Vagbhata: Rasaratnasamuccaya 6

रसशास्त्राणि सर्वाणि समालोच्य यथाक्रमम् । साधकानां हितार्थाय प्रकटीक्रियते ऽधुना

rasaśāstrāṇi sarvāṇi samālocya yathākramam / sādhakānāṃ hitārthāya prakaṭīkriyate 'dhunā

Sanskrit only: no published translation is held for this verse.

न क्रमेण विना शास्त्रं न शास्त्रेण विना क्रमः । शास्त्रं क्रमयुतं ज्ञात्वा यः करोति स सिद्धिभाक्

na krameṇa vinā śāstraṃ na śāstreṇa vinā kramaḥ / śāstraṃ kramayutaṃ jñātvā yaḥ karoti sa siddhibhāk

Sanskrit only: no published translation is held for this verse.

आचार्यो ज्ञानवान्दक्षो रसशास्त्रविशारदः । मन्त्रसिद्धो महावीरो निश्चलशिववत्सलः

ācāryo jñānavāndakṣo rasaśāstraviśāradaḥ / mantrasiddho mahāvīro niścalaśivavatsalaḥ

Sanskrit only: no published translation is held for this verse.

देवीभक्तः सदा धीरो देवतायागतत्परः । सर्वाम्नायविशेषज्ञः कुशलो रसकर्मणि । एवं लक्षणसंयुक्तो रसविद्यागुरुर् भवेत्

devībhaktaḥ sadā dhīro devatāyāgatatparaḥ / sarvāmnāyaviśeṣajñaḥ kuśalo rasakarmaṇi / evaṃ lakṣaṇasaṃyukto rasavidyāgurur bhavet

Sanskrit only: no published translation is held for this verse.

गुरुभक्ताः सदाचाराः सत्यवन्तो दृढव्रताः । निरालस्याः स्वधर्मज्ञाः सदाज्ञापरिपालकाः

gurubhaktāḥ sadācārāḥ satyavanto dṛḍhavratāḥ / nirālasyāḥ svadharmajñāḥ sadājñāparipālakāḥ

Sanskrit only: no published translation is held for this verse.

दम्भमात्सर्यनिर्मुक्ताः कुलाचारेषु दीक्षिताः । अत्यन्तसाधकाः शान्ता मन्त्राराधनतत्पराः । इत्येवं लक्षणैर्युक्ताः शिष्याः स्युः सूतसिद्धये

dambhamātsaryanirmuktāḥ kulācāreṣu dīkṣitāḥ / atyantasādhakāḥ śāntā mantrārādhanatatparāḥ / ityevaṃ lakṣaṇairyuktāḥ śiṣyāḥ syuḥ sūtasiddhaye

Sanskrit only: no published translation is held for this verse.

सहायाः सोद्यमास्तत्र यथा शिष्यास्ततो ऽधिकाः । कुलीनाः स्वामिभक्ताश्च कर्तव्या रसकर्मणि

sahāyāḥ sodyamāstatra yathā śiṣyāstato 'dhikāḥ / kulīnāḥ svāmibhaktāśca kartavyā rasakarmaṇi

Sanskrit only: no published translation is held for this verse.

नास्तिका ये दुराचाराश्चुम्बका गुरुतो ऽपरात् । विद्यां ग्रहीतुमिच्छति चौर्यच्छद्मखलोत्सवात्

nāstikā ye durācārāścumbakā guruto 'parāt / vidyāṃ grahītumicchati cauryacchadmakhalotsavāt

Sanskrit only: no published translation is held for this verse.

न तेषां सिध्यते किंचिन् मणिमन्त्रौषधादिकम् । कुर्वन्ति यदि मोहेन नाशयन्ति स्वकं धनम् । इह लोके सुखं नास्ति परलोके तथैव च

na teṣāṃ sidhyate kiṃcin maṇimantrauṣadhādikam / kurvanti yadi mohena nāśayanti svakaṃ dhanam / iha loke sukhaṃ nāsti paraloke tathaiva ca

Sanskrit only: no published translation is held for this verse.

