इति श्रीवामनपुराणे एकोनषष्टितमो ऽध्यायः पुलस्त्य उवाच । नमस्ते ऽस्तु जगन्नाथ देवदेवं नमो ऽस्तु ते । वासुदेव नमस्ते ऽस्तु बहुरूप नमो ऽस्तु ते
iti śrīvāmanapurāṇe ekonaṣaṣṭitamo 'dhyāyaḥ pulastya uvāca / namaste 'stu jagannātha devadevaṃ namo 'stu te / vāsudeva namaste 'stu bahurūpa namo 'stu te
Sanskrit only: no published translation is held for this verse.
एकशृङ्ग नमस्तुभ्यं नमस्तुभ्यं वृषाकपे । श्रीनिवास नमस्ते ऽस्तु नमस्ते भूतभावन
ekaśṛṅga namastubhyaṃ namastubhyaṃ vṛṣākape / śrīnivāsa namaste 'stu namaste bhūtabhāvana
Sanskrit only: no published translation is held for this verse.
विष्वक्सेन नमस्तुभ्यं नारायण नमो ऽस्तु ते । ध्रुवध्वज नमस्तो ऽस्तु सत्यध्वज नमो ऽस्तु ते
viṣvaksena namastubhyaṃ nārāyaṇa namo 'stu te / dhruvadhvaja namasto 'stu satyadhvaja namo 'stu te
Sanskrit only: no published translation is held for this verse.
यज्ञध्वज नमस्तुभ्यं धर्मध्वज नमो ऽस्तु ते । तालध्वज नमस्ते ऽस्तु नमस्ते गरुहध्वज
yajñadhvaja namastubhyaṃ dharmadhvaja namo 'stu te / tāladhvaja namaste 'stu namaste garuhadhvaja
Sanskrit only: no published translation is held for this verse.
वरेण्य विष्णो वैकुण्ठ नमस्ते पुरुषोत्तम । नमो जयन्त विजय जयानन्त पराजित
vareṇya viṣṇo vaikuṇṭha namaste puruṣottama / namo jayanta vijaya jayānanta parājita
Sanskrit only: no published translation is held for this verse.
कृतावर्तद महावर्त महादेव नमो ऽस्तु ते । अनाद्याद्यन्त मध्यान्त नमस्ते पद्मजप्रिय
kṛtāvartada mahāvarta mahādeva namo 'stu te / anādyādyanta madhyānta namaste padmajapriya
Sanskrit only: no published translation is held for this verse.
पुरञ्जय नमस्तुभ्यं शत्रुञ्जय नमो ऽस्तु ते । शुभञ्जय नमस्ते ऽस्तु नमस्ते ऽस्तु धनञ्जय
purañjaya namastubhyaṃ śatruñjaya namo 'stu te / śubhañjaya namaste 'stu namaste 'stu dhanañjaya
Sanskrit only: no published translation is held for this verse.
सृष्टिगर्भ नमस्तुभ्यं शुचिश्रवः वृथुश्रवः । नमो हिरण्यगर्भाय पद्मगर्भाय ते नमः
sṛṣṭigarbha namastubhyaṃ śuciśravaḥ vṛthuśravaḥ / namo hiraṇyagarbhāya padmagarbhāya te namaḥ
Sanskrit only: no published translation is held for this verse.
नमः कमलनेत्राय कालनेत्राय ते नमः । कालनाभ नमस्तुभ्यं महानाभ नमो नमः
namaḥ kamalanetrāya kālanetrāya te namaḥ / kālanābha namastubhyaṃ mahānābha namo namaḥ
Sanskrit only: no published translation is held for this verse.
वृष्टिमूल महामूल मूलावास नमो ऽस्तु ते । धर्मावास जलावास श्रीनिवास नमो ऽस्तु ते
vṛṣṭimūla mahāmūla mūlāvāsa namo 'stu te / dharmāvāsa jalāvāsa śrīnivāsa namo 'stu te
Sanskrit only: no published translation is held for this verse.
