Utpaladeva: Sivastotravali 15

भक्तिस्तोत्रनाम पञ्चदशं त्रिमलक्षालिनो ग्रन्थाः सन्ति तत्पारगास्तथा & योगिनः पण्डिताः स्वस्थास् त्वद्भक्ता एव तत्त्वतः

bhaktistotranāma pañcadaśaṃ trimalakṣālino granthāḥ santi tatpāragāstathā & yoginaḥ paṇḍitāḥ svasthās tvadbhaktā eva tattvataḥ

Sanskrit only: no published translation is held for this verse.

मायीयकालनियतिरागाद्याहारतर्पिताः & चरन्ति सुखिनो नाथ भक्तिमन्तो जगत्तटे

māyīyakālaniyatirāgādyāhāratarpitāḥ & caranti sukhino nātha bhaktimanto jagattaṭe

Sanskrit only: no published translation is held for this verse.

रुदन्तो वा हसन्तो वा त्वाम् उच्चैः प्रलपन्त्य् अमी & भक्ताः स्तुतिपदोच्चारोपचाराः पृथग् एव ते

rudanto vā hasanto vā tvām uccaiḥ pralapanty amī & bhaktāḥ stutipadoccāropacārāḥ pṛthag eva te

Sanskrit only: no published translation is held for this verse.

न विरक्तो न चापीशो मोक्षाकाङ्क्षी त्वदर्चकः & भवेयम् अपि तूद्रिक्तभक्त्यासवरसोन्मदः

na virakto na cāpīśo mokṣākāṅkṣī tvadarcakaḥ & bhaveyam api tūdriktabhaktyāsavarasonmadaḥ

Sanskrit only: no published translation is held for this verse.

बाह्यं हृदय एवान्तर् अभिहृत्यैव यो ऽर्चति & त्वाम् ईश भक्तिपीयूषरसपूरैर् नमामि तम्

bāhyaṃ hṛdaya evāntar abhihṛtyaiva yo 'rcati & tvām īśa bhaktipīyūṣarasapūrair namāmi tam

Sanskrit only: no published translation is held for this verse.

धर्माधर्मात्मनोर् अन्तः क्रिययोर् ज्ञानयोस् तथा & सुखदुःखात्मनोर् भक्ताः किम् अप्य् आस्वादयन्त्य् अहो

dharmādharmātmanor antaḥ kriyayor jñānayos tathā & sukhaduḥkhātmanor bhaktāḥ kim apy āsvādayanty aho

Sanskrit only: no published translation is held for this verse.

चराचरपितः स्वामिन् अप्य् अन्धा अपि कुष्ठिनः & शोभन्ते परम् उद्दामभवद्भक्तिविभूषणाः

carācarapitaḥ svāmin apy andhā api kuṣṭhinaḥ & śobhante param uddāmabhavadbhaktivibhūṣaṇāḥ

Sanskrit only: no published translation is held for this verse.

शिलोञ्छपिच्छकशिपुविच्छायाङ्गा अपि प्रभो & भवद्भक्तिमहोष्मणो राजराजम् अपीशते

śiloñchapicchakaśipuvicchāyāṅgā api prabho & bhavadbhaktimahoṣmaṇo rājarājam apīśate

Sanskrit only: no published translation is held for this verse.

सुधार्द्रायां भवद्भक्तौ लुठताप्य् आरुरुक्षुणा & चेतसैव विभो ऽर्चन्ति केचित् त्वाम् अभितः स्थिताः

sudhārdrāyāṃ bhavadbhaktau luṭhatāpy ārurukṣuṇā & cetasaiva vibho 'rcanti kecit tvām abhitaḥ sthitāḥ

Sanskrit only: no published translation is held for this verse.

रक्षणीयं वर्धनीयं बहुमान्यम् इदं प्रभो & संसारदुर्गतिहरं भवद्भक्तिमहाधनम्

rakṣaṇīyaṃ vardhanīyaṃ bahumānyam idaṃ prabho & saṃsāradurgatiharaṃ bhavadbhaktimahādhanam

Sanskrit only: no published translation is held for this verse.

नाथ ते भक्तजनता यद्य् अपि त्वयि रागिणी & तथापीर्ष्यां विहायास्यास् तुष्टास्तु स्वामिनी सदा

nātha te bhaktajanatā yady api tvayi rāgiṇī & tathāpīrṣyāṃ vihāyāsyās tuṣṭāstu svāminī sadā

Sanskrit only: no published translation is held for this verse.

