Viṣṇu-sahasranāma-stotra 1

ॐ सकलसौभाग्यदायकं श्रीविष्णुसहस्रनामस्तोत्रम्‌ ॥ शुक्लाम्बरधरं विष्णुं शशिवर्णं चतुर्भुजम्। प्रसन्नवदनं ध्यायेत् सर्वविघ्नोपशान्तये

oṃ sakalasaubhāgyadāyakaṃ śrīviṣṇusahasranāmastotram‌ || śuklāmbaradharaṃ viṣṇuṃ śaśivarṇaṃ caturbhujam| prasannavadanaṃ dhyāyet sarvavighnopaśāntaye

Sanskrit only: no published translation is held for this verse.

यस्य द्विरदवक्त्राद्याः पारिषद्याः परः शतम्‌। विघ्नं निघ्नन्ति सततं विष्वक्सेनं तमाश्रये

yasya dviradavaktrādyāḥ pāriṣadyāḥ paraḥ śatam‌| vighnaṃ nighnanti satataṃ viṣvaksenaṃ tamāśraye

Sanskrit only: no published translation is held for this verse.

व्यासं वसिष्ठनप्तारं शक्तेः पौत्रमकल्मषम्‌। पराशरात्मजं वन्दे शुकतातं तपोनिधिम्

vyāsaṃ vasiṣṭhanaptāraṃ śakteḥ pautramakalmaṣam‌| parāśarātmajaṃ vande śukatātaṃ taponidhim

Sanskrit only: no published translation is held for this verse.

व्यासाय विष्णुरूपाय व्यासरूपाय विष्णवे। नमो वै ब्रह्मनिधये वासिष्ठाय नमो नमः

vyāsāya viṣṇurūpāya vyāsarūpāya viṣṇave| namo vai brahmanidhaye vāsiṣṭhāya namo namaḥ

Sanskrit only: no published translation is held for this verse.

अविकाराय शुद्धाय नित्याय परमात्मने। सदैकरूपरूपाय विष्णवे सर्वजिष्णवे

avikārāya śuddhāya nityāya paramātmane| sadaikarūparūpāya viṣṇave sarvajiṣṇave

Sanskrit only: no published translation is held for this verse.

यस्य स्मरणमात्रेण जन्मसंसारबन्धनात्। विमुच्यते नमस्तस्मै विष्णवे प्रभविष्णवे

yasya smaraṇamātreṇa janmasaṃsārabandhanāt| vimucyate namastasmai viṣṇave prabhaviṣṇave

Sanskrit only: no published translation is held for this verse.

ॐ नमो विष्णवे प्रभविष्णवे। श्रीवैशम्पायन उवाच — श्रुत्वा धर्मानशेषेण पावनानि च सर्वशः। युधिष्ठिरः शान्तनवं पुनरेवाभ्यभाषत

oṃ namo viṣṇave prabhaviṣṇave| śrīvaiśampāyana uvāca — śrutvā dharmānaśeṣeṇa pāvanāni ca sarvaśaḥ| yudhiṣṭhiraḥ śāntanavaṃ punarevābhyabhāṣata

Sanskrit only: no published translation is held for this verse.

युधिष्ठिर उवाच — किमेकं दैवतं लोके किं वाप्येकं परायणम्। स्तुवन्तः कं कमर्चन्तः प्राप्नुयुर्मानवाः शुभम्

yudhiṣṭhira uvāca — kimekaṃ daivataṃ loke kiṃ vāpyekaṃ parāyaṇam| stuvantaḥ kaṃ kamarcantaḥ prāpnuyurmānavāḥ śubham

Sanskrit only: no published translation is held for this verse.

को धर्मः सर्वधर्माणां भवतः परमो मतः। किं जपन्मुच्यते जन्तुर्जन्मसंसारबन्धनात्

ko dharmaḥ sarvadharmāṇāṃ bhavataḥ paramo mataḥ| kiṃ japanmucyate janturjanmasaṃsārabandhanāt

Sanskrit only: no published translation is held for this verse.

भीष्म उवाच — जगत्प्रभुं देवदेवमनन्तं पुरुषोत्तमम्। स्तुवन् नामसहस्रेण पुरुषः सततोत्थितः

bhīṣma uvāca — jagatprabhuṃ devadevamanantaṃ puruṣottamam| stuvan nāmasahasreṇa puruṣaḥ satatotthitaḥ

Sanskrit only: no published translation is held for this verse.

