Vagisvarakirti: Mrtyuvancanopadesa 3

॥ इति श्रीपण्डितवागीश्वरकीर्तिविरचिते मृत्युवञ्चनो"पदेशे द्वितीयः परिच्छेदः ॥ बाह्यम् आध्यात्मिकं चैव ज्ञात्वारिष्टकदम्बकम् । बाह्यश् चाध्यात्मिकश् चापि ज्ञेयो वञ्चनसंचयः

|| iti śrīpaṇḍitavāgīśvarakīrtiviracite mṛtyuvañcano"padeśe dvitīyaḥ paricchedaḥ || bāhyam ādhyātmikaṃ caiva jñātvāriṣṭakadambakam / bāhyaś cādhyātmikaś cāpi jñeyo vañcanasaṃcayaḥ

Sanskrit only: no published translation is held for this verse.

कायवाक्कर्मभिर् बाह्यम् आन्तरं ध्यानकर्मभिः । मणिमन्त्रौषधैर् बाह्यम् आन्तरं योगशक्तिभिः

kāyavākkarmabhir bāhyam āntaraṃ dhyānakarmabhiḥ / maṇimantrauṣadhair bāhyam āntaraṃ yogaśaktibhiḥ

Sanskrit only: no published translation is held for this verse.

श्रद्धया शक्यते कर्तुं मृत्युवञ्चनम् उद्यतैः । श्रद्धाम् अतो दृढीकुर्याद् अन्यथा स्याच् छ्रमः परः

śraddhayā śakyate kartuṃ mṛtyuvañcanam udyataiḥ / śraddhām ato dṛḍhīkuryād anyathā syāc chramaḥ paraḥ

Sanskrit only: no published translation is held for this verse.

कायक्लेशैर् बहुविधैर् न चाप्य् अर्थस्य राशिभिः । धर्मः संप्राप्यते सूक्ष्मः श्रद्धाहीनैः सुरैर् अपि

kāyakleśair bahuvidhair na cāpy arthasya rāśibhiḥ / dharmaḥ saṃprāpyate sūkṣmaḥ śraddhāhīnaiḥ surair api

Sanskrit only: no published translation is held for this verse.

श्रद्धा धर्मः परं सूक्ष्मः श्रद्धा ज्ञानं तपो हुतम् । श्रद्धा स्वर्गश् च मोक्षश् च श्रद्धा सर्वम् इदं जगत्

śraddhā dharmaḥ paraṃ sūkṣmaḥ śraddhā jñānaṃ tapo hutam / śraddhā svargaś ca mokṣaś ca śraddhā sarvam idaṃ jagat

Sanskrit only: no published translation is held for this verse.

सर्वस्वं जीवितं चापि दद्याद् अश्रद्धया यदि । नैवाप्नुयात् फलं किं चिच् छ्रद्दधानस् ततो भवेत्

sarvasvaṃ jīvitaṃ cāpi dadyād aśraddhayā yadi / naivāpnuyāt phalaṃ kiṃ cic chraddadhānas tato bhavet

Sanskrit only: no published translation is held for this verse.

आदौ धर्मपरो भूयान् मृत्युवञ्चनवाञ्छया । धर्मो हि त्रायते मृत्योर् मृत्युर् धर्मेण वञ्च्यते

ādau dharmaparo bhūyān mṛtyuvañcanavāñchayā / dharmo hi trāyate mṛtyor mṛtyur dharmeṇa vañcyate

Sanskrit only: no published translation is held for this verse.

न धर्मरहितस् तिष्ठेत् प्रमादात् क्षणमात्रकम् । ब्रह्मापि हि विना धर्मं न प्रभुर् मृत्युवञ्चने

na dharmarahitas tiṣṭhet pramādāt kṣaṇamātrakam / brahmāpi hi vinā dharmaṃ na prabhur mṛtyuvañcane

Sanskrit only: no published translation is held for this verse.

विदुषां संमतो धर्मः सत्यं दानं तपः क्षमा । विशेषेण कृपा येषां किं तेषां धर्मविस्तरैः

viduṣāṃ saṃmato dharmaḥ satyaṃ dānaṃ tapaḥ kṣamā / viśeṣeṇa kṛpā yeṣāṃ kiṃ teṣāṃ dharmavistaraiḥ

Sanskrit only: no published translation is held for this verse.

