नमस् ते रुद्र मन्यव ऽ उतो त ऽ इषवे नमः । बाहुभ्याम् उत ते नमः ॥
namas te rudra manyava ' uto ta ' iṣave namaḥ | bāhubhyām uta te namaḥ ||
Sanskrit only: no published translation is held for this verse.
Library·Vājasaneyi Saṃhitā (Śukla Yajurveda, as given on Wikisource)·16
Vājasaneyi Saṃhitā (Śukla Yajurveda, as given on Wikisource) 16
या ते रुद्र शिवा तनूर् अघोरापापकाशिनी । तया नस् तन्वा शंतमया गिरिशन्ताभि चाकशीहि ॥
yā te rudra śivā tanūr aghorāpāpakāśinī | tayā nas tanvā śaṃtamayā giriśantābhi cākaśīhi ||
Sanskrit only: no published translation is held for this verse.
याम् इषुं गिरिशन्त हस्ते बिभर्ष्य् अस्तवे । शिवां गिरित्र तां कुरु मा हिꣳसीः पुरुषं जगत् ॥
yām iṣuṃ giriśanta haste bibharṣy astave | śivāṃ giritra tāṃ kuru mā him̐sīḥ puruṣaṃ jagat ||
Sanskrit only: no published translation is held for this verse.
शिवेन वचसा त्वा गिरिशाच्छा वदामसि । यथा नः सर्वम् इज् जगद् अयक्ष्मꣳ सुमना ऽ असत् ॥
śivena vacasā tvā giriśācchā vadāmasi | yathā naḥ sarvam ij jagad ayakṣmam̐ sumanā ' asat ||
Sanskrit only: no published translation is held for this verse.
अध्य् अवोचद् अधिवक्ता प्रथमो दैव्यो भिषक् । अहीꣳश् च सर्वान् जम्भयन्त् सर्वाश् च यातुधान्यो ऽधराचीः परा सुव ॥
adhy avocad adhivaktā prathamo daivyo bhiṣak | ahīm̐ś ca sarvān jambhayant sarvāś ca yātudhānyo 'dharācīḥ parā suva ||
Sanskrit only: no published translation is held for this verse.
असौ यस् ताम्रो ऽ अरुण ऽ उत बभ्रुः सुमङ्गलः । ये चैनꣳ रुद्रा ऽ अभितो दिक्षु श्रिताः सहस्रशो वैषाꣳ हेड ऽ ईमहे ॥
asau yas tāmro ' aruṇa ' uta babhruḥ sumaṅgalaḥ | ye cainam̐ rudrā ' abhito dikṣu śritāḥ sahasraśo vaiṣām̐ heḍa ' īmahe ||
Sanskrit only: no published translation is held for this verse.
असौ यो ऽवसर्पति नीलग्रीवो विलोहितः । उतैनं गोपा ऽ अदृश्रन्न् अदृश्रन्न् उदहार्यः स दृष्टो मृडयाति नः ॥
asau yo 'vasarpati nīlagrīvo vilohitaḥ | utainaṃ gopā ' adṛśrann adṛśrann udahāryaḥ sa dṛṣṭo mṛḍayāti naḥ ||
Sanskrit only: no published translation is held for this verse.
नमो ऽस्तु नीलग्रीवाय सहस्राक्षाय मीढुषे । अथो ये ऽ अस्य सत्वानो ऽहं तेभ्यो ऽकरं नमः ॥
namo 'stu nīlagrīvāya sahasrākṣāya mīḍhuṣe | atho ye ' asya satvāno 'haṃ tebhyo 'karaṃ namaḥ ||
Sanskrit only: no published translation is held for this verse.
प्र मुञ्च धन्वनस् त्वम् उभयोर् आर्त्न्योर् ज्याम् । याश् च ते हस्त ऽ इषवः ऽ परा ता भगवो वप ॥
pra muñca dhanvanas tvam ubhayor ārtnyor jyām | yāś ca te hasta ' iṣavaḥ ' parā tā bhagavo vapa ||
Sanskrit only: no published translation is held for this verse.
विज्यं धनुः कपर्दिनो विशल्यो वाणवाꣳ२ऽ उत । अनेशन्न् अस्य याऽइषव ऽआभुर् अस्य निषङ्गधिः ॥
vijyaṃ dhanuḥ kapardino viśalyo vāṇavām̐2' uta | aneśann asya yā'iṣava 'ābhur asya niṣaṅgadhiḥ ||
Sanskrit only: no published translation is held for this verse.