तस्माद् भक्तिबलादेव संतुष्यति यदा गुरुः । तदा शिष्येण सा ग्राह्या रसविद्यात्मसिद्धये । हस्तमस्तकयोगेन वरं लब्ध्वा सुसाधयेत्

tasmād bhaktibalādeva saṃtuṣyati yadā guruḥ / tadā śiṣyeṇa sā grāhyā rasavidyātmasiddhaye / hastamastakayogena varaṃ labdhvā susādhayet

Sanskrit only: no published translation is held for this verse.

आतङ्करहिते देशे धर्मराज्ये मनोरमे । उमामहेश्वरोपेते समृद्धे नगरे शुभे

ātaṅkarahite deśe dharmarājye manorame / umāmaheśvaropete samṛddhe nagare śubhe

Sanskrit only: no published translation is held for this verse.

कर्तव्यं साधनं तत्र रसराजस्य धीमता । अत्यन्तोपवने रम्ये चतुर्द्वारोपशोभिते

kartavyaṃ sādhanaṃ tatra rasarājasya dhīmatā / atyantopavane ramye caturdvāropaśobhite

Sanskrit only: no published translation is held for this verse.

तत्र शाला प्रकर्तव्या सुविस्तीर्णा मनोरमा । सम्यग्वातायनोपेता दिव्यचित्रैर् विचित्रिता

tatra śālā prakartavyā suvistīrṇā manoramā / samyagvātāyanopetā divyacitrair vicitritā

Sanskrit only: no published translation is held for this verse.

तत्समीपे समे दीप्ते कर्तव्यं रसमण्डपम् । अतिगुप्तं सुविस्तीर्णं कपाटार्गलशोभितम्

tatsamīpe same dīpte kartavyaṃ rasamaṇḍapam / atiguptaṃ suvistīrṇaṃ kapāṭārgalaśobhitam

Sanskrit only: no published translation is held for this verse.

ध्वजछत्त्रवितानाढ्यं पुष्पमालाविलम्बितम् । भेरीकाहलघण्टादिशृङ्गीनादावनादितम्

dhvajachattravitānāḍhyaṃ puṣpamālāvilambitam / bherīkāhalaghaṇṭādiśṛṅgīnādāvanāditam

Sanskrit only: no published translation is held for this verse.

भूः समा तत्र कर्तव्या सुदृढा दर्पणोपमा । तन्मध्ये वेदिका रम्या कर्तव्या लक्षणान्विता

bhūḥ samā tatra kartavyā sudṛḍhā darpaṇopamā / tanmadhye vedikā ramyā kartavyā lakṣaṇānvitā

Sanskrit only: no published translation is held for this verse.

निष्कत्रयं हेमपत्त्रं रसेन्द्रं नवनिष्ककम् । अम्लेन मर्दयेद् यामं तेन लिङ्गं तु कारयेत्

niṣkatrayaṃ hemapattraṃ rasendraṃ navaniṣkakam / amlena mardayed yāmaṃ tena liṅgaṃ tu kārayet

Sanskrit only: no published translation is held for this verse.

दोलायन्त्रे सारनाले जम्बीरस्थं दिनं पचेत् । तल्लिङ्गं पूजयेत्तत्र सुशुभैरुपचारकैः

dolāyantre sāranāle jambīrasthaṃ dinaṃ pacet / talliṅgaṃ pūjayettatra suśubhairupacārakaiḥ

Sanskrit only: no published translation is held for this verse.

लिङ्गकोटिसहस्रस्य यत्फलं सम्यगर्चनात् । तत्फलं कोटिगुणितं रसलिङ्गार्चनाद्भवेत्

liṅgakoṭisahasrasya yatphalaṃ samyagarcanāt / tatphalaṃ koṭiguṇitaṃ rasaliṅgārcanādbhavet

Sanskrit only: no published translation is held for this verse.

ब्रह्महत्यासहस्राणि गोहत्याश्चायुतानि हि । तत्क्षणाद्विलयं यान्ति रसलिङ्गस्य दर्शनात्

brahmahatyāsahasrāṇi gohatyāścāyutāni hi / tatkṣaṇādvilayaṃ yānti rasaliṅgasya darśanāt

Sanskrit only: no published translation is held for this verse.

