Anandabhatta: Vallalacarita 2.20

अतःपरं रुद्रगीता कथ्यते मनुजेश्वराः । शृणतावहिता भूत्वा इमां गीतां सनातनीम्

ataḥparaṃ rudragītā kathyate manujeśvarāḥ / śṛṇatāvahitā bhūtvā imāṃ gītāṃ sanātanīm

Sanskrit only: no published translation is held for this verse.

नमस्ते मन्यवे रुद्र उतोत इषवे नमः । नमामि तव वाहुभ्यां गिरिशन्त गिरीश्वर

namaste manyave rudra utota iṣave namaḥ / namāmi tava vāhubhyāṃ giriśanta girīśvara

Sanskrit only: no published translation is held for this verse.

रुद्रस्ते ऽपापकाशिन्या शिवया घोररूपया । तन्वानो ऽभि चाकशीहि सुखं शन्तमया शिव

rudraste 'pāpakāśinyā śivayā ghorarūpayā / tanvāno 'bhi cākaśīhi sukhaṃ śantamayā śiva

Sanskrit only: no published translation is held for this verse.

यामिषुमस्तवे हस्ते गिरिशन्त विभर्षि च । तां गिरित्र कुरु शिवां मा हिंसीः पुरुषं जगत्

yāmiṣumastave haste giriśanta vibharṣi ca / tāṃ giritra kuru śivāṃ mā hiṃsīḥ puruṣaṃ jagat

Sanskrit only: no published translation is held for this verse.

शिवेन वचसाच्छत्वा वदामो गिरिश प्रभो । यथा यक्ष्मं सुमनसो जगत्सर्व्वमिदं भवेत्

śivena vacasācchatvā vadāmo giriśa prabho / yathā yakṣmaṃ sumanaso jagatsarvvamidaṃ bhavet

Sanskrit only: no published translation is held for this verse.

अध्यवोचदधिवक्ता प्रथमो देव्यको भिषक् । अहींश्च जम्भयन् सर्व्वान् यातुधानीः परासुव

adhyavocadadhivaktā prathamo devyako bhiṣak / ahīṃśca jambhayan sarvvān yātudhānīḥ parāsuva

Sanskrit only: no published translation is held for this verse.

असौ यस्ताम्र आदित्य उत वभ्रूः सुमङ्गलः । ये चैनं रुद्रा अभितो दिक्ष्वेषां हेडईमहे

asau yastāmra āditya uta vabhrūḥ sumaṅgalaḥ / ye cainaṃ rudrā abhito dikṣveṣāṃ heḍaīmahe

Sanskrit only: no published translation is held for this verse.

असाववसर्पति यो नीलग्रीवो विलोहितः । गोपाःस्त्रियो ऽप्यदृश्रन् यं स दृष्टोमृडयाति नः

asāvavasarpati yo nīlagrīvo vilohitaḥ / gopāḥstriyo 'pyadṛśran yaṃ sa dṛṣṭomṛḍayāti naḥ

Sanskrit only: no published translation is held for this verse.

नमो ऽस्तु नीलग्रीवाय सहस्राक्षाय मीढुषे । सन्त्यथो ये ऽस्य सत्वा नस्तेभ्यो ऽहमकरं नमः

namo 'stu nīlagrīvāya sahasrākṣāya mīḍhuṣe / santyatho ye 'sya satvā nastebhyo 'hamakaraṃ namaḥ

Sanskrit only: no published translation is held for this verse.

धन्वनस्त्वं प्रमुञ्चार्त्न्यो रुभयोर्ज्यामुमाधव । याश्च ते हस्त इषवो भगवन् ताः परा वप । कपर्द्दिनो धनुर्दिव्यं विशल्यो वाणवानुत । अनेशन्निषवश्चास्य चाभुरस्तु निषङ्गधीः

dhanvanastvaṃ pramuñcārtnyo rubhayorjyāmumādhava / yāśca te hasta iṣavo bhagavan tāḥ parā vapa / kaparddino dhanurdivyaṃ viśalyo vāṇavānuta / aneśanniṣavaścāsya cābhurastu niṣaṅgadhīḥ

Sanskrit only: no published translation is held for this verse.

