Library·Anandabhatta: Vallalacarita·2·2.5
अथ पञ्चमो ऽध्यायः उत्थायाहर्म्मुखे राजा क्रोधमाहारयन् भृशम् । घातुकानादिशद्धन्तुमुपांशु तनयं प्रियम्
atha pañcamo 'dhyāyaḥ utthāyāharmmukhe rājā krodhamāhārayan bhṛśam / ghātukānādiśaddhantumupāṃśu tanayaṃ priyam
Sanskrit only: no published translation is held for this verse.
श्रुत्वा स्वस्य बधादेशं तपस्वी लक्ष्मणमस्ततः । व्याकुलो मन्त्रयामास कान्तया सह निर्ज्जने
śrutvā svasya badhādeśaṃ tapasvī lakṣmaṇamastataḥ / vyākulo mantrayāmāsa kāntayā saha nirjjane
Sanskrit only: no published translation is held for this verse.
रजन्यां गाहमानायामामन्त्र्य रहसि प्रियाम् । गुप्तां तरणिमारुह्य पलायत महाभयात्
rajanyāṃ gāhamānāyāmāmantrya rahasi priyām / guptāṃ taraṇimāruhya palāyata mahābhayāt
Sanskrit only: no published translation is held for this verse.
प्रभातायां विभावर्य्यां ज्ञात्वा तस्य पलायनम् । दुर्गावाडीं ययौ राजा चिन्ताजृम्भविलोचनः
prabhātāyāṃ vibhāvaryyāṃ jñātvā tasya palāyanam / durgāvāḍīṃ yayau rājā cintājṛmbhavilocanaḥ
Sanskrit only: no published translation is held for this verse.
प्रविशन् मन्दिरं तत्र भित्तिकायां महीपतिः । स्वस्नुषालिखितं श्लोकं दृष्ट्वेममपठत् स्वयम्
praviśan mandiraṃ tatra bhittikāyāṃ mahīpatiḥ / svasnuṣālikhitaṃ ślokaṃ dṛṣṭvemamapaṭhat svayam
Sanskrit only: no published translation is held for this verse.
पतत्यविरतं वारि नृत्यन्ति शिखिनो मुदा । अद्य कान्तः कृतान्तो वा दुःखस्यान्तं करिष्यति
patatyavirataṃ vāri nṛtyanti śikhino mudā / adya kāntaḥ kṛtānto vā duḥkhasyāntaṃ kariṣyati
Sanskrit only: no published translation is held for this verse.
श्लोकमेतं वाचयित्वा वल्लालो धरणीपतिः । पुत्रस्नेहचलच्चित्तः कैवर्त्तानाजुहाव ह
ślokametaṃ vācayitvā vallālo dharaṇīpatiḥ / putrasnehacalaccittaḥ kaivarttānājuhāva ha
Sanskrit only: no published translation is held for this verse.
तान् प्राप्तानब्रवीद्राजा हंहो नौकर्म्मजीविनः । मत्प्रियं यदि कर्त्तव्यं श्रयतां वचनं मम
tān prāptānabravīdrājā haṃho naukarmmajīvinaḥ / matpriyaṃ yadi karttavyaṃ śrayatāṃ vacanaṃ mama
Sanskrit only: no published translation is held for this verse.
इतो ऽपक्रान्तस्तनयो लक्ष्मणः क्रोधलक्षणः । युष्मभ्यमीप्सितं दद्यामन्विष्यानयताञ्जसा
ito 'pakrāntastanayo lakṣmaṇaḥ krodhalakṣaṇaḥ / yuṣmabhyamīpsitaṃ dadyāmanviṣyānayatāñjasā
Sanskrit only: no published translation is held for this verse.
भूधरे कन्दरे दुर्गे कान्तारे सलिलेश्वरे । पाताले वानयिष्यामस्तिष्ठन्तमपि माचिरात्
bhūdhare kandare durge kāntāre salileśvare / pātāle vānayiṣyāmastiṣṭhantamapi mācirāt
Sanskrit only: no published translation is held for this verse.
इत्युक्त्वा चाभिवाद्याथ राजानं नाविका मुदा । आनेतुं लक्ष्मणं जग्मुः कृत्वा कोलाहलं भृशम्
ityuktvā cābhivādyātha rājānaṃ nāvikā mudā / ānetuṃ lakṣmaṇaṃ jagmuḥ kṛtvā kolāhalaṃ bhṛśam
Sanskrit only: no published translation is held for this verse.
अरित्राणां द्विसप्तत्या वाहयन्तस्तरीं द्रुतम् । आनिन्युर्लक्ष्मणं द्वाभ्यामहोभ्यां जालजीविनः
aritrāṇāṃ dvisaptatyā vāhayantastarīṃ drutam / āninyurlakṣmaṇaṃ dvābhyāmahobhyāṃ jālajīvinaḥ
Sanskrit only: no published translation is held for this verse.
ततस्तेभ्यो ददौ राजा सन्तोषविमलाननः । धनरत्नवस्त्रभारान् हालिक्यञ्चोपजीवनम्
tatastebhyo dadau rājā santoṣavimalānanaḥ / dhanaratnavastrabhārān hālikyañcopajīvanam
Sanskrit only: no published translation is held for this verse.