Anandabhatta: Vallalacarita 2.7

इत्यानन्दभट्टप्रोक्ते वल्लालचरिते उग्रमाधवपूजनं नाम षष्ठोध्यायः । अथ सप्तमा ऽध्यायः कस्मिंश्चित् काले पद्माक्षी वल्लालदयिता पुरा । शङ्करं पूजितुं तत्र महास्थानमुपागता

ityānandabhaṭṭaprokte vallālacarite ugramādhavapūjanaṃ nāma ṣaṣṭhodhyāyaḥ / atha saptamā 'dhyāyaḥ kasmiṃścit kāle padmākṣī vallāladayitā purā / śaṅkaraṃ pūjituṃ tatra mahāsthānamupāgatā

Sanskrit only: no published translation is held for this verse.

गृहीत्वा बहुद्रव्याणि हैमानि राजतानि च । आतपत्रञ्च देवस्य देव्याश्च कर्णपालिकाम्

gṛhītvā bahudravyāṇi haimāni rājatāni ca / ātapatrañca devasya devyāśca karṇapālikām

Sanskrit only: no published translation is held for this verse.

प्रालम्बिकाञ्च कटकं किरीटं कण्ठभूषणम् । अङ्गदं कङ्कणं सारशनञ्च नूपुरादिकम्

prālambikāñca kaṭakaṃ kirīṭaṃ kaṇṭhabhūṣaṇam / aṅgadaṃ kaṅkaṇaṃ sāraśanañca nūpurādikam

Sanskrit only: no published translation is held for this verse.

वस्त्राणि च महार्हाणि पताकाश्च ध्वजानि च । यज्ञसूत्राणि गन्धानि नानोपकरणानि च

vastrāṇi ca mahārhāṇi patākāśca dhvajāni ca / yajñasūtrāṇi gandhāni nānopakaraṇāni ca

Sanskrit only: no published translation is held for this verse.

अर्चयामास देवं सा देवीं च स पुरोहितः । नैवेद्ये स्तैरलङ्कारैच्छत्रेण च परं मुदा

arcayāmāsa devaṃ sā devīṃ ca sa purohitaḥ / naivedye stairalaṅkāraicchatreṇa ca paraṃ mudā

Sanskrit only: no published translation is held for this verse.

पूजयित्वा गता देवी सारुह्य हयनं वरम् । पुरोहितः स्थितस्तत्र द्रव्याणामंशकाङ्क्षया

pūjayitvā gatā devī sāruhya hayanaṃ varam / purohitaḥ sthitastatra dravyāṇāmaṃśakāṅkṣayā

Sanskrit only: no published translation is held for this verse.

स महान्तम् धर्म्मगिरिं वलदेव उवाच ह । भदन्त देहि मे भागम् मत्प्राप्यमचिरेण भोः

sa mahāntam dharmmagiriṃ valadeva uvāca ha / bhadanta dehi me bhāgam matprāpyamacireṇa bhoḥ

Sanskrit only: no published translation is held for this verse.

तच्छ्रत्वा तद्वचः स्थानाधिपः स प्रत्युवाच तम् । अददाम न कस्मैचित् भागमेव कदाचन

tacchratvā tadvacaḥ sthānādhipaḥ sa pratyuvāca tam / adadāma na kasmaicit bhāgameva kadācana

Sanskrit only: no published translation is held for this verse.

अतो न दद्यां भवते गच्छ गच्छ गृहं व्रज । इत्थं ताभ्यामभूत्तत्र वाक्पारुष्यं कियत्क्षणम्

ato na dadyāṃ bhavate gaccha gaccha gṛhaṃ vraja / itthaṃ tābhyāmabhūttatra vākpāruṣyaṃ kiyatkṣaṇam

Sanskrit only: no published translation is held for this verse.

वलदेवस्ततः क्रद्धो देवलेशं शशाप ह । निपतध्वमरे मूढ न ते भद्रं भविष्यति

valadevastataḥ kraddho devaleśaṃ śaśāpa ha / nipatadhvamare mūḍha na te bhadraṃ bhaviṣyati

Sanskrit only: no published translation is held for this verse.

श्रुत्वा तद्देवलेशस्त्वं क्रोधम्लेच्छाननाननः । वलदेवं गण्डदेशे चपेटेन व्यतीतडत्

śrutvā taddevaleśastvaṃ krodhamlecchānanānanaḥ / valadevaṃ gaṇḍadeśe capeṭena vyatītaḍat

Sanskrit only: no published translation is held for this verse.

आदिशत् व्यायतान् शिष्यान् एषोपसार्य्यतामिति । ततस्ते पुरुषाश्चक्रुः गुरोराज्ञाप्रपालनम् । वलदेवस्ततो ऽगच्छद्रुदन्नृपतिसन्निधिम्

ādiśat vyāyatān śiṣyān eṣopasāryyatāmiti / tataste puruṣāścakruḥ gurorājñāprapālanam / valadevastato 'gacchadrudannṛpatisannidhim

Sanskrit only: no published translation is held for this verse.

आद्योपान्तं यथावृत्तं नृपे सर्व्वमचीकथत् । पार्षद्या ब्राह्मणाश्चापि चक्रुस्तस्य समर्थनम्

ādyopāntaṃ yathāvṛttaṃ nṛpe sarvvamacīkathat / pārṣadyā brāhmaṇāścāpi cakrustasya samarthanam

Sanskrit only: no published translation is held for this verse.

वलदेवस्य वाक्यस्य प्रोचुश्च दण्ड्यतां गिरेः । एवं विज्ञाय राजासावपमानं पुरोधसः । मन्युना स प्रजज्वाल वह्निना पटलं यथा

valadevasya vākyasya procuśca daṇḍyatāṃ gireḥ / evaṃ vijñāya rājāsāvapamānaṃ purodhasaḥ / manyunā sa prajajvāla vahninā paṭalaṃ yathā

Sanskrit only: no published translation is held for this verse.

निर्व्वास्यतां धर्म्मगिरी राष्ट्रान्मे स्वगणैः सह । इति राजा रुद्रनागमन्वशात् दण्डनायकम्

nirvvāsyatāṃ dharmmagirī rāṣṭrānme svagaṇaiḥ saha / iti rājā rudranāgamanvaśāt daṇḍanāyakam

Sanskrit only: no published translation is held for this verse.

निधिर्गुणानां स्वजनैकबन्धुः सत्यं विधातुर्द्विजवर्य्यवाक्यम् । चकार राष्ट्रात् स वहिष्कृतं तं गणेन सार्द्धं किल राजसिंहः

nidhirguṇānāṃ svajanaikabandhuḥ satyaṃ vidhāturdvijavaryyavākyam / cakāra rāṣṭrāt sa vahiṣkṛtaṃ taṃ gaṇena sārddhaṃ kila rājasiṃhaḥ

Sanskrit only: no published translation is held for this verse.