स्पर्शनात्प्राप्यते मुक्तिरिति सत्यं शिवोदितम् । आग्नेय्यां श्रीघोरेण मन्त्रराजेन चार्चयेत्

sparśanātprāpyate muktiriti satyaṃ śivoditam / āgneyyāṃ śrīghoreṇa mantrarājena cārcayet

Sanskrit only: no published translation is held for this verse.

अष्टादशभुजं शुभ्रं पञ्चवक्त्रं त्रिलोचनम् । प्रेतारूढं नीलकण्ठं रसलिङ्गं विचिन्तयेत्

aṣṭādaśabhujaṃ śubhraṃ pañcavaktraṃ trilocanam / pretārūḍhaṃ nīlakaṇṭhaṃ rasaliṅgaṃ vicintayet

Sanskrit only: no published translation is held for this verse.

तस्योत्सङ्गे महादेवीमेकवक्त्रां चतुर्भुजाम् । अक्षमालाङ्कुशं दक्षे वामे पाशाभयं शुभम् । दधतीं तप्तहेमाभां पीतवस्त्रां विभावयेत्

tasyotsaṅge mahādevīmekavaktrāṃ caturbhujām / akṣamālāṅkuśaṃ dakṣe vāme pāśābhayaṃ śubham / dadhatīṃ taptahemābhāṃ pītavastrāṃ vibhāvayet

Sanskrit only: no published translation is held for this verse.

वाङ्मयी श्रीः कामराजशक्तिबीजं रसाङ्कुशा । यैः समा द्वादशाः शैवज्ञेया विद्या रसाङ्कुशा

vāṅmayī śrīḥ kāmarājaśaktibījaṃ rasāṅkuśā / yaiḥ samā dvādaśāḥ śaivajñeyā vidyā rasāṅkuśā

Sanskrit only: no published translation is held for this verse.

अनया पूजयेद्देवीं गन्धपुष्पाक्षतादिभिः । नन्दीभृङ्गीमहाकालकुलीरान् पूर्वदिक्क्रमात् । पूजयेन् नाममन्त्रैश् च प्रणवादिनमो ऽन्तकैः

anayā pūjayeddevīṃ gandhapuṣpākṣatādibhiḥ / nandībhṛṅgīmahākālakulīrān pūrvadikkramāt / pūjayen nāmamantraiś ca praṇavādinamo 'ntakaiḥ

Sanskrit only: no published translation is held for this verse.

एव नित्यार्चनं तत्र कर्तव्यं रससिद्धये

eva nityārcanaṃ tatra kartavyaṃ rasasiddhaye

Sanskrit only: no published translation is held for this verse.

रसविद्या शिवेनोक्ता दातव्या साधकाय वै । यथोक्तेन विधानेन गुरुणा मुदितात्मना

rasavidyā śivenoktā dātavyā sādhakāya vai / yathoktena vidhānena guruṇā muditātmanā

Sanskrit only: no published translation is held for this verse.

सुमुहूर्ते सुनक्षत्रे चन्द्रताराबलान्विते । कलशं तोयसम्पूर्णं हेमरत्नफलैर्युतम्

sumuhūrte sunakṣatre candratārābalānvite / kalaśaṃ toyasampūrṇaṃ hemaratnaphalairyutam

Sanskrit only: no published translation is held for this verse.

स्थापयेद् रसलिङ्गाग्रे दिव्यवस्त्रेण वेष्टितम् । गन्धपुष्पाक्षतैर् धूपैर् नैवेद्यैश्च सुपूजयेत्

sthāpayed rasaliṅgāgre divyavastreṇa veṣṭitam / gandhapuṣpākṣatair dhūpair naivedyaiśca supūjayet

Sanskrit only: no published translation is held for this verse.

पूजान्ते हवनं कुर्याद्योनिकुण्डे सुलक्षणे । तिलाज्यैः पायसैः पुष्पैः शतपुष्पादिकैः पृथक्

pūjānte havanaṃ kuryādyonikuṇḍe sulakṣaṇe / tilājyaiḥ pāyasaiḥ puṣpaiḥ śatapuṣpādikaiḥ pṛthak

Sanskrit only: no published translation is held for this verse.

