Vagbhata: Rasaratnasamuccaya 5

मत्स्याक्षीगन्धबाह्लीकैर्लकुचद्रवपेषितैः । विलिप्य सकलं लोहं मत्स्याक्षीकल्कलेपितम्

matsyākṣīgandhabāhlīkairlakucadravapeṣitaiḥ / vilipya sakalaṃ lohaṃ matsyākṣīkalkalepitam

Sanskrit only: no published translation is held for this verse.

* त्रिशूली त्रिशूलवच्चटिकात्रयम् इत्यर्थः ॥ व्र्र्स्बो ५।१२२अब्;१ अथोद्धृत्य क्षिपेत्क्वाथे त्रिफलागोजलात्मके

* triśūlī triśūlavaccaṭikātrayam ityarthaḥ // VRrsBo 5.122ab;1 athoddhṛtya kṣipetkvāthe triphalāgojalātmake

Sanskrit only: no published translation is held for this verse.

तस्मादाहृत्य संताड्य मृतमादाय लोहकम् । पुनश्च पूर्ववद् ध्मात्वा मारयेदखिलायसम्

tasmādāhṛtya saṃtāḍya mṛtamādāya lohakam / punaśca pūrvavad dhmātvā mārayedakhilāyasam

Sanskrit only: no published translation is held for this verse.

खण्डयित्वा ततो गन्धगुडत्रिफलया सह । पुटेत्त्रिंशतिवाराणि निरुत्थं भस्म जायते

khaṇḍayitvā tato gandhaguḍatriphalayā saha / puṭettriṃśativārāṇi nirutthaṃ bhasma jāyate

Sanskrit only: no published translation is held for this verse.

समगन्धम् अयश्चूर्णं कुमारीवारिभावितम् । पुटीकृतं कियत्कालमवश्यं म्रियते ह्ययः

samagandham ayaścūrṇaṃ kumārīvāribhāvitam / puṭīkṛtaṃ kiyatkālamavaśyaṃ mriyate hyayaḥ

Sanskrit only: no published translation is held for this verse.

जम्बीररससंयुक्ते दरदे तप्तमायसम् । बहुवारं विनिक्षिप्तं म्रियते नात्र संशयः

jambīrarasasaṃyukte darade taptamāyasam / bahuvāraṃ vinikṣiptaṃ mriyate nātra saṃśayaḥ

Sanskrit only: no published translation is held for this verse.

गोमूत्रैस्त्रिफला क्वाथ्या तत्कषायेण भावयेत् । त्रिःसप्ताहं प्रयत्नेन दिनैकं मर्दयेत्पुनः

gomūtraistriphalā kvāthyā tatkaṣāyeṇa bhāvayet / triḥsaptāhaṃ prayatnena dinaikaṃ mardayetpunaḥ

Sanskrit only: no published translation is held for this verse.

रुद्ध्वा गजपुटे पच्याद्दिनं क्वाथेन मर्दयेत् । दिवा मर्द्यं पुटेद्रात्रावेकविंशद्दिनावधि । एकविंशत्पुटैरेवं म्रियते त्रिविधं ह्ययः

ruddhvā gajapuṭe pacyāddinaṃ kvāthena mardayet / divā mardyaṃ puṭedrātrāvekaviṃśaddināvadhi / ekaviṃśatpuṭairevaṃ mriyate trividhaṃ hyayaḥ

Sanskrit only: no published translation is held for this verse.

यत्पात्राध्युषिते तोये तैलबिन्दुर्न सर्पति । तारेणावर्तते यत्तत्कान्तलोहं तनूकृतम्

yatpātrādhyuṣite toye tailabindurna sarpati / tāreṇāvartate yattatkāntalohaṃ tanūkṛtam

Sanskrit only: no published translation is held for this verse.

अयसामुत्तमं सिञ्चेत्तप्तं तप्तं वरारसे । एवं शुद्धानि लोहानि पिष्टान्यम्लेन केनचित्

ayasāmuttamaṃ siñcettaptaṃ taptaṃ varārase / evaṃ śuddhāni lohāni piṣṭānyamlena kenacit

Sanskrit only: no published translation is held for this verse.

मृतसूतस्य पादेन प्रलिप्तानि पुटानले । पचेत्तुल्येन वा ताप्यगन्धाश्महरतेजसा

mṛtasūtasya pādena praliptāni puṭānale / pacettulyena vā tāpyagandhāśmaharatejasā

Sanskrit only: no published translation is held for this verse.

तप्तं क्षाराम्लसंलिप्तं शशरक्ते निधापितम् । कान्तलोहं भवेद्भस्म सर्वदोषविवर्जितम्

taptaṃ kṣārāmlasaṃliptaṃ śaśarakte nidhāpitam / kāntalohaṃ bhavedbhasma sarvadoṣavivarjitam

Sanskrit only: no published translation is held for this verse.

शुद्धं सूतं द्विधा गन्धं खल्लेन कृतकज्जलम् । द्वयोः समं लोहचूर्णं मर्दयेत्कन्यकाद्रवैः

śuddhaṃ sūtaṃ dvidhā gandhaṃ khallena kṛtakajjalam / dvayoḥ samaṃ lohacūrṇaṃ mardayetkanyakādravaiḥ

Sanskrit only: no published translation is held for this verse.

यामद्वयात्समुद्धृत्य यद्गोलं ताम्रपात्रके । आच्छाद्यैरंडपत्रैश्च यामार्धेऽत्युष्णतां व्रजेत्

yāmadvayātsamuddhṛtya yadgolaṃ tāmrapātrake / ācchādyairaṃḍapatraiśca yāmārdhe'tyuṣṇatāṃ vrajet

Sanskrit only: no published translation is held for this verse.

धान्यराशौ न्यसेत्पश्चात्त्रिदिनान्ते समुद्धरेत् । संपेष्य गालयेद्वस्त्रे सत्यं वारितरं भवेत् । कान्तं तीक्ष्णं च मुंडं च निरुत्थं जायते मृतम्

dhānyarāśau nyasetpaścāttridinānte samuddharet / saṃpeṣya gālayedvastre satyaṃ vāritaraṃ bhavet / kāntaṃ tīkṣṇaṃ ca muṃḍaṃ ca nirutthaṃ jāyate mṛtam

Sanskrit only: no published translation is held for this verse.

