विभूर् मात्रा प्रभूः पित्राश्वो ऽसि हयो ऽस्य् अत्यो ऽसि मयो ऽस्य् अर्वासि सप्तिर् असि वाज्य् असि वृषासि नृमणा ऽ असि । ययुर् नामासि शिशुर् नामास्य् आदित्यानां पत्वान्व् इहि । देवा ऽ आशापाला एतं देवेभ्यो ऽश्वं मेधाय प्रोक्षितꣳ रक्षत् । इह रन्तिः । इह रमताम् । इह धृतिः । इह स्वधृतिः स्वाहा ॥
vibhūr mātrā prabhūḥ pitrāśvo 'si hayo 'sy atyo 'si mayo 'sy arvāsi saptir asi vājy asi vṛṣāsi nṛmaṇā ' asi | yayur nāmāsi śiśur nāmāsy ādityānāṃ patvānv ihi | devā ' āśāpālā etaṃ devebhyo 'śvaṃ medhāya prokṣitam̐ rakṣat | iha rantiḥ | iha ramatām | iha dhṛtiḥ | iha svadhṛtiḥ svāhā ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.