या ते हेतिर् मीढुष्टम हस्ते बभूव ते धनुः । तयास्मान् विश्वतस् त्वम् अयक्ष्मया परि भुज ॥
yā te hetir mīḍhuṣṭama haste babhūva te dhanuḥ | tayāsmān viśvatas tvam ayakṣmayā pari bhuja ||
Sanskrit only: no published translation is held for this verse.
परि ते धन्वनो हेतिर् अस्मान् वृणक्तु विश्वतः । अथो य ऽइषुधिस् तवारे ऽ अस्मिन् नि धेहि तम् ॥
pari te dhanvano hetir asmān vṛṇaktu viśvataḥ | atho ya 'iṣudhis tavāre ' asmin ni dhehi tam ||
Sanskrit only: no published translation is held for this verse.
अवतत्य धनुष् ट्वꣳ सहस्राक्ष शतेषुधे । निशीर्य शल्यानां मुखा शिवो नः सुमना भव ॥
avatatya dhanuṣ ṭvam̐ sahasrākṣa śateṣudhe | niśīrya śalyānāṃ mukhā śivo naḥ sumanā bhava ||
Sanskrit only: no published translation is held for this verse.
नमस् त ऽ आयुधायानातताय धृष्णवे । उभाभ्याम् उत ते नमो बाहुभ्यां तव धन्वने ॥
namas ta ' āyudhāyānātatāya dhṛṣṇave | ubhābhyām uta te namo bāhubhyāṃ tava dhanvane ||
Sanskrit only: no published translation is held for this verse.
मा नो महान्तम् उत मा नो ऽ अर्भकं मा न ऽ उक्षन्तम् उत मा न ऽ उक्षितम् । मा नो वधीः पितरं मोत मातरं मा नः प्रियास् तन्वो रुद्र रीरिषः ॥
mā no mahāntam uta mā no ' arbhakaṃ mā na ' ukṣantam uta mā na ' ukṣitam | mā no vadhīḥ pitaraṃ mota mātaraṃ mā naḥ priyās tanvo rudra rīriṣaḥ ||
O Rudra, harm not either great or small of us, harm not the growing boy, harm not the full-grown man. Slay not a sire among us, slay no mother here, and to our own dear bodies, Rudra, do not harm.
Translated by Ralph T. H. Griffith (1896)This is the translator's rendering of the same verse where it occurs at RV 1.114.7; the wording of this text may differ in places.
मा नस् तोके तनये मा न ऽ आयुषि मा नो गोषु मा नो ऽ अश्वेषु रीरिषः । मा नो वीरान् रुद्र भामिनो वधीर् हविष्मन्तः सदम् इत् त्वा हवामहे ॥
mā nas toke tanaye mā na ' āyuṣi mā no goṣu mā no ' aśveṣu rīriṣaḥ | mā no vīrān rudra bhāmino vadhīr haviṣmantaḥ sadam it tvā havāmahe ||
Sanskrit only: no published translation is held for this verse.
नमो हिरण्यबाहवे सेनान्ये दिशां च पतये नमो नमो वृक्षेभ्यो हरिकेशेभ्यः पशूनां पतये नमो नमः शष्पिञ्जराय त्विषीमते पथीनां पतये नमो नमो हरिकेशायोपवीतिने पुष्टानां पतये नमः ॥
namo hiraṇyabāhave senānye diśāṃ ca pataye namo namo vṛkṣebhyo harikeśebhyaḥ paśūnāṃ pataye namo namaḥ śaṣpiñjarāya tviṣīmate pathīnāṃ pataye namo namo harikeśāyopavītine puṣṭānāṃ pataye namaḥ ||
Sanskrit only: no published translation is held for this verse.
नमो बभ्लुशाय व्याधिने ऽन्नानां पतये नमो नमो भवस्य हेत्यै जगतां पतये नमो नमो रुद्रायाततायिने क्षेत्राणां पतये नमो नमः सूतायाहन्त्यै वनानां पतये नमः ॥
namo babhluśāya vyādhine 'nnānāṃ pataye namo namo bhavasya hetyai jagatāṃ pataye namo namo rudrāyātatāyine kṣetrāṇāṃ pataye namo namaḥ sūtāyāhantyai vanānāṃ pataye namaḥ ||
Sanskrit only: no published translation is held for this verse.