स्वर्णादीन्मारयेदेवं चूर्णं कृत्वा च लोहवत् । सिद्धयोगो ह्ययं ख्यातः सिद्धानां सुमुखागतः

svarṇādīnmārayedevaṃ cūrṇaṃ kṛtvā ca lohavat / siddhayogo hyayaṃ khyātaḥ siddhānāṃ sumukhāgataḥ

Sanskrit only: no published translation is held for this verse.

अनुभूतं मया सत्यं सर्वरोगजरापहम् । त्रिफलामधुसंयुक्तं सर्वरोगेषु योजयेत्

anubhūtaṃ mayā satyaṃ sarvarogajarāpaham / triphalāmadhusaṃyuktaṃ sarvarogeṣu yojayet

Sanskrit only: no published translation is held for this verse.

एतस्माद् अपुनर्भवं हि भसितं लोहस्य दिव्यामृतं सम्यक् सिद्धरसायनं त्रिकटुकीवेल्लाज्यमध्वन्वितम् । हन्यान्निष्कमितं जरामरणजव्याधींश्च सत्पुत्रदं दिष्टे श्रीगिरिशेन कालयवनोद्भूत्यै पुरा तत्पितुः

etasmād apunarbhavaṃ hi bhasitaṃ lohasya divyāmṛtaṃ samyak siddharasāyanaṃ trikaṭukīvellājyamadhvanvitam / hanyānniṣkamitaṃ jarāmaraṇajavyādhīṃśca satputradaṃ diṣṭe śrīgiriśena kālayavanodbhūtyai purā tatpituḥ

Sanskrit only: no published translation is held for this verse.

लोहं जन्तुविकारपाण्डुपवनक्षीणत्वपित्तामयस्थौल्यार्शोग्रहणीज्वरार्तिकफजिच्छोफप्रमेहप्रणुत् । गुल्मप्लीहविषापहं बलकरं कुष्ठाग्निमान्द्यप्रणुत् सौख्यालम्बिरसायनं मृतिहरं किट्टं च कान्तादिवत्

lohaṃ jantuvikārapāṇḍupavanakṣīṇatvapittāmayasthaulyārśograhaṇījvarārtikaphajicchophapramehapraṇut / gulmaplīhaviṣāpahaṃ balakaraṃ kuṣṭhāgnimāndyapraṇut saukhyālambirasāyanaṃ mṛtiharaṃ kiṭṭaṃ ca kāntādivat

Sanskrit only: no published translation is held for this verse.

मृतानि लोहानि रसीभवन्ति निघ्नन्ति युक्तानि महामयांश्च । अभ्यासयोगाद् दृढदेहसिद्धिं कुर्वन्ति रुग्जन्मजराविनाशम्

mṛtāni lohāni rasībhavanti nighnanti yuktāni mahāmayāṃśca / abhyāsayogād dṛḍhadehasiddhiṃ kurvanti rugjanmajarāvināśam

Sanskrit only: no published translation is held for this verse.

पक्वजम्बूफलच्छायं कान्तलोहं तदुत्तमम्

pakvajambūphalacchāyaṃ kāntalohaṃ taduttamam

Sanskrit only: no published translation is held for this verse.

त्रिःसप्तकृत्वो गोमूत्रे जालिनीभस्मभावितम् । शोषयेत्तस्य वापेन तीक्ष्णं मूषागतं द्रवेत्

triḥsaptakṛtvo gomūtre jālinībhasmabhāvitam / śoṣayettasya vāpena tīkṣṇaṃ mūṣāgataṃ dravet

Sanskrit only: no published translation is held for this verse.

सुरदालिभस्म गलितं त्रिःसप्तकृत्वोऽथ गोजले शुष्कम् । वापेन सलिलसदृशं करोति मूषागतं तीक्ष्णम्

suradālibhasma galitaṃ triḥsaptakṛtvo'tha gojale śuṣkam / vāpena salilasadṛśaṃ karoti mūṣāgataṃ tīkṣṇam

Sanskrit only: no published translation is held for this verse.

सुरदालिभवं भस्म नरमूत्रेण गालितम् । त्रिःसप्तवारं तत्क्षारवापात् कान्तद्रुतिर् भवेत्

suradālibhavaṃ bhasma naramūtreṇa gālitam / triḥsaptavāraṃ tatkṣāravāpāt kāntadrutir bhavet

Sanskrit only: no published translation is held for this verse.

गंधकं कांतपाषाणं चूर्णयित्वा समं समम् । द्रुते लोहे प्रतीवापो देयो लोहाष्टकं द्रवेत्

gaṃdhakaṃ kāṃtapāṣāṇaṃ cūrṇayitvā samaṃ samam / drute lohe pratīvāpo deyo lohāṣṭakaṃ dravet

Sanskrit only: no published translation is held for this verse.

देवदाल्या द्रवैर्भाव्यं गंधकं दिनसप्तकम् । तेन प्रवापमात्रेण लौहं तिष्ठति सूतवत्

devadālyā dravairbhāvyaṃ gaṃdhakaṃ dinasaptakam / tena pravāpamātreṇa lauhaṃ tiṣṭhati sūtavat

Sanskrit only: no published translation is held for this verse.

अशुद्धलोहं न हितं निषेवणाद् आयुर्बलं कान्तिविनाशि निश्चितम् । हृदि प्रपीडां तनुते ह्यपाटवं रुजं करोत्येव विशोध्य मारयेत्

aśuddhalohaṃ na hitaṃ niṣevaṇād āyurbalaṃ kāntivināśi niścitam / hṛdi prapīḍāṃ tanute hyapāṭavaṃ rujaṃ karotyeva viśodhya mārayet

Sanskrit only: no published translation is held for this verse.

किट्टाद्दशगुणं मुण्डं मुण्डात्तीक्ष्णं शतोन्मितम् । तीक्ष्णाल्लक्षगुणं कान्तं भक्षणात्कुरुते गुणान् । तस्मात् कान्तं सदा सेव्यं जरामृत्युहरं नृणाम्

kiṭṭāddaśaguṇaṃ muṇḍaṃ muṇḍāttīkṣṇaṃ śatonmitam / tīkṣṇāllakṣaguṇaṃ kāntaṃ bhakṣaṇātkurute guṇān / tasmāt kāntaṃ sadā sevyaṃ jarāmṛtyuharaṃ nṛṇām

Sanskrit only: no published translation is held for this verse.

