Utpaladeva: Sivastotravali 17

दिव्यक्रीडाबहुमाननाम सप्तदसं स्तोत्रम् अहो को ऽपि जयत्य् एष स्वादुः पूजामहोत्सवः & यतो ऽमृतरसास्वादम् अश्रूण्य् अपि ददत्य् अलम्

divyakrīḍābahumānanāma saptadasaṃ stotram aho ko 'pi jayaty eṣa svāduḥ pūjāmahotsavaḥ & yato 'mṛtarasāsvādam aśrūṇy api dadaty alam

Sanskrit only: no published translation is held for this verse.

व्यापाराः सिद्धिदाः सर्वे ये त्वत्पूजापुरःसराः & भक्तानां त्वन्मयाः सर्वे स्वयं सिद्धय एव ते

vyāpārāḥ siddhidāḥ sarve ye tvatpūjāpuraḥsarāḥ & bhaktānāṃ tvanmayāḥ sarve svayaṃ siddhaya eva te

Sanskrit only: no published translation is held for this verse.

सर्वदा सर्वभावेषु युगपत् सर्वरूपिणम् & त्वाम् अर्चयन्त्य् अविश्रन्तं ये ममैते ऽधिदेवताः

sarvadā sarvabhāveṣu yugapat sarvarūpiṇam & tvām arcayanty aviśrantaṃ ye mamaite 'dhidevatāḥ

Sanskrit only: no published translation is held for this verse.

ध्यानायसतिरस्कारसिद्धस् त्वत्स्पर्शनोत्सवः & पूजाविधिर् इति ख्यातो भक्तानां स सदास् तु मे

dhyānāyasatiraskārasiddhas tvatsparśanotsavaḥ & pūjāvidhir iti khyāto bhaktānāṃ sa sadās tu me

Sanskrit only: no published translation is held for this verse.

भक्तानां समतासारविषुवत्समयः सदा & त्वद्भावरसपीयूषरसेन्नैषां सदार्चनम्

bhaktānāṃ samatāsāraviṣuvatsamayaḥ sadā & tvadbhāvarasapīyūṣarasennaiṣāṃ sadārcanam

Sanskrit only: no published translation is held for this verse.

यस्यानारम्भपर्यन्तौ न च कालक्रमः प्रभो & पूजात्मासौ क्रिया तस्याः कर्तारस् त्वज्जुषः परम्

yasyānārambhaparyantau na ca kālakramaḥ prabho & pūjātmāsau kriyā tasyāḥ kartāras tvajjuṣaḥ param

Sanskrit only: no published translation is held for this verse.

ब्रह्मादीनाम् अपीशास्ते ते च सौभाग्यभागिनः & येषां स्वप्ने ऽपि मोहे ऽपि स्थितस् त्वत्पूजनोत्सवः

brahmādīnām apīśāste te ca saubhāgyabhāginaḥ & yeṣāṃ svapne 'pi mohe 'pi sthitas tvatpūjanotsavaḥ

Sanskrit only: no published translation is held for this verse.

जपतां जुह्वतां स्नातां ध्यायतां न च केवलम् & भक्तानां भवदभ्यर्चामहो यावद् यदा तदा

japatāṃ juhvatāṃ snātāṃ dhyāyatāṃ na ca kevalam & bhaktānāṃ bhavadabhyarcāmaho yāvad yadā tadā

Sanskrit only: no published translation is held for this verse.

भवत्पूजासुधास्वादसम्भोगसुखिनः सदा & इन्द्रादीनाम् अथ ब्रह्ममुख्यानाम् अस्ति कः समः

bhavatpūjāsudhāsvādasambhogasukhinaḥ sadā & indrādīnām atha brahmamukhyānām asti kaḥ samaḥ

Sanskrit only: no published translation is held for this verse.

जगत्क्षोभैकजनके भवत्पूजामहोत्सवे & यत्प्राप्यं प्राप्यते किंचिद् भक्ता एव विदन्ति तत्

jagatkṣobhaikajanake bhavatpūjāmahotsave & yatprāpyaṃ prāpyate kiṃcid bhaktā eva vidanti tat

Sanskrit only: no published translation is held for this verse.

त्वद्धाम्नि चिन्मये स्थित्वा षट्त्रिंशत्तत्त्वकर्मभिः & कायवाक्चित्तचेष्टाद्यैर् अर्चये त्वां सदा विभो

tvaddhāmni cinmaye sthitvā ṣaṭtriṃśattattvakarmabhiḥ & kāyavākcittaceṣṭādyair arcaye tvāṃ sadā vibho

Sanskrit only: no published translation is held for this verse.

