Vamana-Purana, Saromahatmya 1

देवदेव उवाच सरस्वतीदृषद्वत्योरन्तरे कुरुजाङ्गले । सुनिप्रवरमासीनं पुराणं लोमहर्षणम् । अष्टच्छन्त द्विजवराः प्रभावं सरसस्तदा

devadeva uvāca sarasvatīdṛṣadvatyorantare kurujāṅgale / sunipravaramāsīnaṃ purāṇaṃ lomaharṣaṇam / aṣṭacchanta dvijavarāḥ prabhāvaṃ sarasastadā

Sanskrit only: no published translation is held for this verse.

प्रमाणं सरसो ब्रूहि तीर्थानां च विशेषतः । देवतानां च माहात्म्यमुत्पत्तिं वामनस्य च

pramāṇaṃ saraso brūhi tīrthānāṃ ca viśeṣataḥ / devatānāṃ ca māhātmyamutpattiṃ vāmanasya ca

Sanskrit only: no published translation is held for this verse.

एतच्छ्रुत्वा वचस्तेषां रोमहर्षसमन्वितः । प्रणिपत्य पुराणर्षिरिदं वचनमव्रवीत्

etacchrutvā vacasteṣāṃ romaharṣasamanvitaḥ / praṇipatya purāṇarṣiridaṃ vacanamavravīt

Sanskrit only: no published translation is held for this verse.

लोमहर्षण उवाच ब्रह्मणमग्र्यं कमलासनस्थं विष्णुं तथा लक्ष्मिसमन्वितं च । रुद्रं च देवं प्रणिपत्य मूर्ध्ना तीर्थं महद् ब्रह्मसरः प्रवक्ष्ये

lomaharṣaṇa uvāca brahmaṇamagryaṃ kamalāsanasthaṃ viṣṇuṃ tathā lakṣmisamanvitaṃ ca / rudraṃ ca devaṃ praṇipatya mūrdhnā tīrthaṃ mahad brahmasaraḥ pravakṣye

Sanskrit only: no published translation is held for this verse.

रन्तुकादौजसं यावत् पावनाच्च चतुर्मुखम् । सरः संनिहितं प्रोक्तं ब्रह्मणा पूर्वमेव तु

rantukādaujasaṃ yāvat pāvanācca caturmukham / saraḥ saṃnihitaṃ proktaṃ brahmaṇā pūrvameva tu

Sanskrit only: no published translation is held for this verse.

कलिद्वापरयोर्मध्ये व्यासेन च महात्मना । सरःप्रमाणं यत्प्रोक्तं तच्छृणुध्वं द्विजोत्तमाः

kalidvāparayormadhye vyāsena ca mahātmanā / saraḥpramāṇaṃ yatproktaṃ tacchṛṇudhvaṃ dvijottamāḥ

Sanskrit only: no published translation is held for this verse.

विश्वेश्वरादस्थिपुरं रथा कन्या जरद्गवी । यावदोघवती प्रोक्ता तावत्संनिहितं सरः

viśveśvarādasthipuraṃ rathā kanyā jaradgavī / yāvadoghavatī proktā tāvatsaṃnihitaṃ saraḥ

Sanskrit only: no published translation is held for this verse.

मया श्रुतं प्रमाणं यत् पठ्यमानं तु वामने । तच्छृणुध्वं द्विजश्रेष्ठाः पुण्यं वृद्धिकरं महत्

mayā śrutaṃ pramāṇaṃ yat paṭhyamānaṃ tu vāmane / tacchṛṇudhvaṃ dvijaśreṣṭhāḥ puṇyaṃ vṛddhikaraṃ mahat

Sanskrit only: no published translation is held for this verse.

विश्वेश्वराद् देववरा नृपावनात् सरस्वती । सरः संनिहितं ज्ञेयं समन्तादर्थयोजनम्

viśveśvarād devavarā nṛpāvanāt sarasvatī / saraḥ saṃnihitaṃ jñeyaṃ samantādarthayojanam

Sanskrit only: no published translation is held for this verse.

एतदाश्रित्य देवाश्च ऋषयश्च समागताः । सेवन्ते मुक्तिकामार्थं स्वर्गार्थे चापरे स्थिताः

etadāśritya devāśca ṛṣayaśca samāgatāḥ / sevante muktikāmārthaṃ svargārthe cāpare sthitāḥ

Sanskrit only: no published translation is held for this verse.

ब्रह्मणा सेवितमिदं सृष्टिकामेन योगिना । विष्णुना स्थितिकामेन हरिरूपेण सेवितम्

brahmaṇā sevitamidaṃ sṛṣṭikāmena yoginā / viṣṇunā sthitikāmena harirūpeṇa sevitam

Sanskrit only: no published translation is held for this verse.

रुद्रेण च सरोमध्यं प्रविष्टेन महात्मना । सेव्य तीर्थं महातेजाः स्थाणुत्वं प्राप्तवान् हरः

rudreṇa ca saromadhyaṃ praviṣṭena mahātmanā / sevya tīrthaṃ mahātejāḥ sthāṇutvaṃ prāptavān haraḥ

Sanskrit only: no published translation is held for this verse.

आद्यैषा ब्रह्मणो वेदिस्ततो रामहृदः स्मृतः । करुणा च यतः कृष्टं कुरुक्षेत्रं ततः स्मृतम्

ādyaiṣā brahmaṇo vedistato rāmahṛdaḥ smṛtaḥ / karuṇā ca yataḥ kṛṣṭaṃ kurukṣetraṃ tataḥ smṛtam

Sanskrit only: no published translation is held for this verse.

तरन्तुकारन्तुकयोर्यदन्तरं यदन्तरं रामहृदाच्चतुर्मुखम् । एत्कुरुक्षेत्रसमन्तपञ्चकं पितामहस्योत्तरवेदिरुच्यते

tarantukārantukayoryadantaraṃ yadantaraṃ rāmahṛdāccaturmukham / etkurukṣetrasamantapañcakaṃ pitāmahasyottaravedirucyate

Sanskrit only: no published translation is held for this verse.