Anandabhatta: Vallalacarita 2.16

उपाध्यायः पिता ज्येष्ठभ्राता चैव महीपतिः । मातुलः श्वशुरस्त्राता मातामहपितामहौ

upādhyāyaḥ pitā jyeṣṭhabhrātā caiva mahīpatiḥ / mātulaḥ śvaśurastrātā mātāmahapitāmahau

Sanskrit only: no published translation is held for this verse.

बन्धुर्ज्येष्ठः पितृव्यश्च पुंस्येते गुरवः स्मृताः । माता मातामही चैव पितृमातृष्वसादयः

bandhurjyeṣṭhaḥ pitṛvyaśca puṃsyete guravaḥ smṛtāḥ / mātā mātāmahī caiva pitṛmātṛṣvasādayaḥ

Sanskrit only: no published translation is held for this verse.

श्वश्रूः पितामही ज्येष्ठा धात्री च गुरवः स्त्रियः । इत्युक्तो गुरुवर्गो ऽयं मातृतः पितृतो नृपाः । अनुवर्त्तनमेतेषां मनोवाक्कायकर्म्मभिः

śvaśrūḥ pitāmahī jyeṣṭhā dhātrī ca guravaḥ striyaḥ / ityukto guruvargo 'yaṃ mātṛtaḥ pitṛto nṛpāḥ / anuvarttanameteṣāṃ manovākkāyakarmmabhiḥ

Sanskrit only: no published translation is held for this verse.

गुरुं दृष्ट्वा समुत्तिष्ठेदभिवाद्य कृताञ्जलिः । नैतैरुपविशेत् सार्द्धं विवदेत् नात्मकारणात्

guruṃ dṛṣṭvā samuttiṣṭhedabhivādya kṛtāñjaliḥ / naitairupaviśet sārddhaṃ vivadet nātmakāraṇāt

Sanskrit only: no published translation is held for this verse.

जीवितार्थमपि द्वेषात् गुरुभिर्नैव भाषणम् । उदितो ऽपि गुणैरन्यै र्गुरुद्धेषी पतत्यधः

jīvitārthamapi dveṣāt gurubhirnaiva bhāṣaṇam / udito 'pi guṇairanyai rguruddheṣī patatyadhaḥ

Sanskrit only: no published translation is held for this verse.

गुरूणाञ्चैव सर्व्वेषां पूज्याः पञ्च प्रयत्नतः । तेषामाद्यास्त्रयः श्रेष्ठास्तेषु माता गरीयसी

gurūṇāñcaiva sarvveṣāṃ pūjyāḥ pañca prayatnataḥ / teṣāmādyāstrayaḥ śreṣṭhāsteṣu mātā garīyasī

Sanskrit only: no published translation is held for this verse.

यो भावयति या सूते येन विद्योपदिश्यते । ज्येष्ठभ्राता च भर्त्ता च पञ्चैते गुरवः स्मृताः

yo bhāvayati yā sūte yena vidyopadiśyate / jyeṣṭhabhrātā ca bharttā ca pañcaite guravaḥ smṛtāḥ

Sanskrit only: no published translation is held for this verse.

पूजनीया विशेषेण पञ्चैते भूतिमिच्छता । नास्ति पितृसमो देवो नास्ति मातृसमो गुरुः

pūjanīyā viśeṣeṇa pañcaite bhūtimicchatā / nāsti pitṛsamo devo nāsti mātṛsamo guruḥ

Sanskrit only: no published translation is held for this verse.

तयोर्नित्यं प्रियं कुर्य्यात् कर्म्मणा मनसा गिरा । न ताभ्यामननुज्ञातो धर्म्ममन्यं समाश्रयेत्

tayornityaṃ priyaṃ kuryyāt karmmaṇā manasā girā / na tābhyāmananujñāto dharmmamanyaṃ samāśrayet

Sanskrit only: no published translation is held for this verse.

गुरुरग्निर्द्विजातीनां वर्णानां ब्राह्मणो गुरुः । पतिरेको गुरुः स्त्रीणां सर्व्वत्राभ्यागतो गुरुः

gururagnirdvijātīnāṃ varṇānāṃ brāhmaṇo guruḥ / patireko guruḥ strīṇāṃ sarvvatrābhyāgato guruḥ

Sanskrit only: no published translation is held for this verse.

ब्राह्मणं प्रणमेद् यस्तु विष्णुबुद्ध्या नरोत्तमः । आयुः पुत्रश्च कीर्त्तिश्च सम्पत्तिस्तस्य वर्द्धते

brāhmaṇaṃ praṇamed yastu viṣṇubuddhyā narottamaḥ / āyuḥ putraśca kīrttiśca sampattistasya varddhate

Sanskrit only: no published translation is held for this verse.

दुःशीलो ऽपि द्विजः पूज्यो न शूद्रो विजेतेन्द्रियः । विप्रा हि क्षत्रियात्मानो नावज्ञेयाः कदाचन

duḥśīlo 'pi dvijaḥ pūjyo na śūdro vijetendriyaḥ / viprā hi kṣatriyātmāno nāvajñeyāḥ kadācana

Sanskrit only: no published translation is held for this verse.

धर्म्मशास्त्ररथारूढा वेदखड्गधरा द्विजाः । क्रीडार्थमपि यद्ब्रूयुः स धर्म्मः परमः स्मृतः

dharmmaśāstrarathārūḍhā vedakhaḍgadharā dvijāḥ / krīḍārthamapi yadbrūyuḥ sa dharmmaḥ paramaḥ smṛtaḥ

Sanskrit only: no published translation is held for this verse.