Vagbhata: Rasaratnasamuccaya 18

भेदा वन्ध्याबलानां हि नवधा परिकीर्तिताः । तत्रादिवन्ध्या प्रथमा पापकर्मविनिर्मिता

bhedā vandhyābalānāṃ hi navadhā parikīrtitāḥ / tatrādivandhyā prathamā pāpakarmavinirmitā

Sanskrit only: no published translation is held for this verse.

रक्तेन च पृथग्दोषैः समस्तैः पञ्चधा भवेत् । भूतदेवाभिचारैश्च तिस्रो वन्ध्याः प्रकीर्तिताः

raktena ca pṛthagdoṣaiḥ samastaiḥ pañcadhā bhavet / bhūtadevābhicāraiśca tisro vandhyāḥ prakīrtitāḥ

Sanskrit only: no published translation is held for this verse.

पुमानपि भवेद्वन्ध्यो दोषैरेतैश्च शुक्रतः

pumānapi bhavedvandhyo doṣairetaiśca śukrataḥ

Sanskrit only: no published translation is held for this verse.

गर्भस्रावी स्मृता पूर्वं मृतवत्सा द्वितीयका । तृतीया स्त्रीप्रसूतिः स्यात्काकवन्ध्या सकृत्प्रसूः

garbhasrāvī smṛtā pūrvaṃ mṛtavatsā dvitīyakā / tṛtīyā strīprasūtiḥ syātkākavandhyā sakṛtprasūḥ

Sanskrit only: no published translation is held for this verse.

सुवर्णं रजतं ताम्रं ताप्यसत्त्वं च वैकृतम् । एकैकं निष्कमानेन संशुद्धं परिमारितम्

suvarṇaṃ rajataṃ tāmraṃ tāpyasattvaṃ ca vaikṛtam / ekaikaṃ niṣkamānena saṃśuddhaṃ parimāritam

Sanskrit only: no published translation is held for this verse.

एतच्चतुर्गुणं सूतं सूताद्द्विगुणगन्धकम् । मर्दयेल्लक्ष्मणातोयैर्बन्धुजीवरसैरपि

etaccaturguṇaṃ sūtaṃ sūtāddviguṇagandhakam / mardayellakṣmaṇātoyairbandhujīvarasairapi

Sanskrit only: no published translation is held for this verse.

काचकूप्यां ततः क्षिप्त्वा ताम्रपात्रं मुखे न्यसेत् । विलिम्पेदभितः कूपीमङ्गुलोत्सेधया मृदा

kācakūpyāṃ tataḥ kṣiptvā tāmrapātraṃ mukhe nyaset / vilimpedabhitaḥ kūpīmaṅgulotsedhayā mṛdā

Sanskrit only: no published translation is held for this verse.

विशोष्य च पुटं दद्याद्भूमौ निक्षिप्य कूपिकाम् । गजाख्यपुटपर्याप्तिः शाणकर्षमितोत्पलैः

viśoṣya ca puṭaṃ dadyādbhūmau nikṣipya kūpikām / gajākhyapuṭaparyāptiḥ śāṇakarṣamitotpalaiḥ

Sanskrit only: no published translation is held for this verse.

स्वांगशीतं विचूर्ण्याथ भावयेल्लक्ष्मणाद्रवैः । सप्तवारं विशोष्याथ करण्डान्तर्विनिक्षिपेत्

svāṃgaśītaṃ vicūrṇyātha bhāvayellakṣmaṇādravaiḥ / saptavāraṃ viśoṣyātha karaṇḍāntarvinikṣipet

Sanskrit only: no published translation is held for this verse.

अश्वगन्धारजोयुक्तरताम्रगोक्षीरसंयुतः । सेवितो गुञ्जया तुल्यः सितया च रसोत्तमः

aśvagandhārajoyuktaratāmragokṣīrasaṃyutaḥ / sevito guñjayā tulyaḥ sitayā ca rasottamaḥ

Sanskrit only: no published translation is held for this verse.

मासत्रयप्रयोगेण वन्ध्या भवति पुत्रिणी । पुत्रिण्यै स्नानशुद्धायै जरत्कौशिकचक्षुषी

māsatrayaprayogeṇa vandhyā bhavati putriṇī / putriṇyai snānaśuddhāyai jaratkauśikacakṣuṣī

Sanskrit only: no published translation is held for this verse.

गव्याज्येन च संसाध्य तत्तदानीं हि भोजयेत् । ऋतावृताविदं देयं यावन्मासत्रयं भवेत्

gavyājyena ca saṃsādhya tattadānīṃ hi bhojayet / ṛtāvṛtāvidaṃ deyaṃ yāvanmāsatrayaṃ bhavet

Sanskrit only: no published translation is held for this verse.

रसेन्द्रः कथितः सोऽयं चम्पकारण्यवासिभिः । पूर्णामृताख्ययोगीन्द्रैर् नामतो जयसुन्दरः

rasendraḥ kathitaḥ so'yaṃ campakāraṇyavāsibhiḥ / pūrṇāmṛtākhyayogīndrair nāmato jayasundaraḥ

Sanskrit only: no published translation is held for this verse.

सेवितेऽस्मिन्रसे स्त्रीणां न भवेत् सूतिकागदः । भवेत्पुत्रश्च दीर्घायुः पण्डितो भाग्यमण्डितः

sevite'sminrase strīṇāṃ na bhavet sūtikāgadaḥ / bhavetputraśca dīrghāyuḥ paṇḍito bhāgyamaṇḍitaḥ

Sanskrit only: no published translation is held for this verse.

