इति श्रीवामनपुराणे त्रिंशोध्यायः नारद उवाच । कथं समहिषः क्रोञ्चो भिन्नः स्कन्देन सुव्रत । एतन्मे विस्तराद् ब्रह्मन् कथयस्वामितद्युते
iti śrīvāmanapurāṇe triṃśodhyāyaḥ nārada uvāca / kathaṃ samahiṣaḥ kroñco bhinnaḥ skandena suvrata / etanme vistarād brahman kathayasvāmitadyute
Sanskrit only: no published translation is held for this verse.
पुलसत्य उवाच। । शृणुष्व कथयिष्यामि कथां पुण्यां पुरातनीम् । यशोवृद्धिं कुमारस्य कार्तिकेयस्य नारद
pulasatya uvāca/ / śṛṇuṣva kathayiṣyāmi kathāṃ puṇyāṃ purātanīm / yaśovṛddhiṃ kumārasya kārtikeyasya nārada
Sanskrit only: no published translation is held for this verse.
यत्तत्पीतं हुताशेन स्कन्नं शुक्रं पिनाकिनः । तेनाक्रान्तो ऽभवद् ब्रह्मन् मन्दतेजा हुताशनः
yattatpītaṃ hutāśena skannaṃ śukraṃ pinākinaḥ / tenākrānto 'bhavad brahman mandatejā hutāśanaḥ
Sanskrit only: no published translation is held for this verse.
ततो जगाम देवानां सकाशममितद्युतिः । तैश्चापि प्रहितस्तूर्णं ब्रह्मलोकं जगाम ह
tato jagāma devānāṃ sakāśamamitadyutiḥ / taiścāpi prahitastūrṇaṃ brahmalokaṃ jagāma ha
Sanskrit only: no published translation is held for this verse.
स गच्छन् कुटुलां देवीं ददर्श पथि पावकः । तां दृष्ट्वा प्राह कुटिले तेज एतत्सुदुर्द्धरम्
sa gacchan kuṭulāṃ devīṃ dadarśa pathi pāvakaḥ / tāṃ dṛṣṭvā prāha kuṭile teja etatsudurddharam
Sanskrit only: no published translation is held for this verse.
महेश्वरेण संत्यक्तं निर्दहेद् भुवनान्यपि । तस्मात् प्रतीच्छ पुत्रो ऽयं तव धन्यो भविष्यति
maheśvareṇa saṃtyaktaṃ nirdahed bhuvanānyapi / tasmāt pratīccha putro 'yaṃ tava dhanyo bhaviṣyati
Sanskrit only: no published translation is held for this verse.
इत्यग्निना सा कुटिला स्मृत्वा क्वमतमुत्तमम् । प्रक्षिपस्वाम्भसि मम प्राह वह्निं महापगा
ityagninā sā kuṭilā smṛtvā kvamatamuttamam / prakṣipasvāmbhasi mama prāha vahniṃ mahāpagā
Sanskrit only: no published translation is held for this verse.
ततस्त्वधारयद्देवी शार्वं तेजस्त्वपूपुषत् । हुताशनो।पि भगवान् कामचारी परिभ्रमन्
tatastvadhārayaddevī śārvaṃ tejastvapūpuṣat / hutāśano/pi bhagavān kāmacārī paribhraman
Sanskrit only: no published translation is held for this verse.
पञ्चवर्षसहस्राणि धृतवान् हव्यभुक् ततः । मांसमस्थीनि रुधिरं मेदोन्त्ररेतसी त्वचः
pañcavarṣasahasrāṇi dhṛtavān havyabhuk tataḥ / māṃsamasthīni rudhiraṃ medontraretasī tvacaḥ
Sanskrit only: no published translation is held for this verse.
रोमश्मश्व्रक्षिकेशाद्याः सर्वे जाता हिरण्मयाः । हिरण्यरेता लोकेषु तेन गीतश्च पावकः
romaśmaśvrakṣikeśādyāḥ sarve jātā hiraṇmayāḥ / hiraṇyaretā lokeṣu tena gītaśca pāvakaḥ
Sanskrit only: no published translation is held for this verse.
पञ्चवर्षसहस्राणि कुटुला ज्वलनोपमम् । धारयन्ती तदा गर्भं ब्रह्मणः स्थानमागता
pañcavarṣasahasrāṇi kuṭulā jvalanopamam / dhārayantī tadā garbhaṃ brahmaṇaḥ sthānamāgatā
Sanskrit only: no published translation is held for this verse.
तां दृष्टावान् पद्मजन्मा संतप्यन्तीं महापगाम् । दृष्ट्वा पप्रच्छ गेनायं तव गर्भः समाहितः
tāṃ dṛṣṭāvān padmajanmā saṃtapyantīṃ mahāpagām / dṛṣṭvā papraccha genāyaṃ tava garbhaḥ samāhitaḥ
Sanskrit only: no published translation is held for this verse.
सा चाह शङ्करं यत्तच्छ्रुक्रं पीतं हि वह्निना । तदशक्तेन तेनाद्य निक्षिप्तं मयि सत्तम
sā cāha śaṅkaraṃ yattacchrukraṃ pītaṃ hi vahninā / tadaśaktena tenādya nikṣiptaṃ mayi sattama
Sanskrit only: no published translation is held for this verse.
