Utpaladeva: Sivastotravali 7

विधुरविजयनामधेयं सप्तमं स्तोत्रम् त्वय्य् आनन्दसरस्वति समरसताम् एत्य नाथ मम चेतः & परिहरतु सकृद् इयन्तं भेदाधीनं महानर्थम्

vidhuravijayanāmadheyaṃ saptamaṃ stotram tvayy ānandasarasvati samarasatām etya nātha mama cetaḥ & pariharatu sakṛd iyantaṃ bhedādhīnaṃ mahānartham

Sanskrit only: no published translation is held for this verse.

एतन् मम न त्व् इदम् इति रागद्वेषादिनिगडदृढमूले & नाथ भवन्मयतैक्यप्रत्ययपरशुः पतत्वन्तः

etan mama na tv idam iti rāgadveṣādinigaḍadṛḍhamūle & nātha bhavanmayataikyapratyayaparaśuḥ patatvantaḥ

Sanskrit only: no published translation is held for this verse.

गलतु विकल्पकलङ्कावली समुल्लसतु हृदि निरर्गलता & भगवन्न् आनन्दरसप्लुतास्तु मे चिन्मयी मूर्तिः

galatu vikalpakalaṅkāvalī samullasatu hṛdi nirargalatā & bhagavann ānandarasaplutāstu me cinmayī mūrtiḥ

Sanskrit only: no published translation is held for this verse.

रागादिमयभवाण्डकलुठितं त्वद्भक्तिभावनाम्बिका तैस् तैः & आप्याययतु रसैर् मां प्रवृद्धपक्षो यथा भवामि खगः

rāgādimayabhavāṇḍakaluṭhitaṃ tvadbhaktibhāvanāmbikā tais taiḥ & āpyāyayatu rasair māṃ pravṛddhapakṣo yathā bhavāmi khagaḥ

Sanskrit only: no published translation is held for this verse.

त्वच्चरणभावनामृतरससारास्वादनैपुणं लभताम् & चित्तम् इदं निःशेषितविषयविषासङ्गवासनावधि मे

tvaccaraṇabhāvanāmṛtarasasārāsvādanaipuṇaṃ labhatām & cittam idaṃ niḥśeṣitaviṣayaviṣāsaṅgavāsanāvadhi me

Sanskrit only: no published translation is held for this verse.

त्वद्भक्तितपनदीधितिसंस्पर्शवशान् ममैष दूरतरम् & चेतोमणिर् विमूञ्चतुरागादिकतप्तवह्निकणान्

tvadbhaktitapanadīdhitisaṃsparśavaśān mamaiṣa dūrataram & cetomaṇir vimūñcaturāgādikataptavahnikaṇān

Sanskrit only: no published translation is held for this verse.

तस्मिन् पदे भवन्तं सततम् उपश्लोकयेयम् अत्युच्चैः & हरिहर्यश्वविरिञ्चा अपि यत्र बहिः प्रतीक्षन्ते

tasmin pade bhavantaṃ satatam upaślokayeyam atyuccaiḥ & hariharyaśvaviriñcā api yatra bahiḥ pratīkṣante

Sanskrit only: no published translation is held for this verse.

भक्तिमदजनितविभ्रमवशेन पश्येयम् अविकलं करणैः & शिवमयम् अखिलं लोकं क्रियाश् च पूजामयी सकलाः

bhaktimadajanitavibhramavaśena paśyeyam avikalaṃ karaṇaiḥ & śivamayam akhilaṃ lokaṃ kriyāś ca pūjāmayī sakalāḥ

Sanskrit only: no published translation is held for this verse.

मामकमनोगृहीतत्वद्भक्तिकुलाङ्गनाणिमादिसुतान् & सूत्वा सुबद्धमूला ममेति बुद्धिं दृढीकुरुताम्

māmakamanogṛhītatvadbhaktikulāṅganāṇimādisutān & sūtvā subaddhamūlā mameti buddhiṃ dṛḍhīkurutām

Sanskrit only: no published translation is held for this verse.