कारुण्यस्यन्दि हृदयं येषां सत्त्वेषु संततम् । तेषां ज्ञानं च मोक्षश् च किम् अन्यैर् धर्मविस्तरैः

kāruṇyasyandi hṛdayaṃ yeṣāṃ sattveṣu saṃtatam / teṣāṃ jñānaṃ ca mokṣaś ca kim anyair dharmavistaraiḥ

Sanskrit only: no published translation is held for this verse.

अहिंसा परमो धर्मः सर्वसिद्धान्तसंमतः । ताम् एवाभ्यस्यतो नित्यं मृत्युर् दूरायते क्रमात्

ahiṃsā paramo dharmaḥ sarvasiddhāntasaṃmataḥ / tām evābhyasyato nityaṃ mṛtyur dūrāyate kramāt

Sanskrit only: no published translation is held for this verse.

अल्पायुर् अपि दीर्घायुः सद्यः स्याज् जीवयन्न् इमान् । पक्षिमत्स्यमृगव्याडचौरादीन् वध्यदेशगान्

alpāyur api dīrghāyuḥ sadyaḥ syāj jīvayann imān / pakṣimatsyamṛgavyāḍacaurādīn vadhyadeśagān

Sanskrit only: no published translation is held for this verse.

दीर्घायुर् अपि मन्दायुः सद्यः स्यान् मारयन्न् इमान् । चौरमत्स्यमृगव्याडपक्षिणो जीवकाङ्क्षिणः

dīrghāyur api mandāyuḥ sadyaḥ syān mārayann imān / cauramatsyamṛgavyāḍapakṣiṇo jīvakāṅkṣiṇaḥ

Sanskrit only: no published translation is held for this verse.

दशाकुशलसंत्यागात् त्रिरत्नशरणात् तथा । पञ्चाष्टशिक्षाकरणान् मृत्युर् दूरगतो भवेत्

daśākuśalasaṃtyāgāt triratnaśaraṇāt tathā / pañcāṣṭaśikṣākaraṇān mṛtyur dūragato bhavet

Sanskrit only: no published translation is held for this verse.

बन्धनस्थान् उरुव्याधिपीडितान् भयकातरान् । त्रायमाणो भवेन् नूनं दीर्घायुर् मृत्युवञ्चकः

bandhanasthān uruvyādhipīḍitān bhayakātarān / trāyamāṇo bhaven nūnaṃ dīrghāyur mṛtyuvañcakaḥ

Sanskrit only: no published translation is held for this verse.

दीनानाथसलज्जेभ्यः शीलवद्भ्यो ऽपि चादरात् । ईप्सितार्थप्रदानेन ध्रुवम् आयुर् विवर्धते

dīnānāthasalajjebhyaḥ śīlavadbhyo 'pi cādarāt / īpsitārthapradānena dhruvam āyur vivardhate

Sanskrit only: no published translation is held for this verse.

मातापितृगुरुज्येष्ठज्ञानवृद्धादिगौरवात् । मानसत्कारदानाच् च मृत्युर् नैवोपसर्पति

mātāpitṛgurujyeṣṭhajñānavṛddhādigauravāt / mānasatkāradānāc ca mṛtyur naivopasarpati

Sanskrit only: no published translation is held for this verse.

स्वेष्टदैवततद्भक्तलिङ्गिनां प्रातर् आदरात् । दर्शनाद् वन्दनान् नित्यम् आयुषो वृद्धिर् आप्यते

sveṣṭadaivatatadbhaktaliṅgināṃ prātar ādarāt / darśanād vandanān nityam āyuṣo vṛddhir āpyate

Sanskrit only: no published translation is held for this verse.

भग्नस्फुटितचैत्यादाव् इष्टकादिप्रदानतः । स्याद् अल्पायुः सुदीर्घायुः पैण्डपातिकभिक्षुवत्

bhagnasphuṭitacaityādāv iṣṭakādipradānataḥ / syād alpāyuḥ sudīrghāyuḥ paiṇḍapātikabhikṣuvat

Sanskrit only: no published translation is held for this verse.