भवत्पूजामयासङ्गसम्भोगसुखिनो मम & प्रयातु कालः सकलो ऽप्य् अनन्तो ऽपीयदर्थये

bhavatpūjāmayāsaṅgasambhogasukhino mama & prayātu kālaḥ sakalo 'py ananto 'pīyadarthaye

Sanskrit only: no published translation is held for this verse.

भवत्पूजामृतरसाभोगलम्पटत विभो & विवर्धताम् अनुदिनं सदा च फलतां मम

bhavatpūjāmṛtarasābhogalampaṭata vibho & vivardhatām anudinaṃ sadā ca phalatāṃ mama

Sanskrit only: no published translation is held for this verse.

जगद्विलयसञ्जातसुधैकरसनिर्भरे & त्वदब्धौ त्वां महात्मानम् अर्चन्नासीय सर्वदा

jagadvilayasañjātasudhaikarasanirbhare & tvadabdhau tvāṃ mahātmānam arcannāsīya sarvadā

Sanskrit only: no published translation is held for this verse.

अशेषवासनाग्रन्थिविच्छेदसरलं सदा & मनो निवेद्यते भक्तैः स्वादु पूजाविधौ तव

aśeṣavāsanāgranthivicchedasaralaṃ sadā & mano nivedyate bhaktaiḥ svādu pūjāvidhau tava

Sanskrit only: no published translation is held for this verse.

अधिष्ठायैव विषयानिमाः करणवृत्तयः & भक्तानां प्रेषयन्ति स्वत्पूजार्थम् अमृतासवम्

adhiṣṭhāyaiva viṣayānimāḥ karaṇavṛttayaḥ & bhaktānāṃ preṣayanti svatpūjārtham amṛtāsavam

Sanskrit only: no published translation is held for this verse.

भक्तानां भक्तिसंवेगमहोष्मविवशात्मनाम् & को ऽन्यो निर्वाणहेतुः स्यात् त्वत्पूजामृतमज्जनात्

bhaktānāṃ bhaktisaṃvegamahoṣmavivaśātmanām & ko 'nyo nirvāṇahetuḥ syāt tvatpūjāmṛtamajjanāt

Sanskrit only: no published translation is held for this verse.

सततं त्वत्पदाभ्यर्चासुधापानमहोत्सवः & त्वत्प्रसादैकसम्प्राप्तिहेतुर् मे नाथ कल्पताम्

satataṃ tvatpadābhyarcāsudhāpānamahotsavaḥ & tvatprasādaikasamprāptihetur me nātha kalpatām

Sanskrit only: no published translation is held for this verse.

अनुभूयासमीशान प्रतिकर्म क्षणात् क्षणम् & भवत्पूजामृतापानमदास्वादमहामुदम्

anubhūyāsamīśāna pratikarma kṣaṇāt kṣaṇam & bhavatpūjāmṛtāpānamadāsvādamahāmudam

Sanskrit only: no published translation is held for this verse.

दृष्टर्थ एव भक्तानां भवत्पूजामहोद्यमः & तदैव यद् असम्भाव्यं सुखम् आस्वादयन्ति ते

dṛṣṭartha eva bhaktānāṃ bhavatpūjāmahodyamaḥ & tadaiva yad asambhāvyaṃ sukham āsvādayanti te

Sanskrit only: no published translation is held for this verse.

यावन् न लब्धस् त्वत्पूजासुधास्वादमहोत्सवः & तावन् नास्वादितो मन्ये लवो ऽपि सुखसम्पदः

yāvan na labdhas tvatpūjāsudhāsvādamahotsavaḥ & tāvan nāsvādito manye lavo 'pi sukhasampadaḥ

Sanskrit only: no published translation is held for this verse.

भक्तानां विषयन्वेषाभासायासाद् विनैव सा & अयत्नसिद्धं त्वद्धामस्थितिः पूजासु जायते

bhaktānāṃ viṣayanveṣābhāsāyāsād vinaiva sā & ayatnasiddhaṃ tvaddhāmasthitiḥ pūjāsu jāyate

Sanskrit only: no published translation is held for this verse.

न प्राप्यम् अस्ति भक्तनां नाप्य् एषाम् अस्ति दुर्लभम् & केवलं विचरन्त्य् एते भवत्पूजामदोन्मदाः

na prāpyam asti bhaktanāṃ nāpy eṣām asti durlabham & kevalaṃ vicaranty ete bhavatpūjāmadonmadāḥ

Sanskrit only: no published translation is held for this verse.

अहो भक्तिभरोदारचेतसां वरद त्वयि & स्लाघ्यः पूजाविधिः को ऽपि यो न याच्ञाकलंकितः

aho bhaktibharodāracetasāṃ varada tvayi & slāghyaḥ pūjāvidhiḥ ko 'pi yo na yācñākalaṃkitaḥ

Sanskrit only: no published translation is held for this verse.