नमो रोहिताय स्थपतये वृक्षाणां पतये नमो नमो भुवन्तये वारिवस्कृतायौषधीनां पतये नमो नमो मन्त्रिणे वाणिजाय कक्षाणां पतये नमो नम ऽ उच्चैर्घोषायाक्रन्दयते पत्तीनां पतये नमः ॥
namo rohitāya sthapataye vṛkṣāṇāṃ pataye namo namo bhuvantaye vārivaskṛtāyauṣadhīnāṃ pataye namo namo mantriṇe vāṇijāya kakṣāṇāṃ pataye namo nama ' uccairghoṣāyākrandayate pattīnāṃ pataye namaḥ ||
Sanskrit only: no published translation is held for this verse.
नमः कृत्स्नायतया धावते सत्वनां पतये नमो नमः सहमानाय निव्याधिनऽ आव्याधिनीनां पतये नमो नमो निषङ्गिणे ककुभाय स्तेनानां पतये नमो नमो निचेरवे परिचरायारण्यानां पतये नमः ॥
namaḥ kṛtsnāyatayā dhāvate satvanāṃ pataye namo namaḥ sahamānāya nivyādhina' āvyādhinīnāṃ pataye namo namo niṣaṅgiṇe kakubhāya stenānāṃ pataye namo namo nicerave paricarāyāraṇyānāṃ pataye namaḥ ||
Sanskrit only: no published translation is held for this verse.
नमो वञ्चते परिवञ्चते स्तायूनां पतये नमो नमो निषङ्गिण ऽ इषुधिमते तस्कराणां पतये नमो नमः सृकायिभ्यो जिघाꣳसद्भ्यो मुष्णतां पतये नमो नमो ऽसिमद्भ्यो नक्तं चरद्भ्यो विकृन्तानां पतये नमः ॥
namo vañcate parivañcate stāyūnāṃ pataye namo namo niṣaṅgiṇa ' iṣudhimate taskarāṇāṃ pataye namo namaḥ sṛkāyibhyo jighām̐sadbhyo muṣṇatāṃ pataye namo namo 'simadbhyo naktaṃ caradbhyo vikṛntānāṃ pataye namaḥ ||
Sanskrit only: no published translation is held for this verse.
नम ऽ उष्णीषिणे गिरिचराय कुलुञ्चानां पतये नमो नम ऽ इषुमद्भ्यो धन्वायिभ्यश् च वो नमो नम ऽ आतन्वानेभ्यः प्रतिदधानेभ्यश् च वो नमो नम ऽ आयच्छद्भ्यो स्यद्भ्यश् च वो नमः ॥
nama ' uṣṇīṣiṇe giricarāya kuluñcānāṃ pataye namo nama ' iṣumadbhyo dhanvāyibhyaś ca vo namo nama ' ātanvānebhyaḥ pratidadhānebhyaś ca vo namo nama ' āyacchadbhyo syadbhyaś ca vo namaḥ ||
Sanskrit only: no published translation is held for this verse.
नमो विसृजद्भ्यो विध्यद्भ्यश् च वो नमो नमः स्वपद्भ्यो जाग्रद्भ्यश् च वो नमो नमः शयानेभ्य ऽ आसीनेभ्यश् च वो नमो नमस् तिष्ठद्भ्यो धावद्भ्यश् च वो नमः ॥
namo visṛjadbhyo vidhyadbhyaś ca vo namo namaḥ svapadbhyo jāgradbhyaś ca vo namo namaḥ śayānebhya ' āsīnebhyaś ca vo namo namas tiṣṭhadbhyo dhāvadbhyaś ca vo namaḥ ||
Sanskrit only: no published translation is held for this verse.
नमः सभाभ्यः सभापतिभ्यश् च वो नमो नमो ऽश्वेभ्यो ऽश्वपतिभ्यश् च वो नमो नम ऽ आव्याधिनीभ्यो विविध्यन्तीभ्यश् च वो नमो नम ऽ उगणाभ्यस् तृꣳहतीभ्यश् च वो नमः ॥
namaḥ sabhābhyaḥ sabhāpatibhyaś ca vo namo namo 'śvebhyo 'śvapatibhyaś ca vo namo nama ' āvyādhinībhyo vividhyantībhyaś ca vo namo nama ' ugaṇābhyas tṛm̐hatībhyaś ca vo namaḥ ||
Sanskrit only: no published translation is held for this verse.
