इति श्रीवामनपुराणे पञ्चषष्टितमो ऽध्यः नारद उवाच । श्रुतं यथा भगवता बलिर्बद्धो महात्मना । किं त्वस्तयन्यत्तु प्रष्टव्यं तच्छ्रुत्वा कथयाद्य मे
iti śrīvāmanapurāṇe pañcaṣaṣṭitamo 'dhyaḥ nārada uvāca / śrutaṃ yathā bhagavatā balirbaddho mahātmanā / kiṃ tvastayanyattu praṣṭavyaṃ tacchrutvā kathayādya me
Sanskrit only: no published translation is held for this verse.
भगवान् देवराजाय दत्त्वा विष्णुस्त्रिविष्टपम् । अन्तर्धानं गतः क्वासौ सर्वात्मा तात कथ्यताम्
bhagavān devarājāya dattvā viṣṇustriviṣṭapam / antardhānaṃ gataḥ kvāsau sarvātmā tāta kathyatām
Sanskrit only: no published translation is held for this verse.
सुतलस्थश्च दैत्येन्द्रः किमकार्षीत् तथा वद । का चेष्टा तस्य विप्रर्षे तन्मे व्याख्यातुमर्हसि
sutalasthaśca daityendraḥ kimakārṣīt tathā vada / kā ceṣṭā tasya viprarṣe tanme vyākhyātumarhasi
Sanskrit only: no published translation is held for this verse.
पुलस्त्य उवाच । अन्तर्धाय सुरावासं वामनो ऽभूदवामनः । जगाम ब्रह्मसदनमधिरुह्योरगाशनम्
pulastya uvāca / antardhāya surāvāsaṃ vāmano 'bhūdavāmanaḥ / jagāma brahmasadanamadhiruhyoragāśanam
Sanskrit only: no published translation is held for this verse.
वासुदेवं समायान्तं ज्ञात्वा ब्रह्माव्ययात्मकः । समुत्थायायथ सौहार्दात् सस्वजे कमलासनः
vāsudevaṃ samāyāntaṃ jñātvā brahmāvyayātmakaḥ / samutthāyāyatha sauhārdāt sasvaje kamalāsanaḥ
Sanskrit only: no published translation is held for this verse.
सुराणां क्रतुभागार्थं स्वयंभो बलिबन्धनम्
surāṇāṃ kratubhāgārthaṃ svayaṃbho balibandhanam
Sanskrit only: no published translation is held for this verse.
पितामहस्तद् वचनं श्रुत्वा मुदितमानसः । कथं कथमिति प्राह त्वं मां दर्शितुमर्हसि
pitāmahastad vacanaṃ śrutvā muditamānasaḥ / kathaṃ kathamiti prāha tvaṃ māṃ darśitumarhasi
Sanskrit only: no published translation is held for this verse.
इत्येवमुक्ते वचने भगवान् गरुडध्वजः । दर्शयामास तद्रूपं सर्वदेवमयं लघु
ityevamukte vacane bhagavān garuḍadhvajaḥ / darśayāmāsa tadrūpaṃ sarvadevamayaṃ laghu
Sanskrit only: no published translation is held for this verse.
तं दृष्ट्वा पुण्डरीकाक्षं योजनायुतविस्तृतम् । तावानेवोर्ध्वामानेन ततो ऽजः प्रणतो ऽभवत्
taṃ dṛṣṭvā puṇḍarīkākṣaṃ yojanāyutavistṛtam / tāvānevordhvāmānena tato 'jaḥ praṇato 'bhavat
Sanskrit only: no published translation is held for this verse.
ततः प्रणम्य सुचिरं साधु साध्वित्युदीर्य च । भक्तितम्रो महादेवं पद्मजः स्तोत्रमीरयत्
tataḥ praṇamya suciraṃ sādhu sādhvityudīrya ca / bhaktitamro mahādevaṃ padmajaḥ stotramīrayat
Sanskrit only: no published translation is held for this verse.
