Utpaladeva: Sivastotravali 5

स्वबलनिदेशनाख्यं पञ्चमं स्तोत्रम् त्वत्पादपद्मसम्पर्कमात्रसम्भोगसङ्गिनम् & गलेपादिकया नाथ मां स्ववेश्म प्रवेशय

svabalanideśanākhyaṃ pañcamaṃ stotram tvatpādapadmasamparkamātrasambhogasaṅginam & galepādikayā nātha māṃ svaveśma praveśaya

Sanskrit only: no published translation is held for this verse.

भवत्पादाम्बुजरजोराजिरञ्जितमूर्धजः & अपाररभसारब्धनर्तनः स्याम् अहं कदा

bhavatpādāmbujarajorājirañjitamūrdhajaḥ & apārarabhasārabdhanartanaḥ syām ahaṃ kadā

Sanskrit only: no published translation is held for this verse.

त्वद् एकनाथो भगवन्न् इयद् एवार्थये सदा & त्वदन्तर्वसतिर् मूको भवेयं मान्यथा बुधः

tvad ekanātho bhagavann iyad evārthaye sadā & tvadantarvasatir mūko bhaveyaṃ mānyathā budhaḥ

Sanskrit only: no published translation is held for this verse.

अहो सुधानिधे स्वामिन्न् अहो मृष्ट त्रिलोचन & अहो स्वादो विरूपक्षेत्य् एव नृत्येयम् आरटन्

aho sudhānidhe svāminn aho mṛṣṭa trilocana & aho svādo virūpakṣety eva nṛtyeyam āraṭan

Sanskrit only: no published translation is held for this verse.

त्वत्पादपद्मसंस्पर्शपरिमीलितलोचनः & विजृम्भेयभवद्भक्तिमदिरामदघूर्णितः

tvatpādapadmasaṃsparśaparimīlitalocanaḥ & vijṛmbheyabhavadbhaktimadirāmadaghūrṇitaḥ

Sanskrit only: no published translation is held for this verse.

चित्तभूभृद् भुवि विभो वसेयं क्वापि यत्र सा & निरन्तरत्वत्प्रलापमयी वृत्तिर् महारसा

cittabhūbhṛd bhuvi vibho vaseyaṃ kvāpi yatra sā & nirantaratvatpralāpamayī vṛttir mahārasā

Sanskrit only: no published translation is held for this verse.

यत्र देवीसमेतस् त्वम् आसौधादा च गोपुरात् & बहुरूपः स्थितस् तस्मिन् वास्तव्यः स्याम् अहं पुरे

yatra devīsametas tvam āsaudhādā ca gopurāt & bahurūpaḥ sthitas tasmin vāstavyaḥ syām ahaṃ pure

Sanskrit only: no published translation is held for this verse.

समुल्लसन्तु भगवन् भवद्भानुमरीचयः & विकसत्वेष यावन् मे हृत्पद्मः पूजनाय ते

samullasantu bhagavan bhavadbhānumarīcayaḥ & vikasatveṣa yāvan me hṛtpadmaḥ pūjanāya te

Sanskrit only: no published translation is held for this verse.

प्रसीद भगवन् येन त्वत्पदे पतितं सदा & मनो मे तत्तदास्वाद्य क्षीवेद् इव गलेद् इव

prasīda bhagavan yena tvatpade patitaṃ sadā & mano me tattadāsvādya kṣīved iva galed iva

Sanskrit only: no published translation is held for this verse.

प्रहर्षाद् वाथ शोकाद् वा यदि कुङ्याद् धटाद् अपि & बाह्याद् अथान्तराद् भावात् प्रकटीभव मे प्रभो

praharṣād vātha śokād vā yadi kuṅyād dhaṭād api & bāhyād athāntarād bhāvāt prakaṭībhava me prabho

Sanskrit only: no published translation is held for this verse.

बहिर् अप्य् अन्तर् अपि तत् स्यन्दमानं सदास्तु मे & भवत्पादाम्बुजस्पर्शामृतम् अत्यन्तशीतलम्

bahir apy antar api tat syandamānaṃ sadāstu me & bhavatpādāmbujasparśāmṛtam atyantaśītalam

Sanskrit only: no published translation is held for this verse.

त्वत्पादसंस्पर्शसुधासरसो ऽन्तर्निमज्जनम् & को ऽप्य् एष सर्वसम्भोगलङ्घी भोगो ऽस्तु मे सदा

tvatpādasaṃsparśasudhāsaraso 'ntarnimajjanam & ko 'py eṣa sarvasambhogalaṅghī bhogo 'stu me sadā

Sanskrit only: no published translation is held for this verse.

निवेदितम् उपादत्स्व रागादि भगवन् मया & आदाय चामृतीकृत्य भुङ्क्ष्व भक्तजनैः समम्

niveditam upādatsva rāgādi bhagavan mayā & ādāya cāmṛtīkṛtya bhuṅkṣva bhaktajanaiḥ samam

Sanskrit only: no published translation is held for this verse.