आयुष्प्रदाता बलवीर्यकर्ता रोगप्रहर्ता मदनस्य कर्ता । अयःसमानं न हि किंचिद् अन्यद्रसायनं श्रेष्ठतमं हि जन्तोः

āyuṣpradātā balavīryakartā rogaprahartā madanasya kartā / ayaḥsamānaṃ na hi kiṃcid anyadrasāyanaṃ śreṣṭhatamaṃ hi jantoḥ

Sanskrit only: no published translation is held for this verse.

अक्षाङ्गारैर्धमेत्किट्टं लोहजं तद्गवां जलैः । सेचयेदक्षपात्रान्तः सप्तवारं पुनः पुनः । मण्डूरोऽयं समाख्यातश्चूर्णं श्लक्ष्णं प्रयोजयेत्

akṣāṅgārairdhametkiṭṭaṃ lohajaṃ tadgavāṃ jalaiḥ / secayedakṣapātrāntaḥ saptavāraṃ punaḥ punaḥ / maṇḍūro'yaṃ samākhyātaścūrṇaṃ ślakṣṇaṃ prayojayet

Sanskrit only: no published translation is held for this verse.

गोमूत्रैस्त्रिफला क्वाथ्या तत्क्वाथे सेचयेच्छनैः । लोहकिट्टं सुसंतप्तं यावज्जीर्यति तत्स्वयम् । तच्चूर्णं जायते पेष्यं मण्डूरोऽयं प्रयोजयेत्

gomūtraistriphalā kvāthyā tatkvāthe secayecchanaiḥ / lohakiṭṭaṃ susaṃtaptaṃ yāvajjīryati tatsvayam / taccūrṇaṃ jāyate peṣyaṃ maṇḍūro'yaṃ prayojayet

Sanskrit only: no published translation is held for this verse.

ये गुणा मारिते मुण्डे ते गुणा मुण्डकिट्टके । तस्मात्सर्वत्र मण्डूरं रोगशान्त्यै प्रयोजयेत्

ye guṇā mārite muṇḍe te guṇā muṇḍakiṭṭake / tasmātsarvatra maṇḍūraṃ rogaśāntyai prayojayet

Sanskrit only: no published translation is held for this verse.

खुरकं मिश्रकं चेति द्विविधं वंगमुच्यते । खुरं तत्र गुणैः श्रेष्ठं मिश्रकं न हितं मतम्

khurakaṃ miśrakaṃ ceti dvividhaṃ vaṃgamucyate / khuraṃ tatra guṇaiḥ śreṣṭhaṃ miśrakaṃ na hitaṃ matam

Sanskrit only: no published translation is held for this verse.

निःशब्दं खुरवंगं स्यात् मिश्रकं श्यामशुभ्रकम्

niḥśabdaṃ khuravaṃgaṃ syāt miśrakaṃ śyāmaśubhrakam

Sanskrit only: no published translation is held for this verse.

वङ्गं तिक्तोष्णकं रूक्षमीषद् वातप्रकोपनम् । मेहश्लेष्मामयघ्नं च मेदोघ्नं कृमिनाशनम्

vaṅgaṃ tiktoṣṇakaṃ rūkṣamīṣad vātaprakopanam / mehaśleṣmāmayaghnaṃ ca medoghnaṃ kṛmināśanam

Sanskrit only: no published translation is held for this verse.

द्रावयित्वा निशायुक्ते क्षिप्तं निर्गुण्डिकारसे । विशुध्यति त्रिवारेण खुरवंगं न संशयः

drāvayitvā niśāyukte kṣiptaṃ nirguṇḍikārase / viśudhyati trivāreṇa khuravaṃgaṃ na saṃśayaḥ

Sanskrit only: no published translation is held for this verse.

अम्लतक्रविनिक्षिप्तं वर्षाभूविषतिन्दुभिः । कट्फलांबुगतं वंगं द्वितीयं परिशुध्यति

amlatakravinikṣiptaṃ varṣābhūviṣatindubhiḥ / kaṭphalāṃbugataṃ vaṃgaṃ dvitīyaṃ pariśudhyati

Sanskrit only: no published translation is held for this verse.

शुध्यति नागो वंगो घोषो रविरातपेऽपि मुनिसंख्यैः । निर्गुण्डीरससेकैस्तन्मूलरजःप्रवापैश्च

śudhyati nāgo vaṃgo ghoṣo ravirātape'pi munisaṃkhyaiḥ / nirguṇḍīrasasekaistanmūlarajaḥpravāpaiśca

Sanskrit only: no published translation is held for this verse.

सतालेनार्कदुग्धेन लिप्त्वा वंगदलानि च । बोधिचिंचात्वचः क्षारैर्दद्याल्लघुपुटानि च । मर्दयित्वा चरेद्भस्म तद्रसादिषु शस्यते

satālenārkadugdhena liptvā vaṃgadalāni ca / bodhiciṃcātvacaḥ kṣārairdadyāllaghupuṭāni ca / mardayitvā caredbhasma tadrasādiṣu śasyate

Sanskrit only: no published translation is held for this verse.

* भारद्वाजस्य वनकार्पास्याः ॥ व्र्र्स्बो ५।१६०अब्;१ स्वल्पस्वल्पालकं दत्त्वा भारद्वाजस्य काष्ठतः । मर्दयित्वा चरेद्भस्म तद्रसादिषु शस्यते

* bhāradvājasya vanakārpāsyāḥ // VRrsBo 5.160ab;1 svalpasvalpālakaṃ dattvā bhāradvājasya kāṣṭhataḥ / mardayitvā caredbhasma tadrasādiṣu śasyate

Sanskrit only: no published translation is held for this verse.

पलाशद्रवयुक्तेन वंगपत्रं प्रलेपयेत् । तालेन पुटितं पश्चान्म्रियते नात्र संशयः

palāśadravayuktena vaṃgapatraṃ pralepayet / tālena puṭitaṃ paścānmriyate nātra saṃśayaḥ

Sanskrit only: no published translation is held for this verse.

भल्लाततैलसंलिप्तं वंगं वस्त्रेण वेष्टितम् । चिंचापिप्पलपालाशकाष्ठाग्नौ याति पञ्चताम्

bhallātatailasaṃliptaṃ vaṃgaṃ vastreṇa veṣṭitam / ciṃcāpippalapālāśakāṣṭhāgnau yāti pañcatām

Sanskrit only: no published translation is held for this verse.

वंगभस्मसमं कान्तं व्योमभस्म च तत्समम् । मर्दयेत्कनकाम्भोभिर्निम्बपत्ररसैरपि

vaṃgabhasmasamaṃ kāntaṃ vyomabhasma ca tatsamam / mardayetkanakāmbhobhirnimbapatrarasairapi

Sanskrit only: no published translation is held for this verse.