या मीढुष्टम ते हेतिर्हस्ते प्रविद्यते धनुः । अयक्षन् या तथास्मान् त्वं विश्वतः परिपालय

yā mīḍhuṣṭama te hetirhaste pravidyate dhanuḥ / ayakṣan yā tathāsmān tvaṃ viśvataḥ paripālaya

Sanskrit only: no published translation is held for this verse.

अस्मान् ते धन्वनो हेतिः परिवृणक्तु विश्वतः । अथो यश्चेषुधी रुद्र अस्मदारे निधेहि तम्

asmān te dhanvano hetiḥ parivṛṇaktu viśvataḥ / atho yaśceṣudhī rudra asmadāre nidhehi tam

Sanskrit only: no published translation is held for this verse.

अवतत्य धनुः शल्यमुखानि विनिशीर्य्य च । शतेषुधे सहस्राक्ष शिवो नः सुमना भव

avatatya dhanuḥ śalyamukhāni viniśīryya ca / śateṣudhe sahasrākṣa śivo naḥ sumanā bhava

Sanskrit only: no published translation is held for this verse.

आयुधाय नमस्ते ऽस्तु धृष्णवे ऽनातताय च । उभाभ्यामुत वाहुभ्यां नमस्ते ऽस्तु च धन्वने

āyudhāya namaste 'stu dhṛṣṇave 'nātatāya ca / ubhābhyāmuta vāhubhyāṃ namaste 'stu ca dhanvane

Sanskrit only: no published translation is held for this verse.

मा नो महान्त मुत मा नो अर्भकम् मा न उक्षन्तमुतमा न उक्षितम् । मा नो वधीः पितरम्मोत मातरम् मा नः प्रियास्तन्वो रुद्र रीरिषः

mā no mahānta muta mā no arbhakam mā na ukṣantamutamā na ukṣitam / mā no vadhīḥ pitarammota mātaram mā naḥ priyāstanvo rudra rīriṣaḥ

Sanskrit only: no published translation is held for this verse.

मानस्तोके च तनये गवाश्वेषु च रीरिषः । आयूंषि भामिनो वीरान् मावधीस्त्वां हवामहे

mānastoke ca tanaye gavāśveṣu ca rīriṣaḥ / āyūṃṣi bhāmino vīrān māvadhīstvāṃ havāmahe

Sanskrit only: no published translation is held for this verse.

सेनान्ये दिशाम् पतये नमो हिरण्यवाहवे । वृक्षेभ्यो हरिकेशेभ्यः पशूनाम्यतये नमः

senānye diśām pataye namo hiraṇyavāhave / vṛkṣebhyo harikeśebhyaḥ paśūnāmyataye namaḥ

Sanskrit only: no published translation is held for this verse.

शष्यिञ्जाय त्विषीमते पथीनाम्पतये नमः । सूत्रिणे हरिकेशाय पुष्टानाम्पतये नमः

śaṣyiñjāya tviṣīmate pathīnāmpataye namaḥ / sūtriṇe harikeśāya puṣṭānāmpataye namaḥ

Sanskrit only: no published translation is held for this verse.

वभ्लुशाय नमो व्याधिने ऽन्नानाम्पतये नमः । भवस्य हेत्यै जगताम् पतये च नमो नमः

vabhluśāya namo vyādhine 'nnānāmpataye namaḥ / bhavasya hetyai jagatām pataye ca namo namaḥ

Sanskrit only: no published translation is held for this verse.

रुद्रायाततायिने च क्षेत्राणाम्पतये नमः । नमोस्त्वहन्त्रे सूताय वनानाम्पतये नमः

rudrāyātatāyine ca kṣetrāṇāmpataye namaḥ / namostvahantre sūtāya vanānāmpataye namaḥ

Sanskrit only: no published translation is held for this verse.

रोहिताय स्थपतये वृक्षाणम्पतये नमः । भुवन्तये नमस्तस्मै वरिवस्यकृताय च

rohitāya sthapataye vṛkṣāṇampataye namaḥ / bhuvantaye namastasmai varivasyakṛtāya ca

Sanskrit only: no published translation is held for this verse.