पञ्जवर्ष सहस्राणि धारयन्त्याः पितामह । गर्भस्य वर्त्तते कालो न पपात च कर्हिचित्
pañjavarṣa sahasrāṇi dhārayantyāḥ pitāmaha / garbhasya varttate kālo na papāta ca karhicit
Sanskrit only: no published translation is held for this verse.
तच्छ्रुत्वा भगवानाह गच्छ त्वमुदयं गिरिम् । तत्रास्ति योजनशतं रौद्रं शरवणं महत्
tacchrutvā bhagavānāha gaccha tvamudayaṃ girim / tatrāsti yojanaśataṃ raudraṃ śaravaṇaṃ mahat
Sanskrit only: no published translation is held for this verse.
तत्रैव क्षिप सुश्रेणि विस्तीर्णे गिरिसानुनि । दशवर्षसहस्रान्ते ततो बालो भविष्यति
tatraiva kṣipa suśreṇi vistīrṇe girisānuni / daśavarṣasahasrānte tato bālo bhaviṣyati
Sanskrit only: no published translation is held for this verse.
सा श्रुत्वा ब्रह्मणो वाक्यं रूपिणी गिरिमागता । आगत्य गर्भं तत्याज सुखेनैवाद्रिनन्दिनी
sā śrutvā brahmaṇo vākyaṃ rūpiṇī girimāgatā / āgatya garbhaṃ tatyāja sukhenaivādrinandinī
Sanskrit only: no published translation is held for this verse.
सा तु संत्यज्य तं बालं ब्रह्माणं सहसागमत् । आपोमयी मन्त्रवशात् संजाता-कुटिला सती
sā tu saṃtyajya taṃ bālaṃ brahmāṇaṃ sahasāgamat / āpomayī mantravaśāt saṃjātā-kuṭilā satī
Sanskrit only: no published translation is held for this verse.
तेजसा चापि शार्वेण रौक्मं शरवणं महत् । तन्निवासरताश्चान्ये पादपा मृगपक्षिणः
tejasā cāpi śārveṇa raukmaṃ śaravaṇaṃ mahat / tannivāsaratāścānye pādapā mṛgapakṣiṇaḥ
Sanskrit only: no published translation is held for this verse.
ततो दशसु पूर्णेषु शरद्दशशतेष्वथ । बालार्कदीप्तिः संजातो बालः कमललोचनः
tato daśasu pūrṇeṣu śaraddaśaśateṣvatha / bālārkadīptiḥ saṃjāto bālaḥ kamalalocanaḥ
Sanskrit only: no published translation is held for this verse.
उत्तानशायी भगवान् दिव्ये शरवणे स्थितः । मुखे ऽङ्गुष्ठं समाक्षिप्य रुरोद घनराडिव
uttānaśāyī bhagavān divye śaravaṇe sthitaḥ / mukhe 'ṅguṣṭhaṃ samākṣipya ruroda ghanarāḍiva
Sanskrit only: no published translation is held for this verse.
एतस्मिन्नन्तरे देव्यः कृत्तिकाः षट् सुतेजसः । ददृशुः स्वेच्छया यान्त्यो बालं शरवणे स्थितम्
etasminnantare devyaḥ kṛttikāḥ ṣaṭ sutejasaḥ / dadṛśuḥ svecchayā yāntyo bālaṃ śaravaṇe sthitam
Sanskrit only: no published translation is held for this verse.
कृपायुक्ताः समाजग्मुः यत्र स्कन्दः स्थितो ऽभवत् । अहं पूर्वमहं पूर्वं तस्मै स्तन्ये ऽभिचुक्रुशुः
kṛpāyuktāḥ samājagmuḥ yatra skandaḥ sthito 'bhavat / ahaṃ pūrvamahaṃ pūrvaṃ tasmai stanye 'bhicukruśuḥ
Sanskrit only: no published translation is held for this verse.
विवदन्तीः स ता दृष्टावा षण्मुखः समजायत । अबीभरंश्च ताः सर्वाः शिशुं स्नेहाच्च कृत्तिकाः
vivadantīḥ sa tā dṛṣṭāvā ṣaṇmukhaḥ samajāyata / abībharaṃśca tāḥ sarvāḥ śiśuṃ snehācca kṛttikāḥ
Sanskrit only: no published translation is held for this verse.
भ्रियमामः स ताभिस्तु बालो वृद्धिमगान्मुने । कार्त्तिकेयेति विख्यातो जातः स बलिनां वरः
bhriyamāmaḥ sa tābhistu bālo vṛddhimagānmune / kārttikeyeti vikhyāto jātaḥ sa balināṃ varaḥ
Sanskrit only: no published translation is held for this verse.
एतस्मिन्नन्तरे ब्रह्मन् पावकं प्राह पद्मजः । कियत्प्रमाणः पुत्रस्ते वर्त्तते साम्प्रतं गुहः
etasminnantare brahman pāvakaṃ prāha padmajaḥ / kiyatpramāṇaḥ putraste varttate sāmprataṃ guhaḥ
Sanskrit only: no published translation is held for this verse.