वज्रं मरकतं पद्मरागं पुष्पं च नीलकम् । वैदूर्यं चाथ गोमेदं मौक्तिकं विद्रुमं तथा

vajraṃ marakataṃ padmarāgaṃ puṣpaṃ ca nīlakam / vaidūryaṃ cātha gomedaṃ mauktikaṃ vidrumaṃ tathā

Sanskrit only: no published translation is held for this verse.

पञ्चगुञ्जामितं सर्वं रत्नं भागोत्तरं परम् । तत्तन्त्रोक्तविधानेन भस्मीकुर्यात्प्रयत्नतः

pañcaguñjāmitaṃ sarvaṃ ratnaṃ bhāgottaraṃ param / tattantroktavidhānena bhasmīkuryātprayatnataḥ

Sanskrit only: no published translation is held for this verse.

सर्वस्माद् अष्टगुणितं भस्म वैक्रान्तसम्भवम् । तत्तुल्यं ताप्यजं भस्म तद्वद्विमलभस्म च

sarvasmād aṣṭaguṇitaṃ bhasma vaikrāntasambhavam / tattulyaṃ tāpyajaṃ bhasma tadvadvimalabhasma ca

Sanskrit only: no published translation is held for this verse.

सर्वतस्त्रिगुणां तुल्यां रसगन्धककज्जलीम् । सर्वमेकत्र संमर्द्य छागीदुग्धेन तद्द्व्यहम्

sarvatastriguṇāṃ tulyāṃ rasagandhakakajjalīm / sarvamekatra saṃmardya chāgīdugdhena taddvyaham

Sanskrit only: no published translation is held for this verse.

विधाय पर्पटीं यत्नात्परिचूर्ण्य प्रयत्नतः । वन्ध्याकर्कोटकीपर्णक्वाथेन परिमर्दयेत्

vidhāya parpaṭīṃ yatnātparicūrṇya prayatnataḥ / vandhyākarkoṭakīparṇakvāthena parimardayet

Sanskrit only: no published translation is held for this verse.

काननोत्पलविंशत्या पुटेत्षोडशवारकम् । एवं रसो विनिष्पन्नो रत्नभागोत्तराभिधः

kānanotpalaviṃśatyā puṭetṣoḍaśavārakam / evaṃ raso viniṣpanno ratnabhāgottarābhidhaḥ

Sanskrit only: no published translation is held for this verse.

महावन्ध्यादिवन्ध्यानां सर्वासां संततिप्रदः । देवीशास्त्रे विनिर्दिष्टः पुंसां वन्ध्यत्वरोगनुत्

mahāvandhyādivandhyānāṃ sarvāsāṃ saṃtatipradaḥ / devīśāstre vinirdiṣṭaḥ puṃsāṃ vandhyatvaroganut

Sanskrit only: no published translation is held for this verse.

सोऽयं पाचनदीपनो रुचिकरो वृष्यस्तथा गर्भिणीसर्वव्याधिविनाशनो रतिकरः पाण्डुप्रचण्डार्तिनुत् । धन्यो बुद्धिकरश्च पुत्रजननः सौभाग्यकृद्योषितां निर्दोषः स्मरमन्दिरामयहरो योगादशेषार्तिनुत्

so'yaṃ pācanadīpano rucikaro vṛṣyastathā garbhiṇīsarvavyādhivināśano ratikaraḥ pāṇḍupracaṇḍārtinut / dhanyo buddhikaraśca putrajananaḥ saubhāgyakṛdyoṣitāṃ nirdoṣaḥ smaramandirāmayaharo yogādaśeṣārtinut

Sanskrit only: no published translation is held for this verse.

गन्धकः पलमात्रश्च पृथगक्षौ शिलालकौ । त्रिदिनं मर्दयित्वाथ विदध्यात्कज्जलीं शुभाम्

gandhakaḥ palamātraśca pṛthagakṣau śilālakau / tridinaṃ mardayitvātha vidadhyātkajjalīṃ śubhām

Sanskrit only: no published translation is held for this verse.

विषाणाकारमूषायां कज्जलीं निक्षिपेत्ततः । द्विपलस्य च ताम्रस्य तन्मुखे चक्रिकां न्यसेत्

viṣāṇākāramūṣāyāṃ kajjalīṃ nikṣipettataḥ / dvipalasya ca tāmrasya tanmukhe cakrikāṃ nyaset

Sanskrit only: no published translation is held for this verse.

संनिरुध्यातियत्नेन संधिबन्धे विशोषिते । ततः करिपुटार्धेन पाकं सम्यक् प्रकल्पयेत्

saṃnirudhyātiyatnena saṃdhibandhe viśoṣite / tataḥ karipuṭārdhena pākaṃ samyak prakalpayet

Sanskrit only: no published translation is held for this verse.

स्वतःशीतं समुद्धृत्य चक्रिकां परिचूर्णयेत् । स्थगयेत्कूपिकामध्ये वस्त्रेण परिगालितम्

svataḥśītaṃ samuddhṛtya cakrikāṃ paricūrṇayet / sthagayetkūpikāmadhye vastreṇa parigālitam

Sanskrit only: no published translation is held for this verse.

रसोऽयं चक्रिकाबन्धस् तत्तद्रोगहरौषधैः । दातव्यः शूलरोगेषु मूले गुल्मे भगन्दरे

raso'yaṃ cakrikābandhas tattadrogaharauṣadhaiḥ / dātavyaḥ śūlarogeṣu mūle gulme bhagandare

Sanskrit only: no published translation is held for this verse.

ग्रहण्यामग्निमांद्ये च विद्रधौ जठरामये । नागोदरे तथैवोपविष्टके जलकूर्मके

grahaṇyāmagnimāṃdye ca vidradhau jaṭharāmaye / nāgodare tathaivopaviṣṭake jalakūrmake

Sanskrit only: no published translation is held for this verse.