नमो गणेभ्यो गणपतिभ्यश् च वो नमो नमो व्रातेभ्यो व्रातपतिभ्यश् च वो नमो नमो गृत्सेभ्यो गृत्सपतिभ्यश् च वो नमो नमो विरूपेभ्यो विश्वरूपेभ्यश् च वो नमः ॥
namo gaṇebhyo gaṇapatibhyaś ca vo namo namo vrātebhyo vrātapatibhyaś ca vo namo namo gṛtsebhyo gṛtsapatibhyaś ca vo namo namo virūpebhyo viśvarūpebhyaś ca vo namaḥ ||
Sanskrit only: no published translation is held for this verse.
नमः सेनाभ्यः सेनानिभ्यश् च वो नमो नमो रथिभ्यो ऽ अरथेभ्यश् च वो नमो नमः क्षत्तृभ्यः संग्रहीतृभ्यश् च वो नमो नमो महद्भ्यो ऽ अर्भकेभ्यश् च वो नमः ॥
namaḥ senābhyaḥ senānibhyaś ca vo namo namo rathibhyo ' arathebhyaś ca vo namo namaḥ kṣattṛbhyaḥ saṃgrahītṛbhyaś ca vo namo namo mahadbhyo ' arbhakebhyaś ca vo namaḥ ||
Sanskrit only: no published translation is held for this verse.
नमस् तक्षभ्यो रथकारेभ्यश् च वो नमो नमः कुलालेभ्यः कर्मारेभ्यश् च वो नमो नमो निषादेभ्यः पुञ्जिष्ठेभ्यश् च वो नमो नमः श्वनिभ्यो मृगयुभ्यश् च वो नमः ॥
namas takṣabhyo rathakārebhyaś ca vo namo namaḥ kulālebhyaḥ karmārebhyaś ca vo namo namo niṣādebhyaḥ puñjiṣṭhebhyaś ca vo namo namaḥ śvanibhyo mṛgayubhyaś ca vo namaḥ ||
Sanskrit only: no published translation is held for this verse.
नमः श्वभ्यः श्वपतिभ्यश् च वो नमो नमो भवाय च रुद्राय च नमः शर्वाय च पशुपतये च नमो नीलग्रीवाय च शितिकण्ठाय च ॥
namaḥ śvabhyaḥ śvapatibhyaś ca vo namo namo bhavāya ca rudrāya ca namaḥ śarvāya ca paśupataye ca namo nīlagrīvāya ca śitikaṇṭhāya ca ||
Sanskrit only: no published translation is held for this verse.
नमः कपर्दिने च व्युप्तकेशाय च नमः सहस्राक्षाय च शतधन्वने च नमो गिरिशयाय च शिपिविष्टाय च नमो मीढुष्टमाय चेषुमते च ॥
namaḥ kapardine ca vyuptakeśāya ca namaḥ sahasrākṣāya ca śatadhanvane ca namo giriśayāya ca śipiviṣṭāya ca namo mīḍhuṣṭamāya ceṣumate ca ||
Sanskrit only: no published translation is held for this verse.
नमो ह्रस्वाय च वामनाय च नमो बृहते च वर्षीयसे च नमो वृद्धाय च सवृधे च नमो ऽग्र्याय च प्रथमाय च ॥
namo hrasvāya ca vāmanāya ca namo bṛhate ca varṣīyase ca namo vṛddhāya ca savṛdhe ca namo 'gryāya ca prathamāya ca ||
Sanskrit only: no published translation is held for this verse.
नम ऽ आशवे चाजिराय च नमः शीघ्र्याय च शीभ्याय च नम ऽ ऊर्म्याय चावस्वन्याय च नमो नादेयाय च द्वीप्याय च ॥
nama ' āśave cājirāya ca namaḥ śīghryāya ca śībhyāya ca nama ' ūrmyāya cāvasvanyāya ca namo nādeyāya ca dvīpyāya ca ||
Sanskrit only: no published translation is held for this verse.
नमो ज्येष्ठाय च कनिष्ठाय च नमः पूर्वजाय चापरजाय च नमो मध्यमाय चापगल्भाय च नमो जघन्याय च बुध्न्याय च ॥
namo jyeṣṭhāya ca kaniṣṭhāya ca namaḥ pūrvajāya cāparajāya ca namo madhyamāya cāpagalbhāya ca namo jaghanyāya ca budhnyāya ca ||
Sanskrit only: no published translation is held for this verse.
