Anandabhatta: Vallalacarita 2.27

इति वल्लालचरिते श्रीमदानन्दभट्टकृतं खिलवल्लालचरितं नाम षड्वविंशो ऽध्यायः । अथ सप्तविंशो ऽध्यायः पिञ्जरं शून्यमालक्ष्य रणक्षेत्रे महीपतिः । अत्यन्तमशुभाशङ्की त्वरया स परावृतत्

iti vallālacarite śrīmadānandabhaṭṭakṛtaṃ khilavallālacaritaṃ nāma ṣaḍvaviṃśo 'dhyāyaḥ | atha saptaviṃśo 'dhyāyaḥ piñjaraṃ śūnyamālakṣya raṇakṣetre mahīpatiḥ / atyantamaśubhāśaṅkī tvarayā sa parāvṛtat

Sanskrit only: no published translation is held for this verse.

वह्निध्वजं पश्यमानो दूरतः परमाकुलः । ततः स्वं प्राविशद्वेश्म सर्व्वनाशं विलोकितुम्

vahnidhvajaṃ paśyamāno dūrataḥ paramākulaḥ / tataḥ svaṃ prāviśadveśma sarvvanāśaṃ vilokitum

Sanskrit only: no published translation is held for this verse.

दृष्ट्वार्द्धदग्धा ज्वलने स्वपत्नी रुम्मत्तरूपो नितरां बभूव । निवार्य्यमानोपि जनैः प्रयत्नात् पपात राजा ज्वलदग्निकुण्डे

dṛṣṭvārddhadagdhā jvalane svapatnī rummattarūpo nitarāṃ babhūva / nivāryyamānopi janaiḥ prayatnāt papāta rājā jvaladagnikuṇḍe

Sanskrit only: no published translation is held for this verse.

सहस्रे ऽष्टविंशयुते शकाब्दे पृथिवीपतिः । स्त्रीभिः सार्द्धं महाभाग उत्पपात दिवं प्रति

sahasre 'ṣṭaviṃśayute śakābde pṛthivīpatiḥ / strībhiḥ sārddhaṃ mahābhāga utpapāta divaṃ prati

Sanskrit only: no published translation is held for this verse.

श्रूयते ऽत्र प्रवचनं पारम्यर्य्यक्रमागतम् । वल्लालो ऽनुययौ युद्धे पितरं शौर्य्यशालिनम्

śrūyate 'tra pravacanaṃ pāramyaryyakramāgatam / vallālo 'nuyayau yuddhe pitaraṃ śauryyaśālinam

Sanskrit only: no published translation is held for this verse.

मिथिलायां स्थितस्तत्र कश्चिद्योगी धृतव्रतः । वल्लालो युद्धयात्रायां तरसा तमलङ्घयत्

mithilāyāṃ sthitastatra kaścidyogī dhṛtavrataḥ / vallālo yuddhayātrāyāṃ tarasā tamalaṅghayat

Sanskrit only: no published translation is held for this verse.

अश्वपादेनाभिहतो वल्लालमशपन्मुनिः । सकलत्रो वह्निकुण्डे पतित्वा त्वं मरिष्यसि

aśvapādenābhihato vallālamaśapanmuniḥ / sakalatro vahnikuṇḍe patitvā tvaṃ mariṣyasi

Sanskrit only: no published translation is held for this verse.

तत् स्मृत्वा ब्रह्मशापं स विजयं लब्धवानपि । चिन्तयामास मनसि मृत्युकाल उपस्थितः

tat smṛtvā brahmaśāpaṃ sa vijayaṃ labdhavānapi / cintayāmāsa manasi mṛtyukāla upasthitaḥ

Sanskrit only: no published translation is held for this verse.

तेनैव विवशो राजा ध्रुवं ज्वलनमाविशत् । ब्रह्मशापादृते नैव विपत्तिर्भवेदीदृशी

tenaiva vivaśo rājā dhruvaṃ jvalanamāviśat / brahmaśāpādṛte naiva vipattirbhavedīdṛśī

Sanskrit only: no published translation is held for this verse.

स ब्रह्मदण्डेन पुरा हतो ऽभूत् दारैश्च सार्द्धमवनीश्वरः सः । कपोतप्रत्यागमनञ्च मृत्यौ राज्ञश्च शोको न हि मुख्यहेतुः

sa brahmadaṇḍena purā hato 'bhūt dāraiśca sārddhamavanīśvaraḥ saḥ / kapotapratyāgamanañca mṛtyau rājñaśca śoko na hi mukhyahetuḥ

Sanskrit only: no published translation is held for this verse.