Library·Anandabhatta: Vallalacarita·2·2.26
अथ षड्विंशो ऽध्यायः अथ निर्व्वासितः पूर्व्वं गणैर्धर्म्मगिरिः सह । वृत्तिहीनो ययौ दूरं देशाद्देशान्तरं भ्रमन्
atha ṣaḍviṃśo 'dhyāyaḥ atha nirvvāsitaḥ pūrvvaṃ gaṇairdharmmagiriḥ saha | vṛttihīno yayau dūraṃ deśāddeśāntaraṃ bhraman
Sanskrit only: no published translation is held for this verse.
राजाज्ञया कृतं ध्यायन्नवमानं च पीडनम् । स्वस्य भ्रष्टाधिकारञ्च न लेभे निर्वृतिं गिरिः
rājājñayā kṛtaṃ dhyāyannavamānaṃ ca pīḍanam / svasya bhraṣṭādhikārañca na lebhe nirvṛtiṃ giriḥ
Sanskrit only: no published translation is held for this verse.
वैरस्यान्तं चिन्तयान आवर्त्त्य वत्सरान् ततः । वायादुम्बं ददर्शासौ म्लेच्छेशं स्वगणैर्वृतम्
vairasyāntaṃ cintayāna āvarttya vatsarān tataḥ / vāyādumbaṃ dadarśāsau mleccheśaṃ svagaṇairvṛtam
Sanskrit only: no published translation is held for this verse.
वल्लालधनरत्नानां उत्थाप्य पणनात् स तम् । म्लेच्छेशं निशि तत् सैन्यैर्न्यरुणद्विक्रमं पुरम्
vallāladhanaratnānāṃ utthāpya paṇanāt sa tam / mleccheśaṃ niśi tat sainyairnyaruṇadvikramaṃ puram
Sanskrit only: no published translation is held for this verse.
धूम्रवर्णो धनुर्द्धारी धनुष्मानिव वारिदः । वायादुम्बः सैन्यमध्ये जगर्ज च ललम्फ च
dhūmravarṇo dhanurddhārī dhanuṣmāniva vāridaḥ / vāyādumbaḥ sainyamadhye jagarja ca lalampha ca
Sanskrit only: no published translation is held for this verse.
कुद्दालपरशुग्राहं कुर्दनोर्म्मिमहास्वनम् । अट्टहासवारिहासं तत्सैन्यं सागरायते
kuddālaparaśugrāhaṃ kurdanormmimahāsvanam / aṭṭahāsavārihāsaṃ tatsainyaṃ sāgarāyate
Sanskrit only: no published translation is held for this verse.
पद्घातैः कम्पयन् पृथ्वीं हुङ्कारैश्च दिशो दश । नादयन् पञ्चसाहस्रं म्लेच्छसैन्यं ननर्त्त ह
padghātaiḥ kampayan pṛthvīṃ huṅkāraiśca diśo daśa / nādayan pañcasāhasraṃ mlecchasainyaṃ nanartta ha
Sanskrit only: no published translation is held for this verse.
अथ भोगसुखाच्छन्नो राजान्तःपुरमध्यगः । काले ऽविदितवृत्तान्तश्चिराय प्रत्यबुध्यत
atha bhogasukhācchanno rājāntaḥpuramadhyagaḥ / kāle 'viditavṛttāntaścirāya pratyabudhyata
Sanskrit only: no published translation is held for this verse.
प्रभाते पार्थिवः श्रुत्वा महाहलहलारवम् । कान्ताभुजलतां हित्वा जग्राहासिलतां तदा
prabhāte pārthivaḥ śrutvā mahāhalahalāravam / kāntābhujalatāṃ hitvā jagrāhāsilatāṃ tadā
Sanskrit only: no published translation is held for this verse.
अशोधिताम्बुपरिखाञ्चाट्टयन्त्रविवर्ज्जिताम् । चिन्तयन् पुरमात्मानममंस्त निहतं नृपः
aśodhitāmbuparikhāñcāṭṭayantravivarjjitām / cintayan puramātmānamamaṃsta nihataṃ nṛpaḥ
Sanskrit only: no published translation is held for this verse.
ततो विलोक्य राजानं युद्धयात्रासमुद्यतम् । सर्व्वा राजसीमन्तिन्यो वाष्पाकुलविलोचनाः
tato vilokya rājānaṃ yuddhayātrāsamudyatam / sarvvā rājasīmantinyo vāṣpākulavilocanāḥ
Sanskrit only: no published translation is held for this verse.
शिलादेवी च पद्माक्षी सुभगा हेममालिका । सोनदेवा च चण्डेली तमुपेत्य वभाषिरे । माभूदभद्रं युद्धे ऽस्मिन् भद्राभद्रं भवेद्यदि
śilādevī ca padmākṣī subhagā hemamālikā / sonadevā ca caṇḍelī tamupetya vabhāṣire / mābhūdabhadraṃ yuddhe 'smin bhadrābhadraṃ bhavedyadi
Sanskrit only: no published translation is held for this verse.