विहारस्तूपबिम्बादेः क्रिययारामरोपणात् । महाष्टस्थानपूजाभिर् आयुर् नित्यं विवर्धते

vihārastūpabimbādeḥ kriyayārāmaropaṇāt / mahāṣṭasthānapūjābhir āyur nityaṃ vivardhate

Sanskrit only: no published translation is held for this verse.

छन्दकभिक्षयोपात्तैर् द्रव्यैः संघस्य भोजनात् । सप्ताहायुश् चिरायुः स्याद् धर्माशोकनरेन्द्रवत्

chandakabhikṣayopāttair dravyaiḥ saṃghasya bhojanāt / saptāhāyuś cirāyuḥ syād dharmāśokanarendravat

Sanskrit only: no published translation is held for this verse.

वालुकाचैत्यकरणात् तथा सञ्चकताडनात् । चैत्यादिवन्दनाच् चैव ध्रुवम् आयुर् विवर्धते

vālukācaityakaraṇāt tathā sañcakatāḍanāt / caityādivandanāc caiva dhruvam āyur vivardhate

Sanskrit only: no published translation is held for this verse.

महासमाजकं सूत्रम् आटानाटीयकं तथा । सक्षुद्रकं महामेघं गाथाः सुस्वस्तिसंज्ञिताः

mahāsamājakaṃ sūtram āṭānāṭīyakaṃ tathā / sakṣudrakaṃ mahāmeghaṃ gāthāḥ susvastisaṃjñitāḥ

Sanskrit only: no published translation is held for this verse.

सत्कृत्य वाचयेद् भिक्षून् स्वयं वा संप्रवर्तयेत् । दीर्घम् आयुस् तथा प्राप्य मृत्योर् भवति वञ्चकः

satkṛtya vācayed bhikṣūn svayaṃ vā saṃpravartayet / dīrgham āyus tathā prāpya mṛtyor bhavati vañcakaḥ

Sanskrit only: no published translation is held for this verse.

गण्डव्यूहादिसूत्रान्तान् महायानप्रकाशकान् । एकाग्रो वाचयेन् नित्यं मृत्युवञ्चनम् अश्नुते

gaṇḍavyūhādisūtrāntān mahāyānaprakāśakān / ekāgro vācayen nityaṃ mṛtyuvañcanam aśnute

Sanskrit only: no published translation is held for this verse.

बुद्धभाषितनिःशेषयोगतन्त्रादिवाचनात् । पञ्चरक्षाविधानाद् वा मृत्युवञ्चनम् आप्यते

buddhabhāṣitaniḥśeṣayogatantrādivācanāt / pañcarakṣāvidhānād vā mṛtyuvañcanam āpyate

Sanskrit only: no published translation is held for this verse.

उष्णीषगर्भचैत्यादिप्रदक्षिणविधानतः । धारणीजपतश् चापि वञ्च्यते मृत्युर् उद्यतैः

uṣṇīṣagarbhacaityādipradakṣiṇavidhānataḥ / dhāraṇījapataś cāpi vañcyate mṛtyur udyataiḥ

Sanskrit only: no published translation is held for this verse.

ग्रहादिमातृकापाठात् तद्विधानपुरःसरात् । सहस्रावर्तधारण्या रत्नोल्कायाश् च जापतः

grahādimātṛkāpāṭhāt tadvidhānapuraḥsarāt / sahasrāvartadhāraṇyā ratnolkāyāś ca jāpataḥ

Sanskrit only: no published translation is held for this verse.

धारणीसंचयाद्युक्तधारणीजापतत्पराः । आसन्नम् अपि दूरस्थं मृत्युं कुर्वन्ति पण्डिताः

dhāraṇīsaṃcayādyuktadhāraṇījāpatatparāḥ / āsannam api dūrasthaṃ mṛtyuṃ kurvanti paṇḍitāḥ

Sanskrit only: no published translation is held for this verse.

मण्डलालेखनाद् धोमान् मुद्राणां बन्धनाद् अपि । बलीनां गणचक्राणां प्रदानान् मृत्युवञ्चनम्

maṇḍalālekhanād dhomān mudrāṇāṃ bandhanād api / balīnāṃ gaṇacakrāṇāṃ pradānān mṛtyuvañcanam

Sanskrit only: no published translation is held for this verse.

