Viṣṇu-sahasranāma-stotra 4

श्रीवासुदेवोऽभिरक्षतु ॐ नम इति। भीष्म उवाच --- इतीदं कीर्तनीयस्य केशवस्य महात्मनः। नाम्नां सहस्रं दिव्यानामशेषेण प्रकीर्तितम्

śrīvāsudevo'bhirakṣatu oṃ nama iti| bhīṣma uvāca --- itīdaṃ kīrtanīyasya keśavasya mahātmanaḥ| nāmnāṃ sahasraṃ divyānāmaśeṣeṇa prakīrtitam

Sanskrit only: no published translation is held for this verse.

य इदं शृणुयान्नित्यं यश्चापि परिकीर्तयेत्। नाशुभं प्राप्नुयात्किंचित्सोऽमुत्रेह च मानवः

ya idaṃ śṛṇuyānnityaṃ yaścāpi parikīrtayet| nāśubhaṃ prāpnuyātkiṃcitso'mutreha ca mānavaḥ

Sanskrit only: no published translation is held for this verse.

वेदान्तगो ब्राह्मणः स्यात्क्षत्रियो विजयी भवेत्। वैश्यो धनसमृद्धः स्याच्छूद्रः सुखमवाप्नुयात्

vedāntago brāhmaṇaḥ syātkṣatriyo vijayī bhavet| vaiśyo dhanasamṛddhaḥ syācchūdraḥ sukhamavāpnuyāt

Sanskrit only: no published translation is held for this verse.

धर्मार्थी प्राप्नुयाद्धर्ममर्थार्थी चार्थमाप्नुयात्। कामानवाप्नुयात्कामी प्रजार्थी चाप्नुयात्प्रजाम्

dharmārthī prāpnuyāddharmamarthārthī cārthamāpnuyāt| kāmānavāpnuyātkāmī prajārthī cāpnuyātprajām

Sanskrit only: no published translation is held for this verse.

भक्तिमान् यः सदोत्थाय शुचिस्तद्गतमानसः। सहस्रं वासुदेवस्य नाम्नामेतत्प्रकीर्तयेत्

bhaktimān yaḥ sadotthāya śucistadgatamānasaḥ| sahasraṃ vāsudevasya nāmnāmetatprakīrtayet

Sanskrit only: no published translation is held for this verse.

यशः प्राप्नोति विपुलं ज्ञातिप्राधान्यमेव च। अचलां श्रियमाप्नोति श्रेयः प्राप्नोत्यनुत्तमम्

yaśaḥ prāpnoti vipulaṃ jñātiprādhānyameva ca| acalāṃ śriyamāpnoti śreyaḥ prāpnotyanuttamam

Sanskrit only: no published translation is held for this verse.

न भयं क्वचिदाप्नोति वीर्यं तेजश्च विन्दति। भवत्यरोगो द्युतिमान्बलरूपगुणान्वितः

na bhayaṃ kvacidāpnoti vīryaṃ tejaśca vindati| bhavatyarogo dyutimānbalarūpaguṇānvitaḥ

Sanskrit only: no published translation is held for this verse.

रोगार्तो मुच्यते रोगाद्बद्धो मुच्येत बन्धनात्। भयान्मुच्येत भीतस्तु मुच्येतापन्न आपदः

rogārto mucyate rogādbaddho mucyeta bandhanāt| bhayānmucyeta bhītastu mucyetāpanna āpadaḥ

Sanskrit only: no published translation is held for this verse.

दुर्गाण्यतितरत्याशु पुरुषः पुरुषोत्तमम्। स्तुवन्नामसहस्रेण नित्यं भक्तिसमन्वितः

durgāṇyatitaratyāśu puruṣaḥ puruṣottamam| stuvannāmasahasreṇa nityaṃ bhaktisamanvitaḥ

Sanskrit only: no published translation is held for this verse.

वासुदेवाश्रयो मर्त्यो वासुदेवपरायणः। सर्वपापविशुद्धात्मा याति ब्रह्म सनातनम्

vāsudevāśrayo martyo vāsudevaparāyaṇaḥ| sarvapāpaviśuddhātmā yāti brahma sanātanam

Sanskrit only: no published translation is held for this verse.

न वासुदेवभक्तानामशुभं विद्यते क्वचित्। जन्ममृत्युजराव्याधिभयं नैवोपजायते

na vāsudevabhaktānāmaśubhaṃ vidyate kvacit| janmamṛtyujarāvyādhibhayaṃ naivopajāyate

Sanskrit only: no published translation is held for this verse.

इमं स्तवमधीयानः श्रद्धाभक्तिसमन्वितः। युज्येतात्मसुखक्षान्तिश्रीधृतिस्मृतिकीर्तिभिः

imaṃ stavamadhīyānaḥ śraddhābhaktisamanvitaḥ| yujyetātmasukhakṣāntiśrīdhṛtismṛtikīrtibhiḥ

Sanskrit only: no published translation is held for this verse.

