उपयामगृहीतो ऽसि मधवे त्वा । उपयामगृहीतो ऽसि माधवाय त्वा । उपयामगृहीतो ऽसि शुक्राय त्वा । उपयामगृहीतो ऽसि शुचये त्वा । उपयामगृहीतो ऽसि नभसे त्वा । उपयामगृहीतो ऽसि नभस्याय त्वा । उपयामगृहीतो ऽसीषे त्वा । उपयामगृहीतो ऽस्य् ऊर्जे त्वा । उपयामगृहीतो ऽसि सहसे त्वा । उपयामगृहीतो ऽसि सहस्याय त्वा । उपयामगृहीतो ऽसि तपसे त्वा । उपयामगृहीतो ऽसि तपस्याय त्वा । उपयामगृहीतो स्य् अꣳहसस्पतये त्वा ॥
upayāmagṛhīto 'si madhave tvā | upayāmagṛhīto 'si mādhavāya tvā | upayāmagṛhīto 'si śukrāya tvā | upayāmagṛhīto 'si śucaye tvā | upayāmagṛhīto 'si nabhase tvā | upayāmagṛhīto 'si nabhasyāya tvā | upayāmagṛhīto 'sīṣe tvā | upayāmagṛhīto 'sy ūrje tvā | upayāmagṛhīto 'si sahase tvā | upayāmagṛhīto 'si sahasyāya tvā | upayāmagṛhīto 'si tapase tvā | upayāmagṛhīto 'si tapasyāya tvā | upayāmagṛhīto sy am̐hasaspataye tvā ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.