देवदेव उवाच । एवं पृथूदको देवाः पुण्यः पापभयापहः । तं गच्छध्वं महातीर्थं यावत् संनिधिवोधितम्
devadeva uvāca / evaṃ pṛthūdako devāḥ puṇyaḥ pāpabhayāpahaḥ / taṃ gacchadhvaṃ mahātīrthaṃ yāvat saṃnidhivodhitam
Sanskrit only: no published translation is held for this verse.
यदा मृगशिरोऋक्षे शशिसूर्यौ बृहस्पतिः । तिष्ठन्ति सा तिथिः पुण्या त्वक्षया परिगीयते
yadā mṛgaśiroṛkṣe śaśisūryau bṛhaspatiḥ / tiṣṭhanti sā tithiḥ puṇyā tvakṣayā parigīyate
Sanskrit only: no published translation is held for this verse.
तं गच्छध्वं सुरश्रेष्ठा यत्र प्राची सरस्वती । पितॄन् आराधयध्वं हि तत्र श्राद्धेन भक्तिततः
taṃ gacchadhvaṃ suraśreṣṭhā yatra prācī sarasvatī / pitṝn ārādhayadhvaṃ hi tatra śrāddhena bhaktitataḥ
Sanskrit only: no published translation is held for this verse.
ततो मुरारिवचनं श्रुत्वा देवाः सवासवाः । समाजग्मुः कुरुक्षेत्रे पुण्यतीर्थं पृथूदकम्
tato murārivacanaṃ śrutvā devāḥ savāsavāḥ / samājagmuḥ kurukṣetre puṇyatīrthaṃ pṛthūdakam
Sanskrit only: no published translation is held for this verse.
तत्र स्नात्वा सुराः सर्वे बृहस्पतिमचोदयन् । विशस्व भगवन् ऋक्षमिमं मृशिरं कुरु । पुण्यां तिथिं पापहरां तव कालो ऽयमागतः
tatra snātvā surāḥ sarve bṛhaspatimacodayan / viśasva bhagavan ṛkṣamimaṃ mṛśiraṃ kuru / puṇyāṃ tithiṃ pāpaharāṃ tava kālo 'yamāgataḥ
Sanskrit only: no published translation is held for this verse.
प्रवर्तते रविस्तत्र चन्द्रमापि विशत्यसौ । त्वदायत्तं गुरो कार्यं सुराणां तत् कुरुष्व च
pravartate ravistatra candramāpi viśatyasau / tvadāyattaṃ guro kāryaṃ surāṇāṃ tat kuruṣva ca
Sanskrit only: no published translation is held for this verse.
इत्येवमुक्तो देवैस्तु देवाचार्यो ऽब्रवीदिदम् । यदि वर्षाधिपो ऽहं स्यां ततो यास्यामि देवताः
ityevamukto devaistu devācāryo 'bravīdidam / yadi varṣādhipo 'haṃ syāṃ tato yāsyāmi devatāḥ
Sanskrit only: no published translation is held for this verse.
आषाढे मासि मार्गर्क्षे चन्द्रक्षयतिथिर्हि या । तस्यां पुरन्दरः प्रीतः पिण्डं पितृषु भक्तितः
āṣāḍhe māsi mārgarkṣe candrakṣayatithirhi yā / tasyāṃ purandaraḥ prītaḥ piṇḍaṃ pitṛṣu bhaktitaḥ
Sanskrit only: no published translation is held for this verse.
प्रादात् तिलमधून्मिश्रं हविष्यान्नं कुरुष्वथ । ततः प्रीतास्तु पितरस्तां प्राहुस्तनयां निजाम
prādāt tilamadhūnmiśraṃ haviṣyānnaṃ kuruṣvatha / tataḥ prītāstu pitarastāṃ prāhustanayāṃ nijāma
Sanskrit only: no published translation is held for this verse.
मेनां देवाश्च शैलाय हिमयुक्ताय वै ददुः । तां मेनां हिमवांल्लब्ध्वा प्रसादाद् दैवतेष्वथ । प्रीतिमानभवच्चासौ रराम च यथेच्छया
menāṃ devāśca śailāya himayuktāya vai daduḥ / tāṃ menāṃ himavāṃllabdhvā prasādād daivateṣvatha / prītimānabhavaccāsau rarāma ca yathecchayā
Sanskrit only: no published translation is held for this verse.
ततो हिमाद्रिः पितृकन्यया समं समर्पयन् वै विषयान् यथैष्टम् । अजीजनत् सा तनयाश्च तिस्रो रूपातियुक्ताः सुरयोषितोपमाः
tato himādriḥ pitṛkanyayā samaṃ samarpayan vai viṣayān yathaiṣṭam / ajījanat sā tanayāśca tisro rūpātiyuktāḥ surayoṣitopamāḥ
Sanskrit only: no published translation is held for this verse.