धर्माध्यक्ष प्रजाध्यक्ष लोकाध्यक्ष नमो नमः । सेनाध्यक्ष नमस्तुभ्यं कालाध्यक्ष नमो नमः
dharmādhyakṣa prajādhyakṣa lokādhyakṣa namo namaḥ / senādhyakṣa namastubhyaṃ kālādhyakṣa namo namaḥ
Sanskrit only: no published translation is held for this verse.
गदाधर श्रुतिधर चक्रधारिन् श्रियो धर । वनमालाधर हरे नमस्ते धरणीधर
gadādhara śrutidhara cakradhārin śriyo dhara / vanamālādhara hare namaste dharaṇīdhara
Sanskrit only: no published translation is held for this verse.
आर्चिषेण महासेन नमस्ते ऽस्तु पुरुष्टुत । वहुकल्प महाकल्प नमस्ते कल्पनामुख
ārciṣeṇa mahāsena namaste 'stu puruṣṭuta / vahukalpa mahākalpa namaste kalpanāmukha
Sanskrit only: no published translation is held for this verse.
सर्वात्मन् सर्वग विभो विरिञ्चे श्वेत केशव । नील रक्त महानील अनिरुद्ध नमो ऽस्तु ते
sarvātman sarvaga vibho viriñce śveta keśava / nīla rakta mahānīla aniruddha namo 'stu te
Sanskrit only: no published translation is held for this verse.
द्वादशात्मक कालात्मन् सामात्मन् परमात्मक । व्योमकात्मक सुब्रह्मन् भूतात्मक नमो ऽस्तु ते
dvādaśātmaka kālātman sāmātman paramātmaka / vyomakātmaka subrahman bhūtātmaka namo 'stu te
Sanskrit only: no published translation is held for this verse.
हरिकेश महाकेश गुडाकेश नमो ऽस्तु ते । मुञ्जकेश हृषीकेश सर्वनाथ मनो ऽस्तु ते
harikeśa mahākeśa guḍākeśa namo 'stu te / muñjakeśa hṛṣīkeśa sarvanātha mano 'stu te
Sanskrit only: no published translation is held for this verse.
सुक्ष्म स्थूल महास्थूल महासूक्ष्म शुभङ्कर । श्वेतपीताम्बरधर नीलवास नमो ऽस्तु ते
sukṣma sthūla mahāsthūla mahāsūkṣma śubhaṅkara / śvetapītāmbaradhara nīlavāsa namo 'stu te
Sanskrit only: no published translation is held for this verse.
कुशेशय नमस्ते ऽस्तु सीरध्वज नजार्धन । गोविन्द प्रीतिकर्ता च हंस पीताम्बरप्रिय
kuśeśaya namaste 'stu sīradhvaja najārdhana / govinda prītikartā ca haṃsa pītāmbarapriya
Sanskrit only: no published translation is held for this verse.
अधोक्षज नमस्तुभ्यं सीरध्वज जनार्दन । वामनाय नमस्ते ऽस्तु नमस्ते मधुसूदन
adhokṣaja namastubhyaṃ sīradhvaja janārdana / vāmanāya namaste 'stu namaste madhusūdana
Sanskrit only: no published translation is held for this verse.
सहस्रशीर्षाय नमो ब्रह्मशीर्षाय ते नमः । नमः सहस्रनेत्राय सोमसूर्यानलेक्षम ।
sahasraśīrṣāya namo brahmaśīrṣāya te namaḥ / namaḥ sahasranetrāya somasūryānalekṣama /
Sanskrit only: no published translation is held for this verse.
नमश्चाथर्वशिरसे महाशीर्षाय ते नमः । नमस्ते धर्मनेत्राय महानेत्राय ते नमः
namaścātharvaśirase mahāśīrṣāya te namaḥ / namaste dharmanetrāya mahānetrāya te namaḥ
Sanskrit only: no published translation is held for this verse.