मन्त्रिणे वै वाणिजाय कक्षाणाम्पतये नमः । घोषायोच्चैः क्रन्दयते पत्तीनाम्पतये नमः

mantriṇe vai vāṇijāya kakṣāṇāmpataye namaḥ / ghoṣāyoccaiḥ krandayate pattīnāmpataye namaḥ

Sanskrit only: no published translation is held for this verse.

धावते कृत्स्नवीताय सत्वानाम्पतये नमः । नमो ऽस्तु सहमानाय नमो निव्याधिने नमः

dhāvate kṛtsnavītāya satvānāmpataye namaḥ / namo 'stu sahamānāya namo nivyādhine namaḥ

Sanskrit only: no published translation is held for this verse.

आव्याधिनीनाम्पतये ककुभाय निषङ्गिणे । निचेरवे नमस्तुभ्यं स्तेनानाम्पतये नमः

āvyādhinīnāmpataye kakubhāya niṣaṅgiṇe / nicerave namastubhyaṃ stenānāmpataye namaḥ

Sanskrit only: no published translation is held for this verse.

नमो ऽरण्यानाम्पतये नमः परिचराय च । स्तायूनाम्पतये तुभ्यं वञ्चते परिवञ्चते

namo 'raṇyānāmpataye namaḥ paricarāya ca / stāyūnāmpataye tubhyaṃ vañcate parivañcate

Sanskrit only: no published translation is held for this verse.

प्रणमामीषुधिमते नमस्तुभ्यं निषङ्गिणे । तस्कराणान्ते पतये नमामि च पुनः पुनः

praṇamāmīṣudhimate namastubhyaṃ niṣaṅgiṇe / taskarāṇānte pataye namāmi ca punaḥ punaḥ

Sanskrit only: no published translation is held for this verse.

सृकायिभ्यो जिघांसद्भ्यो मुष्णताम्पतये नमः । असिमद्भ्यो विकृन्तानाम् पतये ते नमोनमः

sṛkāyibhyo jighāṃsadbhyo muṣṇatāmpataye namaḥ / asimadbhyo vikṛntānām pataye te namonamaḥ

Sanskrit only: no published translation is held for this verse.

नक्तञ्चरेभ्यो रुद्रेभ्यो धावद्भ्यश्च नमोनमः । उष्णीषिणे कुलुञ्चानाम्पतये ते नमोनमः

naktañcarebhyo rudrebhyo dhāvadbhyaśca namonamaḥ / uṣṇīṣiṇe kuluñcānāmpataye te namonamaḥ

Sanskrit only: no published translation is held for this verse.

धन्वायिभ्य इषुमद्भ्यो नमो गिरिचराय ते । आतन्वाभ्यो वश्च प्रतिदधानेभ्यो नमोनमः

dhanvāyibhya iṣumadbhyo namo giricarāya te / ātanvābhyo vaśca pratidadhānebhyo namonamaḥ

Sanskrit only: no published translation is held for this verse.

आयच्छद्भ्यो नमो ऽस्यद्भ्यो विसृजद्भ्यो नमो नमः । विध्यद्भ्यश्च स्वपद्भ्यश्च जाग्रद्भ्यश्च नमोनमः

āyacchadbhyo namo 'syadbhyo visṛjadbhyo namo namaḥ / vidhyadbhyaśca svapadbhyaśca jāgradbhyaśca namonamaḥ

Sanskrit only: no published translation is held for this verse.

शयानेभ्य आसीनेभ्यस्तिष्ठद्भ्यो वो नमो नमः । नमः सभापतिभ्यो वः सभाभ्यश्च नमोनमः

śayānebhya āsīnebhyastiṣṭhadbhyo vo namo namaḥ / namaḥ sabhāpatibhyo vaḥ sabhābhyaśca namonamaḥ

Sanskrit only: no published translation is held for this verse.

