इति श्रीवामनपुराणे द्विषष्टितमो ऽध्यायः श्रीभगवानुवाच । आद्यं मात्स्यं महद्रुपं संस्थितं मानसे ह्रदे । सर्वपापक्षयकरं कीर्तनस्पर्शनादिभिः
iti śrīvāmanapurāṇe dviṣaṣṭitamo 'dhyāyaḥ śrībhagavānuvāca / ādyaṃ mātsyaṃ mahadrupaṃ saṃsthitaṃ mānase hrade / sarvapāpakṣayakaraṃ kīrtanasparśanādibhiḥ
Sanskrit only: no published translation is held for this verse.
कौर्ममन्यत्सन्निधानं कोशिक्यां पापनाशनम् । हयशीर्षं च कृष्णांशे गोविन्दं हस्तिनापुरे
kaurmamanyatsannidhānaṃ kośikyāṃ pāpanāśanam / hayaśīrṣaṃ ca kṛṣṇāṃśe govindaṃ hastināpure
Sanskrit only: no published translation is held for this verse.
तत्रिविक्रमं च कालिन्द्यां लिङ्गभेदे भवं विभुम् । केदारे माधवं शौरिं कुब्जाम्रे हृष्टमूर्धजम्
tatrivikramaṃ ca kālindyāṃ liṅgabhede bhavaṃ vibhum / kedāre mādhavaṃ śauriṃ kubjāmre hṛṣṭamūrdhajam
Sanskrit only: no published translation is held for this verse.
नारायणं बदर्थां च वाराहे गरुडासनम् । जयेशं भद्रकर्णे च विपाशायां द्विजप्रियम्
nārāyaṇaṃ badarthāṃ ca vārāhe garuḍāsanam / jayeśaṃ bhadrakarṇe ca vipāśāyāṃ dvijapriyam
Sanskrit only: no published translation is held for this verse.
रूपधारमिरावत्यां कुरुक्षेत्रे कुरुध्वजम् । कृतशौचे नृसिंहं च गोकर्णे विश्वकर्मिणम्
rūpadhāramirāvatyāṃ kurukṣetre kurudhvajam / kṛtaśauce nṛsiṃhaṃ ca gokarṇe viśvakarmiṇam
Sanskrit only: no published translation is held for this verse.
प्राचीने कामपालं च पुण्डरीकं महाम्भसि । विशाखयूपे ह्यजितं हंसं हंसपदे तथा
prācīne kāmapālaṃ ca puṇḍarīkaṃ mahāmbhasi / viśākhayūpe hyajitaṃ haṃsaṃ haṃsapade tathā
Sanskrit only: no published translation is held for this verse.
पयोष्णायामखण्डं च वितस्तायां कुमारिलम् । मणिमत्पर्वते शंभुं ब्रह्मण्ये च प्रजापतिम्
payoṣṇāyāmakhaṇḍaṃ ca vitastāyāṃ kumārilam / maṇimatparvate śaṃbhuṃ brahmaṇye ca prajāpatim
Sanskrit only: no published translation is held for this verse.
मधुनद्यां चक्रधरं शूलबाहुं हिमालये । विद्धि विष्णुं मुनिश्रेष्ट स्थितमोषधिसानुनि
madhunadyāṃ cakradharaṃ śūlabāhuṃ himālaye / viddhi viṣṇuṃ muniśreṣṭa sthitamoṣadhisānuni
Sanskrit only: no published translation is held for this verse.
भृ-गुतुङ्गे सुवर्णाश्रं नैमिषे पीतवाससम् । गयायां गोपतिं देवं गदापाणिनमीश्वरम्
bhṛ-gutuṅge suvarṇāśraṃ naimiṣe pītavāsasam / gayāyāṃ gopatiṃ devaṃ gadāpāṇinamīśvaram
Sanskrit only: no published translation is held for this verse.
त्रैलोक्यनाथं वरदं गोप्रतारे कुशेशयम् । अर्द्धनारीश्वरं पुण्ये माहेन्द्रे दभिणे गिरौ
trailokyanāthaṃ varadaṃ gopratāre kuśeśayam / arddhanārīśvaraṃ puṇye māhendre dabhiṇe girau
Sanskrit only: no published translation is held for this verse.
गोपालमुत्तरे नित्यं महेन्द्रे सोमपीथिनम् । वैकुण्ठमपि सह्याद्रौ पारियात्रऽपराजितम्
gopālamuttare nityaṃ mahendre somapīthinam / vaikuṇṭhamapi sahyādrau pāriyātra'parājitam
Sanskrit only: no published translation is held for this verse.
कशेरुदेशे देवेशं विश्वरूपं तपोधनम् । मलयाद्रौ च सौगन्धिं विन्ध्यपादे सदाशिवम्
kaśerudeśe deveśaṃ viśvarūpaṃ tapodhanam / malayādrau ca saugandhiṃ vindhyapāde sadāśivam
Sanskrit only: no published translation is held for this verse.