चातुर्दिशार्यसंघाय भोज्यशय्यादिदानतः । काषायमात्रकण्ठेभ्यो ऽपि वा स्यान् मृत्युवञ्चनम्

cāturdiśāryasaṃghāya bhojyaśayyādidānataḥ / kāṣāyamātrakaṇṭhebhyo 'pi vā syān mṛtyuvañcanam

Sanskrit only: no published translation is held for this verse.

एवमादिक्रियारम्भाद् धर्मः स्यात् पुण्यलक्षणः । पुण्यात् स्याद् आयुषो वृद्धिस् तद्वृद्धेर् मृत्युवञ्चनम्

evamādikriyārambhād dharmaḥ syāt puṇyalakṣaṇaḥ / puṇyāt syād āyuṣo vṛddhis tadvṛddher mṛtyuvañcanam

Sanskrit only: no published translation is held for this verse.

इत्यादि लेशतो धर्मः सूचितस् तस्य विस्तरः । स्वयम् उन्नीय कर्तव्यस् तज् ज्ञात्वा मृत्युवञ्चकैः

ityādi leśato dharmaḥ sūcitas tasya vistaraḥ / svayam unnīya kartavyas taj jñātvā mṛtyuvañcakaiḥ

Sanskrit only: no published translation is held for this verse.

एवं धर्मपरो भूत्वा सिद्धमन्त्रौषधादिभिः । मृत्योर् विष्कम्भणं कुर्यात् सद्यःप्रत्ययकारिभिः

evaṃ dharmaparo bhūtvā siddhamantrauṣadhādibhiḥ / mṛtyor viṣkambhaṇaṃ kuryāt sadyaḥpratyayakāribhiḥ

Sanskrit only: no published translation is held for this verse.

मणिमन्त्रौषधीसिद्धरसायनबलात् स्वयम् । मृत्योः पराजयो दृष्टः सिद्धविद्याधरैर् यथा

maṇimantrauṣadhīsiddharasāyanabalāt svayam / mṛtyoḥ parājayo dṛṣṭaḥ siddhavidyādharair yathā

Sanskrit only: no published translation is held for this verse.

रत्नलक्षणशास्त्रोक्तपरीक्षोत्तीर्णवज्रधृक् । आयुर्मणिधरो वापि विश्वरूपधरस् तथा

ratnalakṣaṇaśāstroktaparīkṣottīrṇavajradhṛk / āyurmaṇidharo vāpi viśvarūpadharas tathā

Sanskrit only: no published translation is held for this verse.

अनर्घस्येन्द्रनीलादेर् अन्यस्यापि महामणेः । धारकः सर्वमृत्यूनां वञ्चकः स्यान् न संशयः

anarghasyendranīlāder anyasyāpi mahāmaṇeḥ / dhārakaḥ sarvamṛtyūnāṃ vañcakaḥ syān na saṃśayaḥ

Sanskrit only: no published translation is held for this verse.

न चात्र मणिसामर्थ्ये संशयो युक्तिभाग् यतः । अचिन्त्यशक्तियुक्तत्वं मणीनां सर्वसंमतम्

na cātra maṇisāmarthye saṃśayo yuktibhāg yataḥ / acintyaśaktiyuktatvaṃ maṇīnāṃ sarvasaṃmatam

Sanskrit only: no published translation is held for this verse.

पटादेर् अग्रतः पूजां कृत्वा विजनदेशगः । जापमात्रेण मन्त्राणां जायते मृत्युवञ्चनम्

paṭāder agrataḥ pūjāṃ kṛtvā vijanadeśagaḥ / jāpamātreṇa mantrāṇāṃ jāyate mṛtyuvañcanam

Sanskrit only: no published translation is held for this verse.

आकारम् उच्चरेत् पूर्वं ततो रो लिग् इति स्फुटम् । त्रैलोक्यविजयाख्यो ऽयं विद्याधरपिटोदितः

ākāram uccaret pūrvaṃ tato ro lig iti sphuṭam / trailokyavijayākhyo 'yaṃ vidyādharapiṭoditaḥ

Sanskrit only: no published translation is held for this verse.

मन्त्रं लोकेश्वरस्यास्य जपेद् अक्षरलक्षकम् । श्राद्धस् तदग्रतो ऽवश्यं मृत्युवञ्चनम् अश्नुते

mantraṃ lokeśvarasyāsya japed akṣaralakṣakam / śrāddhas tadagrato 'vaśyaṃ mṛtyuvañcanam aśnute

Sanskrit only: no published translation is held for this verse.