अश्वेभ्यो ऽश्वपतिभ्यश्चाव्याधिनीभ्यो नमोनमः । विविध्यन्तीभ्यश्च नमः उगणाभ्यो नमोनमः

aśvebhyo 'śvapatibhyaścāvyādhinībhyo namonamaḥ / vividhyantībhyaśca namaḥ ugaṇābhyo namonamaḥ

Sanskrit only: no published translation is held for this verse.

तृंहतीभ्यो गणेभ्यश्च व्रातेभ्यश्च नमोनमः । नमो गणपति-व्रातपतिभ्यश्च नमोनमः

tṛṃhatībhyo gaṇebhyaśca vrātebhyaśca namonamaḥ / namo gaṇapati-vrātapatibhyaśca namonamaḥ

Sanskrit only: no published translation is held for this verse.

गृत्सपतिभ्यो गृत्सेभ्यो विरूपेभ्यो नमोनमः । विश्वरूपेभ्यश्च नमः सेनाभ्यश्च नमोनमः

gṛtsapatibhyo gṛtsebhyo virūpebhyo namonamaḥ / viśvarūpebhyaśca namaḥ senābhyaśca namonamaḥ

Sanskrit only: no published translation is held for this verse.

सेनानीभ्यो रथिभ्यो वो अरथेभ्यो नमोनमः । क्षत्तृभ्यः संग्रहीतृभ्यो महद्भ्यश्च नमोनमः

senānībhyo rathibhyo vo arathebhyo namonamaḥ / kṣattṛbhyaḥ saṃgrahītṛbhyo mahadbhyaśca namonamaḥ

Sanskrit only: no published translation is held for this verse.

अर्भकेभ्यस्तक्षकेभ्यो रथकृद्भ्यो नमोनमः । कर्म्मारेभ्यः कुलालेभ्यो निषादेभ्यो नमोनमः

arbhakebhyastakṣakebhyo rathakṛdbhyo namonamaḥ / karmmārebhyaḥ kulālebhyo niṣādebhyo namonamaḥ

Sanskrit only: no published translation is held for this verse.

पुञ्जिष्ठेभ्यः श्वनिभ्यश्च मृगयुभ्यश्च वो नमः । श्वभ्यश्च श्वपतिभ्यश्च रुद्राय च भवाय च

puñjiṣṭhebhyaḥ śvanibhyaśca mṛgayubhyaśca vo namaḥ / śvabhyaśca śvapatibhyaśca rudrāya ca bhavāya ca

Sanskrit only: no published translation is held for this verse.

नीलग्रीवाय सर्व्वाय पशूनाम्पतये नमः । नमस्ते शितिकण्ठाय नमस्तेस्तु कपर्द्दिने

nīlagrīvāya sarvvāya paśūnāmpataye namaḥ / namaste śitikaṇṭhāya namastestu kaparddine

Sanskrit only: no published translation is held for this verse.

सहस्राक्षाय च व्यप्तकेशाय शतधन्वने । गिरिशाय नमस्तुभ्यं शिपिविष्टाय ते नमः

sahasrākṣāya ca vyaptakeśāya śatadhanvane / giriśāya namastubhyaṃ śipiviṣṭāya te namaḥ

Sanskrit only: no published translation is held for this verse.

मीढुष्टमायेषुमते ह्रस्वाय वामनाय च । वृहते च वर्षीयसे वृद्धाय सवृधे नमः

mīḍhuṣṭamāyeṣumate hrasvāya vāmanāya ca / vṛhate ca varṣīyase vṛddhāya savṛdhe namaḥ

Sanskrit only: no published translation is held for this verse.

प्रथमाय नमो ऽग्राय आशवे चाजिराय च । नमः शीघ्राय शीभ्याय ऊर्म्मायावस्वनाय च

prathamāya namo 'grāya āśave cājirāya ca / namaḥ śīghrāya śībhyāya ūrmmāyāvasvanāya ca

Sanskrit only: no published translation is held for this verse.

नादेयाय नमस्तुभ्यं द्वीप्याय च नमोनमः । ज्येष्ठाय च कनिष्ठाय पूर्व्वजाय नमोनमः

nādeyāya namastubhyaṃ dvīpyāya ca namonamaḥ / jyeṣṭhāya ca kaniṣṭhāya pūrvvajāya namonamaḥ

Sanskrit only: no published translation is held for this verse.

