Anandabhatta: Vallalacarita 2.8

अथ अष्टमो ऽध्यायः ओꣳ नमः शिवाय । नारायणं नमस्कृत्य नरञ्चैव नरोत्तमम् । देवीं स्वरस्वतीं व्यासं ततोजयमुदीरयेत्

atha aṣṭamo 'dhyāyaḥ oṁ namaḥ śivāya | nārāyaṇaṃ namaskṛtya narañcaiva narottamam / devīṃ svarasvatīṃ vyāsaṃ tatojayamudīrayet

Sanskrit only: no published translation is held for this verse.

ओꣳ नमो भगवते वासुदेवाय । नमो ऽस्तु सिंहगिरये प्रभवे ऽद्भुतशक्तये । वल्लालभूपति र्निन्ये मार्गे येन सनातने

oṁ namo bhagavate vāsudevāya | namo 'stu siṃhagiraye prabhave 'dbhutaśaktaye / vallālabhūpati rninye mārge yena sanātane

Sanskrit only: no published translation is held for this verse.

अथ श्रीवल्लालसेनः पुरा गौडे पुरोत्तमे । नानारत्नज्वलत्शोभासभायां सुखमासत

atha śrīvallālasenaḥ purā gauḍe purottame / nānāratnajvalatśobhāsabhāyāṃ sukhamāsata

Sanskrit only: no published translation is held for this verse.

नीलकुञ्चितकेशान्तव्यालोलचूर्णकुन्तलाः । सभाजनाक्षिभ्रमरैः पीयमानमुखाम्बुजाः

nīlakuñcitakeśāntavyālolacūrṇakuntalāḥ / sabhājanākṣibhramaraiḥ pīyamānamukhāmbujāḥ

Sanskrit only: no published translation is held for this verse.

कञ्चुकितस्तनाभोगाः क्वनद्वलयकङ्कणाः । सुवस्त्राश्चारुसर्व्वाङ्ग्यः आरक्तदशनच्छदाः

kañcukitastanābhogāḥ kvanadvalayakaṅkaṇāḥ / suvastrāścārusarvvāṅgyaḥ āraktadaśanacchadāḥ

Sanskrit only: no published translation is held for this verse.

आविष्कुर्व्वद्वाहुमूला नृत्यद्धस्ता इव स्त्रियः । सेवयन्ति नृपं तत्र चलच्चामरमारुतैः

āviṣkurvvadvāhumūlā nṛtyaddhastā iva striyaḥ / sevayanti nṛpaṃ tatra calaccāmaramārutaiḥ

Sanskrit only: no published translation is held for this verse.

राजन्या राजपुत्राश्च वावदूकविटादयः । उपासते स्म वल्लालं ब्राह्मणाश्च महौजसः

rājanyā rājaputrāśca vāvadūkaviṭādayaḥ / upāsate sma vallālaṃ brāhmaṇāśca mahaujasaḥ

Sanskrit only: no published translation is held for this verse.

गीतै र्हल्लीषै र्लास्यैश्च नट्यो हरिणलोचनाः । भ्रुकुंशाश्च वाद्यविदो वाद्यैश्चरमयन्ति तम्

gītai rhallīṣai rlāsyaiśca naṭyo hariṇalocanāḥ / bhrukuṃśāśca vādyavido vādyaiścaramayanti tam

Sanskrit only: no published translation is held for this verse.

कदाचिद्वेदवेदाङ्गोपनिषद्धर्म्मशास्त्रवित् । इतिहासपुराणानां वेत्ता लोकनमस्कृतः

kadācidvedavedāṅgopaniṣaddharmmaśāstravit / itihāsapurāṇānāṃ vettā lokanamaskṛtaḥ

Sanskrit only: no published translation is held for this verse.

मेधावी नयवान् वाग्मी महाराजगुरुर्मुनिः । योगीश्वरो महाप्राज्ञः सर्व्वशास्त्रविशारदः

medhāvī nayavān vāgmī mahārājagururmuniḥ / yogīśvaro mahāprājñaḥ sarvvaśāstraviśāradaḥ

Sanskrit only: no published translation is held for this verse.

