāgamaḥ svāminā viraha eva duḥkhitā

Sanskrit only: no published translation is held for this verse.

अन्तर् अप्य् अतितराम् अणीयसी या त्वदप्रथनकालिकास्ति मे & ताम् अपीश परिमृज्य सर्वतः स्वं स्वरूपम् अमलं प्रकाशय

antar apy atitarām aṇīyasī yā tvadaprathanakālikāsti me & tām apīśa parimṛjya sarvataḥ svaṃ svarūpam amalaṃ prakāśaya

Sanskrit only: no published translation is held for this verse.

तावके वपुषि विश्वनिर्भरे चित्सुधारसमये निरत्यये & तिष्ठतः सततम् अर्चतः प्रभुं जीवितं मृतम् अथान्यद् अस्तु मे

tāvake vapuṣi viśvanirbhare citsudhārasamaye niratyaye & tiṣṭhataḥ satatam arcataḥ prabhuṃ jīvitaṃ mṛtam athānyad astu me

Sanskrit only: no published translation is held for this verse.

ईश्वरो ऽहम् अहम् एव रूपवान् पण्डितो ऽस्मि सुभगो ऽस्मि को ऽपरः & मत्समो ऽस्ति जगतीति शोभते मानिता त्वदनुरागिणः परम्

īśvaro 'ham aham eva rūpavān paṇḍito 'smi subhago 'smi ko 'paraḥ & matsamo 'sti jagatīti śobhate mānitā tvadanurāgiṇaḥ param

Sanskrit only: no published translation is held for this verse.

देवदेव भवदद्वयामृताख्यातिसंहरणलब्धजन्मना & तद् यथास्थितपदार्थसंविदा मां कुरुष्व चरणार्चनोचितम्

devadeva bhavadadvayāmṛtākhyātisaṃharaṇalabdhajanmanā & tad yathāsthitapadārthasaṃvidā māṃ kuruṣva caraṇārcanocitam

Sanskrit only: no published translation is held for this verse.

ध्यायते तद् अनु दृश्यते ततः स्पृश्यते च परमेश्वरः स्वयम् & यत्र पूजनमहोत्सवः स मे सर्वदास्तु भवतो ऽनुभावतः

dhyāyate tad anu dṛśyate tataḥ spṛśyate ca parameśvaraḥ svayam & yatra pūjanamahotsavaḥ sa me sarvadāstu bhavato 'nubhāvataḥ

Sanskrit only: no published translation is held for this verse.

यद्य् अथास्थितपदार्थदर्शनं युष्मदर्चनमहोत्सवश् च यः & युग्मम् एतद् इतरेतराश्रयं भक्तिशालिषु सदा विजृम्भते

yady athāsthitapadārthadarśanaṃ yuṣmadarcanamahotsavaś ca yaḥ & yugmam etad itaretarāśrayaṃ bhaktiśāliṣu sadā vijṛmbhate

Sanskrit only: no published translation is held for this verse.

तत्तदिन्द्रियमुखेन सन्ततं युष्मदर्चनरसायनासवम् & सर्वभावचषकेषु पूरितेष्व् आपिबन्न् अपि भवेयम् उन्मदः

tattadindriyamukhena santataṃ yuṣmadarcanarasāyanāsavam & sarvabhāvacaṣakeṣu pūriteṣv āpibann api bhaveyam unmadaḥ

Sanskrit only: no published translation is held for this verse.

अन्यवेद्यम् अणुमात्रम् अस्ति न स्वप्रकाशम् अखिलं विजृम्भते & यत्र नाथ भवतः पुरे स्थितं तत्र मे कुरु सदा तवार्चितुः

anyavedyam aṇumātram asti na svaprakāśam akhilaṃ vijṛmbhate & yatra nātha bhavataḥ pure sthitaṃ tatra me kuru sadā tavārcituḥ

Sanskrit only: no published translation is held for this verse.

दासधाम्नि विनियोजितो ऽप्य् अहं स्वेच्छयैव परमेश्वर त्वया & दर्शनेन न किम् अस्मि पात्रितः पादसंवहनकर्मणापि वा

dāsadhāmni viniyojito 'py ahaṃ svecchayaiva parameśvara tvayā & darśanena na kim asmi pātritaḥ pādasaṃvahanakarmaṇāpi vā

Sanskrit only: no published translation is held for this verse.

