Vagbhata: Rasaratnasamuccaya 11

वटक्षीरेण सूताभ्रौ मर्दयेत्प्रहरत्रयम् । पाचयेत्तेन काष्ठेन भस्मीभवति तद्रसः

vaṭakṣīreṇa sūtābhrau mardayetpraharatrayam / pācayettena kāṣṭhena bhasmībhavati tadrasaḥ

Sanskrit only: no published translation is held for this verse.

अथातुरो रसाचार्यं साक्षाद्देवं महेश्वरम् । साधितं च रसं शृङ्गदन्तवेण्वादिधारितम्

athāturo rasācāryaṃ sākṣāddevaṃ maheśvaram / sādhitaṃ ca rasaṃ śṛṅgadantaveṇvādidhāritam

Sanskrit only: no published translation is held for this verse.

अर्चयित्वा यथाशक्ति देवगोब्राह्मणानपि । पर्णखण्डे धृतं सूतं जग्ध्वा स्यादनुपानतः

arcayitvā yathāśakti devagobrāhmaṇānapi / parṇakhaṇḍe dhṛtaṃ sūtaṃ jagdhvā syādanupānataḥ

Sanskrit only: no published translation is held for this verse.

घृतसैन्धवधान्यकजीरकार्द्रकसंस्कृतम् । तण्डुलीयकधान्यकपटोलालम्बुषादिकम्

ghṛtasaindhavadhānyakajīrakārdrakasaṃskṛtam / taṇḍulīyakadhānyakapaṭolālambuṣādikam

Sanskrit only: no published translation is held for this verse.

गोजीर्णशाल्यन्नं गव्यं क्षीरं घृतं दधि । हंसोदकं मुद्गरसः पथ्यवर्गः समासतः

gojīrṇaśālyannaṃ gavyaṃ kṣīraṃ ghṛtaṃ dadhi / haṃsodakaṃ mudgarasaḥ pathyavargaḥ samāsataḥ

Sanskrit only: no published translation is held for this verse.

बृहती बिल्वकूष्माण्डं वेत्राग्रं कारवेल्लकम् । माषं मसूरं निष्पावं कुलत्थं सर्षपं तिलम्

bṛhatī bilvakūṣmāṇḍaṃ vetrāgraṃ kāravellakam / māṣaṃ masūraṃ niṣpāvaṃ kulatthaṃ sarṣapaṃ tilam

Sanskrit only: no published translation is held for this verse.

लङ्घनोद्वर्तनस्नानताम्रसुरासवान् । आनूपमांसं धान्याम्लं भोजनं कदलीदले । कांस्ये च गुरुविष्टम्भि तीक्ष्णोष्णं च भृशं त्यजेत्

laṅghanodvartanasnānatāmrasurāsavān / ānūpamāṃsaṃ dhānyāmlaṃ bhojanaṃ kadalīdale / kāṃsye ca guruviṣṭambhi tīkṣṇoṣṇaṃ ca bhṛśaṃ tyajet

Sanskrit only: no published translation is held for this verse.

कण्टारीफलकाञ्जिकं च कमठस्तैलं तथा राजिकाम् निम्बूकं कतकं कलिङ्गकफलं कूष्माण्डकं कर्कटी । कारी कुक्कुटकारवेल्लकफलं कर्कोटिकायाः फलम् वृन्ताकं च कपित्थकं खलु गणः प्रोक्तः ककारादिकः

kaṇṭārīphalakāñjikaṃ ca kamaṭhastailaṃ tathā rājikām nimbūkaṃ katakaṃ kaliṅgakaphalaṃ kūṣmāṇḍakaṃ karkaṭī / kārī kukkuṭakāravellakaphalaṃ karkoṭikāyāḥ phalam vṛntākaṃ ca kapitthakaṃ khalu gaṇaḥ proktaḥ kakārādikaḥ

Sanskrit only: no published translation is held for this verse.

देवीशास्त्रोदितः सो ऽयं ककारादिगणो मतः । शास्त्रान्तरविनिर्दिष्टः कथ्यते ऽन्यप्रकारतः

devīśāstroditaḥ so 'yaṃ kakārādigaṇo mataḥ / śāstrāntaravinirdiṣṭaḥ kathyate 'nyaprakārataḥ

Sanskrit only: no published translation is held for this verse.

कङ्गुः कन्दुककोलकुक्कुटकलक्रोडाः कुलत्थास्तथा कण्टारी कटुतैलकृष्णगलकः कूर्मः कलायः कणा । कर्कारुश्च कठिल्लकं च कतकं कर्कोटकं कर्कटी काली काञ्जिकमेषकादिकगणः श्रीकृष्णदेवोदितः

kaṅguḥ kandukakolakukkuṭakalakroḍāḥ kulatthāstathā kaṇṭārī kaṭutailakṛṣṇagalakaḥ kūrmaḥ kalāyaḥ kaṇā / karkāruśca kaṭhillakaṃ ca katakaṃ karkoṭakaṃ karkaṭī kālī kāñjikameṣakādikagaṇaḥ śrīkṛṣṇadevoditaḥ

Sanskrit only: no published translation is held for this verse.

यस्मिन्रसे च कण्ठोक्त्या ककारादिर्निषेधितः । तत्र तत्र निषेद्धव्यं तदौचित्यमतो ऽन्यतः

yasminrase ca kaṇṭhoktyā kakārādirniṣedhitaḥ / tatra tatra niṣeddhavyaṃ tadaucityamato 'nyataḥ

Sanskrit only: no published translation is held for this verse.

उद्गारे सति दध्यन्नं कृष्णमीनं सजीरकम् । अभ्यङ्गम् अनिलक्षोभे तैलैर् नारायणादिभिः

udgāre sati dadhyannaṃ kṛṣṇamīnaṃ sajīrakam / abhyaṅgam anilakṣobhe tailair nārāyaṇādibhiḥ

Sanskrit only: no published translation is held for this verse.

अरतौ शीततोयेन मस्तकोपरि सेचनम् । तृष्णायां नारिकेलाम्बु मुद्गं सशर्करम्

aratau śītatoyena mastakopari secanam / tṛṣṇāyāṃ nārikelāmbu mudgaṃ saśarkaram

Sanskrit only: no published translation is held for this verse.

द्राक्षादाडिमखर्जूरकदलीनां फलं भजेत् । रसवीर्यविवृद्ध्यर्थं दधिक्षीरेक्षुशर्कराः । शीतोपचारम् अन्यं च रसत्यागविधौ पुनः

drākṣādāḍimakharjūrakadalīnāṃ phalaṃ bhajet / rasavīryavivṛddhyarthaṃ dadhikṣīrekṣuśarkarāḥ / śītopacāram anyaṃ ca rasatyāgavidhau punaḥ

Sanskrit only: no published translation is held for this verse.

भक्षयेद् बृहतीं बिल्वं सकृत्साधारणो विधिः

bhakṣayed bṛhatīṃ bilvaṃ sakṛtsādhāraṇo vidhiḥ

Sanskrit only: no published translation is held for this verse.