भट्टः सिंहगिरि र्नाम शिष्यैः परिवृतस्तदा । उद्भासयन् दिशः सर्व्वाः श्रिया परमया ज्वलन्

bhaṭṭaḥ siṃhagiri rnāma śiṣyaiḥ parivṛtastadā / udbhāsayan diśaḥ sarvvāḥ śriyā paramayā jvalan

Sanskrit only: no published translation is held for this verse.

सभास्थं राजवल्लालं द्रष्टुकामो मनोजवः । वदरिकाश्रमोद्देशं भ्रमन् तामगमत् सभां

sabhāsthaṃ rājavallālaṃ draṣṭukāmo manojavaḥ / vadarikāśramoddeśaṃ bhraman tāmagamat sabhāṃ

Sanskrit only: no published translation is held for this verse.

जयाशीर्भि र्वर्द्धयन्तं विलोक्य नृपति र्मुनिम् । प्रत्युत्पत्यासनात् तूर्णं बबन्दे चरणौ मुनेः

jayāśīrbhi rvarddhayantaṃ vilokya nṛpati rmunim / pratyutpatyāsanāt tūrṇaṃ babande caraṇau muneḥ

Sanskrit only: no published translation is held for this verse.

दत्त्वासनं ततस्तस्मै भक्त्या प्रीत्या च पार्थिवः । धनैः रत्नै र्यथाकामैः पूजयामास यत्नतः

dattvāsanaṃ tatastasmai bhaktyā prītyā ca pārthivaḥ / dhanaiḥ ratnai ryathākāmaiḥ pūjayāmāsa yatnataḥ

Sanskrit only: no published translation is held for this verse.

वल्लालेनार्च्चितो राज्ञा मुनिः प्रीतमनास्तदा । अनामयञ्चाव्ययञ्य पर्य्यपृच्छज्जनेश्वरम्

vallālenārccito rājñā muniḥ prītamanāstadā / anāmayañcāvyayañya paryyapṛcchajjaneśvaram

Sanskrit only: no published translation is held for this verse.

वलदेवं समागम्य सस्मितो मुनिसत्तमः । प्रतिपूज्य यथान्यायं पप्रच्छ कुशलं तदा

valadevaṃ samāgamya sasmito munisattamaḥ / pratipūjya yathānyāyaṃ papraccha kuśalaṃ tadā

Sanskrit only: no published translation is held for this verse.

स हृष्टमानसो राजा भट्टसिंहगिरिं मुनिम् । उवाच परमप्रीतस्तापसं द्योतितप्रभम्

sa hṛṣṭamānaso rājā bhaṭṭasiṃhagiriṃ munim / uvāca paramaprītastāpasaṃ dyotitaprabham

Sanskrit only: no published translation is held for this verse.

अद्य मे सफलं जन्म महद्गृञ्च पवित्रितम् । भवदभ्यागमेनैव सुप्रभाता विभावरी

adya me saphalaṃ janma mahadgṛñca pavitritam / bhavadabhyāgamenaiva suprabhātā vibhāvarī

Sanskrit only: no published translation is held for this verse.

ततो विश्रान्तमालक्ष्य तं मुनिं संशितव्रतम् । सुखासीनमुपासीन उवाच भुवनेश्वरः

tato viśrāntamālakṣya taṃ muniṃ saṃśitavratam / sukhāsīnamupāsīna uvāca bhuvaneśvaraḥ

Sanskrit only: no published translation is held for this verse.

भगवन् सर्व्वशास्त्रज्ञः सर्वज्ञः सर्वतत्त्ववित् । भवतो ऽविदितं किञ्चिन्नास्तीति कृपया वद

bhagavan sarvvaśāstrajñaḥ sarvajñaḥ sarvatattvavit / bhavato 'viditaṃ kiñcinnāstīti kṛpayā vada

Sanskrit only: no published translation is held for this verse.

चतुर्व्वर्णसमुत्पत्तिं गोत्रवंशादिकं शुभम् । वर्णानां शङ्करोत्पत्तिं कथयस्व च मे मुने

caturvvarṇasamutpattiṃ gotravaṃśādikaṃ śubham / varṇānāṃ śaṅkarotpattiṃ kathayasva ca me mune

Sanskrit only: no published translation is held for this verse.