स तद्वचनमाकर्ण्य अजानंस्तं हरात्मजम् । प्रोवाच पुत्रं देवेश न वेद्मि कतमो गुहः
sa tadvacanamākarṇya ajānaṃstaṃ harātmajam / provāca putraṃ deveśa na vedmi katamo guhaḥ
Sanskrit only: no published translation is held for this verse.
तं प्राह भगवान् यत्तु तेजः पीतं पुरा त्वया । त्रैयम्बलं त्रिलोकेश जातः शरवणे शिशुः
taṃ prāha bhagavān yattu tejaḥ pītaṃ purā tvayā / traiyambalaṃ trilokeśa jātaḥ śaravaṇe śiśuḥ
Sanskrit only: no published translation is held for this verse.
श्रुत्वा पितामहवचः पावकस्त्वरितो ऽभ्यगात् । वेगिनं मेषमारुह्य कुटिला तं ददर्श ह
śrutvā pitāmahavacaḥ pāvakastvarito 'bhyagāt / veginaṃ meṣamāruhya kuṭilā taṃ dadarśa ha
Sanskrit only: no published translation is held for this verse.
ततः पप्रच्छ कुटिला शीघ्रं क्व व्रजसे कवे । सो ऽब्रवीत् पुत्रदुष्ट्यर्थं जातं शरवणे शिशुम्
tataḥ papraccha kuṭilā śīghraṃ kva vrajase kave / so 'bravīt putraduṣṭyarthaṃ jātaṃ śaravaṇe śiśum
Sanskrit only: no published translation is held for this verse.
साब्रवीत् तनयो मह्यं ममेत्याह च पावकः । विवदन्तौ ददर्साथ स्वेच्छाचारी जनार्दनः
sābravīt tanayo mahyaṃ mametyāha ca pāvakaḥ / vivadantau dadarsātha svecchācārī janārdanaḥ
Sanskrit only: no published translation is held for this verse.
तौ पप्रच्छ किमर्थं वा विवादमिह चक्रथः । तावूचतुः वुत्रहेतो रुद्रशुक्रोद्भवाय हि
tau papraccha kimarthaṃ vā vivādamiha cakrathaḥ / tāvūcatuḥ vutraheto rudraśukrodbhavāya hi
Sanskrit only: no published translation is held for this verse.
तावुवाच हरिर्देवो गच्छ तं त्रिपुरान्तकम् । स यदा वक्ष्यति देवेशस्तत्कुरुध्वमसंशयम्
tāvuvāca harirdevo gaccha taṃ tripurāntakam / sa yadā vakṣyati deveśastatkurudhvamasaṃśayam
Sanskrit only: no published translation is held for this verse.
इत्युक्तौ वासुदेवेन कुटिलाग्नी हरान्तिकम् । सम्भ्येत्योचतुस्तथ्यं कस्य पुत्रेति नारद
ityuktau vāsudevena kuṭilāgnī harāntikam / sambhyetyocatustathyaṃ kasya putreti nārada
Sanskrit only: no published translation is held for this verse.
रुद्रस्तद्वाक्यमाकर्ण्य हर्षनिर्भरमानसः । दिष्ट्या दिष्ट्येति गिरिजां प्रोद्भूतपुलको ऽब्रवीत्
rudrastadvākyamākarṇya harṣanirbharamānasaḥ / diṣṭyā diṣṭyeti girijāṃ prodbhūtapulako 'bravīt
Sanskrit only: no published translation is held for this verse.
ततो ऽम्बिका प्राह हरं देव गच्छाम शिशुम् । प्रष्टुं समाश्रयेद् यं स तस्य पुत्रो भविष्यति
tato 'mbikā prāha haraṃ deva gacchāma śiśum / praṣṭuṃ samāśrayed yaṃ sa tasya putro bhaviṣyati
Sanskrit only: no published translation is held for this verse.
बाढमित्येव भगवान् समुत्तस्थौ वृषध्वजः । सहोमया कुटिलया पावकेन च धीमता
bāḍhamityeva bhagavān samuttasthau vṛṣadhvajaḥ / sahomayā kuṭilayā pāvakena ca dhīmatā
Sanskrit only: no published translation is held for this verse.
संप्राप्तास्ते शरवणं हराग्निकुटिलाम्बिकाः । ददृशुः शिशुकं तं च कृत्तिकोत्सङ्गशायिनम्
saṃprāptāste śaravaṇaṃ harāgnikuṭilāmbikāḥ / dadṛśuḥ śiśukaṃ taṃ ca kṛttikotsaṅgaśāyinam
Sanskrit only: no published translation is held for this verse.
ततः स बालकस्तेषां मत्वा चिन्तितमादरात् । योगी चतुर्मूर्तिरभूत् षण्मुखः स शिशुस्त्वपि
tataḥ sa bālakasteṣāṃ matvā cintitamādarāt / yogī caturmūrtirabhūt ṣaṇmukhaḥ sa śiśustvapi
Sanskrit only: no published translation is held for this verse.