दाडिमस्य मयूरस्य रसेन च पृथक् पृथक् । भूपालावर्तभस्माथ विनिक्षिप्य समांशकम्

dāḍimasya mayūrasya rasena ca pṛthak pṛthak / bhūpālāvartabhasmātha vinikṣipya samāṃśakam

Sanskrit only: no published translation is held for this verse.

गोमूलकशिलाधातुजलैः सम्यग्विमर्दयेत् । ततो गुग्गुलतोयेन मर्दयित्वा दिनाष्टकम्

gomūlakaśilādhātujalaiḥ samyagvimardayet / tato guggulatoyena mardayitvā dināṣṭakam

Sanskrit only: no published translation is held for this verse.

विशोष्य परिचूर्ण्याथ समभागेन योजयेत् । घृष्टं बन्धूकनिर्यासैर् नाकुलीबीजचूर्णकैः

viśoṣya paricūrṇyātha samabhāgena yojayet / ghṛṣṭaṃ bandhūkaniryāsair nākulībījacūrṇakaiḥ

Sanskrit only: no published translation is held for this verse.

* नाकुलीबीजं रास्नाबीजं शाल्मलीबीजं वा ॥ व्र्र्स्बो ५।१६६;१ ततः क्षिपेत्करण्डान्तर्विधाय पटगालितम् । गोतक्रपिष्टरजनीसारेण सह पाययेत्

* nākulībījaṃ rāsnābījaṃ śālmalībījaṃ vā // VRrsBo 5.166;1 tataḥ kṣipetkaraṇḍāntarvidhāya paṭagālitam / gotakrapiṣṭarajanīsāreṇa saha pāyayet

Sanskrit only: no published translation is held for this verse.

चतुर्भिर् वल्लकैस्तुल्यं रम्यं वंगरसायनम् । निश्चितं तेन नश्यन्ति मेहा विंशतिभेदकाः

caturbhir vallakaistulyaṃ ramyaṃ vaṃgarasāyanam / niścitaṃ tena naśyanti mehā viṃśatibhedakāḥ

Sanskrit only: no published translation is held for this verse.

शालयो मुद्गसूपं च नवनीतं तिलोद्भवम् । पटोलं तिक्ततुण्डीरं तक्रं पथ्याय शस्यते

śālayo mudgasūpaṃ ca navanītaṃ tilodbhavam / paṭolaṃ tiktatuṇḍīraṃ takraṃ pathyāya śasyate

Sanskrit only: no published translation is held for this verse.

द्रुतद्रावं महाभारं छेदे कृष्णं समुज्ज्वलम् । पूतिगन्धं बहिः कृष्णं शुद्धं सीसमतोऽन्यथा

drutadrāvaṃ mahābhāraṃ chede kṛṣṇaṃ samujjvalam / pūtigandhaṃ bahiḥ kṛṣṇaṃ śuddhaṃ sīsamato'nyathā

Sanskrit only: no published translation is held for this verse.

अत्युष्णं सीसकं स्निग्धं तिक्तं वातकफापहम् । प्रमेहतोयदोषघ्नं दीपनं चामवातनुत्

atyuṣṇaṃ sīsakaṃ snigdhaṃ tiktaṃ vātakaphāpaham / pramehatoyadoṣaghnaṃ dīpanaṃ cāmavātanut

Sanskrit only: no published translation is held for this verse.

सिन्दुवारजटाकौन्तीहरिद्राचूर्णकं क्षिपेत् । द्रुते नागेऽथ निर्गुण्ड्यास् त्रिवारं निक्षिपेद्रसे । नागः शुद्धो भवेदेवं मूर्छास्फोटादि नाचरेत्

sinduvārajaṭākauntīharidrācūrṇakaṃ kṣipet / drute nāge'tha nirguṇḍyās trivāraṃ nikṣipedrase / nāgaḥ śuddho bhavedevaṃ mūrchāsphoṭādi nācaret

Sanskrit only: no published translation is held for this verse.

तिर्यगाकारचुल्ल्यां तु तिर्यग्वक्त्रं घटं न्यसेत् । तं च वक्त्रं विना सर्वं गोपयेद्यत्नतो मृदा

tiryagākāracullyāṃ tu tiryagvaktraṃ ghaṭaṃ nyaset / taṃ ca vaktraṃ vinā sarvaṃ gopayedyatnato mṛdā

Sanskrit only: no published translation is held for this verse.

भृष्टयन्त्राभिधे तस्मिन् पात्रे सीसं विनिक्षिपेत् । पलविंशतिकं शुद्धमधस्तीव्रानलं क्षिपेत्

bhṛṣṭayantrābhidhe tasmin pātre sīsaṃ vinikṣipet / palaviṃśatikaṃ śuddhamadhastīvrānalaṃ kṣipet

Sanskrit only: no published translation is held for this verse.

द्रुते नागे क्षिपेत्सूतं शुद्धं कर्षमितं शुभम् । घर्षयित्वा क्षिपेत्क्षारमेकैकं हि पलं पलम्

drute nāge kṣipetsūtaṃ śuddhaṃ karṣamitaṃ śubham / gharṣayitvā kṣipetkṣāramekaikaṃ hi palaṃ palam

Sanskrit only: no published translation is held for this verse.

* महाराजगिरिः शाकविशेषः राजशाकम् इतियावत् स तु लघुस्थूलभेदेन द्विविधः अत्र च स्थूलो ग्राह्यः ॥ व्र्र्स्बो ५।१७६अब्;१ दाडिमस्य मयूरस्य क्षिप्त्वा क्षारं पृथक् पृथक्

* mahārājagiriḥ śākaviśeṣaḥ rājaśākam itiyāvat sa tu laghusthūlabhedena dvividhaḥ atra ca sthūlo grāhyaḥ // VRrsBo 5.176ab;1 dāḍimasya mayūrasya kṣiptvā kṣāraṃ pṛthak pṛthak

Sanskrit only: no published translation is held for this verse.

एवं विंशतिरात्राणि पचेत्तीव्रेण वह्निना । विघट्टयन्दृढं दोर्भ्यां लोहदर्व्या प्रयत्नतः

evaṃ viṃśatirātrāṇi pacettīvreṇa vahninā / vighaṭṭayandṛḍhaṃ dorbhyāṃ lohadarvyā prayatnataḥ

Sanskrit only: no published translation is held for this verse.