अघोरेण रसाङ्कुश्या होमान्ते शिष्यमाह्वयेत् । कालिनीशक्तिसंयुक्तं रससिद्धिपरायणम्

aghoreṇa rasāṅkuśyā homānte śiṣyamāhvayet / kālinīśaktisaṃyuktaṃ rasasiddhiparāyaṇam

Sanskrit only: no published translation is held for this verse.

यस्यास्तु कुञ्चिताः केशाः श्यामा या पद्मलोचना । सुरूपा तरुणी भिन्ना विस्तीर्णजघना शुभा

yasyāstu kuñcitāḥ keśāḥ śyāmā yā padmalocanā / surūpā taruṇī bhinnā vistīrṇajaghanā śubhā

Sanskrit only: no published translation is held for this verse.

संकीर्णहृदया पीनस्तनभारेण नम्रिता । चुम्बनालिङ्गस्पर्शकोमला मृदुभाषिणी

saṃkīrṇahṛdayā pīnastanabhāreṇa namritā / cumbanāliṅgasparśakomalā mṛdubhāṣiṇī

Sanskrit only: no published translation is held for this verse.

अश्वत्थपत्त्रसदृशयोनिदेशसुशोभिता । कृष्णपक्षे पुष्पवती सा नारी कालिनी स्मृता । रसबन्धे प्रयोगे च उत्तमा सा रसायने

aśvatthapattrasadṛśayonideśasuśobhitā / kṛṣṇapakṣe puṣpavatī sā nārī kālinī smṛtā / rasabandhe prayoge ca uttamā sā rasāyane

Sanskrit only: no published translation is held for this verse.

तदभावे सुरूपा तु या काचित् तरुणाङ्गना । तस्या देयं त्रिसप्ताहं गन्धकं घृतसंयुतम् । कर्षैकैकं प्रभाते तु सा भवेत्कालिनीसमा

tadabhāve surūpā tu yā kācit taruṇāṅganā / tasyā deyaṃ trisaptāhaṃ gandhakaṃ ghṛtasaṃyutam / karṣaikaikaṃ prabhāte tu sā bhavetkālinīsamā

Sanskrit only: no published translation is held for this verse.

एवं शक्तियुतो यो ऽसौ दीक्षयेत् तं गुरूत्तमः । सुस्नातम् अभिषिञ्चेत मन्त्रेण कलशोदकैः

evaṃ śaktiyuto yo 'sau dīkṣayet taṃ gurūttamaḥ / susnātam abhiṣiñceta mantreṇa kalaśodakaiḥ

Sanskrit only: no published translation is held for this verse.

अघोरामङ्कुशीं विद्यां दध्याच्छिष्याय सद्गुरुः । यथाशक्त्या सुशिष्येण दातव्या गुरुदक्षिणा । अथाज्ञया गुरोर्मन्त्रं लक्षं लक्षं पृथग्जपेत्

aghorāmaṅkuśīṃ vidyāṃ dadhyācchiṣyāya sadguruḥ / yathāśaktyā suśiṣyeṇa dātavyā gurudakṣiṇā / athājñayā gurormantraṃ lakṣaṃ lakṣaṃ pṛthagjapet

Sanskrit only: no published translation is held for this verse.

ॐ ह्रां ह्रीं ह्रूं अद्योरतर प्रस्फुट २ प्रकट २ कह २ शमय २ जात २ दह २ पातय २ ॐ ह्रीं ह्रैं ह्रौं ह्रूं अघोराय फट् इमम् अघोरमन्त्रं तु औं कामराजशक्तिबीजरसाङ्कुशायै आज्ञया विद्यां रसाङ्कुशाम् । अनया पूजयेद् देवीं शक्तिम् अङ्कुशविद्यया

oṃ hrāṃ hrīṃ hrūṃ adyoratara prasphuṭa 2 prakaṭa 2 kaha 2 śamaya 2 jāta 2 daha 2 pātaya 2 oṃ hrīṃ hraiṃ hrauṃ hrūṃ aghorāya phaṭ imam aghoramantraṃ tu auṃ kāmarājaśaktibījarasāṅkuśāyai ājñayā vidyāṃ rasāṅkuśām | anayā pūjayed devīṃ śaktim aṅkuśavidyayā

Sanskrit only: no published translation is held for this verse.