कुमारः शङ्करमगाद् विशाखो गौरिमागमत् । कुटिलामगमच्छाखो महासेनो ऽग्निमभ्ययात्
kumāraḥ śaṅkaramagād viśākho gaurimāgamat / kuṭilāmagamacchākho mahāseno 'gnimabhyayāt
Sanskrit only: no published translation is held for this verse.
ततः प्रीतियुतो रुद्र उमा च कुटिला तथा । पावकश्चापि देवेशः परां मुदमवाप च
tataḥ prītiyuto rudra umā ca kuṭilā tathā / pāvakaścāpi deveśaḥ parāṃ mudamavāpa ca
Sanskrit only: no published translation is held for this verse.
ततो ऽब्रुवन् कृत्तिकास्ताः षण्मुखः किं हरात्मजः । ता अब्रवीद्धरः प्रतीत्या विधिवद् वचनं मुने
tato 'bruvan kṛttikāstāḥ ṣaṇmukhaḥ kiṃ harātmajaḥ / tā abravīddharaḥ pratītyā vidhivad vacanaṃ mune
Sanskrit only: no published translation is held for this verse.
नाम्ना तु कार्त्तिकेयो हि युष्माकं तनयस्त्वसौ । कुटुलायाः कुमारेति पुत्रो ऽयं भविताव्ययः
nāmnā tu kārttikeyo hi yuṣmākaṃ tanayastvasau / kuṭulāyāḥ kumāreti putro 'yaṃ bhavitāvyayaḥ
Sanskrit only: no published translation is held for this verse.
स्कन्द इत्येव विख्यातो गौरीपुत्रो भवत्वसौ । गुह इत्येव नाम्ना च ममासौ तनयः स्मृतः
skanda ityeva vikhyāto gaurīputro bhavatvasau / guha ityeva nāmnā ca mamāsau tanayaḥ smṛtaḥ
Sanskrit only: no published translation is held for this verse.
माहासेन इति ख्यातो हुताशस्यास्तु पुत्रकः शारद्वत इति ख्यातः सुतः शरवणस्य च
māhāsena iti khyāto hutāśasyāstu putrakaḥ śāradvata iti khyātaḥ sutaḥ śaravaṇasya ca
Sanskrit only: no published translation is held for this verse.
एवमेव महायोगी पृथिव्यां ख्यातिमेष्यति । षडास्यत्वान् महाबाहुः षण्मुखो नाम गीयते
evameva mahāyogī pṛthivyāṃ khyātimeṣyati / ṣaḍāsyatvān mahābāhuḥ ṣaṇmukho nāma gīyate
Sanskrit only: no published translation is held for this verse.
इत्येवमुक्त्वा भगवान् शूलपाणिः पितामहम् । सस्मार दैवतैः सार्द्ध ते ऽप्याजग्मुस्त्वरान्विताः
ityevamuktvā bhagavān śūlapāṇiḥ pitāmaham / sasmāra daivataiḥ sārddha te 'pyājagmustvarānvitāḥ
Sanskrit only: no published translation is held for this verse.
प्रणिपत्य च कामारिमुमां च गिरिनन्दिनीम् । दृष्ट्वा हुताशनं प्रीत्या कुटिलां कृत्तिकास्तथा
praṇipatya ca kāmārimumāṃ ca girinandinīm / dṛṣṭvā hutāśanaṃ prītyā kuṭilāṃ kṛttikāstathā
Sanskrit only: no published translation is held for this verse.
ददृशुर्बालमत्युग्रं षण्मुखं सूर्यसंनिभम् मुष्णन्तमिव चक्षुंषि तेजसा स्वेन देवताः
dadṛśurbālamatyugraṃ ṣaṇmukhaṃ sūryasaṃnibham muṣṇantamiva cakṣuṃṣi tejasā svena devatāḥ
Sanskrit only: no published translation is held for this verse.
कौतुकाभिवृताः सर्वे एवमूचुः सुरोत्तमाः । देवकार्यं त्वया देव कृतं देव्याग्निना तथा
kautukābhivṛtāḥ sarve evamūcuḥ surottamāḥ / devakāryaṃ tvayā deva kṛtaṃ devyāgninā tathā
Sanskrit only: no published translation is held for this verse.
तदुत्तष्ठ व्रजामो ऽद्य तीर्थमौजसमव्ययम् । कुरुक्षेत्रे सरस्वत्यामभिष्ञ्चाम षण्मुखम्
taduttaṣṭha vrajāmo 'dya tīrthamaujasamavyayam / kurukṣetre sarasvatyāmabhiṣñcāma ṣaṇmukham
Sanskrit only: no published translation is held for this verse.
सेनायाः पतिरस्त्वेष देवगन्धर्वकिंनराः । महिषं घातयत्वेष तारकं च सुदारुणम्
senāyāḥ patirastveṣa devagandharvakiṃnarāḥ / mahiṣaṃ ghātayatveṣa tārakaṃ ca sudāruṇam
Sanskrit only: no published translation is held for this verse.