शक्तिपातसमये विचारणं प्राप्तम् ईश न करोषि कर्हिचित् & अद्य मां प्रति किम् आगतं यतः स्वप्रकाशनविधौ विलम्बसे

śaktipātasamaye vicāraṇaṃ prāptam īśa na karoṣi karhicit & adya māṃ prati kim āgataṃ yataḥ svaprakāśanavidhau vilambase

Sanskrit only: no published translation is held for this verse.

तत्र तत्र विषये बहिर्विभात्य् अन्तरे च परमेश्वरीयुतम् & त्वां जगत्त्रितयनिर्भरं सदा लोकयेय निजपाणिपूजितम्

tatra tatra viṣaye bahirvibhāty antare ca parameśvarīyutam & tvāṃ jagattritayanirbharaṃ sadā lokayeya nijapāṇipūjitam

Sanskrit only: no published translation is held for this verse.

स्वामिसौधम् अभिसन्धिमात्रतो निर्विबन्धम् अधिरुह्य सर्वदा & स्यां प्रसाद परमामृतासवापानकेलिपरिलब्धनिर्वृतिः

svāmisaudham abhisandhimātrato nirvibandham adhiruhya sarvadā & syāṃ prasāda paramāmṛtāsavāpānakeliparilabdhanirvṛtiḥ

Sanskrit only: no published translation is held for this verse.

यत्समस्तसुभगार्थवस्तुषु स्पर्शमात्रविधिना चमत्कृतिम् & तां समर्पयति तेन ते वपुः पूजयन्त्य् अचलभक्तिशालिनः

yatsamastasubhagārthavastuṣu sparśamātravidhinā camatkṛtim & tāṃ samarpayati tena te vapuḥ pūjayanty acalabhaktiśālinaḥ

Sanskrit only: no published translation is held for this verse.

स्फारयस्य् अखिलम् आत्मना स्फुरन् विश्वम् आमृशसि रूपम् आमृशन् & यत् स्वयं निजरसेन घुर्णसे तत् समुल्लसति भावमण्डलम्

sphārayasy akhilam ātmanā sphuran viśvam āmṛśasi rūpam āmṛśan & yat svayaṃ nijarasena ghurṇase tat samullasati bhāvamaṇḍalam

Sanskrit only: no published translation is held for this verse.

यो ऽविकल्पम् इदम् अर्थमण्डलं पश्यतीश निखिलं भवद्वपुः & स्वात्मपक्षपरिपूरिते जगत्य् अस्य नित्यसुखिनः कुतो भयम्

yo 'vikalpam idam arthamaṇḍalaṃ paśyatīśa nikhilaṃ bhavadvapuḥ & svātmapakṣaparipūrite jagaty asya nityasukhinaḥ kuto bhayam

Sanskrit only: no published translation is held for this verse.

कण्ठकोणविनिविष्टम् ईश ते कालकूटम् अपि मे महामृतम् & अप्य् उपात्तम् अमृतं भवद्वपुर् भेदवृत्ति यदि रोचते न मे

kaṇṭhakoṇaviniviṣṭam īśa te kālakūṭam api me mahāmṛtam & apy upāttam amṛtaṃ bhavadvapur bhedavṛtti yadi rocate na me

Sanskrit only: no published translation is held for this verse.

त्वत्प्रलापमयरक्तगीतिकानि त्य युक्तवदनोपशोभितः & स्याम् अथापि भवदर्चनक्रियाप्रेयसीपरिगताशयः सदा

tvatpralāpamayaraktagītikāni tya yuktavadanopaśobhitaḥ & syām athāpi bhavadarcanakriyāpreyasīparigatāśayaḥ sadā

Sanskrit only: no published translation is held for this verse.

ईहितं न बत पारमेश्वरं शक्यते गणयितुं तथा च मे & दत्तम् अप्य् अमृतनिर्भरं वपुः स्वं न पातुम् अनुमन्यते तथा

īhitaṃ na bata pārameśvaraṃ śakyate gaṇayituṃ tathā ca me & dattam apy amṛtanirbharaṃ vapuḥ svaṃ na pātum anumanyate tathā

Sanskrit only: no published translation is held for this verse.

त्वाम् अगाधम् अविकल्पम् अद्वयं स्वं स्वरूपम् अखिलार्थघस्मरम् & आविशन्न् अहम् उमेश सर्वदा पूजयेयम् अभिसंस्तुवीय च

tvām agādham avikalpam advayaṃ svaṃ svarūpam akhilārthaghasmaram & āviśann aham umeśa sarvadā pūjayeyam abhisaṃstuvīya ca

Sanskrit only: no published translation is held for this verse.