होता यक्षद् इन्द्रम् ऋषभस्य हविष ऽ आवयद् अद्य मध्यतो मेद ऽ उद्भृतं पुरा द्वेषोभ्यः पुरा पौरुषेय्या गृभो घसन् नूनं घासे ऽ अज्राणां यवसप्रथमानाꣳ सुमत्क्षराणाꣳ शतरुद्रियाणाम् अग्निष्वात्तानां पीवोपवसानां पार्श्वतः श्रोणितः शितामत ऽ उत्सादतो ऽङ्गाद्-अङ्गाद् अवत्तानां करद् एवम् इन्द्रो जुषताꣳ हविर् होतर् यज ॥
hotā yakṣad indram ṛṣabhasya haviṣa ' āvayad adya madhyato meda ' udbhṛtaṃ purā dveṣobhyaḥ purā pauruṣeyyā gṛbho ghasan nūnaṃ ghāse ' ajrāṇāṃ yavasaprathamānām̐ sumatkṣarāṇām̐ śatarudriyāṇām agniṣvāttānāṃ pīvopavasānāṃ pārśvataḥ śroṇitaḥ śitāmata ' utsādato 'ṅgād-aṅgād avattānāṃ karad evam indro juṣatām̐ havir hotar yaja ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.