भवद्भावः पुरो भावी प्राप्ते त्वद्भक्तिसम्भवे & लब्धे दुग्धमहाकुम्भे हता दधनि गृध्नुता

bhavadbhāvaḥ puro bhāvī prāpte tvadbhaktisambhave & labdhe dugdhamahākumbhe hatā dadhani gṛdhnutā

Sanskrit only: no published translation is held for this verse.

किम् इयं न सिद्धिर् अतुला किं वा मुख्यं न सौख्यम् आस्रवति & भक्तिर् उपचीयमाना येयं शम्भोः सदातनी भवति

kim iyaṃ na siddhir atulā kiṃ vā mukhyaṃ na saukhyam āsravati & bhaktir upacīyamānā yeyaṃ śambhoḥ sadātanī bhavati

Sanskrit only: no published translation is held for this verse.

मनसि मलिने मदीयेमग्ना त्वद्भक्तिमणिलता कष्टम् & न निजान् अपि तनुते तानपौरुषेयान् स्वसम्पदुल्लासान्

manasi maline madīyemagnā tvadbhaktimaṇilatā kaṣṭam & na nijān api tanute tānapauruṣeyān svasampadullāsān

Sanskrit only: no published translation is held for this verse.

भक्तिर् भगवति भवति त्रिलोकनाथे ननूत्तमा सिद्धिः & किं त्व् अणिमादिकविरहात् सैव न पूर्णेति चिन्ता मे

bhaktir bhagavati bhavati trilokanāthe nanūttamā siddhiḥ & kiṃ tv aṇimādikavirahāt saiva na pūrṇeti cintā me

Sanskrit only: no published translation is held for this verse.

बाह्यतो ऽन्तर् अपि चोत्कटोन्मिषत्त्र्यम्बकस्तवकसौरभाः शुभाः & वासयन्त्य् अपि विरुद्धवासनान् योगिनो निकटवासिनो ऽखिलान्

bāhyato 'ntar api cotkaṭonmiṣattryambakastavakasaurabhāḥ śubhāḥ & vāsayanty api viruddhavāsanān yogino nikaṭavāsino 'khilān

Sanskrit only: no published translation is held for this verse.

ज्योतिर् अस्ति कथयापि न किं चिद् विश्वम् अप्य् अतिसुषुप्तम् अशेषम् & यत्र नाथ शिवरात्रिपदे ऽस्मिन् नित्यम् अर्चयति भक्तजनस् त्वाम्

jyotir asti kathayāpi na kiṃ cid viśvam apy atisuṣuptam aśeṣam & yatra nātha śivarātripade 'smin nityam arcayati bhaktajanas tvām

Sanskrit only: no published translation is held for this verse.

सत्त्वं सत्यगुणे शिवे भगवति स्फारीभवत्व् अर्चने चूडायां विलसन्तु शङ्करपदप्रोद्यद्रजःसङ्चयाः & रागादिस्मृतिवासनाम् अपि समुच्छेत्तुं तमो जृम्भतां शम्भो मे भवतात् त्वदात्मविलये त्रैगुण्यवर्गो ऽथवा

sattvaṃ satyaguṇe śive bhagavati sphārībhavatv arcane cūḍāyāṃ vilasantu śaṅkarapadaprodyadrajaḥsaṅcayāḥ & rāgādismṛtivāsanām api samucchettuṃ tamo jṛmbhatāṃ śambho me bhavatāt tvadātmavilaye traiguṇyavargo 'thavā

Sanskrit only: no published translation is held for this verse.

संसाराध्वा सुदूरः खरतरविविधव्याधिदग्धाङ्गयष्टिः भोगा नैवोपभुक्ता यद् अपि सुखम् अभूज् जातु नन्नो चिराय & इत्थं व्यर्थो ऽस्मि जातः शशिधरचरणाक्रान्तिकान्तोत्तमाङ्गस् त्वद्भक्तश् चेति तन् मे कुरु सपदि महासम्पदो दीर्घदीर्घाः

saṃsārādhvā sudūraḥ kharataravividhavyādhidagdhāṅgayaṣṭiḥ bhogā naivopabhuktā yad api sukham abhūj jātu nanno cirāya & itthaṃ vyartho 'smi jātaḥ śaśidharacaraṇākrāntikāntottamāṅgas tvadbhaktaś ceti tan me kuru sapadi mahāsampado dīrghadīrghāḥ

Sanskrit only: no published translation is held for this verse.