न क्रोधो न च मात्सर्यं न लोभो नाशुभा मतिः। भवन्ति कृतपुण्यानां भक्तानां पुरुषोत्तमे

na krodho na ca mātsaryaṃ na lobho nāśubhā matiḥ| bhavanti kṛtapuṇyānāṃ bhaktānāṃ puruṣottame

Sanskrit only: no published translation is held for this verse.

द्यौः सचन्द्रार्कनक्षत्रा खं दिशो भूर्महोदधिः। वासुदेवस्य वीर्येण विधृतानि महात्मनः

dyauḥ sacandrārkanakṣatrā khaṃ diśo bhūrmahodadhiḥ| vāsudevasya vīryeṇa vidhṛtāni mahātmanaḥ

Sanskrit only: no published translation is held for this verse.

ससुरासुरगन्धर्वं सयक्षोरगराक्षसम्। जगद्वशे वर्ततेदं कृष्णस्य सचराचरम्

sasurāsuragandharvaṃ sayakṣoragarākṣasam| jagadvaśe vartatedaṃ kṛṣṇasya sacarācaram

Sanskrit only: no published translation is held for this verse.

इन्द्रियाणि मनो बुद्धिः सत्त्वं तेजो बलं धृतिः। वासुदेवात्मकान्याहुः क्षेत्रं क्षेत्रज्ञ एव च

indriyāṇi mano buddhiḥ sattvaṃ tejo balaṃ dhṛtiḥ| vāsudevātmakānyāhuḥ kṣetraṃ kṣetrajña eva ca

Sanskrit only: no published translation is held for this verse.

सर्वागमानामाचारः प्रथमं परिकल्प्यते। आचारप्रभवो धर्मो धर्मस्य प्रभुरच्युतः

sarvāgamānāmācāraḥ prathamaṃ parikalpyate| ācāraprabhavo dharmo dharmasya prabhuracyutaḥ

Sanskrit only: no published translation is held for this verse.

ऋषयः पितरो देवा महाभूतानि धातवः। जङ्गमाजङ्गमं चेदं जगन्नारायणोद्भवम्

ṛṣayaḥ pitaro devā mahābhūtāni dhātavaḥ| jaṅgamājaṅgamaṃ cedaṃ jagannārāyaṇodbhavam

Sanskrit only: no published translation is held for this verse.

योगो ज्ञानं तथा सांख्यं विद्याः शिल्पादिकर्म च। वेदाः शास्त्राणि विज्ञानमेतत्सर्वं जनार्दनात्

yogo jñānaṃ tathā sāṃkhyaṃ vidyāḥ śilpādikarma ca| vedāḥ śāstrāṇi vijñānametatsarvaṃ janārdanāt

Sanskrit only: no published translation is held for this verse.

एको विष्णुर्महद्भूतं पृथग्भूतान्यनेकशः। त्रींल्लोकान्व्याप्य भूतात्मा भुङ्क्ते विश्वभुगव्ययः

eko viṣṇurmahadbhūtaṃ pṛthagbhūtānyanekaśaḥ| trīṃllokānvyāpya bhūtātmā bhuṅkte viśvabhugavyayaḥ

Sanskrit only: no published translation is held for this verse.

इमं स्तवं भगवतो विष्णोर्व्यासेन कीर्तितम्। पठेद्य इच्छेत्पुरुषः श्रेयः प्राप्तुं सुखानि च

imaṃ stavaṃ bhagavato viṣṇorvyāsena kīrtitam| paṭhedya icchetpuruṣaḥ śreyaḥ prāptuṃ sukhāni ca

Sanskrit only: no published translation is held for this verse.

विश्वेश्वरमजं देवं जगतः प्रभुमव्ययम्। भजन्ति ये पुष्कराक्षं न ते यान्ति पराभवम्

viśveśvaramajaṃ devaṃ jagataḥ prabhumavyayam| bhajanti ye puṣkarākṣaṃ na te yānti parābhavam

Sanskrit only: no published translation is held for this verse.

न ते यान्ति पराभवम् ॐ नम इति। अर्जुन उवाच। पद्मपत्रविशालाक्ष पद्मनाभ सुरोत्तम। भक्तानामनुरक्तानां त्राता भव जनार्दन

na te yānti parābhavam oṃ nama iti| arjuna uvāca| padmapatraviśālākṣa padmanābha surottama| bhaktānāmanuraktānāṃ trātā bhava janārdana

Sanskrit only: no published translation is held for this verse.