अशेषभुवनाहारनित्यतृप्तः सुखासनम् & स्वामिन् गृहाण दासेषु प्रसादालोकनक्षणम्

aśeṣabhuvanāhāranityatṛptaḥ sukhāsanam & svāmin gṛhāṇa dāseṣu prasādālokanakṣaṇam

Sanskrit only: no published translation is held for this verse.

अन्तर्भक्तिचमत्कारचर्वणामीलितेक्षणः & नमो मह्यं शिवायेति पूजयम् स्यां तृणान्य् अपि

antarbhakticamatkāracarvaṇāmīlitekṣaṇaḥ & namo mahyaṃ śivāyeti pūjayam syāṃ tṛṇāny api

Sanskrit only: no published translation is held for this verse.

अपि लब्धभवद्भावः स्वात्मोल्लासमयं जगत् & पश्यन् भक्तिरसाभोगैर् भवेयम् अवियोजितः

api labdhabhavadbhāvaḥ svātmollāsamayaṃ jagat & paśyan bhaktirasābhogair bhaveyam aviyojitaḥ

Sanskrit only: no published translation is held for this verse.

आकाम्क्षणीयम् अपरं येन नाथ न विद्यते & तव तेनाद्वितीयस्य युक्तं यत् परिपूर्णता

ākāmkṣaṇīyam aparaṃ yena nātha na vidyate & tava tenādvitīyasya yuktaṃ yat paripūrṇatā

Sanskrit only: no published translation is held for this verse.

हस्यते नृत्यते यत्र रागद्वेषादि भुज्यते & पीयते भक्तिपीयूषरसस् तत् प्राप्नुयां पदम्

hasyate nṛtyate yatra rāgadveṣādi bhujyate & pīyate bhaktipīyūṣarasas tat prāpnuyāṃ padam

Sanskrit only: no published translation is held for this verse.

तत् तद् अपूर्वामोदत्वच्चिन्ताकुसुमवासना दृढताम् & एतु मम मनसि यावन्न् अश्यतु दुर्वासनागन्धः

tat tad apūrvāmodatvaccintākusumavāsanā dṛḍhatām & etu mama manasi yāvann aśyatu durvāsanāgandhaḥ

Sanskrit only: no published translation is held for this verse.

क्व नु रागादिषु रागः क्व च हरचरणाम्बुजेषु रागित्वम् & इत्थं विरोधरसिकं बोधय हितम् अमर मे हृदयम्

kva nu rāgādiṣu rāgaḥ kva ca haracaraṇāmbujeṣu rāgitvam & itthaṃ virodharasikaṃ bodhaya hitam amara me hṛdayam

Sanskrit only: no published translation is held for this verse.

विचरन् योगदशास्व् अपि विषयव्यावृत्तिवर्तमानो ऽपि & त्वच्चिन्तामदिरामदतरलीकृतहृदय एव स्याम्

vicaran yogadaśāsv api viṣayavyāvṛttivartamāno 'pi & tvaccintāmadirāmadataralīkṛtahṛdaya eva syām

Sanskrit only: no published translation is held for this verse.

वाचि मनोमतिषु तथा शरीरचेष्टासु करणरचितासु & सर्वत्र सर्वदा मे पुरःसरो भवतु भक्तिरसः

vāci manomatiṣu tathā śarīraceṣṭāsu karaṇaracitāsu & sarvatra sarvadā me puraḥsaro bhavatu bhaktirasaḥ

Sanskrit only: no published translation is held for this verse.

शिवशिवशिवेति नामनि तव निरवधि नाथ जप्यमाने ऽस्मिन् & आस्वादयन् भवेयं कम् अपि महारसम् अपुनरुक्तम्

śivaśivaśiveti nāmani tava niravadhi nātha japyamāne 'smin & āsvādayan bhaveyaṃ kam api mahārasam apunaruktam

Sanskrit only: no published translation is held for this verse.

स्फुरदनन्तचिदात्मकविष्टपे परिनिपीतसमस्तजडाध्वनि & अगणितापरचिन्मयगण्डिके प्रविचरेयम् अहं भवतो ऽर्चिता

sphuradanantacidātmakaviṣṭape parinipītasamastajaḍādhvani & agaṇitāparacinmayagaṇḍike pravicareyam ahaṃ bhavato 'rcitā

Sanskrit only: no published translation is held for this verse.

स्ववपुषि स्फुटभासिनि शाश्वते स्थितिकृते न किम् अप्य् उपयुज्यते & इति मतिः सुदृढा भवतात् परं मम भवच्चरणाब्जरजः शुचेः

svavapuṣi sphuṭabhāsini śāśvate sthitikṛte na kim apy upayujyate & iti matiḥ sudṛḍhā bhavatāt paraṃ mama bhavaccaraṇābjarajaḥ śuceḥ

Sanskrit only: no published translation is held for this verse.

किम् अपि नाथ कदाचन चेतसि स्फुरति तद् भवदंघ्रितलस्पृशाम् & गलति यत्र समस्तमिदं सुधासरसि विश्वम् इदं दिश मे सदा

kim api nātha kadācana cetasi sphurati tad bhavadaṃghritalaspṛśām & galati yatra samastamidaṃ sudhāsarasi viśvam idaṃ diśa me sadā

Sanskrit only: no published translation is held for this verse.