अवनतिविषये विष्णुं निषधेष्वमरेश्वरम् । पाञ्चालिकं च ब्रह्मर्षे पाञ्चालेषु व्यवस्थितम्
avanativiṣaye viṣṇuṃ niṣadheṣvamareśvaram / pāñcālikaṃ ca brahmarṣe pāñcāleṣu vyavasthitam
Sanskrit only: no published translation is held for this verse.
महोदये हयग्रीवं प्रयागे योगशायिनम् । स्वयंभुवं मधुवते अयोगन्धिं च पुष्करे
mahodaye hayagrīvaṃ prayāge yogaśāyinam / svayaṃbhuvaṃ madhuvate ayogandhiṃ ca puṣkare
Sanskrit only: no published translation is held for this verse.
तथैव विप्रप्रवर वाराणस्यां च केशवम् । अविमुक्तकमत्रैव लोलश्चात्रैव गीयते
tathaiva viprapravara vārāṇasyāṃ ca keśavam / avimuktakamatraiva lolaścātraiva gīyate
Sanskrit only: no published translation is held for this verse.
पद्मायां पद्मकिरणं समुद्रे वडवासुखम् । कुमारधारे बाह्लीशं कार्तिकेयं च बर्हिणम्
padmāyāṃ padmakiraṇaṃ samudre vaḍavāsukham / kumāradhāre bāhlīśaṃ kārtikeyaṃ ca barhiṇam
Sanskrit only: no published translation is held for this verse.
अजेशे शंभुमनघं स्थाणुं च कुरुजाङ्गले । वनमालिनमाहुर्मां दिष्किन्धावासिनो जनाः
ajeśe śaṃbhumanaghaṃ sthāṇuṃ ca kurujāṅgale / vanamālinamāhurmāṃ diṣkindhāvāsino janāḥ
Sanskrit only: no published translation is held for this verse.
वीरं कुवलायारूढं शङ्खचक्रगदाधरम् । श्रीवत्साह्कमुदाराङ्गं नर्मदायां श्रियः पतिम्
vīraṃ kuvalāyārūḍhaṃ śaṅkhacakragadādharam / śrīvatsāhkamudārāṅgaṃ narmadāyāṃ śriyaḥ patim
Sanskrit only: no published translation is held for this verse.
माहिष्मत्यां त्रिनयनं तत्रैव च हुताशनम् । अर्बुदे च त्रिसौपर्ण क्ष्माधरं सूकराचले
māhiṣmatyāṃ trinayanaṃ tatraiva ca hutāśanam / arbude ca trisauparṇa kṣmādharaṃ sūkarācale
Sanskrit only: no published translation is held for this verse.
त्रिणाचिकेतं ब्रह्मर्षे प्रभासे च कपर्दिनम् । तथैवात्रापि विख्यातं तृतीयं शशिसेखरम्
triṇāciketaṃ brahmarṣe prabhāse ca kapardinam / tathaivātrāpi vikhyātaṃ tṛtīyaṃ śaśisekharam
Sanskrit only: no published translation is held for this verse.
उदये शशिनं सूर्यं ध्रुवं च त्रितयं स्थितम् । हेमकूटे हिरण्याक्षं स्कन्दं शरवणे मुने
udaye śaśinaṃ sūryaṃ dhruvaṃ ca tritayaṃ sthitam / hemakūṭe hiraṇyākṣaṃ skandaṃ śaravaṇe mune
Sanskrit only: no published translation is held for this verse.
महालये स्मृतं रुद्रमुत्तरेषु कुरुष्वथ । पद्मनाभं मुनिश्रेष्ठ सर्वसौख्यप्रदायकम्
mahālaye smṛtaṃ rudramuttareṣu kuruṣvatha / padmanābhaṃ muniśreṣṭha sarvasaukhyapradāyakam
Sanskrit only: no published translation is held for this verse.
सप्तगोदावरे ब्रह्मन् विख्यातं हाटकेश्वरम् । तत्रैव च महाहंसं प्रयागे ऽपि वटेश्वरम्
saptagodāvare brahman vikhyātaṃ hāṭakeśvaram / tatraiva ca mahāhaṃsaṃ prayāge 'pi vaṭeśvaram
Sanskrit only: no published translation is held for this verse.
शोणे च रुक्मकवचं कुण्डिने घ्राणतर्पणम् । भिल्लीवने महायोगं माद्रेषु पुरुषोत्तमम्
śoṇe ca rukmakavacaṃ kuṇḍine ghrāṇatarpaṇam / bhillīvane mahāyogaṃ mādreṣu puruṣottamam
Sanskrit only: no published translation is held for this verse.
