होता यक्षद् अग्निꣳ स्विष्टकृतम् अयाड् अग्निर् अश्विनोश् छागस्य हविषः प्रिया धामान्य् अयाट् सरस्वत्या मेषस्य हविषः प्रिया धामान्य् अयाड् इन्द्रस्य ऽ ऋषभस्य हविषः प्रिया धामान्य् अयाड् अग्नेः प्रिया धामान्य् अयाट् सोमस्य प्रिया धामान्य् अयाड् इन्द्रस्य सुत्राम्णः प्रिया धामान्य् अयाट् सवितुः प्रिया धामान्य् अयाड् वरुणस्य प्रिया धामान्य् अयाड् वनस्पतेः प्रिया पाथाꣳस्य् अयाड् देवानाम् आज्यपानां प्रिया धामानि यक्षद् अग्नेर् होतुः प्रिया धामानि यक्षत् स्वं महिमानम् आ यजताम् एज्या ऽ इषः कृणोतु सो ऽ अध्वरा जातवेदा जुषताꣳ हविर् होतर् यज ॥
hotā yakṣad agnim̐ sviṣṭakṛtam ayāḍ agnir aśvinoś chāgasya haviṣaḥ priyā dhāmāny ayāṭ sarasvatyā meṣasya haviṣaḥ priyā dhāmāny ayāḍ indrasya ' ṛṣabhasya haviṣaḥ priyā dhāmāny ayāḍ agneḥ priyā dhāmāny ayāṭ somasya priyā dhāmāny ayāḍ indrasya sutrāmṇaḥ priyā dhāmāny ayāṭ savituḥ priyā dhāmāny ayāḍ varuṇasya priyā dhāmāny ayāḍ vanaspateḥ priyā pāthām̐sy ayāḍ devānām ājyapānāṃ priyā dhāmāni yakṣad agner hotuḥ priyā dhāmāni yakṣat svaṃ mahimānam ā yajatām ejyā ' iṣaḥ kṛṇotu so ' adhvarā jātavedā juṣatām̐ havir hotar yaja ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.