Vājasaneyi Saṃhitā (Śukla Yajurveda, as given on Wikisource) 39

स्वाहा प्राणेभ्यः साधिपतिकेभ्यः । पृथिव्यै स्वाहा । अग्नये स्वाहा । अन्तरिक्षे स्वाहा । वायवे स्वाहा । दिवे स्वाहा । सूर्याय स्वाहा ॥

svāhā prāṇebhyaḥ sādhipatikebhyaḥ | pṛthivyai svāhā | agnaye svāhā | antarikṣe svāhā | vāyave svāhā | dive svāhā | sūryāya svāhā ||

Sanskrit only: no published translation is held for this verse.

दिग्भ्यः स्वाहा । चन्द्राय स्वाहा । नक्षत्रेभ्यः स्वाहा । अद्भ्यः स्वाहा । वरुणाय स्वाहा । नाभ्यै स्वाहा । पूताय स्वाहा ॥

digbhyaḥ svāhā | candrāya svāhā | nakṣatrebhyaḥ svāhā | adbhyaḥ svāhā | varuṇāya svāhā | nābhyai svāhā | pūtāya svāhā ||

Sanskrit only: no published translation is held for this verse.

वाचे स्वाहा । प्राणाय स्वाहा । प्राणाय स्वाहा । चक्षुषे स्वाहा । चक्षुषे स्वाहा । श्रोत्राय स्वाहा । श्रोत्राय स्वाहा ॥

vāce svāhā | prāṇāya svāhā | prāṇāya svāhā | cakṣuṣe svāhā | cakṣuṣe svāhā | śrotrāya svāhā | śrotrāya svāhā ||

Sanskrit only: no published translation is held for this verse.

मनसः कामम् आकूतिं वाचः सत्यम् अशीय । पशूनाꣳ रूपम् अन्नस्य रसो यशः श्रीः श्रयतां मयि स्वाहा ॥ प्रजापतिः संभ्रियमाणः सम्राट् संभृतो वैश्वदेवः सꣳसन्नो घर्मः प्रवृक्तस् तेज ऽ उद्यत ऽ आश्विनः पयस्या नीयमाने पौष्णो विष्यन्दमाने मारुतः क्लथन् । मैत्रः शरसि संताय्यमाने वायव्यो ह्रियमाण ऽ आग्नेयो हूयमानो वाग्घुतः ॥

manasaḥ kāmam ākūtiṃ vācaḥ satyam aśīya | paśūnām̐ rūpam annasya raso yaśaḥ śrīḥ śrayatāṃ mayi svāhā || prajāpatiḥ saṃbhriyamāṇaḥ samrāṭ saṃbhṛto vaiśvadevaḥ sam̐sanno gharmaḥ pravṛktas teja ' udyata ' āśvinaḥ payasyā nīyamāne pauṣṇo viṣyandamāne mārutaḥ klathan | maitraḥ śarasi saṃtāyyamāne vāyavyo hriyamāṇa ' āgneyo hūyamāno vāgghutaḥ ||

Sanskrit only: no published translation is held for this verse.

सविता प्रथमे ऽहन्न् अग्निर् द्वितीये वायुस् तृतीय ऽ आदित्यश् चतुर्थे चन्द्रमाः पञ्चम ऽ ऋतुः षष्ठे मरुतः सप्तमे बृहस्पतिर् अष्टमे । मित्रो नवमे वरुणो दशम ऽ इन्द्र ऽ एकादशे विश्वे देवा द्वादशे ॥

savitā prathame 'hann agnir dvitīye vāyus tṛtīya ' ādityaś caturthe candramāḥ pañcama ' ṛtuḥ ṣaṣṭhe marutaḥ saptame bṛhaspatir aṣṭame | mitro navame varuṇo daśama ' indra ' ekādaśe viśve devā dvādaśe ||

Sanskrit only: no published translation is held for this verse.