इति राज्ञो वचः श्रुत्वा सन्तोषविशदाननः । प्रत्युवाच महातेजा स्ततो नारायणात्मजः

iti rājño vacaḥ śrutvā santoṣaviśadānanaḥ / pratyuvāca mahātejā stato nārāyaṇātmajaḥ

Sanskrit only: no published translation is held for this verse.

शुश्रूषुभ्यो यथा राजन् राजर्षिभ्यस्तपोनिधिः । कृष्णद्वैपायरगः प्राह तथाद्य कथयामि ते

śuśrūṣubhyo yathā rājan rājarṣibhyastaponidhiḥ / kṛṣṇadvaipāyaragaḥ prāha tathādya kathayāmi te

Sanskrit only: no published translation is held for this verse.

वदरिकाश्रमे पुण्ये देवदारुवनालये । नानापक्षिमृगाकीर्णे शान्तिकान्तिनिकेतने

vadarikāśrame puṇye devadāruvanālaye / nānāpakṣimṛgākīrṇe śāntikāntiniketane

Sanskrit only: no published translation is held for this verse.

हुतहव्यं त्रिकालज्ञं महर्षिं चिरजीविनम् । व्यासं राजर्षयः सुस्थं प्रणिपत्योपतस्थिरे

hutahavyaṃ trikālajñaṃ maharṣiṃ cirajīvinam / vyāsaṃ rājarṣayaḥ susthaṃ praṇipatyopatasthire

Sanskrit only: no published translation is held for this verse.

गताः स्म नैमिषारण्यं पुरीं वाराणसीमपि । भवान् न च शुको दृष्टः सौति वां शौनकादयः

gatāḥ sma naimiṣāraṇyaṃ purīṃ vārāṇasīmapi / bhavān na ca śuko dṛṣṭaḥ sauti vāṃ śaunakādayaḥ

Sanskrit only: no published translation is held for this verse.

दिष्ट्या दृष्टो ऽसि भगवं श्चिरेणाद्य गिराविह । सुचिरं मार्गमाणानां कृष्णो भक्तिमतामिव

diṣṭyā dṛṣṭo 'si bhagavaṃ ścireṇādya girāviha / suciraṃ mārgamāṇānāṃ kṛṣṇo bhaktimatāmiva

Sanskrit only: no published translation is held for this verse.

विभाजितस्त्वया वेदः पुरा सत्यवतीसुत । इतिहासपुराणानि कथितान्यनुकम्पया

vibhājitastvayā vedaḥ purā satyavatīsuta / itihāsapurāṇāni kathitānyanukampayā

Sanskrit only: no published translation is held for this verse.

कथितं धर्म्मशास्त्रञ्च कलिः सम्प्रति वर्त्तते । कृष्णो ऽपि पलितैः केशैः शुक्लतां गतवानसि

kathitaṃ dharmmaśāstrañca kaliḥ samprati varttate / kṛṣṇo 'pi palitaiḥ keśaiḥ śuklatāṃ gatavānasi

Sanskrit only: no published translation is held for this verse.

अतोद्य कथय ब्रह्मन् स्वयमेव महामुने । पुराणं धर्म्मतत्वज्ञ ह्यनुग्राह्या वयं तव

atodya kathaya brahman svayameva mahāmune / purāṇaṃ dharmmatatvajña hyanugrāhyā vayaṃ tava

Sanskrit only: no published translation is held for this verse.

भवन्तं नहि त्यक्ष्यामः पुराणकथनं विना । बद्धो ऽस्ति पदयो र्भक्तिदामभि स्त्ववशो भवान्

bhavantaṃ nahi tyakṣyāmaḥ purāṇakathanaṃ vinā / baddho 'sti padayo rbhaktidāmabhi stvavaśo bhavān

Sanskrit only: no published translation is held for this verse.

इति तेषां वचः श्रुत्वा स किञ्चित् प्रहसन्निव । उवाच वाग्विदां श्रेष्ठः श्रूयतां कथयामि वः

iti teṣāṃ vacaḥ śrutvā sa kiñcit prahasanniva / uvāca vāgvidāṃ śreṣṭhaḥ śrūyatāṃ kathayāmi vaḥ

Sanskrit only: no published translation is held for this verse.