Anandabhatta: Vallalacarita 2.22

इत्यानन्दभट्टप्रोक्ते शरणदत्तीये वल्लालचरिवे यज्ञोत्सवो नाम एकविंशो ऽध्यायः । अथ द्वाविंशो ऽध्यायः ज्ञातयश्च कुटुम्बाश्च मिलिताश्च ततो ऽन्यदा । भोज्यशालां प्रविविशूराणका राजपुत्रकाः

ityānandabhaṭṭaprokte śaraṇadattīye vallālacarive yajñotsavo nāma ekaviṃśo 'dhyāyaḥ / atha dvāviṃśo 'dhyāyaḥ jñātayaśca kuṭumbāśca militāśca tato 'nyadā / bhojyaśālāṃ praviviśūrāṇakā rājaputrakāḥ

Sanskrit only: no published translation is held for this verse.

आसनेषूपविष्टेषु ततस्तेषु महात्मसु । भुज्यमानेषु सर्वेषु वल्लालेन मुदा सह

āsaneṣūpaviṣṭeṣu tatasteṣu mahātmasu / bhujyamāneṣu sarveṣu vallālena mudā saha

Sanskrit only: no published translation is held for this verse.

सत्शूद्राणां गणास्तत्रापरा भोजनशालिकाः । स्पर्द्धया विविशुर्भोक्तुं विशां न दृश्यते स्थली

satśūdrāṇāṃ gaṇāstatrāparā bhojanaśālikāḥ / sparddhayā viviśurbhoktuṃ viśāṃ na dṛśyate sthalī

Sanskrit only: no published translation is held for this verse.

तस्मिन्नवसरे वैश्या मन्त्रयन्तः परस्परम् । उत्तस्थु र्निर्य्यातुकामास्तदानीं राजसद्मनः

tasminnavasare vaiśyā mantrayantaḥ parasparam / uttasthu rniryyātukāmāstadānīṃ rājasadmanaḥ

Sanskrit only: no published translation is held for this verse.

यदा केचिद्वहिर्याताः केचिद्वा गमनोद्यताः । तदा ताननुगत्याह भीमसेनो विनीतवत्

yadā kecidvahiryātāḥ kecidvā gamanodyatāḥ / tadā tānanugatyāha bhīmaseno vinītavat

Sanskrit only: no published translation is held for this verse.

अनाहाराः किमर्थं भो निर्गच्छथ महाजनाः । अस्मासु वो यदाकूतं सर्व्वथार्हथ भाषितुम्

anāhārāḥ kimarthaṃ bho nirgacchatha mahājanāḥ / asmāsu vo yadākūtaṃ sarvvathārhatha bhāṣitum

Sanskrit only: no published translation is held for this verse.

तच्छ्रुत्वा वणिजः प्राहुः श्रूयतां भो महाशय । स्पृष्टास्पृष्टिः समभवत् तदर्थं भोक्तुमक्षमाः

tacchrutvā vaṇijaḥ prāhuḥ śrūyatāṃ bho mahāśaya / spṛṣṭāspṛṣṭiḥ samabhavat tadarthaṃ bhoktumakṣamāḥ

Sanskrit only: no published translation is held for this verse.

अनाहत्य यतस्तेषां भीमसेनो ऽतिकोपनः । शूद्राणामीदृशी स्पर्द्धा इत्युक्त्वा तानवाक्षिपत्

anāhatya yatasteṣāṃ bhīmaseno 'tikopanaḥ / śūdrāṇāmīdṛśī sparddhā ityuktvā tānavākṣipat

Sanskrit only: no published translation is held for this verse.

ततो वादातिवादाश्च बभूवुः कुपितस्तदा । भीमसेनो ऽब्रवीद्वाक्यं परुषं राजवल्लभः

tato vādātivādāśca babhūvuḥ kupitastadā / bhīmaseno 'bravīdvākyaṃ paruṣaṃ rājavallabhaḥ

Sanskrit only: no published translation is held for this verse.

ततस्ते वणिजः सर्व्वे निर्ययूराजसद्मनः । आक्रोशन्तो विक्रोशन्तो वर्षान्ते वारिदा इव

tataste vaṇijaḥ sarvve niryayūrājasadmanaḥ / ākrośanto vikrośanto varṣānte vāridā iva

Sanskrit only: no published translation is held for this verse.