उग्रश् च भीमश् च ध्वान्तश् च धुनिश् च । सासह्वाꣳश् चाभियुग्वा च विक्षिपः स्वाहा ॥ अग्निꣳ हृदयेनाशनिꣳ हृदयाग्रेण पशुपतिं कृत्स्नहृदयेन भवं यक्ना । शर्वं मतस्नाभ्याम् ईशानं मन्युना महादेवम् अन्तःपर्शव्येनोग्रं देवं वनिष्ठुना वसिष्ठहनुः शिङ्गीनि कोश्याभ्याम् ॥

ugraś ca bhīmaś ca dhvāntaś ca dhuniś ca | sāsahvām̐ś cābhiyugvā ca vikṣipaḥ svāhā || agnim̐ hṛdayenāśanim̐ hṛdayāgreṇa paśupatiṃ kṛtsnahṛdayena bhavaṃ yaknā | śarvaṃ matasnābhyām īśānaṃ manyunā mahādevam antaḥparśavyenograṃ devaṃ vaniṣṭhunā vasiṣṭhahanuḥ śiṅgīni kośyābhyām ||

Sanskrit only: no published translation is held for this verse.

उग्रं लोहितेन मित्रꣳ सौव्रत्येन रुद्रं दौर्व्रत्येनेन्द्रं प्रक्रीडेन मरुतो बलेन साध्यान् प्रमुदा । भवस्य कण्ठ्यꣳ रुद्रस्यान्तःपार्श्व्यं महादेवस्य यकृच् छर्वस्य वनिष्ठुः पशुपतेः पुरीतत् ॥

ugraṃ lohitena mitram̐ sauvratyena rudraṃ daurvratyenendraṃ prakrīḍena maruto balena sādhyān pramudā | bhavasya kaṇṭhyam̐ rudrasyāntaḥpārśvyaṃ mahādevasya yakṛc charvasya vaniṣṭhuḥ paśupateḥ purītat ||

Sanskrit only: no published translation is held for this verse.

लोमभ्यः स्वाहा लोमभ्यः स्वाहा त्वचे स्वाहा त्वचे स्वाहा लोहिताय स्वाहा लोहिताय स्वाहा मेदोभ्यः स्वाहा मेदोभ्यः स्वाहा । माꣳसेभ्यः स्वाहा माꣳसेभ्यः स्वाहा स्नावभ्यः स्वाहा स्नावभ्यः स्वाहास्थभ्यः स्वाहास्थभ्यः स्वाहा मज्जभ्यः स्वाहा मज्जभ्यः स्वाहा । रेतसे स्वाहा पायवे स्वाहा ॥

lomabhyaḥ svāhā lomabhyaḥ svāhā tvace svāhā tvace svāhā lohitāya svāhā lohitāya svāhā medobhyaḥ svāhā medobhyaḥ svāhā | mām̐sebhyaḥ svāhā mām̐sebhyaḥ svāhā snāvabhyaḥ svāhā snāvabhyaḥ svāhāsthabhyaḥ svāhāsthabhyaḥ svāhā majjabhyaḥ svāhā majjabhyaḥ svāhā | retase svāhā pāyave svāhā ||

Sanskrit only: no published translation is held for this verse.

आयासाय स्वाहा प्रायासाय स्वाहा संयासाय स्वाहा वियासाय स्वाहोद्यासाय स्वाहा । शुचे स्वाहा शोचते स्वाहा शोचमानाय स्वाहा शोकाय स्वाहा ॥

āyāsāya svāhā prāyāsāya svāhā saṃyāsāya svāhā viyāsāya svāhodyāsāya svāhā | śuce svāhā śocate svāhā śocamānāya svāhā śokāya svāhā ||

Sanskrit only: no published translation is held for this verse.

तपसे स्वाहा तप्यते स्वाहा तप्यमानाय स्वाहा तप्ताय स्वाहा घर्माय स्वाहा । निष्कृत्यै स्वाहा प्रायश्चित्त्यै स्वाहा भेषजाय स्वाहा ॥

tapase svāhā tapyate svāhā tapyamānāya svāhā taptāya svāhā gharmāya svāhā | niṣkṛtyai svāhā prāyaścittyai svāhā bheṣajāya svāhā ||

Sanskrit only: no published translation is held for this verse.

यमाय स्वाहान्तकाय स्वाहा मृत्यवे स्वाहा ब्रह्मणे स्वाहा ब्रह्महत्यायै स्वाहा विश्वेभ्यो देवेभ्यः स्वाहा द्यावापृथिवीभ्याꣳ स्वाहा ॥

yamāya svāhāntakāya svāhā mṛtyave svāhā brahmaṇe svāhā brahmahatyāyai svāhā viśvebhyo devebhyaḥ svāhā dyāvāpṛthivībhyām̐ svāhā ||

Sanskrit only: no published translation is held for this verse.