नमः सोभ्याय च प्रतिसर्याय च नमो याम्याय च क्षेम्याय च नमः श्लोक्याय चावसान्याय च नम ऽ उर्वर्याय च खल्याय च ॥
namaḥ sobhyāya ca pratisaryāya ca namo yāmyāya ca kṣemyāya ca namaḥ ślokyāya cāvasānyāya ca nama ' urvaryāya ca khalyāya ca ||
Sanskrit only: no published translation is held for this verse.
नमो वन्याय च कक्ष्याय च नमः श्रवाय च प्रतिश्रवाय च नम ऽ आशुषेणाय चाशुरथाय च नमः शूराय चावभेदिने च ॥
namo vanyāya ca kakṣyāya ca namaḥ śravāya ca pratiśravāya ca nama ' āśuṣeṇāya cāśurathāya ca namaḥ śūrāya cāvabhedine ca ||
Sanskrit only: no published translation is held for this verse.
नमो बिल्मिने च कवचिने च नमो वर्मिणे च वरूथिने च नमः श्रुताय च श्रुतसेनाय च नमो दुन्दुभ्याय चाहनन्याय च ॥
namo bilmine ca kavacine ca namo varmiṇe ca varūthine ca namaḥ śrutāya ca śrutasenāya ca namo dundubhyāya cāhananyāya ca ||
Sanskrit only: no published translation is held for this verse.
नमो धृष्णवे च प्रमृशाय च नमो निषङ्गिणे चेषुधिमते च नमस् तीक्ष्णेषवे चायुधिने च नमः स्वायुधाय च सुधन्वने च ॥
namo dhṛṣṇave ca pramṛśāya ca namo niṣaṅgiṇe ceṣudhimate ca namas tīkṣṇeṣave cāyudhine ca namaḥ svāyudhāya ca sudhanvane ca ||
Sanskrit only: no published translation is held for this verse.
नमः स्रुत्याय च पथ्याय च नमः काट्याय च नीप्याय च नमः कुल्याय च सरस्याय च नमो नादेयाय च वैशन्ताय च ॥
namaḥ srutyāya ca pathyāya ca namaḥ kāṭyāya ca nīpyāya ca namaḥ kulyāya ca sarasyāya ca namo nādeyāya ca vaiśantāya ca ||
Sanskrit only: no published translation is held for this verse.
नमः कूप्याय चावट्याय च नमो वीध्र्याय चातप्याय च नमो मेध्याय च च विद्युत्याय नमो वर्ष्याय चावर्ष्याय च ॥
namaḥ kūpyāya cāvaṭyāya ca namo vīdhryāya cātapyāya ca namo medhyāya ca ca vidyutyāya namo varṣyāya cāvarṣyāya ca ||
Sanskrit only: no published translation is held for this verse.
नमो वात्याय च रेष्म्याय च नमो वास्तव्याय च वास्तुपाय च नमः सोमाय च रुद्राय च नमस् ताम्राय चारुणाय च ॥
namo vātyāya ca reṣmyāya ca namo vāstavyāya ca vāstupāya ca namaḥ somāya ca rudrāya ca namas tāmrāya cāruṇāya ca ||
Sanskrit only: no published translation is held for this verse.
नमः शंगवे च पशुपतये च नम ऽ उग्राय च भीमाय च नमोऽग्रेवधाय च दूरेवधाय च नमो हन्त्रे च हनीयसे च नमो वृक्षेभ्यो हरिकेशेभ्यो नमस् ताराय ॥
namaḥ śaṃgave ca paśupataye ca nama ' ugrāya ca bhīmāya ca namo'grevadhāya ca dūrevadhāya ca namo hantre ca hanīyase ca namo vṛkṣebhyo harikeśebhyo namas tārāya ||
Sanskrit only: no published translation is held for this verse.
नमः शम्भवाय च मयोभवाय च नमः शंकराय च मयस्कराय च नमः शिवाय च शिवतराय च ॥
namaḥ śambhavāya ca mayobhavāya ca namaḥ śaṃkarāya ca mayaskarāya ca namaḥ śivāya ca śivatarāya ca ||
Sanskrit only: no published translation is held for this verse.
