Vājasaneyi Saṃhitā (Śukla Yajurveda, as given on Wikisource) 7.38

मरुत्वाꣳ२ ऽ इन्द्र वृषभो रणाय पिबा सोमम् अनुष्वधं मदाय । आसिञ्चस्व जठरे मध्व ऽ ऊर्मिं त्वꣳ राजासि प्रतिपत्सुतानाम् । उपयामगृहीतो ऽसीन्द्राय त्वा मरुत्वते । एष ते योनिर् इन्द्राय त्वा मरुत्वते ॥

marutvām̐2 ' indra vṛṣabho raṇāya pibā somam anuṣvadhaṃ madāya | āsiñcasva jaṭhare madhva ' ūrmiṃ tvam̐ rājāsi pratipatsutānām | upayāmagṛhīto 'sīndrāya tvā marutvate | eṣa te yonir indrāya tvā marutvate ||

Roman (IAST) transliteration rendered by HREEM from the edition's Devanagari; the Devanagari is the edition's own.

Sanskrit only: no published translation is held for this verse.