नमः सहस्रपादाय सहस्रभुजमन्यवे । नमो यज्ञवराहाय महारूपाय ते नमः
namaḥ sahasrapādāya sahasrabhujamanyave / namo yajñavarāhāya mahārūpāya te namaḥ
Sanskrit only: no published translation is held for this verse.
नमस्ते विश्वदेवाय विश्वात्मन् विश्वसंभव । विश्वरूप नमस्ते ऽस्तु त्वत्तो विश्वमभूदिदम्
namaste viśvadevāya viśvātman viśvasaṃbhava / viśvarūpa namaste 'stu tvatto viśvamabhūdidam
Sanskrit only: no published translation is held for this verse.
न्यग्रोधस्तवं महाशाखस्त्वं मूलकुसुमार्चितः । स्कन्धपत्राङ्कुरलतापल्लवाय नमो ऽस्तु ते
nyagrodhastavaṃ mahāśākhastvaṃ mūlakusumārcitaḥ / skandhapatrāṅkuralatāpallavāya namo 'stu te
Sanskrit only: no published translation is held for this verse.
मूलं ते ब्राह्मणा ब्रह्मन् स्कन्धस्ते क्षत्रियोर्दिशः । नाभ्या ह्यभूदन्तरिक्षं शशाङ्को मनसस्तव
mūlaṃ te brāhmaṇā brahman skandhaste kṣatriyordiśaḥ / nābhyā hyabhūdantarikṣaṃ śaśāṅko manasastava
Sanskrit only: no published translation is held for this verse.
ब्राह्मणाः साग्नयो वक्त्राः देर्दण्डाः सायुधा नृपाः । पार्श्वाद् विशश्चेरुयुगाज्जाताः शूद्राश्च पादतः
brāhmaṇāḥ sāgnayo vaktrāḥ derdaṇḍāḥ sāyudhā nṛpāḥ / pārśvād viśaśceruyugājjātāḥ śūdrāśca pādataḥ
Sanskrit only: no published translation is held for this verse.
नेत्राद् भानुरभूत् तुभ्यं पद्भ्यां भूः श्रोत्रयोर्दिशः । नाभ्या ह्यभूदन्तरिक्षं शशाङ्को मनसस्तव
netrād bhānurabhūt tubhyaṃ padbhyāṃ bhūḥ śrotrayordiśaḥ / nābhyā hyabhūdantarikṣaṃ śaśāṅko manasastava
Sanskrit only: no published translation is held for this verse.
प्राणाद् वायुः समभवत् कामाद् ब्रह्मा पितामहः । क्रोधात् त्रिनयनो रुद्रः शीर्ष्णोः द्यौः समवर्तत
prāṇād vāyuḥ samabhavat kāmād brahmā pitāmahaḥ / krodhāt trinayano rudraḥ śīrṣṇoḥ dyauḥ samavartata
Sanskrit only: no published translation is held for this verse.
इन्द्राग्नी वदनात् तुभ्यं पशवो मलसंभवाः । ओषध्यो रोमसंभूता विराजस्त्वं नमो ऽस्तु ते
indrāgnī vadanāt tubhyaṃ paśavo malasaṃbhavāḥ / oṣadhyo romasaṃbhūtā virājastvaṃ namo 'stu te
Sanskrit only: no published translation is held for this verse.
पुष्पहास नमस्ते ऽस्तु महाहास नमो ऽस्तु ते । ओङ्कारस्त्वं वषट्कारो वौषट् त्वं च स्वधा सुधा
puṣpahāsa namaste 'stu mahāhāsa namo 'stu te / oṅkārastvaṃ vaṣaṭkāro vauṣaṭ tvaṃ ca svadhā sudhā
Sanskrit only: no published translation is held for this verse.
स्वाहाकार नमस्तुभ्यं हन्तकार नमो ऽस्तु ते । सर्वाकार निराकार वेदाकार नमो ऽस्तु ते
svāhākāra namastubhyaṃ hantakāra namo 'stu te / sarvākāra nirākāra vedākāra namo 'stu te
Sanskrit only: no published translation is held for this verse.
