Utpaladeva: Sivastotravali 8

अलौकिकोद्बलनाख्यम् अष्टमं स्तोत्रम् यः प्रसादलव ईश्वरस्थितो या च भक्तिर् इव माम् उपेयुषी & तौ परस्परसमन्वितौ कदा तादृशे वपुषि रूढिम् एष्यतः

alaukikodbalanākhyam aṣṭamaṃ stotram yaḥ prasādalava īśvarasthito yā ca bhaktir iva mām upeyuṣī & tau parasparasamanvitau kadā tādṛśe vapuṣi rūḍhim eṣyataḥ

Sanskrit only: no published translation is held for this verse.

त्वत्प्रभुत्वपरिचर्वणजन्मा को ऽप्य् उदेतु परितोषरसो ऽन्तः & सर्वकालम् इह मे परम् अस्तु ज्ञानयोगमहिमादि विदूरे

tvatprabhutvaparicarvaṇajanmā ko 'py udetu paritoṣaraso 'ntaḥ & sarvakālam iha me param astu jñānayogamahimādi vidūre

Sanskrit only: no published translation is held for this verse.

लोकवद्भवतु मे विषयेषु स्फीत एव भगवन्परितर्षः & केवलं तव शरीरतयैतान्+ लोकयेयम् अहम् अस्तविकल्पः

lokavadbhavatu me viṣayeṣu sphīta eva bhagavanparitarṣaḥ & kevalaṃ tava śarīratayaitān+ lokayeyam aham astavikalpaḥ

Sanskrit only: no published translation is held for this verse.

देहभूमिषु तथा मनसि त्वं प्राणवर्त्मनि च भेदम् उपेते & संविदः पथिषु तेषु च तेन स्वात्मना मम भव स्फुटरूपः

dehabhūmiṣu tathā manasi tvaṃ prāṇavartmani ca bhedam upete & saṃvidaḥ pathiṣu teṣu ca tena svātmanā mama bhava sphuṭarūpaḥ

Sanskrit only: no published translation is held for this verse.

निजनिजेषु पदेषु पतन्त्व् इमाः करणवृत्तय उल्लसिता मम & क्षणमपीश मनाग् अपि मैव भूत् त्वदविभेदरसक्षतिसाहसम्

nijanijeṣu padeṣu patantv imāḥ karaṇavṛttaya ullasitā mama & kṣaṇamapīśa manāg api maiva bhūt tvadavibhedarasakṣatisāhasam

Sanskrit only: no published translation is held for this verse.

लघुमसृणसिताच्छशीतलं भवदावेशवशेन भावयन् & वपुर् अखिलपदार्थपद्धतेर् व्यवहारान् अतिवर्तयेय तान्

laghumasṛṇasitācchaśītalaṃ bhavadāveśavaśena bhāvayan & vapur akhilapadārthapaddhater vyavahārān ativartayeya tān

Sanskrit only: no published translation is held for this verse.

विकसतु स्ववपुर् भवदात्मकं समुपयान्तु जगन्ति ममाङ्गताम् & व्रजतु सर्वम् इदं द्वयवल्गितं स्मृतिपथोपगमे ऽप्य् अनुपाख्यताम्

vikasatu svavapur bhavadātmakaṃ samupayāntu jaganti mamāṅgatām & vrajatu sarvam idaṃ dvayavalgitaṃ smṛtipathopagame 'py anupākhyatām

Sanskrit only: no published translation is held for this verse.

समुदियाद् अपि तादृशतावकानन विलोक परामृतसम्प्लवः & मम घटेत यथा भवदद्वयाप्रथनघोरदरीपरिपूरणम्

samudiyād api tādṛśatāvakānana viloka parāmṛtasamplavaḥ & mama ghaṭeta yathā bhavadadvayāprathanaghoradarīparipūraṇam

Sanskrit only: no published translation is held for this verse.

अपि कदाचन तावकसङ्गमामृतकणाच्छुरणेन तनीयसा & सकललोकसुखेषु पराङ्मुखो न भवितास्म्य् उभयच्युत एव किम्

api kadācana tāvakasaṅgamāmṛtakaṇācchuraṇena tanīyasā & sakalalokasukheṣu parāṅmukho na bhavitāsmy ubhayacyuta eva kim

Sanskrit only: no published translation is held for this verse.

सततम् एव भवच्चरणाम्बुजाकरचरस्य हि हंसवरस्य मे & उपरि मूलतलाद् अपि चान्तराद् उपनमत्व् अज भक्तिमृणालिका

satatam eva bhavaccaraṇāmbujākaracarasya hi haṃsavarasya me & upari mūlatalād api cāntarād upanamatv aja bhaktimṛṇālikā

Sanskrit only: no published translation is held for this verse.

उपयान्तु विभो समस्तवस्तून्य् अपि चिन्ताविषयं दृशः पदं च & मम दर्शनचिन्तनप्रकाशामृतसाराणि परं परिस्फुरन्तु

upayāntu vibho samastavastūny api cintāviṣayaṃ dṛśaḥ padaṃ ca & mama darśanacintanaprakāśāmṛtasārāṇi paraṃ parisphurantu

Sanskrit only: no published translation is held for this verse.

परमेश्वर तेषु तेषु कृच्छ्रेष्व् अपि नामोपनमत्स्व् अहं भवेयम् & न परं गतभीस् त्वदङ्गसङ्गादुपजाताधिकसम्मदो ऽपि यावत्

parameśvara teṣu teṣu kṛcchreṣv api nāmopanamatsv ahaṃ bhaveyam & na paraṃ gatabhīs tvadaṅgasaṅgādupajātādhikasammado 'pi yāvat

Sanskrit only: no published translation is held for this verse.

भवदात्मनि विश्वम् उम्भितं यद् भवतैवापि बहिः प्रकाश्यते तत् & इति यद् दृढनिश्चयोपजुष्टं तद् इदानिं स्फुटम् एव भासताम्

bhavadātmani viśvam umbhitaṃ yad bhavataivāpi bahiḥ prakāśyate tat & iti yad dṛḍhaniścayopajuṣṭaṃ tad idāniṃ sphuṭam eva bhāsatām

Sanskrit only: no published translation is held for this verse.