रक्तं तज्जायते भस्म कपोतच्छायमेव वा । नागं दोषविनिर्मुक्तं जायतेऽतिरसायनम्

raktaṃ tajjāyate bhasma kapotacchāyameva vā / nāgaṃ doṣavinirmuktaṃ jāyate'tirasāyanam

Sanskrit only: no published translation is held for this verse.

हतमुत्थापितं सीसं दशवारेण सिध्यति । तन्मृतं सीसकं सर्वदोषमुक्तं रसायनम्

hatamutthāpitaṃ sīsaṃ daśavāreṇa sidhyati / tanmṛtaṃ sīsakaṃ sarvadoṣamuktaṃ rasāyanam

Sanskrit only: no published translation is held for this verse.

अश्वत्थचिंचात्वग्भस्म नागस्य चतुरंशतः । क्षिपेन्नागं पचेत्पात्रे चालयेल्लोहचाटुना

aśvatthaciṃcātvagbhasma nāgasya caturaṃśataḥ / kṣipennāgaṃ pacetpātre cālayellohacāṭunā

Sanskrit only: no published translation is held for this verse.

* लोहचाटुना लोहदर्व्या ॥ व्र्र्स्बो ५।१८०;१ यामाद्भस्म तदुद्धृत्य भस्मतुल्या मनःशिला । जम्बीरैर् आरनालैर्वा पिष्ट्वा रुद्ध्वा पुटे पचेत्

* lohacāṭunā lohadarvyā // VRrsBo 5.180;1 yāmādbhasma taduddhṛtya bhasmatulyā manaḥśilā / jambīrair āranālairvā piṣṭvā ruddhvā puṭe pacet

Sanskrit only: no published translation is held for this verse.

स्वांगशीतं पुनः पिष्ट्वा विंशत्यंशशिलायुतम् । अम्लेनैव तु यामैकं पूर्ववत्पाचयेत्पुटे । एवं षष्टिपुटैः पक्वो नागः स्यात्सुनिरुत्थितः

svāṃgaśītaṃ punaḥ piṣṭvā viṃśatyaṃśaśilāyutam / amlenaiva tu yāmaikaṃ pūrvavatpācayetpuṭe / evaṃ ṣaṣṭipuṭaiḥ pakvo nāgaḥ syātsunirutthitaḥ

Sanskrit only: no published translation is held for this verse.

शिलया रविदुग्धेन नागपत्राणि लेपयेत् । मारयेत्पुटयोगेन निरुत्थं जायते तथा

śilayā ravidugdhena nāgapatrāṇi lepayet / mārayetpuṭayogena nirutthaṃ jāyate tathā

Sanskrit only: no published translation is held for this verse.

एवं नागोद्भवं भस्म ताप्यभस्मार्धभागिकम् । पादं पादं क्षिपेद्भस्म शुल्बस्य विमलस्य च

evaṃ nāgodbhavaṃ bhasma tāpyabhasmārdhabhāgikam / pādaṃ pādaṃ kṣipedbhasma śulbasya vimalasya ca

Sanskrit only: no published translation is held for this verse.

कान्ताभ्रसत्त्वयोश् चापि स्फटिकस्य पृथक् पृथक् । सर्वमेकत्र संचूर्ण्य पुटेत्त्रिफलवारिणा

kāntābhrasattvayoś cāpi sphaṭikasya pṛthak pṛthak / sarvamekatra saṃcūrṇya puṭettriphalavāriṇā

Sanskrit only: no published translation is held for this verse.

त्रिंशद्वनगिरिण्डैश्च त्रिंशद्वारं विचूर्ण्य तत् । व्योषवेल्लकचूर्णैश्च समांशैः सह मेलयेत्

triṃśadvanagiriṇḍaiśca triṃśadvāraṃ vicūrṇya tat / vyoṣavellakacūrṇaiśca samāṃśaiḥ saha melayet

Sanskrit only: no published translation is held for this verse.

मध्वाज्यसहितं हन्ति प्रलीढं वल्लमात्रया । अशीतिवातजान्रोगान्धनुर्वातं विशेषतः

madhvājyasahitaṃ hanti pralīḍhaṃ vallamātrayā / aśītivātajānrogāndhanurvātaṃ viśeṣataḥ

Sanskrit only: no published translation is held for this verse.

कफरोगानशेषांश्च मूत्ररोगांश्च सर्वशः । श्वासं कासं क्षयं पाण्डुं श्वयथुं शीतकज्वरम्

kapharogānaśeṣāṃśca mūtrarogāṃśca sarvaśaḥ / śvāsaṃ kāsaṃ kṣayaṃ pāṇḍuṃ śvayathuṃ śītakajvaram

Sanskrit only: no published translation is held for this verse.

ग्रहणीमामदोषं च वह्निमान्द्यं सुदुर्जरम् । सर्वानुदकदोषांश्च तत्तद्रोगानुपानतः

grahaṇīmāmadoṣaṃ ca vahnimāndyaṃ sudurjaram / sarvānudakadoṣāṃśca tattadrogānupānataḥ

Sanskrit only: no published translation is held for this verse.

रीतिका काकतुण्डी च द्विविधं पित्तलं भवेत्

rītikā kākatuṇḍī ca dvividhaṃ pittalaṃ bhavet

Sanskrit only: no published translation is held for this verse.

संताप्य कांजिके क्षिप्ता ताम्राभा रीतिका मता

saṃtāpya kāṃjike kṣiptā tāmrābhā rītikā matā

Sanskrit only: no published translation is held for this verse.

एवं या जायते कृष्णा काकतुण्डीति सा मता

evaṃ yā jāyate kṛṣṇā kākatuṇḍīti sā matā

Sanskrit only: no published translation is held for this verse.

रीतिस्तिक्तरसा रूक्षा जन्तुघ्नी सास्रपित्तनुत् । पाण्डुकुष्ठहरा योगात्सोष्णवीर्या च शीतला

rītistiktarasā rūkṣā jantughnī sāsrapittanut / pāṇḍukuṣṭhaharā yogātsoṣṇavīryā ca śītalā

Sanskrit only: no published translation is held for this verse.

काकतुण्डी गतस्नेहा तिक्तोष्णा कफपित्तनुत् । यकृत्प्लीहहरा शीतवीर्या च परिकीर्तिता

kākatuṇḍī gatasnehā tiktoṣṇā kaphapittanut / yakṛtplīhaharā śītavīryā ca parikīrtitā

Sanskrit only: no published translation is held for this verse.

