Utpaladeva: Sivastotravali 3

प्रणयप्रसादाख्यं तृतीयं स्तोत्रम् सदसत्त्वेन भावानां युक्ता या द्वितयी गतिः & ताम् उल्लङ्घ्य तृतीयस्मै नमश् चित्राय शम्भवे

praṇayaprasādākhyaṃ tṛtīyaṃ stotram sadasattvena bhāvānāṃ yuktā yā dvitayī gatiḥ & tām ullaṅghya tṛtīyasmai namaś citrāya śambhave

Sanskrit only: no published translation is held for this verse.

आसुरर्षिजनाद् अस्मिन्न् अस्वतन्त्रे जगत्त्रये & स्वतन्त्रास् ते स्वतन्त्रस्य ये तवैवानुजीविनः

āsurarṣijanād asminn asvatantre jagattraye & svatantrās te svatantrasya ye tavaivānujīvinaḥ

Sanskrit only: no published translation is held for this verse.

अशेषविश्वखचितभवद्वपुर् अनुस्मृतिः & येषाम् भवरुजाम् एकं भेषजं ते सुखासिनः

aśeṣaviśvakhacitabhavadvapur anusmṛtiḥ & yeṣām bhavarujām ekaṃ bheṣajaṃ te sukhāsinaḥ

Sanskrit only: no published translation is held for this verse.

सितातपत्रं यस्येन्दुः स्वप्रभापरिपूरितः & चामरं स्वर्धुनीस्रोतः स एकः परमेश्वरः

sitātapatraṃ yasyenduḥ svaprabhāparipūritaḥ & cāmaraṃ svardhunīsrotaḥ sa ekaḥ parameśvaraḥ

Sanskrit only: no published translation is held for this verse.

प्रकाशां शीतलाम् एकां शुद्धां शशिकलाम् इव & दृशं वितर मे नाथ काम् अप्य् अमृतवाहिनीम्

prakāśāṃ śītalām ekāṃ śuddhāṃ śaśikalām iva & dṛśaṃ vitara me nātha kām apy amṛtavāhinīm

Sanskrit only: no published translation is held for this verse.

त्वच्चिदानन्दजलधेश् च्युताः संवित्तिविप्रुषः & इमाः कथं मे भगवन् नामृतास्वादसुन्दराः

tvaccidānandajaladheś cyutāḥ saṃvittivipruṣaḥ & imāḥ kathaṃ me bhagavan nāmṛtāsvādasundarāḥ

Sanskrit only: no published translation is held for this verse.

त्वयि रागरसे नाथ न मग्नं हृदयं प्रभो & येषाम् अहृदया एव ते ऽवज्ञस्पदम् ईदृशाः

tvayi rāgarase nātha na magnaṃ hṛdayaṃ prabho & yeṣām ahṛdayā eva te 'vajñaspadam īdṛśāḥ

Sanskrit only: no published translation is held for this verse.

प्रभुणा भवता यस्य जातं हृदयमेलनम् & प्राभवीणां विभूतीनां परमेकः स भाजनम्

prabhuṇā bhavatā yasya jātaṃ hṛdayamelanam & prābhavīṇāṃ vibhūtīnāṃ paramekaḥ sa bhājanam

Sanskrit only: no published translation is held for this verse.

हर्षाणाम् अथ शोकानां सर्वेषां प्लावकः समम् & भवद्ध्यानामृतापूरो निम्नाणिम्नभुवाम् इव

harṣāṇām atha śokānāṃ sarveṣāṃ plāvakaḥ samam & bhavaddhyānāmṛtāpūro nimnāṇimnabhuvām iva

Sanskrit only: no published translation is held for this verse.

केव न स्याद् दृशा तेषां सुखसम्भारनिर्भरा & येषाम् आत्माधिकेनेश न क्वापि विरहस् त्वया

keva na syād dṛśā teṣāṃ sukhasambhāranirbharā & yeṣām ātmādhikeneśa na kvāpi virahas tvayā

Sanskrit only: no published translation is held for this verse.

