Anandabhatta: Vallalacarita 2.3

इत्यानन्दभट्टप्रोक्ते वल्लालचरिते वणिगावर्षणं नाम द्वितीयो ऽध्यायः । अथ तृतीयो ऽध्यायः । एकदारुह्य जवनमश्वं राजा यदृच्छया । प्रययौ धवलेश्वर्य्यास्तीन् रुचिरकाननम्

ityānandabhaṭṭaprokte vallālacarite vaṇigāvarṣaṇaṃ nāma dvitīyo 'dhyāyaḥ / atha tṛtīyo 'dhyāyaḥ / ekadāruhya javanamaśvaṃ rājā yadṛcchayā / prayayau dhavaleśvaryyāstīn rucirakānanam

Sanskrit only: no published translation is held for this verse.

उपकूलेषु रम्येषु वनेषु सैकतेषु च । भ्रममाणो ददर्शासौ नदीतीरविचारिणीम्

upakūleṣu ramyeṣu vaneṣu saikateṣu ca / bhramamāṇo dadarśāsau nadītīravicāriṇīm

Sanskrit only: no published translation is held for this verse.

वर्त्तुलौ स्फुटकेशोरौ दृढावविरलौ कुचौ । लज्जया वसनान्तेन छादयन्तीं सुलोचनाम्

varttulau sphuṭakeśorau dṛḍhāvaviralau kucau / lajjayā vasanāntena chādayantīṃ sulocanām

Sanskrit only: no published translation is held for this verse.

सुकेशां शुद्धदशनां बालां सरसिजाननाम् । तन्वङ्गीं सुकोमलाङ्गीं सुनासां मृदुहासिनीम्

sukeśāṃ śuddhadaśanāṃ bālāṃ sarasijānanām / tanvaṅgīṃ sukomalāṅgīṃ sunāsāṃ mṛduhāsinīm

Sanskrit only: no published translation is held for this verse.

वृहन्नितम्बविम्बाढ्यां सुकपोलां मनोहराम् । स हितामेकया सख्या स्थलजामिव पद्मिनीम्

vṛhannitambavimbāḍhyāṃ sukapolāṃ manoharām / sa hitāmekayā sakhyā sthalajāmiva padminīm

Sanskrit only: no published translation is held for this verse.

तस्याः परमकामिन्याः ललिताद्वदनाम्बुजात् । अपिवल्लावण्यरसं राज्ञो नयनषट्पदः

tasyāḥ paramakāminyāḥ lalitādvadanāmbujāt / apivallāvaṇyarasaṃ rājño nayanaṣaṭpadaḥ

Sanskrit only: no published translation is held for this verse.

उन्मादनकटाक्षेण विविद्धाङ्गो महीपतिः । तां विलोक्य ययौ तूर्णं मन्मथस्य विधेयताम्

unmādanakaṭākṣeṇa vividdhāṅgo mahīpatiḥ / tāṃ vilokya yayau tūrṇaṃ manmathasya vidheyatām

Sanskrit only: no published translation is held for this verse.

उपप्रयाय सुश्रोणिं स तां पद्मनिभेक्षणाम् । पश्यन्नेव निर्निमेषं तिष्ठन्तीं वाक्यमब्रवीत्

upaprayāya suśroṇiṃ sa tāṃ padmanibhekṣaṇām / paśyanneva nirnimeṣaṃ tiṣṭhantīṃ vākyamabravīt

Sanskrit only: no published translation is held for this verse.

नेत्रेण नीलकमलं कमलं मुखेन कुन्देन दन्तमधरेण सुपक्वविम्बम् । गात्रेण चम्पकदलं परिभूय भासि का त्वं सरित्तटवने वनदेवतेव

netreṇa nīlakamalaṃ kamalaṃ mukhena kundena dantamadhareṇa supakvavimbam / gātreṇa campakadalaṃ paribhūya bhāsi kā tvaṃ sarittaṭavane vanadevateva

Sanskrit only: no published translation is held for this verse.

सामन्तसङ्घपरिसेवितपादपद्मो वैधव्यकारणविधिः परसुन्दरीणाम् । वल्लालसेननृपतिस्तव कुन्ददन्ति यातो विधेयविषयः कुरु नेत्रपातम्

sāmantasaṅghaparisevitapādapadmo vaidhavyakāraṇavidhiḥ parasundarīṇām / vallālasenanṛpatistava kundadanti yāto vidheyaviṣayaḥ kuru netrapātam

Sanskrit only: no published translation is held for this verse.

तच्छ्रुत्वा जातरागा सा भावमावृण्वती तदा । किञ्चिदवाङ्मुखी प्राह नृपतिं मृदुसुस्वना

tacchrutvā jātarāgā sā bhāvamāvṛṇvatī tadā / kiñcidavāṅmukhī prāha nṛpatiṃ mṛdususvanā

Sanskrit only: no published translation is held for this verse.

आचक्ष्व मैवमवनीश्वर मां कुमारीम् । वंशः क्व ते विधुभवः क्वच सम्भवो मे

ācakṣva maivamavanīśvara māṃ kumārīm / vaṃśaḥ kva te vidhubhavaḥ kvaca sambhavo me

Sanskrit only: no published translation is held for this verse.