गुर्वी मृद्वी च पीताभा साराङ्गी ताडनक्षमा । सुस्निग्धा मसृणाङ्गी च रीतिरेतादृशी शुभा

gurvī mṛdvī ca pītābhā sārāṅgī tāḍanakṣamā / susnigdhā masṛṇāṅgī ca rītiretādṛśī śubhā

Sanskrit only: no published translation is held for this verse.

पाण्डुपीता खरा रूक्षा बर्बरा ताडनाक्षमा । पूतिगन्धा तथा लघ्वी रीतिर्नेष्टा रसादिषु

pāṇḍupītā kharā rūkṣā barbarā tāḍanākṣamā / pūtigandhā tathā laghvī rītirneṣṭā rasādiṣu

Sanskrit only: no published translation is held for this verse.

* श्यामारजोऽन्विते हरिद्राचूर्णसंयुते ॥ व्र्र्स्बो ५।१९७अब्;१ पञ्चवारेण संशुद्धिं रीतिरायाति निश्चितम्

* śyāmārajo'nvite haridrācūrṇasaṃyute // VRrsBo 5.197ab;1 pañcavāreṇa saṃśuddhiṃ rītirāyāti niścitam

Sanskrit only: no published translation is held for this verse.

निम्बूरसशिलागन्धवेष्टिता पुटिताष्टधा । रीतिरायाति भस्मत्वं ततो योज्या यथायथम्

nimbūrasaśilāgandhaveṣṭitā puṭitāṣṭadhā / rītirāyāti bhasmatvaṃ tato yojyā yathāyatham

Sanskrit only: no published translation is held for this verse.

ताम्रवन्मारणं तस्याः कृत्वा सर्वत्र योजयेत्

tāmravanmāraṇaṃ tasyāḥ kṛtvā sarvatra yojayet

Sanskrit only: no published translation is held for this verse.

मृतारकूटकं कान्तं व्योमसत्त्वं च मारितम् । त्रयं समांशकं तुल्यं व्योषं जन्तुघ्नसंयुतम्

mṛtārakūṭakaṃ kāntaṃ vyomasattvaṃ ca māritam / trayaṃ samāṃśakaṃ tulyaṃ vyoṣaṃ jantughnasaṃyutam

Sanskrit only: no published translation is held for this verse.

* अजमोदा यमानी अन्तःपरिमार्जनकत्वात् ॥ व्र्र्स्बो ५।२०१अब्;१ सेवितं निष्कमात्रं हि जन्तुघ्नं कुष्ठनाशनम् । विशेषाच्छ्वेतकुष्ठघ्नं दीपनं पाचनं हितम्

* ajamodā yamānī antaḥparimārjanakatvāt // VRrsBo 5.201ab;1 sevitaṃ niṣkamātraṃ hi jantughnaṃ kuṣṭhanāśanam / viśeṣācchvetakuṣṭhaghnaṃ dīpanaṃ pācanaṃ hitam

Sanskrit only: no published translation is held for this verse.

सुवर्णरीतिकाचूर्णं भक्षितं वेष्टितं पुनः । छागेन कृष्णवर्णेन मत्तेन तरुणेन च

suvarṇarītikācūrṇaṃ bhakṣitaṃ veṣṭitaṃ punaḥ / chāgena kṛṣṇavarṇena mattena taruṇena ca

Sanskrit only: no published translation is held for this verse.

तल्लिप्तं खर्परे दग्धं द्रुतिं मुञ्चति शोभनाम् । चतुर्दशलसद्वर्णसुवर्णसदृशछविः । देहलोहकरी प्रोक्ता युक्ता रसरसायने

talliptaṃ kharpare dagdhaṃ drutiṃ muñcati śobhanām / caturdaśalasadvarṇasuvarṇasadṛśachaviḥ / dehalohakarī proktā yuktā rasarasāyane

Sanskrit only: no published translation is held for this verse.

अष्टभागेन ताम्रेण द्विभागखुरकेण च । विद्रुतेन भवेत्कांस्यं तत्सौराष्ट्रभवं शुभम्

aṣṭabhāgena tāmreṇa dvibhāgakhurakeṇa ca / vidrutena bhavetkāṃsyaṃ tatsaurāṣṭrabhavaṃ śubham

Sanskrit only: no published translation is held for this verse.

तीक्ष्णशब्दं मृदु स्निग्धमीषच्छ्यामलशुभ्रकम् । निर्मलं दाहरक्तं च षोढा कांस्यं प्रशस्यते

tīkṣṇaśabdaṃ mṛdu snigdhamīṣacchyāmalaśubhrakam / nirmalaṃ dāharaktaṃ ca ṣoḍhā kāṃsyaṃ praśasyate

Sanskrit only: no published translation is held for this verse.

तत्पीतं दहने ताम्रं खरं रूक्षं घनासहम् । मन्दनादं गतज्योतिः सप्तधा कांस्यमुत्सृजेत्

tatpītaṃ dahane tāmraṃ kharaṃ rūkṣaṃ ghanāsaham / mandanādaṃ gatajyotiḥ saptadhā kāṃsyamutsṛjet

Sanskrit only: no published translation is held for this verse.

कांस्यं लघु च तिक्तोष्णं लेखनं दृक्प्रसादनम् । कृमिकुष्ठहरं वातपित्तघ्नं दीपनं हितम्

kāṃsyaṃ laghu ca tiktoṣṇaṃ lekhanaṃ dṛkprasādanam / kṛmikuṣṭhaharaṃ vātapittaghnaṃ dīpanaṃ hitam

Sanskrit only: no published translation is held for this verse.

घृतमेकं विना चान्यत्सर्वं कांस्यगतं नृणाम् । भुक्तमारोग्यसुखदं हितं सात्म्यकरं तथा

ghṛtamekaṃ vinā cānyatsarvaṃ kāṃsyagataṃ nṛṇām / bhuktamārogyasukhadaṃ hitaṃ sātmyakaraṃ tathā

Sanskrit only: no published translation is held for this verse.

तप्तं कांस्यं गवां मूत्रे वापितं परिशुध्यति

taptaṃ kāṃsyaṃ gavāṃ mūtre vāpitaṃ pariśudhyati

Sanskrit only: no published translation is held for this verse.

म्रियते गन्धतालाभ्यां निरुत्थं पञ्चभिः पुटैः

mriyate gandhatālābhyāṃ nirutthaṃ pañcabhiḥ puṭaiḥ

Sanskrit only: no published translation is held for this verse.