बाढमित्यब्रवीच्छर्वः समुत्तस्थुः सुरास्ततः । कुमारसहिता जग्मुः कुरुक्षेत्रं महाफलम्
bāḍhamityabravīccharvaḥ samuttasthuḥ surāstataḥ / kumārasahitā jagmuḥ kurukṣetraṃ mahāphalam
Sanskrit only: no published translation is held for this verse.
तत्रैव देवताः सेन्द्रा रुद्रब्रह्मजनार्दनाः । यत्नमस्याभिषेकार्तं चक्रुर्मुनिगणैः सह
tatraiva devatāḥ sendrā rudrabrahmajanārdanāḥ / yatnamasyābhiṣekārtaṃ cakrurmunigaṇaiḥ saha
Sanskrit only: no published translation is held for this verse.
ततो ऽम्बुना सप्तसमुद्रवाहिनीनदीजलेनापि महाफलेन । वरौषधीभिश्च सहस्रमूर्त्तिभिस्तदाभ्यषिञ्चन् गुमच्युताद्याः
tato 'mbunā saptasamudravāhinīnadījalenāpi mahāphalena / varauṣadhībhiśca sahasramūrttibhistadābhyaṣiñcan gumacyutādyāḥ
Sanskrit only: no published translation is held for this verse.
अभिषिञ्चति सेनान्यां कुमारे दिव्यरूपिणि । जगुर्गन्धर्वपतयो ननृतुश्चाप्सरोगणाः
abhiṣiñcati senānyāṃ kumāre divyarūpiṇi / jagurgandharvapatayo nanṛtuścāpsarogaṇāḥ
Sanskrit only: no published translation is held for this verse.
अभिषिक्तं कुमारं च गिरिपुत्री निरीक्ष्य हि । स्नेहादुत्सङ्गगं स्कन्दं मूर्ध्न्यजिघ्रन्मुर्हुर्मुहुः
abhiṣiktaṃ kumāraṃ ca giriputrī nirīkṣya hi / snehādutsaṅgagaṃ skandaṃ mūrdhnyajighranmurhurmuhuḥ
Sanskrit only: no published translation is held for this verse.
जिघ्रती कार्त्तिकेयस्य अभिषेकार्द्रमाननम् । भात्यद्रिजा यथेन्द्रस्य देवमातादितिः पुरा
jighratī kārttikeyasya abhiṣekārdramānanam / bhātyadrijā yathendrasya devamātāditiḥ purā
Sanskrit only: no published translation is held for this verse.
तदाभिषिक्तं तनयं दृष्ट्वा शर्वो मुदं ययौ । पावकः कृत्तिकाश्चैव कुटिला च यशस्विनी
tadābhiṣiktaṃ tanayaṃ dṛṣṭvā śarvo mudaṃ yayau / pāvakaḥ kṛttikāścaiva kuṭilā ca yaśasvinī
Sanskrit only: no published translation is held for this verse.
ततो ऽभिषिक्तास्य हरः सेनापत्ये गुहस्य तु । प्रमथांश्चतुरः प्रदाच्छक्रतुल्यपराक्रमान्
tato 'bhiṣiktāsya haraḥ senāpatye guhasya tu / pramathāṃścaturaḥ pradācchakratulyaparākramān
Sanskrit only: no published translation is held for this verse.
घण्टाकर्ण लोहिताक्षं नन्दिसेनं च दारुणम् । चतुर्थं बलिनां मुख्यं ख्यातं कुमुदमालिनम्
ghaṇṭākarṇa lohitākṣaṃ nandisenaṃ ca dāruṇam / caturthaṃ balināṃ mukhyaṃ khyātaṃ kumudamālinam
Sanskrit only: no published translation is held for this verse.
हरदत्तान् गणान् दृष्ट्वा देवाः स्कन्दस्य नारद । प्रददुः प्रमथान् स्वान् स्वान् सर्वे ब्रह्मपुरोगमाः
haradattān gaṇān dṛṣṭvā devāḥ skandasya nārada / pradaduḥ pramathān svān svān sarve brahmapurogamāḥ
Sanskrit only: no published translation is held for this verse.
स्थाणुं ब्रह्म गणं प्रादाद् विष्णुः प्रादाद् गणत्रयम् । संक्रमं विक्रमं चैव तृतीयं च पराक्रमम्
sthāṇuṃ brahma gaṇaṃ prādād viṣṇuḥ prādād gaṇatrayam / saṃkramaṃ vikramaṃ caiva tṛtīyaṃ ca parākramam
Sanskrit only: no published translation is held for this verse.
उत्केसं पङ्कजं शक्रो रविर्दण्डकपिङ्गलौ । चन्द्रो मणिं वसुमणिमश्विनौ वत्सनन्दिनौ
utkesaṃ paṅkajaṃ śakro ravirdaṇḍakapiṅgalau / candro maṇiṃ vasumaṇimaśvinau vatsanandinau
Sanskrit only: no published translation is held for this verse.
ज्योतिर्हुताशनः प्रादाज्जवलज्जिह्वं तथापरम् । कुन्दं मुकुन्दं कुसुमं त्रीन् धातानुचरान् ददौ
jyotirhutāśanaḥ prādājjavalajjihvaṃ tathāparam / kundaṃ mukundaṃ kusumaṃ trīn dhātānucarān dadau
Sanskrit only: no published translation is held for this verse.
