Utpaladeva: Sivastotravali 16

पाशानुद्भेदनाम षोडशं स्तोत्रम् न किञ्चिद् एव लोकानां भवदावरणं प्रति \वर् यत् किं चिद् एव भूतानां\एम् \चित् \नरेस्वरपरीक्सा & न किञ्चिद् एव भक्तानां भवदावरणं प्रति

pāśānudbhedanāma ṣoḍaśaṃ stotram na kiñcid eva lokānāṃ bhavadāvaraṇaṃ prati \var yat kiṃ cid eva bhūtānāṃ\em \cit \Naresvaraparīksā & na kiñcid eva bhaktānāṃ bhavadāvaraṇaṃ prati

Sanskrit only: no published translation is held for this verse.

अप्य् उपायक्रमप्राप्यः सङ्कुलो ऽपि विशेषणैः & भक्तिभाजां भवान् आत्मा सकृच् छुद्धो ऽवभासते

apy upāyakramaprāpyaḥ saṅkulo 'pi viśeṣaṇaiḥ & bhaktibhājāṃ bhavān ātmā sakṛc chuddho 'vabhāsate

Sanskrit only: no published translation is held for this verse.

जयन्तो ऽपि हसन्त्य् एते जिता अपि हसन्ति च & भवद्भक्तिसुधापानमत्ताः के ऽप्य् एव ये प्रभो

jayanto 'pi hasanty ete jitā api hasanti ca & bhavadbhaktisudhāpānamattāḥ ke 'py eva ye prabho

Sanskrit only: no published translation is held for this verse.

शुष्ककं मैव सिद्धेय मैव मुच्येय वापि तु & स्वादिष्ठपरकाष्टाप्तत्वद्भक्तिरसनिर्भरः

śuṣkakaṃ maiva siddheya maiva mucyeya vāpi tu & svādiṣṭhaparakāṣṭāptatvadbhaktirasanirbharaḥ

Sanskrit only: no published translation is held for this verse.

यथैवज्ञातपूर्वो ऽयं भवद्भक्तिरसो मम & घटितस् तद्वद् ईशान स एव परिपुष्यतु

yathaivajñātapūrvo 'yaṃ bhavadbhaktiraso mama & ghaṭitas tadvad īśāna sa eva paripuṣyatu

Sanskrit only: no published translation is held for this verse.

सत्येन भगवन् नान्यः प्रार्थनाप्रसरो ऽस्ति मे & केवलं स तथा को ऽपि भक्त्यावेशो ऽस्तु मे सदा

satyena bhagavan nānyaḥ prārthanāprasaro 'sti me & kevalaṃ sa tathā ko 'pi bhaktyāveśo 'stu me sadā

Sanskrit only: no published translation is held for this verse.

भक्तिक्षीवो ऽपि कुप्येयं भवायानुशयीय च & तथा हसेयं उद्यां च रटेयं च शिवेत्य् अलम्

bhaktikṣīvo 'pi kupyeyaṃ bhavāyānuśayīya ca & tathā haseyaṃ udyāṃ ca raṭeyaṃ ca śivety alam

Sanskrit only: no published translation is held for this verse.

विषमस्थो ऽपि स्वस्थो ऽपि रुदन्न् अपि हसन्न् अपि & गम्भीरो ऽपि विचित्तो ऽपि भवेयं भक्तितः प्रभो

viṣamastho 'pi svastho 'pi rudann api hasann api & gambhīro 'pi vicitto 'pi bhaveyaṃ bhaktitaḥ prabho

Sanskrit only: no published translation is held for this verse.

भक्तानां नास्ति संवेद्यं त्वदन्तर् यदि वा बहिः & चिद्धर्मा यत्र न भवान् निर्विकल्पः स्थितः स्वयम्

bhaktānāṃ nāsti saṃvedyaṃ tvadantar yadi vā bahiḥ & ciddharmā yatra na bhavān nirvikalpaḥ sthitaḥ svayam

Sanskrit only: no published translation is held for this verse.