नमो याम्याय क्षेम्याय श्लोक्याय च नमोनमः । उर्वर्य्यायावसान्याय खल्याय च नमस्तु ते

namo yāmyāya kṣemyāya ślokyāya ca namonamaḥ / urvaryyāyāvasānyāya khalyāya ca namastu te

Sanskrit only: no published translation is held for this verse.

नमो वन्द्याय कक्ष्याय श्रवाय च नमोनमः । प्रतिश्रवाय च नमः आशुषेणाय ते नमः

namo vandyāya kakṣyāya śravāya ca namonamaḥ / pratiśravāya ca namaḥ āśuṣeṇāya te namaḥ

Sanskrit only: no published translation is held for this verse.

आशुरथाय च नमः शूराय चावभेदिने । विल्मिने च कवचिने वर्म्मिणे च वरूथिने

āśurathāya ca namaḥ śūrāya cāvabhedine / vilmine ca kavacine varmmiṇe ca varūthine

Sanskrit only: no published translation is held for this verse.

मध्यमायापगल्भाय वुध्न्यायापरजाय च । जघन्याय च सोम्याय प्रतिसर्य्याय ते नमः

madhyamāyāpagalbhāya vudhnyāyāparajāya ca / jaghanyāya ca somyāya pratisaryyāya te namaḥ

Sanskrit only: no published translation is held for this verse.

तीक्ष्णोषवे चायुधिने स्वायुधाय सुधन्वने । नमः सत्याय पथ्याय काट्याय च नमोनमः

tīkṣṇoṣave cāyudhine svāyudhāya sudhanvane / namaḥ satyāya pathyāya kāṭyāya ca namonamaḥ

Sanskrit only: no published translation is held for this verse.

नीप्याय च नमस्तुभ्यं कुल्याय च नमोनमः । सरस्याय नादेयाय वैशन्ताय नमोनमः

nīpyāya ca namastubhyaṃ kulyāya ca namonamaḥ / sarasyāya nādeyāya vaiśantāya namonamaḥ

Sanskrit only: no published translation is held for this verse.

अवट्याय च कुप्याय वीघ्राय च नमोनमः । आतप्याय च मेध्याय विद्युत्याय नमोनमः

avaṭyāya ca kupyāya vīghrāya ca namonamaḥ / ātapyāya ca medhyāya vidyutyāya namonamaḥ

Sanskrit only: no published translation is held for this verse.

अवर्ष्याय च वर्षाय वात्याय च नमोनमः । नमो ब्रात्याय रेष्माय वास्तव्याय नमोनमः

avarṣyāya ca varṣāya vātyāya ca namonamaḥ / namo brātyāya reṣmāya vāstavyāya namonamaḥ

Sanskrit only: no published translation is held for this verse.

वास्तुपाय च सोमाय रुद्राय च नमोनमः । अरुणाय च ताम्राय शङ्गवे च नमोनमः

vāstupāya ca somāya rudrāya ca namonamaḥ / aruṇāya ca tāmrāya śaṅgave ca namonamaḥ

Sanskrit only: no published translation is held for this verse.

नम उग्राय भीमायाग्रेवधाय नमो ऽस्तु ते । दूरेवधाय हन्त्रे च नमो हनीयसे नमः

nama ugrāya bhīmāyāgrevadhāya namo 'stu te / dūrevadhāya hantre ca namo hanīyase namaḥ

Sanskrit only: no published translation is held for this verse.

सम्भवाय शङ्कराय मयोभवाय ते नमः । मयस्कराय च शिवतराय च शिवाय च

sambhavāya śaṅkarāya mayobhavāya te namaḥ / mayaskarāya ca śivatarāya ca śivāya ca

Sanskrit only: no published translation is held for this verse.

अवार्य्याय च पार्य्याय नमः प्रतरणाय च । उत्तरणाय तीर्य्याय कुब्जाय च नमोनमः

avāryyāya ca pāryyāya namaḥ prataraṇāya ca / uttaraṇāya tīryyāya kubjāya ca namonamaḥ

Sanskrit only: no published translation is held for this verse.