चक्रानुचक्रौ त्वष्टां च वेधातिस्थिरसुस्थिरौ । पाणित्यजं कालकञ्च प्रादात् पूषा महाबलौ
cakrānucakrau tvaṣṭāṃ ca vedhātisthirasusthirau / pāṇityajaṃ kālakañca prādāt pūṣā mahābalau
Sanskrit only: no published translation is held for this verse.
स्वर्णमालं घनाह्वं च हिमवान् प्रमथोत्तमौ । प्रादादेवोच्छ्रितो विन्ध्यस्त्वतिशृङ्गं च पार्षदम्
svarṇamālaṃ ghanāhvaṃ ca himavān pramathottamau / prādādevocchrito vindhyastvatiśṛṅgaṃ ca pārṣadam
Sanskrit only: no published translation is held for this verse.
सुवर्चसं च वरुणः प्रददौ चातिवर्चसम् । संग्रहं विग्रहं चाब्धिर्नागा जयमहाजयौ
suvarcasaṃ ca varuṇaḥ pradadau cātivarcasam / saṃgrahaṃ vigrahaṃ cābdhirnāgā jayamahājayau
Sanskrit only: no published translation is held for this verse.
उन्मादं शुङ्कुर्ण च पुष्पदन्तं तथाम्बिका । घसं चातिघसं वायुः प्रादादनुचरावुभौ
unmādaṃ śuṅkurṇa ca puṣpadantaṃ tathāmbikā / ghasaṃ cātighasaṃ vāyuḥ prādādanucarāvubhau
Sanskrit only: no published translation is held for this verse.
परिघं चटकं भीमं दहतिदहनौ तथा । प्रददावंशुमान् पञ्च प्रमथान् षण्मुखाय हि
parighaṃ caṭakaṃ bhīmaṃ dahatidahanau tathā / pradadāvaṃśumān pañca pramathān ṣaṇmukhāya hi
Sanskrit only: no published translation is held for this verse.
यमः प्रमाथमुन्माथं कालसेनं महामुखम् । तालपत्रं नाडिजङ्घं षडेवानुचरान् ददौ
yamaḥ pramāthamunmāthaṃ kālasenaṃ mahāmukham / tālapatraṃ nāḍijaṅghaṃ ṣaḍevānucarān dadau
Sanskrit only: no published translation is held for this verse.
सुप्रभं च सुकर्माणं ददौ धाता गणेश्वरौ । सुव्रतं सत्यसन्धं च मित्रः प्रदाद द्विजोत्तम
suprabhaṃ ca sukarmāṇaṃ dadau dhātā gaṇeśvarau / suvrataṃ satyasandhaṃ ca mitraḥ pradāda dvijottama
Sanskrit only: no published translation is held for this verse.
अनन्तः शङ्कुपीठश्च निकुम्भः कुमुदो ऽम्बुजः । एकाक्षः कुनटी चक्षुः किरीटी कलशोदरः
anantaḥ śaṅkupīṭhaśca nikumbhaḥ kumudo 'mbujaḥ / ekākṣaḥ kunaṭī cakṣuḥ kirīṭī kalaśodaraḥ
Sanskrit only: no published translation is held for this verse.
सूचीवक्त्रः कोकनदः प्रहासः प्रियको ऽच्युतः । गणाः पञ्चदशैते हि यक्षैर्दत्ता गुहस्य तु
sūcīvaktraḥ kokanadaḥ prahāsaḥ priyako 'cyutaḥ / gaṇāḥ pañcadaśaite hi yakṣairdattā guhasya tu
Sanskrit only: no published translation is held for this verse.
मन्दाकिन्यास्तथा नन्दो विपाशायाः प्रियङ्करः
mandākinyāstathā nando vipāśāyāḥ priyaṅkaraḥ
Sanskrit only: no published translation is held for this verse.
ऐरावत्याश्चतुर्द्दष्ट्रः षोडशाक्षो वितस्तया । मार्जारं सौशिकी प्रादात् क्रथक्रौञ्चौ च गौतमी
airāvatyāścaturddaṣṭraḥ ṣoḍaśākṣo vitastayā / mārjāraṃ sauśikī prādāt krathakrauñcau ca gautamī
Sanskrit only: no published translation is held for this verse.
बाहुदा शतसीर्षं च वाहा गोनन्दनन्दिकौ । भीमं भीमरथी प्रादाद् वेगारिं सरयूर्ददौ
bāhudā śatasīrṣaṃ ca vāhā gonandanandikau / bhīmaṃ bhīmarathī prādād vegāriṃ sarayūrdadau
Sanskrit only: no published translation is held for this verse.
अष्टबाहुं ददौ काशी सुबाहुमपि गण्डकी । महानदी चित्रदेवं चित्रा चित्ररथं ददौ
aṣṭabāhuṃ dadau kāśī subāhumapi gaṇḍakī / mahānadī citradevaṃ citrā citrarathaṃ dadau
Sanskrit only: no published translation is held for this verse.
