Anandabhatta: Vallalacarita 2.1

वल्लालचरितम् उत्तरखण्डम् अथ प्रथमो ऽध्यायः । वल्लालचरितं पूर्ब्बखण्डीयं कथितं मया । श्रूयतामुत्तरे खण्डे विस्तरात् कथ्यते ऽधुना

vallālacaritam uttarakhaṇḍam atha prathamo 'dhyāyaḥ | vallālacaritaṃ pūrbbakhaṇḍīyaṃ kathitaṃ mayā / śrūyatāmuttare khaṇḍe vistarāt kathyate 'dhunā

Sanskrit only: no published translation is held for this verse.

सेनवंशधरो राजा वल्लालो नाम विश्रुतः । पुरेमामभुनक् पृथ्वीं प्रभावाक्षतशासनः

senavaṃśadharo rājā vallālo nāma viśrutaḥ / puremāmabhunak pṛthvīṃ prabhāvākṣataśāsanaḥ

Sanskrit only: no published translation is held for this verse.

प्रभुश्च यौवनस्थो ऽपि तस्मिन्नासीद्विवेकता । नाहारि ब्राह्मणी कन्या कदाचिदपि भूभृता

prabhuśca yauvanastho 'pi tasminnāsīdvivekatā / nāhāri brāhmaṇī kanyā kadācidapi bhūbhṛtā

Sanskrit only: no published translation is held for this verse.

कामाचारो ऽपि दृप्तो ऽपि स प्रियङ्करकिङ्करः । कदाचिच्च परस्त्रीणां जारत्वं नाकरोन्नृपः

kāmācāro 'pi dṛpto 'pi sa priyaṅkarakiṅkaraḥ / kadācicca parastrīṇāṃ jāratvaṃ nākaronnṛpaḥ

Sanskrit only: no published translation is held for this verse.

असेवि चाण्डालकन्या राज्ञा द्वादशवार्षिकी । नटीकन्या च सिद्ध्यर्थं पाषण्डमतवर्त्तिना

asevi cāṇḍālakanyā rājñā dvādaśavārṣikī / naṭīkanyā ca siddhyarthaṃ pāṣaṇḍamatavarttinā

Sanskrit only: no published translation is held for this verse.

यावन्नासीत् भट्टपादैरुपदिष्टो महीपतिः । तावत् स कृतवान् कर्म्म तत्तत् सज्जनगर्हितम्

yāvannāsīt bhaṭṭapādairupadiṣṭo mahīpatiḥ / tāvat sa kṛtavān karmma tattat sajjanagarhitam

Sanskrit only: no published translation is held for this verse.

भट्टानुव्रतिना तेन ततो विमलबुद्धिना । किं किं नानुष्ठितं कर्म्म ब्राह्मणानां प्रियङ्करम्

bhaṭṭānuvratinā tena tato vimalabuddhinā / kiṃ kiṃ nānuṣṭhitaṃ karmma brāhmaṇānāṃ priyaṅkaram

Sanskrit only: no published translation is held for this verse.

वङ्गवागदडिवारेन्द्रराढाभूर्मिथिलापि च । तस्यासीद्विपुलं राष्ट्रमेतद्विषयपञ्चकम्

vaṅgavāgadaḍivārendrarāḍhābhūrmithilāpi ca / tasyāsīdvipulaṃ rāṣṭrametadviṣayapañcakam

Sanskrit only: no published translation is held for this verse.

वसतिस्म नृपः श्रीमान् पुरा गौडे पुरोत्तमे । कदाचिद्वा यथाकामं नगरे विक्रमे पुरे

vasatisma nṛpaḥ śrīmān purā gauḍe purottame / kadācidvā yathākāmaṃ nagare vikrame pure

Sanskrit only: no published translation is held for this verse.

स्वर्णग्रामे कदाचिद्वा प्रासादे सुमनोहरे । रममानः सह श्रीभिर्दिवीव त्रिदिवेश्वरः

svarṇagrāme kadācidvā prāsāde sumanohare / ramamānaḥ saha śrībhirdivīva tridiveśvaraḥ

Sanskrit only: no published translation is held for this verse.

वैहारिकासु विद्यासु वाजिपृष्ठे च पण्डितः । शस्त्रास्तेषु परं दक्षो दाने कर्ण इवापरः

vaihārikāsu vidyāsu vājipṛṣṭhe ca paṇḍitaḥ / śastrāsteṣu paraṃ dakṣo dāne karṇa ivāparaḥ

Sanskrit only: no published translation is held for this verse.