नमः शष्याय फेण्याय सिकत्याय नमोनमः । प्रवाह्याय किंशिलाय क्षयणाय नमोनमः

namaḥ śaṣyāya pheṇyāya sikatyāya namonamaḥ / pravāhyāya kiṃśilāya kṣayaṇāya namonamaḥ

Sanskrit only: no published translation is held for this verse.

इरिण्याय प्रपथ्याय नमस्तुभ्यं पुलस्तये । नमो व्रज्याय गोष्ठाय तल्पाय च नमोनमः

iriṇyāya prapathyāya namastubhyaṃ pulastaye / namo vrajyāya goṣṭhāya talpāya ca namonamaḥ

Sanskrit only: no published translation is held for this verse.

गेह्याय च हृदय्याय निवेष्याय च ते नमः । गह्वरेष्ठाय शुष्काय हरित्याय नमोनमः

gehyāya ca hṛdayyāya niveṣyāya ca te namaḥ / gahvareṣṭhāya śuṣkāya harityāya namonamaḥ

Sanskrit only: no published translation is held for this verse.

पांसव्याय रजस्याय लोप्याय च नमो ऽस्तु ते । उलप्याय च ऊर्व्वाय सर्व्वाय च नमोनमः

pāṃsavyāya rajasyāya lopyāya ca namo 'stu te / ulapyāya ca ūrvvāya sarvvāya ca namonamaḥ

Sanskrit only: no published translation is held for this verse.

पर्णशदाय पर्णाय नमश्चाभिघ्नते नमः । नम उद्गुरमाणाय नमः आखिदते नमः

parṇaśadāya parṇāya namaścābhighnate namaḥ / nama udguramāṇāya namaḥ ākhidate namaḥ

Sanskrit only: no published translation is held for this verse.

इषुकृद्भो धनुष्कृद्भ्यो नमः प्रखिदते नमः । किरिकेभ्यश्च देवानां हृदयेभ्यो नमोनमः

iṣukṛdbho dhanuṣkṛdbhyo namaḥ prakhidate namaḥ / kirikebhyaśca devānāṃ hṛdayebhyo namonamaḥ

Sanskrit only: no published translation is held for this verse.

विचिन्वत्केभ्यो वो विक्षिणत्केभ्यश्च नमो नमः । आनिर्हतेभ्यो युष्मभ्यं नमामि च पुनः पुनः

vicinvatkebhyo vo vikṣiṇatkebhyaśca namo namaḥ / ānirhatebhyo yuṣmabhyaṃ namāmi ca punaḥ punaḥ

Sanskrit only: no published translation is held for this verse.

भो अन्धसस्पते द्रापे दरिद्र नीललोहित । प्रजानां नः पशूनाञ्च माभेर्मारोक् कथञ्चन

bho andhasaspate drāpe daridra nīlalohita / prajānāṃ naḥ paśūnāñca mābhermārok kathañcana

Sanskrit only: no published translation is held for this verse.

इमा नो रुद्राय मतीस्तवसे प्रभरामहे । ग्रामे विश्वे यथा शंस्वाद्विपदे च चतुष्पदे

imā no rudrāya matīstavase prabharāmahe / grāme viśve yathā śaṃsvādvipade ca catuṣpade

Sanskrit only: no published translation is held for this verse.

या ते रुद्र शिवतनूः शिवविश्वाहभेषजी । रुद्रस्य भेषजी रुद्र तया नो मृड् जीवसे

yā te rudra śivatanūḥ śivaviśvāhabheṣajī / rudrasya bheṣajī rudra tayā no mṛḍ jīvase

Sanskrit only: no published translation is held for this verse.

रुद्रस्य हेतिः परितो वृणक्त त्वेषस्य चास्मासु न दुर्म्मतिश्च । स्थिराणि रुद्र अवतारय त्वम् तोकाय पौत्राय सुखं यथा स्यात्

rudrasya hetiḥ parito vṛṇakta tveṣasya cāsmāsu na durmmatiśca / sthirāṇi rudra avatāraya tvam tokāya pautrāya sukhaṃ yathā syāt

Sanskrit only: no published translation is held for this verse.