नीतिरसि नेतासि अग्र्यो ऽसि विश्वधामासि शुभाण्डो ऽसि ध्रुवो ऽसि आरणेयो ऽसि (५५) ध्यानो ऽसि ध्येयो ऽसि ज्ञेयो ऽसि ज्ञानो ऽसि ज्ञानो ऽसि यष्टासि दानो ऽसि भूमासि ईक्ष्यो ऽसि ब्रह्मासि होतासि उद्गातासि गतिमतां गतिरसि ज्ञानिनां ज्ञानमसि योगिनां योगो ऽसि मोक्षगामिनां मोक्षो ऽसि श्रीमतां श्रीरसि गृह्यो ऽसि पातासि परमसि (६०) सोमो ऽसि सूर्यो ऽसि दीक्षासि दक्षिणासि नरो ऽसि त्रिनयनो ऽसि महानयनो ऽसि आदित्यप्रभवो ऽसि सुरोत्तमो ऽसि शुचिरसि शुक्रो ऽसि नभोसि नभस्यो ऽसि इषो ऽसि ऊर्जो ऽसि सहो ऽसि सहस्यो ऽसि तपो ऽसि तपस्यो ऽसि मधुरसि (६५) माधवो ऽसि कालो ऽसि संक्रमो ऽसि विक्रमो ऽसि पराक्रमो ऽसि अश्वग्रीवो ऽसि महामेधो ऽसि शङ्करो ऽसि हरिश्वोरो ऽसि शंभुरसि ब्रह्मेशो ऽसि सूर्यो ऽसि मित्रावरुणो ऽसि प्राग्वंशकायो ऽसि भृतादिरसि महाभूतो ऽसि ऊर्ध्वकर्मासि कर्त्तासि (७०) सर्वपापविमोचनो ऽसि त्रिविक्रमो ऽसि ॐ नमस् ते पुलस्त्य उवाच । इत्थं स्तुतः पद्मवेन विष्णुस्तपस्विभिश्चाद्भुतकार्मकारी । प्रोवाच देवं प्रपितामहं तु वरं वृणीष्वामलसत्त्ववृत्ते
nītirasi netāsi agryo 'si viśvadhāmāsi śubhāṇḍo 'si dhruvo 'si āraṇeyo 'si (55) dhyāno 'si dhyeyo 'si jñeyo 'si jñāno 'si jñāno 'si yaṣṭāsi dāno 'si bhūmāsi īkṣyo 'si brahmāsi hotāsi udgātāsi gatimatāṃ gatirasi jñānināṃ jñānamasi yogināṃ yogo 'si mokṣagāmināṃ mokṣo 'si śrīmatāṃ śrīrasi gṛhyo 'si pātāsi paramasi (60) somo 'si sūryo 'si dīkṣāsi dakṣiṇāsi naro 'si trinayano 'si mahānayano 'si ādityaprabhavo 'si surottamo 'si śucirasi śukro 'si nabhosi nabhasyo 'si iṣo 'si ūrjo 'si saho 'si sahasyo 'si tapo 'si tapasyo 'si madhurasi (65) mādhavo 'si kālo 'si saṃkramo 'si vikramo 'si parākramo 'si aśvagrīvo 'si mahāmedho 'si śaṅkaro 'si hariśvoro 'si śaṃbhurasi brahmeśo 'si sūryo 'si mitrāvaruṇo 'si prāgvaṃśakāyo 'si bhṛtādirasi mahābhūto 'si ūrdhvakarmāsi karttāsi (70) sarvapāpavimocano 'si trivikramo 'si oṃ namas te pulastya uvāca / itthaṃ stutaḥ padmavena viṣṇustapasvibhiścādbhutakārmakārī / provāca devaṃ prapitāmahaṃ tu varaṃ vṛṇīṣvāmalasattvavṛtte
Sanskrit only: no published translation is held for this verse.
तमब्रवीत् प्रीतियुतः पितामहो वरं ममेहाद्य विभो प्रयच्छ । रूपेण पुण्येन विबो ह्यनेन संस्थीयतां मद्भवने मुरारे
tamabravīt prītiyutaḥ pitāmaho varaṃ mamehādya vibho prayaccha / rūpeṇa puṇyena vibo hyanena saṃsthīyatāṃ madbhavane murāre
Sanskrit only: no published translation is held for this verse.
इत्थं वृते देववरेण प्रादात् प्रभुस्तथास्त्विति तमव्ययात्मा । तस्थौ हि रूपेण हि वामनेन संपूज्यमानः सदने स्वयंभोः
itthaṃ vṛte devavareṇa prādāt prabhustathāstviti tamavyayātmā / tasthau hi rūpeṇa hi vāmanena saṃpūjyamānaḥ sadane svayaṃbhoḥ
Sanskrit only: no published translation is held for this verse.
नृत्यन्ति तत्राप्सरसां समूह्य गायन्ति गीतानि सुरेन्द्रगायनाः । विद्याधरास्तूर्यरांश्च वादयन् स्तुवन्ति देवासुरसिद्धसङ्घाः
nṛtyanti tatrāpsarasāṃ samūhya gāyanti gītāni surendragāyanāḥ / vidyādharāstūryarāṃśca vādayan stuvanti devāsurasiddhasaṅghāḥ
Sanskrit only: no published translation is held for this verse.
ततः समाराध्य विभुं सुराधिपः पितामहो धौतमलः स शुद्धः । स्वर्गे विरिञ्चिः सदनात् सुपुष्पाण्यानीय पूजां प्रचकार विष्णोः
tataḥ samārādhya vibhuṃ surādhipaḥ pitāmaho dhautamalaḥ sa śuddhaḥ / svarge viriñciḥ sadanāt supuṣpāṇyānīya pūjāṃ pracakāra viṣṇoḥ
Sanskrit only: no published translation is held for this verse.
स्वर्गे सहस्रं स तु योजनानां विष्णोः प्रमाणेन हि वामनो ऽभूत् तत्रास्य शक्रः प्रचकार पूजां स्वयंभुवस्तुल्यगुणां महर्षे
svarge sahasraṃ sa tu yojanānāṃ viṣṇoḥ pramāṇena hi vāmano 'bhūt tatrāsya śakraḥ pracakāra pūjāṃ svayaṃbhuvastulyaguṇāṃ maharṣe
Sanskrit only: no published translation is held for this verse.
एतत् तवोक्तं भगवांस्त्रिविक्रमश्चकार यद् देवहितं महात्मा । रसातलस्थो दितिजश्चकार यत्तच्छृणुष्वाद्य वदामि विप्र
etat tavoktaṃ bhagavāṃstrivikramaścakāra yad devahitaṃ mahātmā / rasātalastho ditijaścakāra yattacchṛṇuṣvādya vadāmi vipra
Sanskrit only: no published translation is held for this verse.