* आरकूटं पित्तलम् ॥ व्र्र्स्बो ५।२१०;१ कांस्यारकूटपत्राणि तेन कल्केन लेपयेत् । रुद्ध्वा गजपुटे पक्वं शुद्धभस्मत्वमाप्नुयात्

* ārakūṭaṃ pittalam // VRrsBo 5.210;1 kāṃsyārakūṭapatrāṇi tena kalkena lepayet / ruddhvā gajapuṭe pakvaṃ śuddhabhasmatvamāpnuyāt

Sanskrit only: no published translation is held for this verse.

कांस्यार्करीतिलोहाहिजातं तद्वर्तलोहकम् । तदेव पञ्चलोहाख्यं लोहविद्भिरुदाहृतम्

kāṃsyārkarītilohāhijātaṃ tadvartalohakam / tadeva pañcalohākhyaṃ lohavidbhirudāhṛtam

Sanskrit only: no published translation is held for this verse.

हिमाम्लं कटुकं रूक्षं कफपित्तविनाशनम् । रुच्यं त्वच्यं कृमिघ्नं च नेत्र्यं मलविशोधनम्

himāmlaṃ kaṭukaṃ rūkṣaṃ kaphapittavināśanam / rucyaṃ tvacyaṃ kṛmighnaṃ ca netryaṃ malaviśodhanam

Sanskrit only: no published translation is held for this verse.

तद्भाण्डे साधितं सर्वम् अन्नव्यञ्जनसूपकम् । अम्लेन वर्जितं चातिदीपनं पाचनं हितम्

tadbhāṇḍe sādhitaṃ sarvam annavyañjanasūpakam / amlena varjitaṃ cātidīpanaṃ pācanaṃ hitam

Sanskrit only: no published translation is held for this verse.

द्रुतमश्वजले क्षिप्तं वर्तलोहं विशुध्यति

drutamaśvajale kṣiptaṃ vartalohaṃ viśudhyati

Sanskrit only: no published translation is held for this verse.

म्रियते गन्धतालाभ्यां पुटितं वर्तलोहकम् । तेषु तेष्विह योगेषु योजनीयं यथाविधि

mriyate gandhatālābhyāṃ puṭitaṃ vartalohakam / teṣu teṣviha yogeṣu yojanīyaṃ yathāvidhi

Sanskrit only: no published translation is held for this verse.

जातिमद्भिर्विशुद्धैश्च विधिना परिसाधितैः । रसोपरसलोहाद्यैः सूतः सिध्यति नान्यथा

jātimadbhirviśuddhaiśca vidhinā parisādhitaiḥ / rasoparasalohādyaiḥ sūtaḥ sidhyati nānyathā

Sanskrit only: no published translation is held for this verse.

रत्नानि लोहानि वराटशुक्तिपाषाणजातं खुरशृङ्गशल्यम् । महारसाद्येषु कठोरदेहं भस्मीकृतं स्यात् खलु सूतयोग्यम्

ratnāni lohāni varāṭaśuktipāṣāṇajātaṃ khuraśṛṅgaśalyam / mahārasādyeṣu kaṭhoradehaṃ bhasmīkṛtaṃ syāt khalu sūtayogyam

Sanskrit only: no published translation is held for this verse.

वज्राणां द्रावणार्थाय सत्त्वं भूनागजं ब्रुवे । तदेव परमं तेजः सूतराजेन्द्रवज्रयोः

vajrāṇāṃ drāvaṇārthāya sattvaṃ bhūnāgajaṃ bruve / tadeva paramaṃ tejaḥ sūtarājendravajrayoḥ

Sanskrit only: no published translation is held for this verse.

धौतभूनागसम्भूतं मर्दयेद्भृंगजद्रवैः । निम्बूद्रवैश्च निर्गुण्ड्याः स्वरसैस्त्रिदिनं पृथक्

dhautabhūnāgasambhūtaṃ mardayedbhṛṃgajadravaiḥ / nimbūdravaiśca nirguṇḍyāḥ svarasaistridinaṃ pṛthak

Sanskrit only: no published translation is held for this verse.

तद्द्रावणगणोपेतं संमर्द्य वटकीकृतम् । निरुध्य दृढमूषायां द्विदण्डं प्रधमेद् दृढम्

taddrāvaṇagaṇopetaṃ saṃmardya vaṭakīkṛtam / nirudhya dṛḍhamūṣāyāṃ dvidaṇḍaṃ pradhamed dṛḍham

Sanskrit only: no published translation is held for this verse.

स्वतःशीतं समाहृत्य पट्टके विनिवेश्य तत् । रवकान् राजिकातुल्यान् रेणून् अतिभरान्वितान्

svataḥśītaṃ samāhṛtya paṭṭake viniveśya tat / ravakān rājikātulyān reṇūn atibharānvitān

Sanskrit only: no published translation is held for this verse.

द्वादशांशार्कसंयुक्तान्धमित्वा रवकान्हरेत् । प्रक्षाल्य रवकानाशु समादाय प्रयत्नतः

dvādaśāṃśārkasaṃyuktāndhamitvā ravakānharet / prakṣālya ravakānāśu samādāya prayatnataḥ

Sanskrit only: no published translation is held for this verse.

वज्रादिद्रावणं तेन प्रकुर्वीत यथेप्सितम् । खरसत्त्वम् इदं प्रोक्तं रसायनमनुत्तमम् । द्वित्रिमूषासु चैकस्यां सत्त्वं भवति निश्चितम्

vajrādidrāvaṇaṃ tena prakurvīta yathepsitam / kharasattvam idaṃ proktaṃ rasāyanamanuttamam / dvitrimūṣāsu caikasyāṃ sattvaṃ bhavati niścitam

Sanskrit only: no published translation is held for this verse.

भुजङ्गमानुपादाय चतुष्प्रस्थसमन्वितान् । सुवर्णरूप्यताम्रायस्कांतसंभूतिभूमिजान्

bhujaṅgamānupādāya catuṣprasthasamanvitān / suvarṇarūpyatāmrāyaskāṃtasaṃbhūtibhūmijān

Sanskrit only: no published translation is held for this verse.

प्रक्षाल्य रजनीतोयैः शीतलैश्च जलैरपि । उपोषितं मयूरं वा शूरं वा चरणायुधम्

prakṣālya rajanītoyaiḥ śītalaiśca jalairapi / upoṣitaṃ mayūraṃ vā śūraṃ vā caraṇāyudham

Sanskrit only: no published translation is held for this verse.