मीढुष्टम शिवतम शिवो नः सुमना भव । निधाय परमे वृक्षे आयुधं तव शङ्कर

mīḍhuṣṭama śivatama śivo naḥ sumanā bhava / nidhāya parame vṛkṣe āyudhaṃ tava śaṅkara

Sanskrit only: no published translation is held for this verse.

कृत्तिं वसान आगच्छ पिनाकं धारयन् शिवः । नमस्तुभ्यं भगवते विकिरिद्रविलोहित

kṛttiṃ vasāna āgaccha pinākaṃ dhārayan śivaḥ / namastubhyaṃ bhagavate vikiridravilohita

Sanskrit only: no published translation is held for this verse.

या हेतयः सहस्रन्ते ऽस्मदन्यं निवपन्तु ताः । यास्तव हेतयो वाह्वोः सहस्राणि सहस्रशः

yā hetayaḥ sahasrante 'smadanyaṃ nivapantu tāḥ / yāstava hetayo vāhvoḥ sahasrāṇi sahasraśaḥ

Sanskrit only: no published translation is held for this verse.

तासामीशानो भगवन् पराचीना मुखाकृधि । असंख्याताः सहस्राणि ये रुद्रा अधि भूतले

tāsāmīśāno bhagavan parācīnā mukhākṛdhi / asaṃkhyātāḥ sahasrāṇi ye rudrā adhi bhūtale

Sanskrit only: no published translation is held for this verse.

तेषां सहस्रयोजने धन्वानि ह्यवतन्मसि । अस्मिन्महत्यन्तरीक्षे ऽर्णवे सन्ति भवास्तु ये

teṣāṃ sahasrayojane dhanvāni hyavatanmasi / asminmahatyantarīkṣe 'rṇave santi bhavāstu ye

Sanskrit only: no published translation is held for this verse.

तेषां सहस्रयोजने धन्वानि चावतन्मसि । नीलग्रीवाः श्वेतकण्ठाः दिवं रुद्रा उपश्रिताः

teṣāṃ sahasrayojane dhanvāni cāvatanmasi / nīlagrīvāḥ śvetakaṇṭhāḥ divaṃ rudrā upaśritāḥ

Sanskrit only: no published translation is held for this verse.

तेषां सहस्रयोजने धन्वानि चावतन्मसि । नीलग्रीवाः श्वेतकण्ठाः अधः शर्व्वाः क्षमाचराः । तेषां सहस्रयोजने धन्वानि चावतन्मसि

teṣāṃ sahasrayojane dhanvāni cāvatanmasi / nīlagrīvāḥ śvetakaṇṭhāḥ adhaḥ śarvvāḥ kṣamācarāḥ / teṣāṃ sahasrayojane dhanvāni cāvatanmasi

Sanskrit only: no published translation is held for this verse.

शष्पिञ्जरा वृक्षेषु ये नीलग्रीवा विलोहिताः । तेषां सहस्रयोजे धन्वानि चावतन्मसि

śaṣpiñjarā vṛkṣeṣu ye nīlagrīvā vilohitāḥ / teṣāṃ sahasrayoje dhanvāni cāvatanmasi

Sanskrit only: no published translation is held for this verse.

ये च भूतानामधिपा विशिखासः कपर्दिनः । तेषां सहस्रयोजने धन्वानि चावतन्मसि

ye ca bhūtānāmadhipā viśikhāsaḥ kapardinaḥ / teṣāṃ sahasrayojane dhanvāni cāvatanmasi

Sanskrit only: no published translation is held for this verse.

ऐलवृदा आयुर्युधो ये पथाम्यतिरक्षसः । तेषां सहस्रयोजने धन्वानि चावतन्मसि

ailavṛdā āyuryudho ye pathāmyatirakṣasaḥ / teṣāṃ sahasrayojane dhanvāni cāvatanmasi

Sanskrit only: no published translation is held for this verse.