दशांशं जुहुयात्कुण्डे त्रिकोणे हस्तमात्रके । जातिपुष्पं त्रिमध्वक्तं पूर्णान्ते कन्यकार्चनम्

daśāṃśaṃ juhuyātkuṇḍe trikoṇe hastamātrake / jātipuṣpaṃ trimadhvaktaṃ pūrṇānte kanyakārcanam

Sanskrit only: no published translation is held for this verse.

कृत्वाथ प्रविशेच्छालां शुद्धां लिप्तां सवेदिकाम् । षट्कोणं मण्डलं तत्र सिन्दूरेण द्विहस्तकम्

kṛtvātha praviśecchālāṃ śuddhāṃ liptāṃ savedikām / ṣaṭkoṇaṃ maṇḍalaṃ tatra sindūreṇa dvihastakam

Sanskrit only: no published translation is held for this verse.

वेदिकायां लिखेत्सम्यक् तद्बहिश् चाष्टपत्त्रकम् । कमलं चतुरस्रं च चतुर्द्वारैः सुशोभितम्

vedikāyāṃ likhetsamyak tadbahiś cāṣṭapattrakam / kamalaṃ caturasraṃ ca caturdvāraiḥ suśobhitam

Sanskrit only: no published translation is held for this verse.

कर्णिकायां न्यसेत् खल्लं लोहजं स्वर्णलेखितम् । तन्मध्ये रसराजं तु पलानां शतमात्रकम् । पञ्चाशत्पञ्चविंशद् वा पूजयेद् रसलिङ्गवत्

karṇikāyāṃ nyaset khallaṃ lohajaṃ svarṇalekhitam / tanmadhye rasarājaṃ tu palānāṃ śatamātrakam / pañcāśatpañcaviṃśad vā pūjayed rasaliṅgavat

Sanskrit only: no published translation is held for this verse.

वज्रवैक्रान्तवज्राभ्रकान्तपाषाणटङ्कणम् । भूनागः शक्तयश्चैताः षट्कोणे पूजयेत् क्रमात्

vajravaikrāntavajrābhrakāntapāṣāṇaṭaṅkaṇam / bhūnāgaḥ śaktayaścaitāḥ ṣaṭkoṇe pūjayet kramāt

Sanskrit only: no published translation is held for this verse.

गन्धतालककासीसशिलाकङ्कुष्ठभूषणम् । राजावर्तो गैरिकं च ख्याता उपरसा अमी । पूज्या अष्टदलेष्वेते पूर्वादीशानगं क्रमात्

gandhatālakakāsīsaśilākaṅkuṣṭhabhūṣaṇam / rājāvarto gairikaṃ ca khyātā uparasā amī / pūjyā aṣṭadaleṣvete pūrvādīśānagaṃ kramāt

Sanskrit only: no published translation is held for this verse.

रसकं विमला ताप्यं चपला तुत्थम् अञ्जनम् । हिङ्गुलं सस्यकं चैव ख्याता एते महारसाः । पूर्वादीशानपर्यन्तं पत्त्राग्रेषु प्रपूजयेत्

rasakaṃ vimalā tāpyaṃ capalā tuttham añjanam / hiṅgulaṃ sasyakaṃ caiva khyātā ete mahārasāḥ / pūrvādīśānaparyantaṃ pattrāgreṣu prapūjayet

Sanskrit only: no published translation is held for this verse.

पूर्वद्वारे स्वर्णरौप्ये दक्षिणे ताम्रसीसके । पश्चिमे वङ्गकान्तौ च उत्तरे मुण्डतीक्ष्णके । सर्वमेतद् अघोरेण पूजयेद् अङ्कुशान्वितम्

pūrvadvāre svarṇaraupye dakṣiṇe tāmrasīsake / paścime vaṅgakāntau ca uttare muṇḍatīkṣṇake / sarvametad aghoreṇa pūjayed aṅkuśānvitam

Sanskrit only: no published translation is held for this verse.