त्वं हि वेदमयो देवः सर्वदेवमयस्तथा । सर्वतीर्थमयश्चैव सर्वयज्ञमयस्तथा
tvaṃ hi vedamayo devaḥ sarvadevamayastathā / sarvatīrthamayaścaiva sarvayajñamayastathā
Sanskrit only: no published translation is held for this verse.
नमस्ते यज्ञपुरुष यज्ञभागभुजे नमः । नमः सहस्रधाराय शतधाराय ते नमः
namaste yajñapuruṣa yajñabhāgabhuje namaḥ / namaḥ sahasradhārāya śatadhārāya te namaḥ
Sanskrit only: no published translation is held for this verse.
भीर्भुवःस्वःस्वरूपाय गोदायामृतदायिने । सुवर्णब्रह्मदात्रे च सर्वदात्रे च ते नमः
bhīrbhuvaḥsvaḥsvarūpāya godāyāmṛtadāyine / suvarṇabrahmadātre ca sarvadātre ca te namaḥ
Sanskrit only: no published translation is held for this verse.
ब्रह्मेशाय नमस्तुभ्यं ब्रह्मादे ब्रह्मरूपधृक् । परब्रह्म नमस्ते ऽस्तु शब्दब्रह्म नमो ऽस्तु ते
brahmeśāya namastubhyaṃ brahmāde brahmarūpadhṛk / parabrahma namaste 'stu śabdabrahma namo 'stu te
Sanskrit only: no published translation is held for this verse.
विद्यास्त्वं वेद्यरूपस्त्वं वेदनीयस्त्वमेव च । बुद्धिस्त्वमपि बोध्यश्च बोधस्त्वं च नमो ऽस्तु ते
vidyāstvaṃ vedyarūpastvaṃ vedanīyastvameva ca / buddhistvamapi bodhyaśca bodhastvaṃ ca namo 'stu te
Sanskrit only: no published translation is held for this verse.
होता होमश्च हव्यं च हूयमानश्चहव्यावाट् । पाता पोता च पुतश्च पावनीयश्च ॐ नमः
hotā homaśca havyaṃ ca hūyamānaścahavyāvāṭ / pātā potā ca putaśca pāvanīyaśca oṃ namaḥ
Sanskrit only: no published translation is held for this verse.
हन्ता च हन्यमानश् च ह्रिमाणस्त्वमेव च । हर्त्ता नेता च नीतिश्च पूज्यो ऽग्र्यो विश्वधार्यसि
hantā ca hanyamānaś ca hrimāṇastvameva ca / harttā netā ca nītiśca pūjyo 'gryo viśvadhāryasi
Sanskrit only: no published translation is held for this verse.
स्रुक्स्रुवौ परधामासि कपालोलूखलो ऽरणिः । यज्ञपात्राणेयस्त्वमेकधा बहुधा त्रिधा
sruksruvau paradhāmāsi kapālolūkhalo 'raṇiḥ / yajñapātrāṇeyastvamekadhā bahudhā tridhā
Sanskrit only: no published translation is held for this verse.
यज्ञस्त्वं यजमानस्त्वमीड्यस्त्वमसि याजकः । ज्ञाता ज्ञेयस्तथा ज्ञानं ध्येयो ध्यातासि चेश्वर
yajñastvaṃ yajamānastvamīḍyastvamasi yājakaḥ / jñātā jñeyastathā jñānaṃ dhyeyo dhyātāsi ceśvara
Sanskrit only: no published translation is held for this verse.
ध्यानयोगश्च योगी च गतिर्मोक्षो धृतिः सुखम् । योगाङ्गानि त्वमीशानः सर्वगस्त्वं नमो ऽस्तु ते
dhyānayogaśca yogī ca gatirmokṣo dhṛtiḥ sukham / yogāṅgāni tvamīśānaḥ sarvagastvaṃ namo 'stu te
Sanskrit only: no published translation is held for this verse.