उक्त्वा वैरोचनं पूर्वं पश्चात् तारे द्विर् उच्चरेत् । तुत्तारे द्विस् तुरे द्विश् च स्वाहान्तं मृत्युवञ्चनम्

uktvā vairocanaṃ pūrvaṃ paścāt tāre dvir uccaret / tuttāre dvis ture dviś ca svāhāntaṃ mṛtyuvañcanam

Sanskrit only: no published translation is held for this verse.

ताराभ्युदयतन्त्रोक्तं मन्त्रम् अक्षरलक्षकम् । जप्त्वार्यतारापुरतो दधिमध्वक्तिपूर्वकम्

tārābhyudayatantroktaṃ mantram akṣaralakṣakam / japtvāryatārāpurato dadhimadhvaktipūrvakam

Sanskrit only: no published translation is held for this verse.

पूर्वोत्तरशिखादूर्वाप्रवालायुतहोमतः । पूर्वकर्मप्रभावोत्थम् अपि मृत्युं निवारयेत्

pūrvottaraśikhādūrvāpravālāyutahomataḥ / pūrvakarmaprabhāvottham api mṛtyuṃ nivārayet

Sanskrit only: no published translation is held for this verse.

ॐ आदौ रुरु ततो ऽतः स्फुरुपदम् अतः परम् । ज्वल तिष्ठ तथा सिद्धलोचनेति पदत्रयम्

oṃ ādau ruru tato 'taḥ sphurupadam ataḥ param / jvala tiṣṭha tathā siddhalocaneti padatrayam

Sanskrit only: no published translation is held for this verse.

सर्वार्थसाधनि स्वाहा मन्त्रो ऽशोकदले ऽमले । प्रदत्तदक्षिणाचार्यैर् लिखितश् चन्दनद्रवैः

sarvārthasādhani svāhā mantro 'śokadale 'male / pradattadakṣiṇācāryair likhitaś candanadravaiḥ

Sanskrit only: no published translation is held for this verse.

लक्षशः कोटिशो वापि शुद्धः श्रद्धाविधानतः । धौतश् च निर्जलैः क्षीरैर् हुतो दूर्वादिनाथवा

lakṣaśaḥ koṭiśo vāpi śuddhaḥ śraddhāvidhānataḥ / dhautaś ca nirjalaiḥ kṣīrair huto dūrvādināthavā

Sanskrit only: no published translation is held for this verse.

भवत्य् अवश्यं निःशेषमृत्युवञ्चनकारकः । निःशेषरोगसंदोहशान्तिकृच् चापि जायते

bhavaty avaśyaṃ niḥśeṣamṛtyuvañcanakārakaḥ / niḥśeṣarogasaṃdohaśāntikṛc cāpi jāyate

Sanskrit only: no published translation is held for this verse.

महामण्डलकल्पोक्तार्यशताक्षरसंज्ञिनः । अचिन्त्यशक्तेर् मन्त्रस्य दृष्टशक्तेर् अनेकशः

mahāmaṇḍalakalpoktāryaśatākṣarasaṃjñinaḥ / acintyaśakter mantrasya dṛṣṭaśakter anekaśaḥ

Sanskrit only: no published translation is held for this verse.

भद्रचर्यासमादानविधिना लक्षजापतः । मोक्षो ऽपि जायते नूनं किं पुनर् मृत्युवञ्चनम्

bhadracaryāsamādānavidhinā lakṣajāpataḥ / mokṣo 'pi jāyate nūnaṃ kiṃ punar mṛtyuvañcanam

Sanskrit only: no published translation is held for this verse.

नमस् त्रैयध्विकानां प्राक् तथागतानां स्यात् ततः । सर्वत्राप्रतिहतावाप्तिधर्मतेति पदं ततः

namas traiyadhvikānāṃ prāk tathāgatānāṃ syāt tataḥ / sarvatrāpratihatāvāptidharmateti padaṃ tataḥ

Sanskrit only: no published translation is held for this verse.