कुहूः कुवलयं प्रादान्मधुवर्णं मधूदका । जम्बूकं धूतपापा च वेणा श्वेताननं ददौ
kuhūḥ kuvalayaṃ prādānmadhuvarṇaṃ madhūdakā / jambūkaṃ dhūtapāpā ca veṇā śvetānanaṃ dadau
Sanskrit only: no published translation is held for this verse.
श्रुतवर्म च पर्मासा रेवा सागरवेगिनम् । प्रभावार्थं सहं प्रादात् काञ्चना कनकेक्षणम्
śrutavarma ca parmāsā revā sāgaraveginam / prabhāvārthaṃ sahaṃ prādāt kāñcanā kanakekṣaṇam
Sanskrit only: no published translation is held for this verse.
गृध्रपत्रं च विमला चारुवक्त्रं मनोहरा । धूतपापा महारावं कर्णा विद्रुमसंनिभम्
gṛdhrapatraṃ ca vimalā cāruvaktraṃ manoharā / dhūtapāpā mahārāvaṃ karṇā vidrumasaṃnibham
Sanskrit only: no published translation is held for this verse.
सुप्रसादं सुवेणुश्च जिष्णुमेघवती ददौ । यज्ञबाहुं विशाला च सरस्वत्यो ददुर्गणान्
suprasādaṃ suveṇuśca jiṣṇumeghavatī dadau / yajñabāhuṃ viśālā ca sarasvatyo dadurgaṇān
Sanskrit only: no published translation is held for this verse.
कुटिला तनयस्यादाद दश शक्रबलान् गणान् । करालं सितकेशं च कृष्णकेशं जटाधरम्
kuṭilā tanayasyādāda daśa śakrabalān gaṇān / karālaṃ sitakeśaṃ ca kṛṣṇakeśaṃ jaṭādharam
Sanskrit only: no published translation is held for this verse.
मेघनादं चतुर्द्दष्ट्रं विद्युजिह्वं दशाननम् । सोमाप्ययनमेवोग्रं देवयाजिनमेव च
meghanādaṃ caturddaṣṭraṃ vidyujihvaṃ daśānanam / somāpyayanamevograṃ devayājinameva ca
Sanskrit only: no published translation is held for this verse.
हंसास्यं कुण्डजठरं बहुग्रीवं हयाननम् । कूर्मग्रीवं च पञ्चैतान् ददुः पुत्राय कृत्तिकाः
haṃsāsyaṃ kuṇḍajaṭharaṃ bahugrīvaṃ hayānanam / kūrmagrīvaṃ ca pañcaitān daduḥ putrāya kṛttikāḥ
Sanskrit only: no published translation is held for this verse.
स्थाणुजङ्घं कुम्भवक्त्रं लोहजङ्घं महाननम् । पिण्डाकारं च पञचैतान् ददुः स्कन्दायट चर्षयः
sthāṇujaṅghaṃ kumbhavaktraṃ lohajaṅghaṃ mahānanam / piṇḍākāraṃ ca pañacaitān daduḥ skandāyaṭa carṣayaḥ
Sanskrit only: no published translation is held for this verse.
नागजिह्वं चन्द्रभासं पाणिकूर्मं शशीक्षकम् । चाषवक्त्रं च जम्बूकं ददौ तीर्थः पृथूदकः
nāgajihvaṃ candrabhāsaṃ pāṇikūrmaṃ śaśīkṣakam / cāṣavaktraṃ ca jambūkaṃ dadau tīrthaḥ pṛthūdakaḥ
Sanskrit only: no published translation is held for this verse.
चक्रतीर्थं सुचजक्राक्षं मकराश्रं गयाशिरः । गणं पञ्चशिखं नाम ददौ कनखलः स्वकम्
cakratīrthaṃ sucajakrākṣaṃ makarāśraṃ gayāśiraḥ / gaṇaṃ pañcaśikhaṃ nāma dadau kanakhalaḥ svakam
Sanskrit only: no published translation is held for this verse.
बन्धुदत्तं वाजिशिरो बाहुशालं च पुष्करम् । सर्वौञ्जसं माहिषकं मानसः पिङ्गलं यथा
bandhudattaṃ vājiśiro bāhuśālaṃ ca puṣkaram / sarvauñjasaṃ māhiṣakaṃ mānasaḥ piṅgalaṃ yathā
Sanskrit only: no published translation is held for this verse.
रुद्रमौशनसः प्रादात् ततो ऽन्ये मातरो ददुः । वसुदामां सोमतीर्थः प्रभासो नन्दिनीमपि
rudramauśanasaḥ prādāt tato 'nye mātaro daduḥ / vasudāmāṃ somatīrthaḥ prabhāso nandinīmapi
Sanskrit only: no published translation is held for this verse.
इन्द्रतीर्थं विशोकां च उदपानो घनस्वनाम् । सप्तसारस्वतः प्रादान्मातरश्चतुरोद्भुताः
indratīrthaṃ viśokāṃ ca udapāno ghanasvanām / saptasārasvataḥ prādānmātaraścaturodbhutāḥ
Sanskrit only: no published translation is held for this verse.