क्रमेण चारयित्वाथ तद्विष्ठां समुपाहरेत् । क्षाराम्लैः सह संपेष्य विशोष्य च खरातपे

krameṇa cārayitvātha tadviṣṭhāṃ samupāharet / kṣārāmlaiḥ saha saṃpeṣya viśoṣya ca kharātape

Sanskrit only: no published translation is held for this verse.

ततः खर्परके क्षिप्त्वा भर्जयित्वा मषीं चरेत् । मषीं द्रावणवर्गेण संयुक्तां संप्रमर्दिताम्

tataḥ kharparake kṣiptvā bharjayitvā maṣīṃ caret / maṣīṃ drāvaṇavargeṇa saṃyuktāṃ saṃpramarditām

Sanskrit only: no published translation is held for this verse.

* खोटं रसजारणबन्धनद्रव्यविशेषं भूनागसत्त्वस्य रसजारकत्वात् अत्र खोटशब्देन रवकरेणुरूपं भूनागसत्त्वं बोध्यम् ॥ व्र्र्स्बो ५।२२९अब्;१ शीतलीभूतमूषायाः खोटमाहृत्य पेषयेत्

* khoṭaṃ rasajāraṇabandhanadravyaviśeṣaṃ bhūnāgasattvasya rasajārakatvāt atra khoṭaśabdena ravakareṇurūpaṃ bhūnāgasattvaṃ bodhyam // VRrsBo 5.229ab;1 śītalībhūtamūṣāyāḥ khoṭamāhṛtya peṣayet

Sanskrit only: no published translation is held for this verse.

प्रक्षाल्य रवकान्सूक्ष्मान्समादाय प्रयत्नतः । सुवर्णमानवद् ध्मात्वा रवं कृत्वा नियोजयेत्

prakṣālya ravakānsūkṣmānsamādāya prayatnataḥ / suvarṇamānavad dhmātvā ravaṃ kṛtvā niyojayet

Sanskrit only: no published translation is held for this verse.

भूनागोद्भवसत्त्वमुत्तममिदं श्रीसोमदेवोदितं दत्तं पादमितं द्विशाणकनकेनैकं गतेनोर्मिकाम् । तद्धौताम्बुविलेपितं स्थिरचरोद्भूतं विषं नेत्ररुक् शूलं मूलगदं च कर्णजरुजो हन्यात् प्रसूतिग्रहम्

bhūnāgodbhavasattvamuttamamidaṃ śrīsomadevoditaṃ dattaṃ pādamitaṃ dviśāṇakanakenaikaṃ gatenormikām / taddhautāmbuvilepitaṃ sthiracarodbhūtaṃ viṣaṃ netraruk śūlaṃ mūlagadaṃ ca karṇajarujo hanyāt prasūtigraham

Sanskrit only: no published translation is held for this verse.

मूलान्युत्तरवारुण्या जर्जरीकृत्य कांजिके । क्षिपेदङ्कोल्लबीजानां पेशिकां जर्जरीकृताम् । तत्तैलं घृतवत्स्त्यानं ग्राह्यं तत्तु यथाविधि

mūlānyuttaravāruṇyā jarjarīkṛtya kāṃjike / kṣipedaṅkollabījānāṃ peśikāṃ jarjarīkṛtām / tattailaṃ ghṛtavatstyānaṃ grāhyaṃ tattu yathāvidhi

Sanskrit only: no published translation is held for this verse.

संपेष्योत्तरवारुण्याः पेटकार्या दलान्यथ । काञ्जिकेन ततस्तेन कल्केन परिमर्दयेत्

saṃpeṣyottaravāruṇyāḥ peṭakāryā dalānyatha / kāñjikena tatastena kalkena parimardayet

Sanskrit only: no published translation is held for this verse.

रजश्चाङ्कोल्लबीजानां तद्बद्ध्वा विरलाम्बरे । तद्विलम्ब्यातपे तीव्रे तस्याधश्चषकं न्यसेत् । तस्मिन्निपतितं तैलमादेयं श्वित्रनाशनम्

rajaścāṅkollabījānāṃ tadbaddhvā viralāmbare / tadvilambyātape tīvre tasyādhaścaṣakaṃ nyaset / tasminnipatitaṃ tailamādeyaṃ śvitranāśanam

Sanskrit only: no published translation is held for this verse.

अङ्कोल्लबीजसम्भूतं चूर्णं संमर्द्य काञ्जिकैः । एकरात्रोषितं तत्तु पिण्डीकृत्य ततः परम्

aṅkollabījasambhūtaṃ cūrṇaṃ saṃmardya kāñjikaiḥ / ekarātroṣitaṃ tattu piṇḍīkṛtya tataḥ param

Sanskrit only: no published translation is held for this verse.

स्वेदयेत्कन्दुके यन्त्रे घटिकाद्वितयं ततः । तां च पिण्डीं दृढे वस्त्रे बद्ध्वा निष्पीड्य काष्ठतः

svedayetkanduke yantre ghaṭikādvitayaṃ tataḥ / tāṃ ca piṇḍīṃ dṛḍhe vastre baddhvā niṣpīḍya kāṣṭhataḥ

Sanskrit only: no published translation is held for this verse.

अधःपात्रस्थितं तैलं समाहृत्य नियोजयेत् । एवं कन्दुकयन्त्रेण सर्वतैलान्युपाहरेत्

adhaḥpātrasthitaṃ tailaṃ samāhṛtya niyojayet / evaṃ kandukayantreṇa sarvatailānyupāharet

Sanskrit only: no published translation is held for this verse.

* काकतुण्डी श्वेतगुञ्जा ॥ व्र्र्स्बो ५।२३७;१ अङ्कोलस्यापि तैलं स्यात्काकतुण्ड्या समूलया

* kākatuṇḍī śvetaguñjā // VRrsBo 5.237;1 aṅkolasyāpi tailaṃ syātkākatuṇḍyā samūlayā

Sanskrit only: no published translation is held for this verse.

वाकुचिदेवदाल्योश्च कर्कोटीमूलतो भवेत्

vākucidevadālyośca karkoṭīmūlato bhavet

Sanskrit only: no published translation is held for this verse.

अपामार्गकषायेण तैलं स्याद्विषमुष्टिजम्

apāmārgakaṣāyeṇa tailaṃ syādviṣamuṣṭijam

Sanskrit only: no published translation is held for this verse.