बलिनाम् इति पदाद् ॐ ततो ऽसमसमपदम् । समन्ततो ऽनन्ततावाप्तिशासनीति पदं ततः

balinām iti padād oṃ tato 'samasamapadam / samantato 'nantatāvāptiśāsanīti padaṃ tataḥ

Sanskrit only: no published translation is held for this verse.

हर हर स्मर स्मरण विगतरागपदात् । बुद्धधर्मते ततः स्यात् सर सर समबला

hara hara smara smaraṇa vigatarāgapadāt / buddhadharmate tataḥ syāt sara sara samabalā

Sanskrit only: no published translation is held for this verse.

हसद्वयं त्रयद्वयं स्याद् गगनमहावर । लक्षणे ज्वल ज्वलनसागरे स्यात् पदं ततः

hasadvayaṃ trayadvayaṃ syād gaganamahāvara / lakṣaṇe jvala jvalanasāgare syāt padaṃ tataḥ

Sanskrit only: no published translation is held for this verse.

दत्त्वा स्वाहापदं चान्ते भवेन् मन्त्रः शताक्षरः । तथागतानां सर्वेषां हृदयं परिकीर्तितः

dattvā svāhāpadaṃ cānte bhaven mantraḥ śatākṣaraḥ / tathāgatānāṃ sarveṣāṃ hṛdayaṃ parikīrtitaḥ

Sanskrit only: no published translation is held for this verse.

आर्यमहाप्रतिसरामन्त्रैकलक्षजापतः । दूर्वादशांशहोमेन ध्रुवं स्यान् मृत्युवञ्चनम्

āryamahāpratisarāmantraikalakṣajāpataḥ / dūrvādaśāṃśahomena dhruvaṃ syān mṛtyuvañcanam

Sanskrit only: no published translation is held for this verse.

ॐ उक्त्वा पदं विमले जय वरे ऽनु चामृते । हूं हूं फट् फट् ततः स्वाहापदं ब्रूयाद् अनन्तरम्

oṃ uktvā padaṃ vimale jaya vare 'nu cāmṛte / hūṃ hūṃ phaṭ phaṭ tataḥ svāhāpadaṃ brūyād anantaram

Sanskrit only: no published translation is held for this verse.

वैरोचनाद् भरद्वयं संभरद्वयम् उच्चरेत् । उक्त्वेन्द्रियबलशब्दं विशोधनिपदं वदेत्

vairocanād bharadvayaṃ saṃbharadvayam uccaret / uktvendriyabalaśabdaṃ viśodhanipadaṃ vadet

Sanskrit only: no published translation is held for this verse.

हूं हूं रुरु चले स्वाहा मन्त्रो ऽयं मृत्युवञ्चकः । आर्यमहाप्रतिसराहृदयं सर्वसिद्धिदम्

hūṃ hūṃ ruru cale svāhā mantro 'yaṃ mṛtyuvañcakaḥ / āryamahāpratisarāhṛdayaṃ sarvasiddhidam

Sanskrit only: no published translation is held for this verse.

जप्त्वा दशाक्षरं मन्त्रं तं मृत्युञ्जयसंज्ञिनम् । दशलक्षं ततो होमं कुर्वीत कुसुमैः सितैः

japtvā daśākṣaraṃ mantraṃ taṃ mṛtyuñjayasaṃjñinam / daśalakṣaṃ tato homaṃ kurvīta kusumaiḥ sitaiḥ

Sanskrit only: no published translation is held for this verse.

घृताक्तैर् लक्षसंख्यातैर् लोकेश्वरगुरोः पुरः । मन्त्रशक्तेस् ततो ऽवश्यं जायते मृत्युवञ्चनम्

ghṛtāktair lakṣasaṃkhyātair lokeśvaraguroḥ puraḥ / mantraśaktes tato 'vaśyaṃ jāyate mṛtyuvañcanam

Sanskrit only: no published translation is held for this verse.

ॐ आदौ तत आङ्कारः स्याद् ईङ्कारस् ततः परम् । ऊं ॐ मृत्युञ्जय ॐ स्याद् अयं मन्त्रो दशाक्षरः

oṃ ādau tata āṅkāraḥ syād īṅkāras tataḥ param / ūṃ oṃ mṛtyuñjaya oṃ syād ayaṃ mantro daśākṣaraḥ

Sanskrit only: no published translation is held for this verse.