श्रीभगवानुवाच। यो मां नामसहस्रेण स्तोतुमिच्छति पाण्डव। सोऽहमेकेन श्लोकेन स्तुत एव न संशयः

śrībhagavānuvāca| yo māṃ nāmasahasreṇa stotumicchati pāṇḍava| so'hamekena ślokena stuta eva na saṃśayaḥ

Sanskrit only: no published translation is held for this verse.

स्तुत एव न संशय ॐ नम इति। व्यास उवाच। वासनाद्वासुदेवस्य वासितं भुवनत्रयम्। सर्वभूतनिवासोऽसि वासुदेव नमोऽस्तु ते

stuta eva na saṃśaya oṃ nama iti| vyāsa uvāca| vāsanādvāsudevasya vāsitaṃ bhuvanatrayam| sarvabhūtanivāso'si vāsudeva namo'stu te

Sanskrit only: no published translation is held for this verse.

श्रीवासुदेव नमोऽस्तु त ॐ नम इति। पार्वत्युवाच। केनोपायेन लघुना विष्णोर्नामसहस्रकम्। पठ्यते पण्डितैर्नित्यं श्रोतुमिच्छाम्यहं प्रभो

śrīvāsudeva namo'stu ta oṃ nama iti| pārvatyuvāca| kenopāyena laghunā viṣṇornāmasahasrakam| paṭhyate paṇḍitairnityaṃ śrotumicchāmyahaṃ prabho

Sanskrit only: no published translation is held for this verse.

ईश्वर उवाच। रामरामेति रामेति रमे रामे मनोरमे । सहस्रनामतत्तुल्यं रामनाम वरानने

īśvara uvāca| rāmarāmeti rāmeti rame rāme manorame | sahasranāmatattulyaṃ rāmanāma varānane

Sanskrit only: no published translation is held for this verse.

श्रीरामनाम वरानन ॐ नम इति। ब्रह्मोवाच। नमोऽस्त्वनन्ताय सहस्रमूर्तये सहस्रपादाक्षिशिरोरुबाहवे। सहस्रनाम्ने पुरुषाय शाश्वते सहस्रकोटियुगधारिणे नमः

śrīrāmanāma varānana oṃ nama iti| brahmovāca| namo'stvanantāya sahasramūrtaye sahasrapādākṣiśirorubāhave| sahasranāmne puruṣāya śāśvate sahasrakoṭiyugadhāriṇe namaḥ

Sanskrit only: no published translation is held for this verse.

सहस्रकोटियुगधारिणे नम ॐ नम इति। सञ्जय उवाच --- यत्र योगेश्वरः कृष्णो यत्र पार्थो धनुर्धरः। तत्र श्रीर्विजयो भूतिर्ध्रुवा नीतिर्मतिर्मम

sahasrakoṭiyugadhāriṇe nama oṃ nama iti| sañjaya uvāca --- yatra yogeśvaraḥ kṛṣṇo yatra pārtho dhanurdharaḥ| tatra śrīrvijayo bhūtirdhruvā nītirmatirmama

Sanskrit only: no published translation is held for this verse.

श्रीभगवानुवाच --- अनन्याश्चिन्तयन्तो मां ये जनाः पर्युपासते। तेषां नित्याभियुक्तानां योगक्षेमं वहाम्यहम्

śrībhagavānuvāca --- ananyāścintayanto māṃ ye janāḥ paryupāsate| teṣāṃ nityābhiyuktānāṃ yogakṣemaṃ vahāmyaham

Sanskrit only: no published translation is held for this verse.

परित्राणाय साधूनां विनाशाय च दुष्कृताम्। धर्मसंस्थापनार्थाय संभवामि युगे युगे

paritrāṇāya sādhūnāṃ vināśāya ca duṣkṛtām| dharmasaṃsthāpanārthāya saṃbhavāmi yuge yuge

Sanskrit only: no published translation is held for this verse.

आर्ता विषण्णाः शिथिलाश्च भीता घोरेषु च व्याधिषु वर्तमानाः। संकीर्त्य नारायणशब्दमात्रं विमुक्तदुःखाः सुखिनो भवन्तु

ārtā viṣaṇṇāḥ śithilāśca bhītā ghoreṣu ca vyādhiṣu vartamānāḥ| saṃkīrtya nārāyaṇaśabdamātraṃ vimuktaduḥkhāḥ sukhino bhavantu

Sanskrit only: no published translation is held for this verse.

कायेन वाचा मनसेन्द्रियैर्वा बुद्ध्यात्मना वा प्रकृतिस्वभावात्। करोमि यद्यत्सकलं परस्मै नारायणायेति समर्पयामि

kāyena vācā manasendriyairvā buddhyātmanā vā prakṛtisvabhāvāt| karomi yadyatsakalaṃ parasmai nārāyaṇāyeti samarpayāmi

Sanskrit only: no published translation is held for this verse.