विडं काञ्जिकयन्त्राणि क्षारमृल्लवणानि च । कोष्ठी मूषा वङ्कनालतुषाङ्गारवनोपलाः

viḍaṃ kāñjikayantrāṇi kṣāramṛllavaṇāni ca / koṣṭhī mūṣā vaṅkanālatuṣāṅgāravanopalāḥ

Sanskrit only: no published translation is held for this verse.

भस्त्रिका दण्डिकानेका शिला खल्वान्युलूखलम् । स्वर्णकारोपकरणं समस्ततुलनानि च

bhastrikā daṇḍikānekā śilā khalvānyulūkhalam / svarṇakāropakaraṇaṃ samastatulanāni ca

Sanskrit only: no published translation is held for this verse.

मृत्काष्ठताम्रलोहोत्थपात्राणि विविधानि च । दिव्यौषधीनां वर्गाश्च रञ्जकस्नेहनानि च । एतानि द्वारबाह्ये तु मूलमन्त्रेण पूजयेत्

mṛtkāṣṭhatāmralohotthapātrāṇi vividhāni ca / divyauṣadhīnāṃ vargāśca rañjakasnehanāni ca / etāni dvārabāhye tu mūlamantreṇa pūjayet

Sanskrit only: no published translation is held for this verse.

वाङ्माया ह्रीं ततः क्षें च क्ष्मश्च पञ्चाक्षरो मनुः । अनेन मन्त्रेण भैरवं तत्र पूजयेत् । सर्वेषां रससिद्धानां नाम संकीर्तयेत् तदा

vāṅmāyā hrīṃ tataḥ kṣeṃ ca kṣmaśca pañcākṣaro manuḥ / anena mantreṇa bhairavaṃ tatra pūjayet / sarveṣāṃ rasasiddhānāṃ nāma saṃkīrtayet tadā

Sanskrit only: no published translation is held for this verse.

व्यालाचार्यश् चन्द्रसेनः सुबुद्धिर्नरवाहनः । नागार्जुनो रत्नघोषः सुरानन्दो यशोधनः

vyālācāryaś candrasenaḥ subuddhirnaravāhanaḥ / nāgārjuno ratnaghoṣaḥ surānando yaśodhanaḥ

Sanskrit only: no published translation is held for this verse.

इन्द्रश्च माण्डव्यश्चर्पटी शूरसेनकः । आगमो नागबुद्धिश् च खण्डः कापालिको मतः

indraśca māṇḍavyaścarpaṭī śūrasenakaḥ / āgamo nāgabuddhiś ca khaṇḍaḥ kāpāliko mataḥ

Sanskrit only: no published translation is held for this verse.

कामारिस् तान्त्रिकः शम्भुर् लङ्कालम्पटशारदौ । बाणासुरो मुनिश्रेष्ठो गोविन्दः कपिलो बलिः

kāmāris tāntrikaḥ śambhur laṅkālampaṭaśāradau / bāṇāsuro muniśreṣṭho govindaḥ kapilo baliḥ

Sanskrit only: no published translation is held for this verse.

एते सर्वे तु सूतेन्द्रा रससिद्धा महाबलाः । चरन्ति सर्वलोकेषु नित्या भोगपरायणाः

ete sarve tu sūtendrā rasasiddhā mahābalāḥ / caranti sarvalokeṣu nityā bhogaparāyaṇāḥ

Sanskrit only: no published translation is held for this verse.

सप्तविंशतिसंख्याका रससिद्धिप्रदायकाः । वैद्याः पूज्याः प्रयत्नेन ततः कुर्याद्रसार्चनम्

saptaviṃśatisaṃkhyākā rasasiddhipradāyakāḥ / vaidyāḥ pūjyāḥ prayatnena tataḥ kuryādrasārcanam

Sanskrit only: no published translation is held for this verse.