ये च चरन्ति तीर्थानि सृकाहस्ता निषङ्गिणः । तेषां सहस्रयोजने धन्वानि चावतन्मसि

ye ca caranti tīrthāni sṛkāhastā niṣaṅgiṇaḥ / teṣāṃ sahasrayojane dhanvāni cāvatanmasi

Sanskrit only: no published translation is held for this verse.

ये चान्नेषु विविध्यन्ति पात्रेषु पिवतो जनान् । तेषां सहस्रयोजने धन्वानि चावतन्मसि

ye cānneṣu vividhyanti pātreṣu pivato janān / teṣāṃ sahasrayojane dhanvāni cāvatanmasi

Sanskrit only: no published translation is held for this verse.

एतावन्तश्च भूयांसो दिशो रुद्रा वितस्थिरे । तेषां सहस्रयोजने धन्वानि चावतन्मसि

etāvantaśca bhūyāṃso diśo rudrā vitasthire / teṣāṃ sahasrayojane dhanvāni cāvatanmasi

Sanskrit only: no published translation is held for this verse.

नमो रुद्रेभ्यो दुःस्थेभ्यो येषां वर्षन्तु सायकाः । सर्वदिक् विदिक्षु च तेषां कुर्व्वे दशाङ्गुलीः

namo rudrebhyo duḥsthebhyo yeṣāṃ varṣantu sāyakāḥ / sarvadik vidikṣu ca teṣāṃ kurvve daśāṅgulīḥ

Sanskrit only: no published translation is held for this verse.

नमो ऽस्तु तेभ्यो नो ऽवन्तु तथास्मान् मृडयन्तु ते । जम्भे दध्मस्तमेतेषां यन्द्विष्मो यश्च द्वेष्टि नः

namo 'stu tebhyo no 'vantu tathāsmān mṛḍayantu te / jambhe dadhmastameteṣāṃ yandviṣmo yaśca dveṣṭi naḥ

Sanskrit only: no published translation is held for this verse.

नमस्तेभ्यो ऽन्तरिक्षे ये येषां वातस्तु सायकाः । सर्व्वदिक्षु विदिक्ष्वेव तेषां कुर्व्वे दशाङ्गुली

namastebhyo 'ntarikṣe ye yeṣāṃ vātastu sāyakāḥ / sarvvadikṣu vidikṣveva teṣāṃ kurvve daśāṅgulī

Sanskrit only: no published translation is held for this verse.

नमस्तु तेभ्यो नो ऽवन्तु तथास्मान् मृडयन्तु ते । जम्भे दध्मस्तमेतेषां यंद्विष्मो यश्च द्वेष्टि नः

namastu tebhyo no 'vantu tathāsmān mṛḍayantu te / jambhe dadhmastameteṣāṃ yaṃdviṣmo yaśca dveṣṭi naḥ

Sanskrit only: no published translation is held for this verse.

नमो रुद्रेभ्यो ये पृष्व्यां येषामन्नन्तु सायकाः । सर्व्वदिक्षु विदिक्षेव तेषां कुर्व्वे दशाङ्गुली

namo rudrebhyo ye pṛṣvyāṃ yeṣāmannantu sāyakāḥ / sarvvadikṣu vidikṣeva teṣāṃ kurvve daśāṅgulī

Sanskrit only: no published translation is held for this verse.

नमस्तु तेभ्यो नो ऽवन्तु तथास्मान् मृडयन्तु ते । जम्भेदध्मस्तमेतेषां यंद्विष्मो यश्च द्वेष्टि नः

namastu tebhyo no 'vantu tathāsmān mṛḍayantu te / jambhedadhmastameteṣāṃ yaṃdviṣmo yaśca dveṣṭi naḥ

Sanskrit only: no published translation is held for this verse.

इमां गीतां नरो रौद्रीं पठंश्चापि श्रवन् स्मरन् । प्रयाति रुद्रसालोक्यं न चासौ जायते पुनः

imāṃ gītāṃ naro raudrīṃ paṭhaṃścāpi śravan smaran / prayāti rudrasālokyaṃ na cāsau jāyate punaḥ

Sanskrit only: no published translation is held for this verse.