इत्यानन्दभट्टप्रोक्ते वल्लालचरिते दानवर्म्मानुष्ठानं नाम चतुर्विंशो ऽध्यायः । अथ पञ्चविंशो ऽध्यायः ॐनमः शिवाय । आदित्यवर्णस्तमसः परस्तात् हिरण्यगर्भो जगदन्तरात्मा । त्वत्तो ऽस्ति जातः पुरुषः पुराणः त्वत्तो ऽपि वेदा जय देव देव
ityānandabhaṭṭaprokte vallālacarite dānavarmmānuṣṭhānaṃ nāma caturviṃśo 'dhyāyaḥ | atha pañcaviṃśo 'dhyāyaḥ oṃnamaḥ śivāya / ādityavarṇastamasaḥ parastāt hiraṇyagarbho jagadantarātmā / tvatto 'sti jātaḥ puruṣaḥ purāṇaḥ tvatto 'pi vedā jaya deva deva
Sanskrit only: no published translation is held for this verse.
त्वत्तः प्रसूता जगतः प्रसूतिः सर्व्वानुभूस्त्वं परमाणुभूतः । अनोरणीयान् महतो महीयान् आनन्दरुप जय देव शम्भो
tvattaḥ prasūtā jagataḥ prasūtiḥ sarvvānubhūstvaṃ paramāṇubhūtaḥ / anoraṇīyān mahato mahīyān ānandarupa jaya deva śambho
Sanskrit only: no published translation is held for this verse.
त्वमेव विष्णुश्चतुराननस्त्वम् त्वमेव रुद्रो भगवान् महेशः । खं ब्रह्म शून्यं सगुणोगुणश्च चिन्मात्ररुपो जय देव सर्व्व
tvameva viṣṇuścaturānanastvam tvameva rudro bhagavān maheśaḥ / khaṃ brahma śūnyaṃ saguṇoguṇaśca cinmātrarupo jaya deva sarvva
Sanskrit only: no published translation is held for this verse.
एकोरुद्रस्त्वं करोषीह विश्वम् त्वं पालयस्यखिलं विश्वरूपम् । त्वामेवान्ते निलयं विन्दतीदम् वन्दामहे जयदेवादिदेव
ekorudrastvaṃ karoṣīha viśvam tvaṃ pālayasyakhilaṃ viśvarūpam / tvāmevānte nilayaṃ vindatīdam vandāmahe jayadevādideva
Sanskrit only: no published translation is held for this verse.
प्रमुञ्चमान अमृतस्य धारां समेहि तापं सुरमानुषाणाम् । अनन्तरुपं खलु बोधयन्ति त्वामेव वेदा जय विश्वनाथ
pramuñcamāna amṛtasya dhārāṃ samehi tāpaṃ suramānuṣāṇām / anantarupaṃ khalu bodhayanti tvāmeva vedā jaya viśvanātha
Sanskrit only: no published translation is held for this verse.
अधिमुक्तिविमुक्तिप्रदं भवम् महामुनिं ब्रह्मपरं पवित्रम् । शिरसा वन्दामहे जगद्गुरुम् स्वयम्भवं देव जय लोकनाथ
adhimuktivimuktipradaṃ bhavam mahāmuniṃ brahmaparaṃ pavitram / śirasā vandāmahe jagadgurum svayambhavaṃ deva jaya lokanātha
Sanskrit only: no published translation is held for this verse.
त्रातासि दीप्तोसि परायणेसि नाथोसि लोके प्रणतो ऽस्मि तुभ्यम् । वैद्योत्तमस्त्वं खलु शल्यहर्त्ता चिकित्सकस्त्वं जय देवदेव
trātāsi dīptosi parāyaṇesi nāthosi loke praṇato 'smi tubhyam / vaidyottamastvaṃ khalu śalyaharttā cikitsakastvaṃ jaya devadeva
Sanskrit only: no published translation is held for this verse.
अमलं विमलं रजताद्रिनिभम् भवपारकारं जगदर्थकरम् । पञ्चधा विमोक्षवर चक्षुःप्रदम् वन्दामहे त्रिनयनं जय देव
amalaṃ vimalaṃ rajatādrinibham bhavapārakāraṃ jagadarthakaram / pañcadhā vimokṣavara cakṣuḥpradam vandāmahe trinayanaṃ jaya deva
Sanskrit only: no published translation is held for this verse.
सहस्रपादाक्षिशिरोभियुक्तम् सहस्रवाहुं परतः परस्तात् । त्वां ब्रह्मपारं प्रणमामि शम्भुम् पिनाकिनं त्वां जय देवदेव
sahasrapādākṣiśirobhiyuktam sahasravāhuṃ parataḥ parastāt / tvāṃ brahmapāraṃ praṇamāmi śambhum pinākinaṃ tvāṃ jaya devadeva
Sanskrit only: no published translation is held for this verse.
उमाधवोग्राय भवोद्भवाय नमामि सर्व्वाय हराय तुभ्यम् । कालाय भगाय प्रभाकराय सर्व्वात्मने देव नमः शिवाय
umādhavogrāya bhavodbhavāya namāmi sarvvāya harāya tubhyam / kālāya bhagāya prabhākarāya sarvvātmane deva namaḥ śivāya
Sanskrit only: no published translation is held for this verse.