का न शोभा न को ह्लादः का समृद्धिर् न वापरा & को वा न मोक्षः को ऽप्य् एष महादेवो यद् अर्च्यते

kā na śobhā na ko hlādaḥ kā samṛddhir na vāparā & ko vā na mokṣaḥ ko 'py eṣa mahādevo yad arcyate

Sanskrit only: no published translation is held for this verse.

अन्तरुल्लसदच्छाच्छभक्तिपीयूषपोषितम् & भवत्पूजोपयोगाय शरीरम् इदम् अस्तु मे

antarullasadacchācchabhaktipīyūṣapoṣitam & bhavatpūjopayogāya śarīram idam astu me

Sanskrit only: no published translation is held for this verse.

त्वत्पादपूजासम्भोगपरतन्त्रः सदा विभो & भूयासं जगताम् ईश एकः स्वच्छन्दचेष्टितः

tvatpādapūjāsambhogaparatantraḥ sadā vibho & bhūyāsaṃ jagatām īśa ekaḥ svacchandaceṣṭitaḥ

Sanskrit only: no published translation is held for this verse.

त्वद्ध्यानदर्शनस्पर्शतृषि केषाम् अपि प्रभो & जायते शीतलस्वादु भवत्पूजामहासरः

tvaddhyānadarśanasparśatṛṣi keṣām api prabho & jāyate śītalasvādu bhavatpūjāmahāsaraḥ

Sanskrit only: no published translation is held for this verse.

यथा त्वम् एव जगतः पूजासम्भोगभाजनम् & तथेश भक्तिमान् एव पूजासम्भोगभाजनम्

yathā tvam eva jagataḥ pūjāsambhogabhājanam & tatheśa bhaktimān eva pūjāsambhogabhājanam

Sanskrit only: no published translation is held for this verse.

को ऽप्य् असौ जयति स्वामिन् भवत्पूजामहोत्सवः & षट्त्रिंशतो ऽपि तत्त्वानां क्षोभो यत्रोल्लसत्य् अलम्

ko 'py asau jayati svāmin bhavatpūjāmahotsavaḥ & ṣaṭtriṃśato 'pi tattvānāṃ kṣobho yatrollasaty alam

Sanskrit only: no published translation is held for this verse.

नमस् तेभ्यो विभो येषां भक्तिपीयूषवारिणा & पूज्यान्य् एव भवन्ति त्वत्पूजोपकरणान्य् अपि

namas tebhyo vibho yeṣāṃ bhaktipīyūṣavāriṇā & pūjyāny eva bhavanti tvatpūjopakaraṇāny api

Sanskrit only: no published translation is held for this verse.

पूजारम्भे विभो ध्यात्वा मन्त्राधेयां त्वदात्मताम् & स्वात्मन्य् एव परे भक्ता मान्ति हर्षेण न क्वचित्

pūjārambhe vibho dhyātvā mantrādheyāṃ tvadātmatām & svātmany eva pare bhaktā mānti harṣeṇa na kvacit

Sanskrit only: no published translation is held for this verse.

राज्यलाभादिवोत्फुल्लैः कैश् चित् पूजामहोत्सवे & सुधासवेन सकला जगती संविभज्यते

rājyalābhādivotphullaiḥ kaiś cit pūjāmahotsave & sudhāsavena sakalā jagatī saṃvibhajyate

Sanskrit only: no published translation is held for this verse.

पूजामृतापानमयो येषां भोगः प्रतिक्षणम् & किं देवा उत मुक्तास् ते किं वा के ऽप्य् एव ते जनाः

pūjāmṛtāpānamayo yeṣāṃ bhogaḥ pratikṣaṇam & kiṃ devā uta muktās te kiṃ vā ke 'py eva te janāḥ

Sanskrit only: no published translation is held for this verse.

पूजोपकरणीभूतविश्ववेशेन गौरवम् & अहो किम् अपि भक्तानां किम् अप्य् एव च लाघवम्

pūjopakaraṇībhūtaviśvaveśena gauravam & aho kim api bhaktānāṃ kim apy eva ca lāghavam

Sanskrit only: no published translation is held for this verse.

पूजामयाक्षविक्षेपक्षोभादेवामृतोद्गमः & भक्तानां क्षीरजलधिक्षोभाद् इव दिवौकसाम्

pūjāmayākṣavikṣepakṣobhādevāmṛtodgamaḥ & bhaktānāṃ kṣīrajaladhikṣobhād iva divaukasām

Sanskrit only: no published translation is held for this verse.