नमः पार्याय चावार्याय च नमः प्रतरणाय चोत्तरणाय च नमस् तीर्थ्याय च कूल्याय च नमः शष्प्याय च फेन्याय च ॥
namaḥ pāryāya cāvāryāya ca namaḥ prataraṇāya cottaraṇāya ca namas tīrthyāya ca kūlyāya ca namaḥ śaṣpyāya ca phenyāya ca ||
Sanskrit only: no published translation is held for this verse.
नमः सिकत्याय च प्रवाह्याय च नमः किꣳशिलाय च क्षयणाय च नमः कपर्दिने च पुलस्तये च नम ऽ इरिण्याय च प्रपथ्याय च ॥
namaḥ sikatyāya ca pravāhyāya ca namaḥ kim̐śilāya ca kṣayaṇāya ca namaḥ kapardine ca pulastaye ca nama ' iriṇyāya ca prapathyāya ca ||
Sanskrit only: no published translation is held for this verse.
नमो व्रज्याय च गोष्ठ्याय च नमस् तल्प्याय च गेह्याय च नमो हृदय्याय च निवेष्याय च नमः काट्याय च गह्वरेष्ठाय च ॥
namo vrajyāya ca goṣṭhyāya ca namas talpyāya ca gehyāya ca namo hṛdayyāya ca niveṣyāya ca namaḥ kāṭyāya ca gahvareṣṭhāya ca ||
Sanskrit only: no published translation is held for this verse.
नमः शुष्क्याय च हरित्याय च नमः पाꣳसव्याय च रजस्याय च नमो लोप्याय चोलप्याय च नम ऽ ऊर्व्याय च सूर्व्याय च ॥
namaḥ śuṣkyāya ca harityāya ca namaḥ pām̐savyāya ca rajasyāya ca namo lopyāya colapyāya ca nama ' ūrvyāya ca sūrvyāya ca ||
Sanskrit only: no published translation is held for this verse.
नमः पर्णाय च पर्णशदाय च नम ऽ उद्गुरमाणाय चाभिघ्नते च नम ऽ आखिदते च प्रखिदते च नम ऽ इषुकृद्भ्यो धनुष्कृद्भ्यस् च वो नमो नमो वः किरिकेभ्यो देवानाꣳ हृदयेभ्यो नमो विचिन्वत्केभ्यो नमो विक्षिणत्केभ्यो नम ऽ आनिर्हतेभ्यः ॥
namaḥ parṇāya ca parṇaśadāya ca nama ' udguramāṇāya cābhighnate ca nama ' ākhidate ca prakhidate ca nama ' iṣukṛdbhyo dhanuṣkṛdbhyas ca vo namo namo vaḥ kirikebhyo devānām̐ hṛdayebhyo namo vicinvatkebhyo namo vikṣiṇatkebhyo nama ' ānirhatebhyaḥ ||
Sanskrit only: no published translation is held for this verse.
द्रापे ऽ अन्धसस् पते दरिद्र नीललोहित । आसां प्रजानाम् एषां पशूनां मा भेर् मा रोङ् मो च नः किं चनाममत् ॥
drāpe ' andhasas pate daridra nīlalohita | āsāṃ prajānām eṣāṃ paśūnāṃ mā bher mā roṅ mo ca naḥ kiṃ canāmamat ||
Sanskrit only: no published translation is held for this verse.
इमा रुद्राय तवसे कपर्दिने क्षयद्वीराय प्र भरामहे मतीः । यथा शम् असद् द्विपदे चतुष्पदे विश्वं पुष्टं ग्रामे ऽ अस्मिन्न् अनातुरम् ॥
imā rudrāya tavase kapardine kṣayadvīrāya pra bharāmahe matīḥ | yathā śam asad dvipade catuṣpade viśvaṃ puṣṭaṃ grāme ' asminn anāturam ||
To the strong Rudra bring we these our songs of praise, to him the Lord of Heroes with the braided hair, That it be well with all our cattle and our men, that in this village all be healthy and well-fed.
Translated by Ralph T. H. Griffith (1896)This is the translator's rendering of the same verse where it occurs at RV 1.114.1; the wording of this text may differ in places.
या ते रुद्र शिवा तनूः शिवा विश्वाहा भेषजी । शिवा रुतस्य भेषजी तया नो मृड जीवसे ॥
yā te rudra śivā tanūḥ śivā viśvāhā bheṣajī | śivā rutasya bheṣajī tayā no mṛḍa jīvase ||
Sanskrit only: no published translation is held for this verse.