भक्ता निन्दानुकरे ऽपि तवामृतकणैर् इव & हृष्यन्त्य् एवान्तराविद्धास् तीक्ष्णरोमाञ्चसूचिभिः

bhaktā nindānukare 'pi tavāmṛtakaṇair iva & hṛṣyanty evāntarāviddhās tīkṣṇaromāñcasūcibhiḥ

Sanskrit only: no published translation is held for this verse.

दुःखापि वेदना भक्तिमतां भोगाय कल्पते & येषां सुधार्द्रा सर्वैव संवित् त्वच्चन्द्रिकामयी

duḥkhāpi vedanā bhaktimatāṃ bhogāya kalpate & yeṣāṃ sudhārdrā sarvaiva saṃvit tvaccandrikāmayī

Sanskrit only: no published translation is held for this verse.

यत्र तत्रोपरुद्धानां भक्तानां बहिरन्तरे & निर्व्याजं त्वद्वपुःस्पर्शरसास्वादसुखं समम्

yatra tatroparuddhānāṃ bhaktānāṃ bahirantare & nirvyājaṃ tvadvapuḥsparśarasāsvādasukhaṃ samam

Sanskrit only: no published translation is held for this verse.

तवेश भक्तेर् अर्चायां दैन्यांशं द्वयसंश्रयम् & विलुप्यास्वादयन्त्य् एके वपुर् अच्छं सुधामयम्

taveśa bhakter arcāyāṃ dainyāṃśaṃ dvayasaṃśrayam & vilupyāsvādayanty eke vapur acchaṃ sudhāmayam

Sanskrit only: no published translation is held for this verse.

भ्रान्तास् तीर्थदृशो भिन्ना भ्रान्तेर् एव हि भिन्नता & निष्प्रतिद्वन्द्वि वस्त्व् एकं भक्तानां त्वं तु राजसे

bhrāntās tīrthadṛśo bhinnā bhrānter eva hi bhinnatā & niṣpratidvandvi vastv ekaṃ bhaktānāṃ tvaṃ tu rājase

Sanskrit only: no published translation is held for this verse.

मानावमानरागादिनिष्पाकविमलं मनः & यस्यासौ भक्तिमांल् लोकतुल्यशीलः कथं भवेत्

mānāvamānarāgādiniṣpākavimalaṃ manaḥ & yasyāsau bhaktimāṃl lokatulyaśīlaḥ kathaṃ bhavet

Sanskrit only: no published translation is held for this verse.

रागद्वेषन्धकारो ऽपि येषां भक्तित्विषा जितः & तेषां महीयसाम् अग्रे कतमे ज्ञानशालिनः

rāgadveṣandhakāro 'pi yeṣāṃ bhaktitviṣā jitaḥ & teṣāṃ mahīyasām agre katame jñānaśālinaḥ

Sanskrit only: no published translation is held for this verse.

यस्य भक्तिसुधास्नानपानादिविधिसाधनम् & तस्य प्रारब्धमध्यान्तदशासूच्चैः सुखासिका

yasya bhaktisudhāsnānapānādividhisādhanam & tasya prārabdhamadhyāntadaśāsūccaiḥ sukhāsikā

Sanskrit only: no published translation is held for this verse.

कीर्त्यश् चिन्तापदं मृग्यः पूज्यो येन त्वम् एव तत् & भवद्भक्तिमतां श्लाघ्या लोकयात्रा भवन्मयी

kīrtyaś cintāpadaṃ mṛgyaḥ pūjyo yena tvam eva tat & bhavadbhaktimatāṃ ślāghyā lokayātrā bhavanmayī

Sanskrit only: no published translation is held for this verse.

मुक्तिसंज्ञा विपक्वाया भक्तेर् एव त्वयि प्रभो & तस्याम् आद्यदशारूढा मुक्तकल्पा वयं ततः

muktisaṃjñā vipakvāyā bhakter eva tvayi prabho & tasyām ādyadaśārūḍhā muktakalpā vayaṃ tataḥ

Sanskrit only: no published translation is held for this verse.

दुःखागमो ऽपि भूयान् मे त्वद्भक्तिभरितात्मनः & त्वत्पराची विभो मा भूद् अपि सौख्यपरम्परा

duḥkhāgamo 'pi bhūyān me tvadbhaktibharitātmanaḥ & tvatparācī vibho mā bhūd api saukhyaparamparā

Sanskrit only: no published translation is held for this verse.