ब्रह्म होता तथोद्गाता साम यूपो ऽत दक्षिणा । दीक्षा त्वं त्वं पुरोडाशस्त्वं पशुः पशुवाह्यसि
brahma hotā tathodgātā sāma yūpo 'ta dakṣiṇā / dīkṣā tvaṃ tvaṃ puroḍāśastvaṃ paśuḥ paśuvāhyasi
Sanskrit only: no published translation is held for this verse.
गुह्यो धाता च परमः शिवो नारायणस्तथा । महाजनो निरयनः सहस्रार्केन्दुरूपवान्
guhyo dhātā ca paramaḥ śivo nārāyaṇastathā / mahājano nirayanaḥ sahasrārkendurūpavān
Sanskrit only: no published translation is held for this verse.
द्वादशारो ऽथ षण्णाभिस्त्रिव्यूहो द्वियुगस्तथा । कालचक्रो भवानीशो नमस्ते पुरुषोत्तमः
dvādaśāro 'tha ṣaṇṇābhistrivyūho dviyugastathā / kālacakro bhavānīśo namaste puruṣottamaḥ
Sanskrit only: no published translation is held for this verse.
पराक्रमो विक्रमस्त्वं हयग्रीवो हरीश्वरः । नरेश्वरो ऽथ ब्रह्मेशः सूर्येशस्त्वं नमो ऽस्तु ते
parākramo vikramastvaṃ hayagrīvo harīśvaraḥ / nareśvaro 'tha brahmeśaḥ sūryeśastvaṃ namo 'stu te
Sanskrit only: no published translation is held for this verse.
अश्ववक्त्रो महामेधाः शंभुः शक्रः प्रभञ्जनः । मित्रावरुणमूर्तिस्त्वममूर्तिरनघः परः
aśvavaktro mahāmedhāḥ śaṃbhuḥ śakraḥ prabhañjanaḥ / mitrāvaruṇamūrtistvamamūrtiranaghaḥ paraḥ
Sanskrit only: no published translation is held for this verse.
प्राग्वंशकायो भूतादिर्महाभूतो ऽच्युतो द्विजः । त्वमूर्ध्वकर्त्ता ऊर्ध्वश् च ऊर्ध्वरेता नमो ऽस्तु ते
prāgvaṃśakāyo bhūtādirmahābhūto 'cyuto dvijaḥ / tvamūrdhvakarttā ūrdhvaś ca ūrdhvaretā namo 'stu te
Sanskrit only: no published translation is held for this verse.
महापातकहा त्वं च उपपातकहा तथा । अनीशः सर्वपापेभ्यस्त्वामहं शरणं गतः
mahāpātakahā tvaṃ ca upapātakahā tathā / anīśaḥ sarvapāpebhyastvāmahaṃ śaraṇaṃ gataḥ
Sanskrit only: no published translation is held for this verse.
इत्येतत् परमं स्तोत्रं सर्वपापप्रमोचनम् । महेश्वरेण कथितं वाराणस्यां पुरा मुने
ityetat paramaṃ stotraṃ sarvapāpapramocanam / maheśvareṇa kathitaṃ vārāṇasyāṃ purā mune
Sanskrit only: no published translation is held for this verse.
केशवस्याग्रतो गत्वा स्नात्वा तीर्थे सितोदके । उपशान्तस्तथा जातो रुद्रः पापवशात् ततः
keśavasyāgrato gatvā snātvā tīrthe sitodake / upaśāntastathā jāto rudraḥ pāpavaśāt tataḥ
Sanskrit only: no published translation is held for this verse.
एतत् पवित्रं त्रिपुरध्नभाषितं पठन् नरो विष्णुपरो महर्षे । विमुक्तपापो ह्युपशान्तमूर्ति संपूज्यते देववरैः प्रसिद्धैः
etat pavitraṃ tripuradhnabhāṣitaṃ paṭhan naro viṣṇuparo maharṣe / vimuktapāpo hyupaśāntamūrti saṃpūjyate devavaraiḥ prasiddhaiḥ
Sanskrit only: no published translation is held for this verse.