हर्षयन्द्विजदेवानां तर्पयेदिष्टदेवताः । कुमारीयोगिनीयोगीश्वरान्मेलकसाधकान् । तर्पयेत् पूजयेद् भक्त्या यथाशक्त्यनुसारतः

harṣayandvijadevānāṃ tarpayediṣṭadevatāḥ / kumārīyoginīyogīśvarānmelakasādhakān / tarpayet pūjayed bhaktyā yathāśaktyanusārataḥ

Sanskrit only: no published translation is held for this verse.

इत्येवं सर्वसम्भारयुक्तं कुर्याद्रसोत्सवम् । सर्वविघ्नप्रशान्त्यर्थं सर्वेप्सितफलप्रदम्

ityevaṃ sarvasambhārayuktaṃ kuryādrasotsavam / sarvavighnapraśāntyarthaṃ sarvepsitaphalapradam

Sanskrit only: no published translation is held for this verse.

अन्यथा यो विमूढात्मा मन्त्रदीक्षाक्रमाद्विना । कर्तुमिच्छति सूतस्य साधनं गुरुवर्जितः

anyathā yo vimūḍhātmā mantradīkṣākramādvinā / kartumicchati sūtasya sādhanaṃ guruvarjitaḥ

Sanskrit only: no published translation is held for this verse.

नासौ सिद्धिमवाप्नोति यत्नकोटिशतैरपि । तस्मात्सर्वप्रयत्नेन शास्त्रोक्तां कारयेत्क्रियाम्

nāsau siddhimavāpnoti yatnakoṭiśatairapi / tasmātsarvaprayatnena śāstroktāṃ kārayetkriyām

Sanskrit only: no published translation is held for this verse.

सम्यक्साधनसोद्यमा गुरुयुता राजाज्ञयालंकृता नानाकर्मपराङ्मुखा रसपराश् चाढ्या जनैश्चार्थिताः । मात्रायन्त्रसुपाककर्मकुशलाः सर्वौषधे कोविदाः तेषां सिध्यति नान्यथा विधिबलाच्छ्रीपारदः पारदः

samyaksādhanasodyamā guruyutā rājājñayālaṃkṛtā nānākarmaparāṅmukhā rasaparāś cāḍhyā janaiścārthitāḥ / mātrāyantrasupākakarmakuśalāḥ sarvauṣadhe kovidāḥ teṣāṃ sidhyati nānyathā vidhibalācchrīpāradaḥ pāradaḥ

Sanskrit only: no published translation is held for this verse.

रसशास्त्रं प्रदातव्यं विप्राणां धर्महेतवे । राज्ञे वैश्याय वृद्ध्यर्थं दास्यार्थम् इतरस्य च

rasaśāstraṃ pradātavyaṃ viprāṇāṃ dharmahetave / rājñe vaiśyāya vṛddhyarthaṃ dāsyārtham itarasya ca

Sanskrit only: no published translation is held for this verse.

गुरौ तुष्टे शिवस्तुष्येच्छिवे तुष्टे रसस्तथा । रसे तुष्टे क्रियाः सर्वाः सिध्यन्त्येव न संशयः

gurau tuṣṭe śivastuṣyecchive tuṣṭe rasastathā / rase tuṣṭe kriyāḥ sarvāḥ sidhyantyeva na saṃśayaḥ

Sanskrit only: no published translation is held for this verse.

रसविद्या दृढं गोप्या मातुर्गुह्यमिव ध्रुवम् । भवेद् वीर्यवती गुप्ता निर्वीर्या च प्रकाशनात्

rasavidyā dṛḍhaṃ gopyā māturguhyamiva dhruvam / bhaved vīryavatī guptā nirvīryā ca prakāśanāt

Sanskrit only: no published translation is held for this verse.

न रोगिविदितं कार्यं बहुभिर्विदितं तथा । रोगिणां बहुभिर्ज्ञातं भवेन्निर्वीर्यम् औषधम्

na rogividitaṃ kāryaṃ bahubhirviditaṃ tathā / rogiṇāṃ bahubhirjñātaṃ bhavennirvīryam auṣadham

Sanskrit only: no published translation is held for this verse.