त्वं भक्त्या प्रीयसे भक्तिः प्रीते त्वयि च नाथ यत् & तदन्योन्याश्रयं युक्तं यथा वेत्थ त्वम् एव तत्

tvaṃ bhaktyā prīyase bhaktiḥ prīte tvayi ca nātha yat & tadanyonyāśrayaṃ yuktaṃ yathā vettha tvam eva tat

Sanskrit only: no published translation is held for this verse.

साकारो वा निराकरो वान्तर् वा बहिर् एव वा & भक्तिमत्तात्मनां नाथ सर्वथासि सुधामयः

sākāro vā nirākaro vāntar vā bahir eva vā & bhaktimattātmanāṃ nātha sarvathāsi sudhāmayaḥ

Sanskrit only: no published translation is held for this verse.

अस्मिन्न् एव जगत्य् अन्तर् भवद्भक्तिमतः प्रति & हर्षप्रकाशनफलम् अन्यद् एव जगत्स्थितम्

asminn eva jagaty antar bhavadbhaktimataḥ prati & harṣaprakāśanaphalam anyad eva jagatsthitam

Sanskrit only: no published translation is held for this verse.

गुह्ये भक्तिः परे भक्तिर् भक्तिर् विश्वमहेश्वरे & त्वयि शम्भौ शिवे देव भक्तिर् नाम किम् अप्य् अहो

guhye bhaktiḥ pare bhaktir bhaktir viśvamaheśvare & tvayi śambhau śive deva bhaktir nāma kim apy aho

Sanskrit only: no published translation is held for this verse.

भक्तिर् भक्तिः परे भक्तिर् भक्तिर् नाम समुत्कटा & तारं विरौमि यत् तीव्रा भक्तिर् मे ऽस्तु परं त्वयि

bhaktir bhaktiḥ pare bhaktir bhaktir nāma samutkaṭā & tāraṃ viraumi yat tīvrā bhaktir me 'stu paraṃ tvayi

Sanskrit only: no published translation is held for this verse.

यतो ऽस्मि सर्वशोभानां प्रसवावनिर् ईश तत् & त्वयि लग्नम् अनर्घं स्याद् रत्नम् वा यदि वा तृणम्

yato 'smi sarvaśobhānāṃ prasavāvanir īśa tat & tvayi lagnam anarghaṃ syād ratnam vā yadi vā tṛṇam

Sanskrit only: no published translation is held for this verse.

आवेदकाद् आ च वेद्याद् येषां संवेदनाध्वनि & भवता न वियोगो ऽस्ति ते जयन्ति भवज्जुषः

āvedakād ā ca vedyād yeṣāṃ saṃvedanādhvani & bhavatā na viyogo 'sti te jayanti bhavajjuṣaḥ

Sanskrit only: no published translation is held for this verse.

संसारसदसो बाह्ये कैश् चित्त्वं परिरभ्यसे & स्वामिन् परैस् तु तत्रैव ताम्यद्भिस् त्यक्तयन्त्रणैः

saṃsārasadaso bāhye kaiś cittvaṃ parirabhyase & svāmin parais tu tatraiva tāmyadbhis tyaktayantraṇaiḥ

Sanskrit only: no published translation is held for this verse.

पानाशनप्रसाधनसम्भुक्तसमस्तविश्वया शिवया & प्रलयोत्सवसरभसया दृढम् उपगूढं शिवं वन्दे

pānāśanaprasādhanasambhuktasamastaviśvayā śivayā & pralayotsavasarabhasayā dṛḍham upagūḍhaṃ śivaṃ vande

Sanskrit only: no published translation is held for this verse.

परमेश्वरता जयत्य् अपूर्वा तव विश्वेश यदीशितव्यशून्या & अपरापि तथैव ते ययेदं जगद् आभाति यथा तथा न भाति

parameśvaratā jayaty apūrvā tava viśveśa yadīśitavyaśūnyā & aparāpi tathaiva te yayedaṃ jagad ābhāti yathā tathā na bhāti

Sanskrit only: no published translation is held for this verse.