परि नो रुद्रस्य हेतिर् वृणक्तु परि त्वेषस्य दुर्मतिर् अघायोः । अव स्थिरा मघवद्भ्यस् तनुष्व मीढ्वस् तोकाय तनयाय मृड ॥
pari no rudrasya hetir vṛṇaktu pari tveṣasya durmatir aghāyoḥ | ava sthirā maghavadbhyas tanuṣva mīḍhvas tokāya tanayāya mṛḍa ||
Sanskrit only: no published translation is held for this verse.
मीढुष्टम शिवतम शिवो नः सुमना भव । परमे वृक्ष ऽ आयुधं निधाय कृत्तिं वसान ऽ आ चर पिनाकं बिभ्रद् आ गहि ॥
mīḍhuṣṭama śivatama śivo naḥ sumanā bhava | parame vṛkṣa ' āyudhaṃ nidhāya kṛttiṃ vasāna ' ā cara pinākaṃ bibhrad ā gahi ||
Sanskrit only: no published translation is held for this verse.
विकिरिद्र विलोहित नमस् ते ऽ अस्तु भगवः । यास् ते सहस्रꣳ हेतयो ऽन्यम् अस्मन् नि वपन्तु ताः ॥
vikiridra vilohita namas te ' astu bhagavaḥ | yās te sahasram̐ hetayo 'nyam asman ni vapantu tāḥ ||
Sanskrit only: no published translation is held for this verse.
सहस्राणि सहस्रशो बाह्वोस् तव हेतयः । तासाम् ईशानो भगवः पराचीना मुखा कृधि ॥
sahasrāṇi sahasraśo bāhvos tava hetayaḥ | tāsām īśāno bhagavaḥ parācīnā mukhā kṛdhi ||
Sanskrit only: no published translation is held for this verse.
असंख्याता सहस्राणि ये रुद्रा ऽ अधि भूम्याम् । तेषाꣳ सहस्रयोजनेऽव धन्वानि तन्मसि ॥
asaṃkhyātā sahasrāṇi ye rudrā ' adhi bhūmyām | teṣām̐ sahasrayojane'va dhanvāni tanmasi ||
Sanskrit only: no published translation is held for this verse.
अस्मिन् महत्य् अर्णवे ऽन्तरिक्षे भवा ऽ अधि । तेषाꣳ सहस्रयोजनेऽव धन्वानि तन्मसि ॥
asmin mahaty arṇave 'ntarikṣe bhavā ' adhi | teṣām̐ sahasrayojane'va dhanvāni tanmasi ||
Sanskrit only: no published translation is held for this verse.
नीलग्रीवाः शितिकण्ठा दिवꣳ रुद्रा ऽ उपश्रिताः । तेषाꣳ सहस्रयोजनेऽव धन्वानि तन्मसि ॥
nīlagrīvāḥ śitikaṇṭhā divam̐ rudrā ' upaśritāḥ | teṣām̐ sahasrayojane'va dhanvāni tanmasi ||
Sanskrit only: no published translation is held for this verse.
नीलग्रीवाः शितिकण्ठाः शर्वा ऽ अधः क्षमाचराः । तेषाꣳ सहस्रयोजने ऽव धन्वानि तन्मसि ॥
nīlagrīvāḥ śitikaṇṭhāḥ śarvā ' adhaḥ kṣamācarāḥ | teṣām̐ sahasrayojane 'va dhanvāni tanmasi ||
Sanskrit only: no published translation is held for this verse.
ये वृक्षेषु शष्पिञ्जरा नीलग्रीवा विलोहिताः । तेषाꣳ सहस्रयोजने ऽव धन्वानि तन्मसि ॥
ye vṛkṣeṣu śaṣpiñjarā nīlagrīvā vilohitāḥ | teṣām̐ sahasrayojane 'va dhanvāni tanmasi ||
Sanskrit only: no published translation is held for this verse.
ये भूतानाम् अधिपतयो विशिखासः कपर्दिनः । तेषाꣳ सहस्रयोजने ऽव धन्वानि तन्मसि ॥
ye bhūtānām adhipatayo viśikhāsaḥ kapardinaḥ | teṣām̐ sahasrayojane 'va dhanvāni tanmasi ||
Sanskrit only: no published translation is held for this verse.