प्लक्षावतरणे विश्वं श्रीनिवासं द्विजोत्तम । शूर्पारके चतुर्बाहुं मगधायां सुधापतिम्
plakṣāvataraṇe viśvaṃ śrīnivāsaṃ dvijottama / śūrpārake caturbāhuṃ magadhāyāṃ sudhāpatim
Sanskrit only: no published translation is held for this verse.
गिरिव्रजे पशुपतिं श्रीकण्ठं यमुनातटे । वनस्पतिं समाख्यातं दण्डकारण्यवासिनम्
girivraje paśupatiṃ śrīkaṇṭhaṃ yamunātaṭe / vanaspatiṃ samākhyātaṃ daṇḍakāraṇyavāsinam
Sanskrit only: no published translation is held for this verse.
कालिञ्जरे नीलकण्ठं सरय्वां शंभुमुत्तमम् । हंसयुक्तं महाकोश्यां सर्वपापप्रणाशनम्
kāliñjare nīlakaṇṭhaṃ sarayvāṃ śaṃbhumuttamam / haṃsayuktaṃ mahākośyāṃ sarvapāpapraṇāśanam
Sanskrit only: no published translation is held for this verse.
गोकर्णे दक्षिणे शर्वं वासुदेवं प्रजामुखे । विन्घ्यशृङ्गे महाशैरिं कन्थायां मधुसूदनम्
gokarṇe dakṣiṇe śarvaṃ vāsudevaṃ prajāmukhe / vinghyaśṛṅge mahāśairiṃ kanthāyāṃ madhusūdanam
Sanskrit only: no published translation is held for this verse.
त्रिकूटशिखरे ब्रह्मन् चक्रपाणिनमीश्वरम् । लौहदण्डे हृषीकेशं कोसलायां मनोहरम्
trikūṭaśikhare brahman cakrapāṇinamīśvaram / lauhadaṇḍe hṛṣīkeśaṃ kosalāyāṃ manoharam
Sanskrit only: no published translation is held for this verse.
महाबाहुं सुराष्ट्रे च नवराष्ट्रे यशोधरम् । भूधरं देवकानद्यां महोदायां कुशप्रियम्
mahābāhuṃ surāṣṭre ca navarāṣṭre yaśodharam / bhūdharaṃ devakānadyāṃ mahodāyāṃ kuśapriyam
Sanskrit only: no published translation is held for this verse.
गोमत्यां छादितगदं शङ्खोद्धारे च शङ्खिनम् । सुनेत्रं सैन्धवारण्ये शूरं शूरपुरे स्थितम्
gomatyāṃ chāditagadaṃ śaṅkhoddhāre ca śaṅkhinam / sunetraṃ saindhavāraṇye śūraṃ śūrapure sthitam
Sanskrit only: no published translation is held for this verse.
रुद्राख्यं च हरण्वत्यां वीरभद्रं त्रिविष्टपे । शङ्कुकर्णं च भीमायां भीमं शालवने विदुः
rudrākhyaṃ ca haraṇvatyāṃ vīrabhadraṃ triviṣṭape / śaṅkukarṇaṃ ca bhīmāyāṃ bhīmaṃ śālavane viduḥ
Sanskrit only: no published translation is held for this verse.
विश्वामित्रं च गदितं कैलासे वृषभध्वजम् । महेशं महिलाशैले कामरूपे शशिप्रभम्
viśvāmitraṃ ca gaditaṃ kailāse vṛṣabhadhvajam / maheśaṃ mahilāśaile kāmarūpe śaśiprabham
Sanskrit only: no published translation is held for this verse.
बलभ्यामपि गोमित्रं कटाहे पङ्कजप्रियम् । उपेन्द्रं सिंहलद्वीपे शक्राह्वे कुन्दमालिनम्
balabhyāmapi gomitraṃ kaṭāhe paṅkajapriyam / upendraṃ siṃhaladvīpe śakrāhve kundamālinam
Sanskrit only: no published translation is held for this verse.
रसातले च विख्यातं सहस्रशिरसं मुने । कालाग्निरुद्रं तत्रैव तथान्यं कृत्तिवाससम्
rasātale ca vikhyātaṃ sahasraśirasaṃ mune / kālāgnirudraṃ tatraiva tathānyaṃ kṛttivāsasam
Sanskrit only: no published translation is held for this verse.
सुतले कूर्ममचलं वितले पङ्कजासनम् । महातले गुरो ख्यातं देवेशं छागलेश्वरम्
sutale kūrmamacalaṃ vitale paṅkajāsanam / mahātale guro khyātaṃ deveśaṃ chāgaleśvaram
Sanskrit only: no published translation is held for this verse.
तले सहस्रचरणं सहस्रभुजमीश्वरम् । सहस्राक्षं परिख्यातं मुसलाकृष्टदानवम्
tale sahasracaraṇaṃ sahasrabhujamīśvaram / sahasrākṣaṃ parikhyātaṃ musalākṛṣṭadānavam
Sanskrit only: no published translation is held for this verse.