कल्पादिजीवनार्थं ये प्रोक्ता मन्त्रास् तथागतैः । तैर् आयुः साधितं दीर्घं तद् दीर्घं मृत्युवञ्चनम्

kalpādijīvanārthaṃ ye proktā mantrās tathāgataiḥ / tair āyuḥ sādhitaṃ dīrghaṃ tad dīrghaṃ mṛtyuvañcanam

Sanskrit only: no published translation is held for this verse.

मन्त्रैर् यैः शान्तिकर्म तैः स्याद् वृद्धिर् आयुषः । यैः स्याद् आयुषो वृद्धिस् तैः स्यान् मृत्युवञ्चनम्

mantrair yaiḥ śāntikarma taiḥ syād vṛddhir āyuṣaḥ / yaiḥ syād āyuṣo vṛddhis taiḥ syān mṛtyuvañcanam

Sanskrit only: no published translation is held for this verse.

मन्त्राणाम् अपि सामर्थ्ये संशयो नैव युक्तिभाक् । अचिन्त्यं मन्त्रसामर्थ्यं यतः सर्वेषु संमतम्

mantrāṇām api sāmarthye saṃśayo naiva yuktibhāk / acintyaṃ mantrasāmarthyaṃ yataḥ sarveṣu saṃmatam

Sanskrit only: no published translation is held for this verse.

आह च । न तद् वस्त्वन्तरं लोके यन् न मन्त्रैः प्रसिध्यति । चिन्तामणिसमा मन्त्राः सम्यक्श्रद्धाभियोगतः

āha ca | na tad vastvantaraṃ loke yan na mantraiḥ prasidhyati / cintāmaṇisamā mantrāḥ samyakśraddhābhiyogataḥ

Sanskrit only: no published translation is held for this verse.

कल्पोक्तविधिभिर् यद् वा यथाकामप्रयोगतः । बुभुक्षाबहुले देशे ऽमृताम् अत्यन्तम् आचरेत्

kalpoktavidhibhir yad vā yathākāmaprayogataḥ / bubhukṣābahule deśe 'mṛtām atyantam ācaret

Sanskrit only: no published translation is held for this verse.

एकाकिनीम् अथान्यैर् वा भेषजैः सहितां सदा । ततः स्थिरवपुर् भूत्वा मृत्युद्वारं न पश्यति

ekākinīm athānyair vā bheṣajaiḥ sahitāṃ sadā / tataḥ sthiravapur bhūtvā mṛtyudvāraṃ na paśyati

Sanskrit only: no published translation is held for this verse.

अन्येषाम् अपि दिव्यानां भेषजानां निषेवणात् । आयुर्वृद्धिर् जरारोगक्षयान् मृत्युं न पश्यति

anyeṣām api divyānāṃ bheṣajānāṃ niṣevaṇāt / āyurvṛddhir jarārogakṣayān mṛtyuṃ na paśyati

Sanskrit only: no published translation is held for this verse.

व्योमहेमादिभिर् बद्धान् मृतकाद् विधिभक्षितात् । स्यान् मृत्युवञ्चनं सिद्धरसायनस्वभावकात्

vyomahemādibhir baddhān mṛtakād vidhibhakṣitāt / syān mṛtyuvañcanaṃ siddharasāyanasvabhāvakāt

Sanskrit only: no published translation is held for this verse.

प्रतिपच्चन्द्रयोगादिप्राप्तेनान्तरधातुना । नस्यप्रदानाद् विधिना जायते मृत्युवञ्चनम्

pratipaccandrayogādiprāptenāntaradhātunā / nasyapradānād vidhinā jāyate mṛtyuvañcanam

Sanskrit only: no published translation is held for this verse.

संपुटादिकतन्त्रोक्तपञ्चामृतप्रयुक्तिभिः । यथोपदेशयुक्ताभिर् जायते मृत्युवञ्चनम्

saṃpuṭādikatantroktapañcāmṛtaprayuktibhiḥ / yathopadeśayuktābhir jāyate mṛtyuvañcanam

Sanskrit only: no published translation is held for this verse.