ये पथां पथिरक्षस ऽ ऐलबृदा ऽ आयुर्युधः । तेषाꣳ सहस्रयोजने ऽव धन्वानि तन्मसि ॥
ye pathāṃ pathirakṣasa ' ailabṛdā ' āyuryudhaḥ | teṣām̐ sahasrayojane 'va dhanvāni tanmasi ||
Sanskrit only: no published translation is held for this verse.
ये तीर्थानि प्रचरन्ति सृकाहस्ता निषङ्गिणः । तेषाꣳ सहस्रयोजने ऽव धन्वानि तन्मसि ॥
ye tīrthāni pracaranti sṛkāhastā niṣaṅgiṇaḥ | teṣām̐ sahasrayojane 'va dhanvāni tanmasi ||
Sanskrit only: no published translation is held for this verse.
ये ऽन्नेषु विविध्यन्ति पात्रेषु पिबतो जनान् । तेषाꣳ सहस्रयोजने ऽव धन्वानि तन्मसि ॥
ye 'nneṣu vividhyanti pātreṣu pibato janān | teṣām̐ sahasrayojane 'va dhanvāni tanmasi ||
Sanskrit only: no published translation is held for this verse.
ये एतावन्तश् च भूयाꣳसश् च दिशो रुद्रा वितस्थिरे । तेषाꣳ सहस्रयोजने ऽव धन्वानि तन्मसि ॥
ye etāvantaś ca bhūyām̐saś ca diśo rudrā vitasthire | teṣām̐ sahasrayojane 'va dhanvāni tanmasi ||
Sanskrit only: no published translation is held for this verse.
नमो ऽस्तु रुद्रेभ्यो ये दिवि येषां वर्षम् इषवः । तेभ्यो दश प्राचीर् दश दक्षिणा दश प्रतीचीर् दशोदीचीर् दशोर्ध्वाः । तेभ्यो नमो ऽ अस्तु ते नो ऽवन्तु ते नो मृडयन्तु ते यं द्विष्मो यश् च नो द्वेष्टि तम् एषां जम्भे दध्मः ॥
namo 'stu rudrebhyo ye divi yeṣāṃ varṣam iṣavaḥ | tebhyo daśa prācīr daśa dakṣiṇā daśa pratīcīr daśodīcīr daśordhvāḥ | tebhyo namo ' astu te no 'vantu te no mṛḍayantu te yaṃ dviṣmo yaś ca no dveṣṭi tam eṣāṃ jambhe dadhmaḥ ||
Sanskrit only: no published translation is held for this verse.
नमो ऽस्तु रुद्रेभ्यो ये ऽन्तरिक्षे येषां वात ऽ इषवः । तेभ्यो दश प्राचीर् दश दक्षिणा दश प्रतीचीर् दशोदीचीर् दशोर्ध्वाः । तेभ्यो नमो ऽ अस्तु ते नो ऽवन्तु ते नो मृडयन्तु ते यं द्विष्मो यश् च नो द्वेष्टि तम् एषां जम्भे दध्मः ॥
namo 'stu rudrebhyo ye 'ntarikṣe yeṣāṃ vāta ' iṣavaḥ | tebhyo daśa prācīr daśa dakṣiṇā daśa pratīcīr daśodīcīr daśordhvāḥ | tebhyo namo ' astu te no 'vantu te no mṛḍayantu te yaṃ dviṣmo yaś ca no dveṣṭi tam eṣāṃ jambhe dadhmaḥ ||
Sanskrit only: no published translation is held for this verse.
नमो ऽस्तु रुद्रेभ्यो ये पृथिव्यां येषाम् अन्नम् इषवः । तेभ्यो दश प्राचीर् दश दक्षिणा दश प्रतीचीर् दशोदीचीर् दशोर्ध्वाः । तेभ्यो नमो ऽ अस्तु ते नो ऽवन्तु ते नो मृडयन्तु ते यं द्विष्मो यश् च नो द्वेष्टि तम् एषां जम्भे दध्मः ॥
namo 'stu rudrebhyo ye pṛthivyāṃ yeṣām annam iṣavaḥ | tebhyo daśa prācīr daśa dakṣiṇā daśa pratīcīr daśodīcīr daśordhvāḥ | tebhyo namo ' astu te no 'vantu te no mṛḍayantu te yaṃ dviṣmo yaś ca no dveṣṭi tam eṣāṃ jambhe dadhmaḥ ||
Sanskrit only: no published translation is held for this verse.