तमेव चार्चयन्नित्यं भक्त्या पुरुषमव्ययम्। ध्यायन् स्तुवन् नमस्यंश्च यजमानस्तमेव च

tameva cārcayannityaṃ bhaktyā puruṣamavyayam| dhyāyan stuvan namasyaṃśca yajamānastameva ca

Sanskrit only: no published translation is held for this verse.

अनादिनिधनं विष्णुं सर्वलोकमहेश्वरम्। लोकाध्यक्षं स्तुवन्नित्यं सर्वदुःखातिगो भवेत्

anādinidhanaṃ viṣṇuṃ sarvalokamaheśvaram| lokādhyakṣaṃ stuvannityaṃ sarvaduḥkhātigo bhavet

Sanskrit only: no published translation is held for this verse.

ब्रह्मण्यं सर्वधर्मज्ञं लोकानां कीर्तिवर्धनम्। लोकनाथं महद्भूतं सर्वभूतभवोद्भवम्

brahmaṇyaṃ sarvadharmajñaṃ lokānāṃ kīrtivardhanam| lokanāthaṃ mahadbhūtaṃ sarvabhūtabhavodbhavam

Sanskrit only: no published translation is held for this verse.

एष मे सर्वधर्माणां धर्मोऽधिकतमो मतः। यद्भक्त्या पुण्डरीकाक्षं स्तवैरर्चेन्नरः सदा

eṣa me sarvadharmāṇāṃ dharmo'dhikatamo mataḥ| yadbhaktyā puṇḍarīkākṣaṃ stavairarcennaraḥ sadā

Sanskrit only: no published translation is held for this verse.

परमं यो महत्तेजः परमं यो महत्तपः। परमं यो महद्ब्रह्म परमं यः परायणम्

paramaṃ yo mahattejaḥ paramaṃ yo mahattapaḥ| paramaṃ yo mahadbrahma paramaṃ yaḥ parāyaṇam

Sanskrit only: no published translation is held for this verse.

पवित्राणां पवित्रं यो मङ्गलानां च मङ्गलम्। दैवतं दैवतानां च भूतानां योऽव्ययः पिता

pavitrāṇāṃ pavitraṃ yo maṅgalānāṃ ca maṅgalam| daivataṃ daivatānāṃ ca bhūtānāṃ yo'vyayaḥ pitā

Sanskrit only: no published translation is held for this verse.

यतः सर्वाणि भूतानि भवन्त्यादियुगागमे। यस्मिंश्च प्रलयं यान्ति पुनरेव युगक्षये

yataḥ sarvāṇi bhūtāni bhavantyādiyugāgame| yasmiṃśca pralayaṃ yānti punareva yugakṣaye

Sanskrit only: no published translation is held for this verse.

तस्य लोकप्रधानस्य जगन्नाथस्य भूपते। विष्णोर्नामसहस्रं मे शृणु पापभयापहम्

tasya lokapradhānasya jagannāthasya bhūpate| viṣṇornāmasahasraṃ me śṛṇu pāpabhayāpaham

Sanskrit only: no published translation is held for this verse.

यानि नामानि गौणानि विख्यातानि महात्मनः। ऋषिभिः परिगीतानि तानि वक्ष्यामि भूतये

yāni nāmāni gauṇāni vikhyātāni mahātmanaḥ| ṛṣibhiḥ parigītāni tāni vakṣyāmi bhūtaye

Sanskrit only: no published translation is held for this verse.

ऋषिर्नाम्नां सहस्रस्य वेदव्यासो महामुनिः। छन्दोऽनुष्टुप् तथा देवो भगवान् देवकीसुतः

ṛṣirnāmnāṃ sahasrasya vedavyāso mahāmuniḥ| chando'nuṣṭup tathā devo bhagavān devakīsutaḥ

Sanskrit only: no published translation is held for this verse.

अमृतांशूद्भवो बीजं शक्तिर्देवकिनन्दनः। त्रिसामा हृदयं तस्य शान्त्यर्थे विनियोज्यते

amṛtāṃśūdbhavo bījaṃ śaktirdevakinandanaḥ| trisāmā hṛdayaṃ tasya śāntyarthe viniyojyate

Sanskrit only: no published translation is held for this verse.

विष्णुं जिष्णुं महाविष्णुं प्रभविष्णुं महेश्वरम्‌। अनेकरूपदैत्यान्तं नमामि पुरुषोत्तमम्

viṣṇuṃ jiṣṇuṃ mahāviṣṇuṃ prabhaviṣṇuṃ maheśvaram‌| anekarūpadaityāntaṃ namāmi puruṣottamam

Sanskrit only: no published translation is held for this verse.