ऊर्ध्वाधोभ्यां संपुटयोगं यः सततं कुरुते हितयोगम् । तस्य सुरुष्टो ऽप्य् अविहततेजाः किञ्चित्कारी नो यमराजा

ūrdhvādhobhyāṃ saṃpuṭayogaṃ yaḥ satataṃ kurute hitayogam / tasya suruṣṭo 'py avihatatejāḥ kiñcitkārī no yamarājā

Sanskrit only: no published translation is held for this verse.

मृतसंजीवनम् अपि क्व चिद् दृष्टम् उपायतः । ऋतुमत्कन्यानरयोः शृङ्खलायाः समुत्थितैः

mṛtasaṃjīvanam api kva cid dṛṣṭam upāyataḥ / ṛtumatkanyānarayoḥ śṛṅkhalāyāḥ samutthitaiḥ

Sanskrit only: no published translation is held for this verse.

शोणितोन्मिश्रशुक्राख्यधातुभिर् नातिशीतलैः । सद्यो यद् वा मृतस्यैव पतितैर् धातुबिन्दुभिः

śoṇitonmiśraśukrākhyadhātubhir nātiśītalaiḥ / sadyo yad vā mṛtasyaiva patitair dhātubindubhiḥ

Sanskrit only: no published translation is held for this verse.

घृताक्तनलिकारन्ध्रनिर्गमेन प्रवेशितैः । वहेद् आत्मीयनासाग्रपुटोन्नीतपुटे क्रमात्

ghṛtāktanalikārandhranirgamena praveśitaiḥ / vahed ātmīyanāsāgrapuṭonnītapuṭe kramāt

Sanskrit only: no published translation is held for this verse.

पुनरुज्जीवनं दृष्टं निरोधश् चात्र शस्यते । प्रत्यक्षदृष्टसामर्थ्यो योगो ऽयं बहुसंमतः

punarujjīvanaṃ dṛṣṭaṃ nirodhaś cātra śasyate / pratyakṣadṛṣṭasāmarthyo yogo 'yaṃ bahusaṃmataḥ

Sanskrit only: no published translation is held for this verse.

समस्तम् अथवा व्यस्तं त्रिफलामार्कवान्वितम् । आचरेत् सततं योगी पञ्चामृतरसायनम्

samastam athavā vyastaṃ triphalāmārkavānvitam / ācaret satataṃ yogī pañcāmṛtarasāyanam

Sanskrit only: no published translation is held for this verse.

वलीपलितनिर्मुक्तो वज्रकायः स्वरूपवान् । ध्रुवं निवारयेन् मृत्युम् अपि कल्पादिसंख्यया

valīpalitanirmukto vajrakāyaḥ svarūpavān / dhruvaṃ nivārayen mṛtyum api kalpādisaṃkhyayā

Sanskrit only: no published translation is held for this verse.

आगमोक्तम् इदं सिद्धं बहूनां वारिगन्धयोः । भक्षणालेपनात् सद्यो भवेन् मृत्युनिवारणम्

āgamoktam idaṃ siddhaṃ bahūnāṃ vārigandhayoḥ / bhakṣaṇālepanāt sadyo bhaven mṛtyunivāraṇam

Sanskrit only: no published translation is held for this verse.

अनयोश् च सदाभ्यासान् मधुसर्पिःसमन्वितात् । कालाकालसमुद्भूतम् अपि मृत्युं निवारयेत्

anayoś ca sadābhyāsān madhusarpiḥsamanvitāt / kālākālasamudbhūtam api mṛtyuṃ nivārayet

Sanskrit only: no published translation is held for this verse.

भेषजस्यापि सामर्थ्ये संशयो नैव युज्यते । अचिन्त्यौषधिसामर्थ्यं यतः सर्वत्र दृश्यते

bheṣajasyāpi sāmarthye saṃśayo naiva yujyate / acintyauṣadhisāmarthyaṃ yataḥ sarvatra dṛśyate

Sanskrit only: no published translation is held for this verse.

इति विधाय बहिष्क्रियम् आदरान् मरणवञ्चनम् अत्र यथाबलम् । प्रबलमृत्युमहाभयशङ्कया कुरुत संप्रति तत् पुनर् आन्तरम्

iti vidhāya bahiṣkriyam ādarān maraṇavañcanam atra yathābalam / prabalamṛtyumahābhayaśaṅkayā kuruta saṃprati tat punar āntaram

Sanskrit only: no published translation is held for this verse.