प्राङ्मुखम् उदङ्मुखं वा सूतिकालयं कल्पयित्वा ध्रुवं प्रपद्ये शुभं प्रपद्य आशां प्रपद्य इति काले प्रपादयेत्
prāṅmukham udaṅmukhaṃ vā sūtikālayaṃ kalpayitvā dhruvaṃ prapadye śubhaṃ prapadya āśāṃ prapadya iti kāle prapādayet
Sanskrit only: no published translation is held for this verse.
रेतो मूत्रमिति च्यावनीभ्यां दक्षिणं कुक्षिम् अभिमृशेत् । श्रावयेद्वा
reto mūtramiti cyāvanībhyāṃ dakṣiṇaṃ kukṣim abhimṛśet / śrāvayedvā
Sanskrit only: no published translation is held for this verse.
पुत्रं जातम् अन्वक्षं स्नातं न मातोपहन्याद् आ मन्त्रप्रयोगात्
putraṃ jātam anvakṣaṃ snātaṃ na mātopahanyād ā mantraprayogāt
Sanskrit only: no published translation is held for this verse.
अग्नेर् अभ्याहितस्य परिसमूढस्य परिस्तीर्णस्य पश्चाद् अहते वाससि कुमारं प्राक्शिरसम् उत्तानं संवेश्य पलाशस्य मध्यमं पर्णं प्रवेष्ट्य तेनास्य कर्णाव् आजपेत् भूस् त्वयि दधानीति दक्षिणे । भुवस् त्वयि दधानीति सव्ये । स्वस् त्वयि दधानीति दक्षिणे । भूर् भुवः स्वस् त्वयि दधानीति सव्ये
agner abhyāhitasya parisamūḍhasya paristīrṇasya paścād ahate vāsasi kumāraṃ prākśirasam uttānaṃ saṃveśya palāśasya madhyamaṃ parṇaṃ praveṣṭya tenāsya karṇāv ājapet bhūs tvayi dadhānīti dakṣiṇe / bhuvas tvayi dadhānīti savye / svas tvayi dadhānīti dakṣiṇe / bhūr bhuvaḥ svas tvayi dadhānīti savye
Sanskrit only: no published translation is held for this verse.
अथैनम् अभिमन्त्रयेते । अश्मा भव परशुर् भव हिरण्यम् अस्तृतं भव । अङ्गाद् अङ्गात् सम्भवसि हृदयाद् अधिजायसे । आत्मा वै पुत्रनामासि स जीव शरदः शतम् । इति
athainam abhimantrayete / aśmā bhava paraśur bhava hiraṇyam astṛtaṃ bhava / aṅgād aṅgāt sambhavasi hṛdayād adhijāyase / ātmā vai putranāmāsi sa jīva śaradaḥ śatam / iti
Sanskrit only: no published translation is held for this verse.
यत्र शेते तदभिमृशेत् वेद ते भूमि हृदयं दिवि चन्द्रमसि श्रितम् । वेदामृतस्य देवा माहं पुत्र्यम् अघं रुदम् । इति
yatra śete tadabhimṛśet veda te bhūmi hṛdayaṃ divi candramasi śritam / vedāmṛtasya devā māhaṃ putryam aghaṃ rudam / iti
Sanskrit only: no published translation is held for this verse.
आज्यं संस्कृत्य ब्रह्माणम् आमन्त्र्य समिधम् आधायाघाराव् आघार्याज्यभागौ हुत्वा व्याहृतिभिश् चतस्र आज्याहुतीर् जुहुयात् । जयाभ्यातानानां राष्ट्रभृतश् चैके
ājyaṃ saṃskṛtya brahmāṇam āmantrya samidham ādhāyāghārāv āghāryājyabhāgau hutvā vyāhṛtibhiś catasra ājyāhutīr juhuyāt / jayābhyātānānāṃ rāṣṭrabhṛtaś caike
Sanskrit only: no published translation is held for this verse.
कांस्ये चमसे वाहूतिसम्पातान् अवनीय तस्मिन् सुवर्णं संनिघृष्य व्याहृतिभिः कुमारं चतुः प्राशयेत् । अत्यन्तम् एके सुवर्णप्राशनम् उदके निघृष्या द्वादशवर्षतायाः
kāṃsye camase vāhūtisampātān avanīya tasmin suvarṇaṃ saṃnighṛṣya vyāhṛtibhiḥ kumāraṃ catuḥ prāśayet / atyantam eke suvarṇaprāśanam udake nighṛṣyā dvādaśavarṣatāyāḥ
Sanskrit only: no published translation is held for this verse.
इषं पिन्व । ऊर्जं पिन्वेति स्तनौ प्रक्षाल्य प्रधापयेत् । दक्षिणं पूर्वं सव्यं पश्चात्
iṣaṃ pinva / ūrjaṃ pinveti stanau prakṣālya pradhāpayet / dakṣiṇaṃ pūrvaṃ savyaṃ paścāt
Sanskrit only: no published translation is held for this verse.
स्विष्टकृते हुत्वा प्रायश्चित्ताहुतीश्च समिधमाधाय पर्युक्षति
sviṣṭakṛte hutvā prāyaścittāhutīśca samidhamādhāya paryukṣati
Sanskrit only: no published translation is held for this verse.
एष कर्मान्तो बहिर्द्वारे ऽग्निर् नित्यः । कणसर्षपयवानां होमः । व्याहृतिभिर् जुहुयात्
eṣa karmānto bahirdvāre 'gnir nityaḥ / kaṇasarṣapayavānāṃ homaḥ / vyāhṛtibhir juhuyāt
Sanskrit only: no published translation is held for this verse.
अप्रतिरथं जपेत् । इन्द्रो भूतस्येति षडर्चं च
apratirathaṃ japet / indro bhūtasyeti ṣaḍarcaṃ ca
Sanskrit only: no published translation is held for this verse.
सूतिकालयं यथाकालं समन्ताद् उदकेन परिषिञ्चेत्
sūtikālayaṃ yathākālaṃ samantād udakena pariṣiñcet
Sanskrit only: no published translation is held for this verse.