Utpaladeva: Sivastotravali 6

अध्वविस्फुरणाख्यं सस्थम् स्तोत्रम् क्षणमात्रम् अपीशान वियुक्तस्य त्वया मम & निबिडं तप्यमानस्य सदा भूया दृशः पदम्

adhvavisphuraṇākhyaṃ sastham stotram kṣaṇamātram apīśāna viyuktasya tvayā mama & nibiḍaṃ tapyamānasya sadā bhūyā dṛśaḥ padam

Sanskrit only: no published translation is held for this verse.

वियोगसारे संसारे प्रियेण प्रभुणा त्वया & अवियुक्तः सदैव स्यां जगतापि वियोजितः

viyogasāre saṃsāre priyeṇa prabhuṇā tvayā & aviyuktaḥ sadaiva syāṃ jagatāpi viyojitaḥ

Sanskrit only: no published translation is held for this verse.

कायवाङ्मनसैर् यत्र यामि सर्वं त्वम् एव तत् & इत्य् एष परमार्थो ऽपि परिपूर्णो ऽस्तु मे सदा

kāyavāṅmanasair yatra yāmi sarvaṃ tvam eva tat & ity eṣa paramārtho 'pi paripūrṇo 'stu me sadā

Sanskrit only: no published translation is held for this verse.

निर्विकल्पो महानन्दपूर्णो यद्वद् भवांस् तथा & भवत्स्तुतिकरी भूयाद् अनुरूपैव वाङ् मम

nirvikalpo mahānandapūrṇo yadvad bhavāṃs tathā & bhavatstutikarī bhūyād anurūpaiva vāṅ mama

Sanskrit only: no published translation is held for this verse.

भवदावेशतः पश्यन् भावं भावं भवन्मयम् & विचरेयं निराकाङ्क्षः प्रहर्षपरिपूरितः

bhavadāveśataḥ paśyan bhāvaṃ bhāvaṃ bhavanmayam & vicareyaṃ nirākāṅkṣaḥ praharṣaparipūritaḥ

Sanskrit only: no published translation is held for this verse.

भगवन्भवतः पूर्णम् पश्येयम् अखिलं जगत् & तावतैवास्मि सन्तुष्टस् ततो न परिखिद्यसे

bhagavanbhavataḥ pūrṇam paśyeyam akhilaṃ jagat & tāvataivāsmi santuṣṭas tato na parikhidyase

Sanskrit only: no published translation is held for this verse.

विलीयमानास् त्वय्य् एव व्योम्नि मेघलवा इव & भावा विभान्तु मे शश्वत् क्रमनैर्मल्यगामिनः

vilīyamānās tvayy eva vyomni meghalavā iva & bhāvā vibhāntu me śaśvat kramanairmalyagāminaḥ

Sanskrit only: no published translation is held for this verse.

स्वप्रभाप्रसरध्वस्तापर्यन्तध्वान्तसन्ततिः & सन्ततं भातु मे को ऽपि भवमध्याद् भवन्मणिः

svaprabhāprasaradhvastāparyantadhvāntasantatiḥ & santataṃ bhātu me ko 'pi bhavamadhyād bhavanmaṇiḥ

Sanskrit only: no published translation is held for this verse.

कां भूमिकां नाधिशेषे किं तत् स्याद् यन् न ते वपुः & श्रान्तस् तेनाप्रयासेन सर्वतस् त्वाम् अवाप्नुयाम्

kāṃ bhūmikāṃ nādhiśeṣe kiṃ tat syād yan na te vapuḥ & śrāntas tenāprayāsena sarvatas tvām avāpnuyām

Sanskrit only: no published translation is held for this verse.

भवदङ्गपरिष्वङ्गसम्भोगः स्वेच्छयैव मे & घटताम् इयति प्राप्ते किं नाथ न जितं मया

bhavadaṅgapariṣvaṅgasambhogaḥ svecchayaiva me & ghaṭatām iyati prāpte kiṃ nātha na jitaṃ mayā

Sanskrit only: no published translation is held for this verse.

प्रकटीभव नान्याभिः प्रार्थनाभिः कदर्थनाः & कुर्मस् ते नाथ ताम्यन्तस् त्वाम् एव मृगयामहे

prakaṭībhava nānyābhiḥ prārthanābhiḥ kadarthanāḥ & kurmas te nātha tāmyantas tvām eva mṛgayāmahe

Sanskrit only: no published translation is held for this verse.