गीतप्रियां माधवीं च तीर्थनेमिं स्मिताननाम् । एकचूडां नागतीर्थः कुरुक्षेत्रं पलासदाम्
gītapriyāṃ mādhavīṃ ca tīrthanemiṃ smitānanām / ekacūḍāṃ nāgatīrthaḥ kurukṣetraṃ palāsadām
Sanskrit only: no published translation is held for this verse.
ब्रह्मयोनिश्चण्डशिलां भद्रकालीं त्रिविष्टपः । चौण्डीं भैण्डीं योगभैण्डीं प्रादाच्चरणपावनः
brahmayoniścaṇḍaśilāṃ bhadrakālīṃ triviṣṭapaḥ / cauṇḍīṃ bhaiṇḍīṃ yogabhaiṇḍīṃ prādāccaraṇapāvanaḥ
Sanskrit only: no published translation is held for this verse.
सोपानीयां मही प्रादाच्छालिकां मानसो ह्रदः । शकघण्टां शतानन्दां तथोलूखलमेखलाम्
sopānīyāṃ mahī prādācchālikāṃ mānaso hradaḥ / śakaghaṇṭāṃ śatānandāṃ tatholūkhalamekhalām
Sanskrit only: no published translation is held for this verse.
पद्मावती माधवीं च ददौ बदरिकाश्रमः । सुषमामैकचूडां च देवीं धमधमां तथा
padmāvatī mādhavīṃ ca dadau badarikāśramaḥ / suṣamāmaikacūḍāṃ ca devīṃ dhamadhamāṃ tathā
Sanskrit only: no published translation is held for this verse.
उत्क्राथनीं वेदमित्रां केदारो मातरो ददौ । सुनक्षत्रां कद्रुलां च सुप्रभातां मुङ्गलाम्
utkrāthanīṃ vedamitrāṃ kedāro mātaro dadau / sunakṣatrāṃ kadrulāṃ ca suprabhātāṃ muṅgalām
Sanskrit only: no published translation is held for this verse.
देवमित्रां चित्रसेनां ददौ रुद्रमहालयः । कोटरामूर्ध्वणीं च श्रीमतीं बहुपुत्रिकाम्
devamitrāṃ citrasenāṃ dadau rudramahālayaḥ / koṭarāmūrdhvaṇīṃ ca śrīmatīṃ bahuputrikām
Sanskrit only: no published translation is held for this verse.
पलितां कमलाक्षीं च प्रयागो मातरो ददौ । सूपलां मधुकुम्भां च ख्यातिं दहदहां पराम्
palitāṃ kamalākṣīṃ ca prayāgo mātaro dadau / sūpalāṃ madhukumbhāṃ ca khyātiṃ dahadahāṃ parām
Sanskrit only: no published translation is held for this verse.
प्रादात् खटकटां चान्यां सर्वपापविमोचनः । संतानिकां विकलिकां क्रमश्चत्वरवासिनीम्
prādāt khaṭakaṭāṃ cānyāṃ sarvapāpavimocanaḥ / saṃtānikāṃ vikalikāṃ kramaścatvaravāsinīm
Sanskrit only: no published translation is held for this verse.
जलेश्वरीं कुक्कुटिकां सुदामां लोहमेखलाम् । वपुष्मत्युत्मुकाक्षी च कोकनामा महाशनी । रौद्रा कर्कटिका तुण्डा श्वेततीर्थो ददौ त्विमाः
jaleśvarīṃ kukkuṭikāṃ sudāmāṃ lohamekhalām / vapuṣmatyutmukākṣī ca kokanāmā mahāśanī / raudrā karkaṭikā tuṇḍā śvetatīrtho dadau tvimāḥ
Sanskrit only: no published translation is held for this verse.
एतानि भूतानि गणांश्च मातरो दृष्ट्वा महात्मा विनतातनूजः । ददौ मयूरं स्वसुतं महाजवं तथारुणस्ताम्रचूडं च पुत्रम्
etāni bhūtāni gaṇāṃśca mātaro dṛṣṭvā mahātmā vinatātanūjaḥ / dadau mayūraṃ svasutaṃ mahājavaṃ tathāruṇastāmracūḍaṃ ca putram
Sanskrit only: no published translation is held for this verse.
शक्ति हुताशो ऽद्रिसुता च वस्त्रं दण्डं गुरुः सा कुटिला कमण्डलुम् । मालां हरिः शूलधरः पताकां कण्ठे च हारं मघवानुरस्तः
śakti hutāśo 'drisutā ca vastraṃ daṇḍaṃ guruḥ sā kuṭilā kamaṇḍalum / mālāṃ hariḥ śūladharaḥ patākāṃ kaṇṭhe ca hāraṃ maghavānurastaḥ
Sanskrit only: no published translation is held for this verse.
गणैर्वृतो मातृबिरन्वयातो मयूरसंस्थो वरशक्तिपाणिः । सैन्याधिपत्ये स कृतो भवेन रराज सूर्येव महावपुष्मान्
gaṇairvṛto mātṛbiranvayāto mayūrasaṃstho varaśaktipāṇiḥ / sainyādhipatye sa kṛto bhavena rarāja sūryeva mahāvapuṣmān
Sanskrit only: no published translation is held for this verse.