पाताले योगिनामीशं स्थितञ्च हरिशङ्करम् । धरातले कोकनदं मेदिन्यां चक्रपाणिनम्
pātāle yogināmīśaṃ sthitañca hariśaṅkaram / dharātale kokanadaṃ medinyāṃ cakrapāṇinam
Sanskrit only: no published translation is held for this verse.
भुवर्लोके च गरुडं स्वर्लोके विष्णुमव्ययम् । महर्ल्लोके तथागस्त्यं कपिलं च जने स्थितम्
bhuvarloke ca garuḍaṃ svarloke viṣṇumavyayam / maharlloke tathāgastyaṃ kapilaṃ ca jane sthitam
Sanskrit only: no published translation is held for this verse.
तपोलोके ऽखिलं ब्रह्मन् वाङ्मयं सत्यसंयुतम् । ब्रह्माणं ब्रह्मलोके च सप्तमे वै प्रतिष्ठितम्
tapoloke 'khilaṃ brahman vāṅmayaṃ satyasaṃyutam / brahmāṇaṃ brahmaloke ca saptame vai pratiṣṭhitam
Sanskrit only: no published translation is held for this verse.
सनातनं तथा शैवे परं ब्रह्म च वैष्णवे । अप्रतर्क्यं निरालम्बे निराकाशे तपोमयम्
sanātanaṃ tathā śaive paraṃ brahma ca vaiṣṇave / apratarkyaṃ nirālambe nirākāśe tapomayam
Sanskrit only: no published translation is held for this verse.
जम्बुद्वीपे चतुर्बाहुं कुशद्वीपे कुशेशयम् । प्लक्षद्विपे मुनिश्रेष्ठ ख्यातं गरुडवाहनम्
jambudvīpe caturbāhuṃ kuśadvīpe kuśeśayam / plakṣadvipe muniśreṣṭha khyātaṃ garuḍavāhanam
Sanskrit only: no published translation is held for this verse.
पद्मनाभं तथा क्रौञ्चे शाल्मले वृषभध्वजम् । सहस्रांशुः स्थितः शाके धर्मराट् पुष्करे स्थितः
padmanābhaṃ tathā krauñce śālmale vṛṣabhadhvajam / sahasrāṃśuḥ sthitaḥ śāke dharmarāṭ puṣkare sthitaḥ
Sanskrit only: no published translation is held for this verse.
तथा पृथिव्यां ब्रह्मर्षे शालग्रामे स्थितो ऽस्मयहम् । सजलस्थलपर्यन्तं चरेषु स्तावरेषु च
tathā pṛthivyāṃ brahmarṣe śālagrāme sthito 'smayaham / sajalasthalaparyantaṃ careṣu stāvareṣu ca
Sanskrit only: no published translation is held for this verse.
एतानि पुण्यानि ममालयानि ब्रह्मन् पुराणानि सनातनानि । धर्मप्रदानीह महौजसानि संकीर्तनीयन्यघनाशनानि
etāni puṇyāni mamālayāni brahman purāṇāni sanātanāni / dharmapradānīha mahaujasāni saṃkīrtanīyanyaghanāśanāni
Sanskrit only: no published translation is held for this verse.
संकीर्तनात् स्मारणाद् दर्शनाच्च संस्पर्शनादेव च देवतायाः । धर्मार्थकामाद्यपवर्गमेव लभन्ति देवा मनुजाः ससाध्याः ॥ ६३।४६ ॥ एतानि तुभ्यं विनिवेदितानि ममालयानीह तपोमयानि । उत्तिष्ठ गच्छामि महासुरस्य यज्ञं सुराणां हि हिताय विप्र
saṃkīrtanāt smāraṇād darśanācca saṃsparśanādeva ca devatāyāḥ / dharmārthakāmādyapavargameva labhanti devā manujāḥ sasādhyāḥ // 63.46 // etāni tubhyaṃ viniveditāni mamālayānīha tapomayāni / uttiṣṭha gacchāmi mahāsurasya yajñaṃ surāṇāṃ hi hitāya vipra
Sanskrit only: no published translation is held for this verse.
पुलस्त्य उवाच । इत्येवमुक्त्वा वचनं महर्षे विष्णुर्भरद्वाजमृषिं महात्मा । विलासलीलागमनो गिरीन्द्रात् स चाभ्यगच्छत् कुरुजाङ्गलं हि
pulastya uvāca / ityevamuktvā vacanaṃ maharṣe viṣṇurbharadvājamṛṣiṃ mahātmā / vilāsalīlāgamano girīndrāt sa cābhyagacchat kurujāṅgalaṃ hi
Sanskrit only: no published translation is held for this verse.