चर्म्मारकोरितनया विदितास्मि लोके । नाहं त्वया ह्यकुलजा परिणेतुमर्हा

carmmārakoritanayā viditāsmi loke / nāhaṃ tvayā hyakulajā pariṇetumarhā

Sanskrit only: no published translation is held for this verse.

किं व्यामोहयसे बाले कोरिकन्येतिवादिनी । चर्म्मार्य्या ईदृशं रूपं किं स्यात् भुवनमोहनम्

kiṃ vyāmohayase bāle korikanyetivādinī / carmmāryyā īdṛśaṃ rūpaṃ kiṃ syāt bhuvanamohanam

Sanskrit only: no published translation is held for this verse.

चर्म्मारस्य नासि कन्या पालकः स तु केवलम् । राजकन्यासि भद्रे त्वं ध्रुवमेव न संशयः

carmmārasya nāsi kanyā pālakaḥ sa tu kevalam / rājakanyāsi bhadre tvaṃ dhruvameva na saṃśayaḥ

Sanskrit only: no published translation is held for this verse.

को वा कापुरुषो लोके भवेदीदृक् वरानने । यस्त्वां निधिमिव प्राप्यामूल्यं करगतं त्यजेत्

ko vā kāpuruṣo loke bhavedīdṛk varānane / yastvāṃ nidhimiva prāpyāmūlyaṃ karagataṃ tyajet

Sanskrit only: no published translation is held for this verse.

कुलजाकुलजा वासि त्वमेव हृदयप्रिया । आयाहि त्वं मया सार्द्धं त्वां नयामि निजं पुरम्

kulajākulajā vāsi tvameva hṛdayapriyā / āyāhi tvaṃ mayā sārddhaṃ tvāṃ nayāmi nijaṃ puram

Sanskrit only: no published translation is held for this verse.

तच्छ्रत्वा वचनं तस्य राज्ञः साचीकृतेक्षणा । सा सखीं नोदयामास वक्तुं तत्रोचितं तदा

tacchratvā vacanaṃ tasya rājñaḥ sācīkṛtekṣaṇā / sā sakhīṃ nodayāmāsa vaktuṃ tatrocitaṃ tadā

Sanskrit only: no published translation is held for this verse.

यद्यस्याः पाणिं विधिना ग्रहीतुं कृतनिश्चयः । तदैनां नय ते सार्द्धमेषात्मानं ददाति ते

yadyasyāḥ pāṇiṃ vidhinā grahītuṃ kṛtaniścayaḥ / tadaināṃ naya te sārddhameṣātmānaṃ dadāti te

Sanskrit only: no published translation is held for this verse.

गान्धर्वेण विधानेन इयं प्राप्ता स्वयंवरा । पतित्वेन भवाम्यस्या इयं मे जीवितेश्वरी

gāndharveṇa vidhānena iyaṃ prāptā svayaṃvarā / patitvena bhavāmyasyā iyaṃ me jīviteśvarī

Sanskrit only: no published translation is held for this verse.

इत्युक्त्वा कोरिकन्यां स पुनरेव जगाद ताम् । सुमुखीं परमानन्दसन्दोहविकचाननः

ityuktvā korikanyāṃ sa punareva jagāda tām / sumukhīṃ paramānandasandohavikacānanaḥ

Sanskrit only: no published translation is held for this verse.

चल मम साकं भव मम भार्य्या स्वारोहेदं वरयानम् । अवरोधे स्वामिनी च भव मम चैवान्तःपुराणाम्

cala mama sākaṃ bhava mama bhāryyā svārohedaṃ varayānam / avarodhe svāminī ca bhava mama caivāntaḥpurāṇām

Sanskrit only: no published translation is held for this verse.

इत्युक्त्वा स्मयमानस्त्वां वेपमानां समग्रहीत् । ससखीं याप्य यानेन निनाय विक्रमं पुरम्

ityuktvā smayamānastvāṃ vepamānāṃ samagrahīt / sasakhīṃ yāpya yānena nināya vikramaṃ puram

Sanskrit only: no published translation is held for this verse.

ततस्तामनवद्याङ्गीं स्वस्य गेहे न्यवेशयन् बुभुजे कामतो राजा राजकृत्ये हतादरः

tatastāmanavadyāṅgīṃ svasya gehe nyaveśayan bubhuje kāmato rājā rājakṛtye hatādaraḥ

Sanskrit only: no published translation is held for this verse.

अत्यन्तं लालिता सातु राज्ञा चर्म्मारदारिका । सिषेवे ऽवरोधमध्ये चलच्चामरमारुतम्

atyantaṃ lālitā sātu rājñā carmmāradārikā / siṣeve 'varodhamadhye calaccāmaramārutam

Sanskrit only: no published translation is held for this verse.

शुद्धान्तगतया सार्द्धं विहरन् स तया सुखम् । नृपतिर्बुबुधे नैव कालातिक्रमणं महत्

śuddhāntagatayā sārddhaṃ viharan sa tayā sukham / nṛpatirbubudhe naiva kālātikramaṇaṃ mahat

Sanskrit only: no published translation is held for this verse.