पूजां के चन मन्यन्ते धेनुं कामदुघाम् इव & सुधाधाराधिकरसां धयन्त्य् अन्तर्मुखाः परे

pūjāṃ ke cana manyante dhenuṃ kāmadughām iva & sudhādhārādhikarasāṃ dhayanty antarmukhāḥ pare

Sanskrit only: no published translation is held for this verse.

भक्तानाम् अक्षविक्षेपो ऽप्य् एष संसारसंमतः & उपनीय किम् अप्य् अन्तः पुष्णात्य् अर्चामहोत्सवम्

bhaktānām akṣavikṣepo 'py eṣa saṃsārasaṃmataḥ & upanīya kim apy antaḥ puṣṇāty arcāmahotsavam

Sanskrit only: no published translation is held for this verse.

भक्तिक्षोभवशाद् ईश स्वात्मभूते ऽर्चनं त्वयि & चित्रं दैन्याय नो यावद् दीनतायाः परं फलम्

bhaktikṣobhavaśād īśa svātmabhūte 'rcanaṃ tvayi & citraṃ dainyāya no yāvad dīnatāyāḥ paraṃ phalam

Sanskrit only: no published translation is held for this verse.

उपचारपदं पूजा केषां चित् त्वत्पदाप्तये & भक्तानां भवदैकात्म्यनिर्वृत्तिप्रसरस् तु सः

upacārapadaṃ pūjā keṣāṃ cit tvatpadāptaye & bhaktānāṃ bhavadaikātmyanirvṛttiprasaras tu saḥ

Sanskrit only: no published translation is held for this verse.

अप्य् असम्बद्धरूपार्चाभक्त्युन्मादनिरर्गलैः & वितन्यमाना लभते प्रतिष्ठां त्वयि काम् अपि

apy asambaddharūpārcābhaktyunmādanirargalaiḥ & vitanyamānā labhate pratiṣṭhāṃ tvayi kām api

Sanskrit only: no published translation is held for this verse.

स्वादुभक्तिरसास्वादस्तब्धीभूतमनश् च्युताम् & शम्भो त्वम् एव ललितः पूजानां किल भाजनम्

svādubhaktirasāsvādastabdhībhūtamanaś cyutām & śambho tvam eva lalitaḥ pūjānāṃ kila bhājanam

Sanskrit only: no published translation is held for this verse.

परिपूर्णानि शुद्धानि भक्तिमन्ति स्थिराणि च & भवत्पूजाविधौ नाथ साधनानि भवन्तु मे

paripūrṇāni śuddhāni bhaktimanti sthirāṇi ca & bhavatpūjāvidhau nātha sādhanāni bhavantu me

Sanskrit only: no published translation is held for this verse.

अशेषपूजासत्कोशे त्वत्पूजाकर्मणि प्रभो & अहो करणवृन्दस्य कापि लक्ष्मीर् विजृम्भते

aśeṣapūjāsatkośe tvatpūjākarmaṇi prabho & aho karaṇavṛndasya kāpi lakṣmīr vijṛmbhate

Sanskrit only: no published translation is held for this verse.

एषा पेशलिमा नाथ तवैव किल दृश्यते & विश्वेश्वरो ऽपि भृत्यैर् यद् अर्च्यसे यश् च लभ्यसे

eṣā peśalimā nātha tavaiva kila dṛśyate & viśveśvaro 'pi bhṛtyair yad arcyase yaś ca labhyase

Sanskrit only: no published translation is held for this verse.

सदामुर्त्ताद् अमूर्त्ताद्वा भावाद् यद् वाप्य् अभावतः & उत्थेयान् मे प्रशस्तस्य भवत्पूजामहोत्सवः

sadāmurttād amūrttādvā bhāvād yad vāpy abhāvataḥ & uttheyān me praśastasya bhavatpūjāmahotsavaḥ

Sanskrit only: no published translation is held for this verse.

कामक्रोधाभिमानैस् त्वाम् उपहरीकृतैः सदा & ये ऽर्चयन्ति नमस् तेभ्यस् तेषां तुष्टो ऽस्मि तत्त्वतः

kāmakrodhābhimānais tvām upaharīkṛtaiḥ sadā & ye 'rcayanti namas tebhyas teṣāṃ tuṣṭo 'smi tattvataḥ

Sanskrit only: no published translation is held for this verse.

जयत्य् एष भवद्भक्तिभाजां पूजाविधिः परः & यस् तृणैः क्रियमानो ऽपि रत्नैर् एवोपकल्पते

jayaty eṣa bhavadbhaktibhājāṃ pūjāvidhiḥ paraḥ & yas tṛṇaiḥ kriyamāno 'pi ratnair evopakalpate

Sanskrit only: no published translation is held for this verse.