अनाथाः किं करिष्यामो वद नाथ तदावलाः । तच्छ्रत्वा वचनं तासां राजा वाष्पाविलेक्षणः
anāthāḥ kiṃ kariṣyāmo vada nātha tadāvalāḥ / tacchratvā vacanaṃ tāsāṃ rājā vāṣpāvilekṣaṇaḥ
Sanskrit only: no published translation is held for this verse.
परिष्यज्य क्रमात्ताश्च चुम्बित्वा वदनेषु च । प्रत्यूचे मुखपद्मानि तासां पश्यन् महीपतिः
pariṣyajya kramāttāśca cumbitvā vadaneṣu ca / pratyūce mukhapadmāni tāsāṃ paśyan mahīpatiḥ
Sanskrit only: no published translation is held for this verse.
पारावतद्वयं याति प्रेयस्यः समराङ्गणम् । यदि तौ प्रत्यागच्छेताम् खगौ प्रावृत्तिकाविव
pārāvatadvayaṃ yāti preyasyaḥ samarāṅgaṇam / yadi tau pratyāgacchetām khagau prāvṛttikāviva
Sanskrit only: no published translation is held for this verse.
तदानीं ज्ञास्यथास्माकं रणक्षेत्रे पराजयम् । रक्षितं वो सतीधर्म्मं यवनेभ्यो वराननाः । वह्निं प्रज्वालयिष्यन्ति भृत्या दत्ताज्ञया मया
tadānīṃ jñāsyathāsmākaṃ raṇakṣetre parājayam / rakṣitaṃ vo satīdharmmaṃ yavanebhyo varānanāḥ / vahniṃ prajvālayiṣyanti bhṛtyā dattājñayā mayā
Sanskrit only: no published translation is held for this verse.
इत्युक्ता पुनरालिङ्ग्य चुम्बित्वा च पुनः पुनः । सन्नद्धो युद्धयात्रां स चकार स्ववलैर्वृतः
ityuktā punarāliṅgya cumbitvā ca punaḥ punaḥ / sannaddho yuddhayātrāṃ sa cakāra svavalairvṛtaḥ
Sanskrit only: no published translation is held for this verse.
तस्याभिषेणनं रेजे नानाप्रहरणायुतम् । हस्त्यारोहैरश्ववारै रथिभिश्च पदातिभिः
tasyābhiṣeṇanaṃ reje nānāpraharaṇāyutam / hastyārohairaśvavārai rathibhiśca padātibhiḥ
Sanskrit only: no published translation is held for this verse.
ततोभूत्तुमुलं युद्धं म्लेच्छक्षयकरं महत् । हताहतयोद्धृवर्गरक्तप्लावितभूतलम्
tatobhūttumulaṃ yuddhaṃ mlecchakṣayakaraṃ mahat / hatāhatayoddhṛvargaraktaplāvitabhūtalam
Sanskrit only: no published translation is held for this verse.
जजं नष्टबलं तत्र वायादुम्बम् महावलम् । रुरोध क्ष्मापतिर्युद्धे श्रीराम इव रावणम्
jajaṃ naṣṭabalaṃ tatra vāyādumbam mahāvalam / rurodha kṣmāpatiryuddhe śrīrāma iva rāvaṇam
Sanskrit only: no published translation is held for this verse.
ततस्तरसा विक्रम्य शीघ्रहस्तो महीपतिः । मस्तकं तस्य चिच्छेद नमूचेरिव वासवः
tatastarasā vikramya śīghrahasto mahīpatiḥ / mastakaṃ tasya ciccheda namūceriva vāsavaḥ
Sanskrit only: no published translation is held for this verse.
जयश्रीर्वरयामास दामहस्ता नृपं यदा । दामहस्तास्तदा दुम्बमवध्नन् यमकिङ्कराः
jayaśrīrvarayāmāsa dāmahastā nṛpaṃ yadā / dāmahastāstadā dumbamavadhnan yamakiṅkarāḥ
Sanskrit only: no published translation is held for this verse.
काले तस्मिन् भाग्यदोषात् पिञ्जरान्निःसृतौ खगौ । उन्मक्तौ केनचिद्वा चेत् रामपालपुरं गतौ
kāle tasmin bhāgyadoṣāt piñjarānniḥsṛtau khagau / unmaktau kenacidvā cet rāmapālapuraṃ gatau
Sanskrit only: no published translation is held for this verse.
तत्र पारावतौ दृष्ट्वा यमदूताविवागतौ । सर्व्वा ज्वलद्वह्निकुण्डे पेतुर्नृपतियोषितः
tatra pārāvatau dṛṣṭvā yamadūtāvivāgatau / sarvvā jvaladvahnikuṇḍe peturnṛpatiyoṣitaḥ
Sanskrit only: no published translation is held for this verse.