गर्जामि बत नृत्यामि पूर्णा मम मनोरथाः & स्वामी ममैष घटितो यत् त्वम् अत्यन्तरोचनः

garjāmi bata nṛtyāmi pūrṇā mama manorathāḥ & svāmī mamaiṣa ghaṭito yat tvam atyantarocanaḥ

Sanskrit only: no published translation is held for this verse.

नान्यद् वेद्यं क्रिया यत्र नान्यो योगो विदा च यत् & ज्ञानं स्यात् किं तु विश्वैकपूर्णा चित्त्वं विजृम्भते

nānyad vedyaṃ kriyā yatra nānyo yogo vidā ca yat & jñānaṃ syāt kiṃ tu viśvaikapūrṇā cittvaṃ vijṛmbhate

Sanskrit only: no published translation is held for this verse.

दुर्जयानाम् अनन्तानाम् दुःखानां सहसैव ते & हस्तात् पलायिता येषां वाचि शश्वच्छिवध्वनिः

durjayānām anantānām duḥkhānāṃ sahasaiva te & hastāt palāyitā yeṣāṃ vāci śaśvacchivadhvaniḥ

Sanskrit only: no published translation is held for this verse.

उत्तमः पुरुषो ऽन्यो ऽस्ति युष्मच्छेषविशेषितः & त्वं महापुरुषस् त्व् एको निःशेषपुरुषाश्रयः

uttamaḥ puruṣo 'nyo 'sti yuṣmaccheṣaviśeṣitaḥ & tvaṃ mahāpuruṣas tv eko niḥśeṣapuruṣāśrayaḥ

Sanskrit only: no published translation is held for this verse.

जयन्ति ते जगद्वन्द्या दासास् ते जगतां विभो & संसारार्णव एवैष येषां क्रीडामहासरः

jayanti te jagadvandyā dāsās te jagatāṃ vibho & saṃsārārṇava evaiṣa yeṣāṃ krīḍāmahāsaraḥ

Sanskrit only: no published translation is held for this verse.

आसतां तावद् अन्यानि दैन्यानीह भवज्जुषाम् & त्वम् एव प्रकटीभूया इत्य् अनेनैव लज्ज्यते

āsatāṃ tāvad anyāni dainyānīha bhavajjuṣām & tvam eva prakaṭībhūyā ity anenaiva lajjyate

Sanskrit only: no published translation is held for this verse.

मत्परं नास्ति तत्रापि जापको ऽस्मि तदैक्यतः & तत्त्वेन जप इत्य् अक्षमालया दिशसि क्वचित्

matparaṃ nāsti tatrāpi jāpako 'smi tadaikyataḥ & tattvena japa ity akṣamālayā diśasi kvacit

Sanskrit only: no published translation is held for this verse.

सतो ऽवश्यं परमसत् सच् च तस्मात् परं प्रभो & त्वं चासतः सतश् चान्यस् तेनासि सदसन्मयः

sato 'vaśyaṃ paramasat sac ca tasmāt paraṃ prabho & tvaṃ cāsataḥ sataś cānyas tenāsi sadasanmayaḥ

Sanskrit only: no published translation is held for this verse.

सहस्रसूर्यकिरणाधिकशुद्धप्रकाशवान् & अपि त्वं सर्वभुवनव्यापको ऽपि न दृश्यसे

sahasrasūryakiraṇādhikaśuddhaprakāśavān & api tvaṃ sarvabhuvanavyāpako 'pi na dṛśyase

Sanskrit only: no published translation is held for this verse.

जडे जगति चिद्रूपः किल वेद्ये ऽपि वेदकः & विभुर् मिते च येनासि तेन सर्वोत्तमो भवान्

jaḍe jagati cidrūpaḥ kila vedye 'pi vedakaḥ & vibhur mite ca yenāsi tena sarvottamo bhavān

Sanskrit only: no published translation is held for this verse.

अलम् आक्रन्दितैर् अन्यैर् इयद् एव पुरः प्रभोः & तीव्रं विरौमि यन् नाथ मुह्याम्य् एवं विदन्न् अपि

alam ākranditair anyair iyad eva puraḥ prabhoḥ & tīvraṃ viraumi yan nātha muhyāmy evaṃ vidann api

Sanskrit only: no published translation is held for this verse.