Vamana-Purana, Saromahatmya 15

इति श्रीवामनपुराणे सरोमाहात्म्ये चतुर्दशो ऽध्यायः लोमहर्षण उवाच । मानुषस्य तु पूर्वेण क्रोशमात्रे द्विजोत्तमाः । आपगा नाम विख्याता नदी द्विजनिषेविता

iti śrīvāmanapurāṇe saromāhātmye caturdaśo 'dhyāyaḥ lomaharṣaṇa uvāca / mānuṣasya tu pūrveṇa krośamātre dvijottamāḥ / āpagā nāma vikhyātā nadī dvijaniṣevitā

Sanskrit only: no published translation is held for this verse.

श्यामाकं पयसा सिद्धमाज्येन च परिप्लुतम् । ये प्रयच्छन्ति विप्रेभ्यस्तेषां पापं न विद्यते

śyāmākaṃ payasā siddhamājyena ca pariplutam / ye prayacchanti viprebhyasteṣāṃ pāpaṃ na vidyate

Sanskrit only: no published translation is held for this verse.

ये तु श्राद्धं करिष्यन्ति प्राप्य तामापगां नदीम् । ते सर्वकामसंयुक्ता भविष्यन्ति न संशयः

ye tu śrāddhaṃ kariṣyanti prāpya tāmāpagāṃ nadīm / te sarvakāmasaṃyuktā bhaviṣyanti na saṃśayaḥ

Sanskrit only: no published translation is held for this verse.

शंसन्ति सर्वे पितरः स्मरन्ति च पितामहाः । अस्माकं च कुले पुत्रः पौत्रो वापि भविष्यति

śaṃsanti sarve pitaraḥ smaranti ca pitāmahāḥ / asmākaṃ ca kule putraḥ pautro vāpi bhaviṣyati

Sanskrit only: no published translation is held for this verse.

य आपगां नदीं गत्वा तिलैः संतर्पयिष्यति । तेन तृप्ता भविष्यामो यावत्कल्पशतं गतम्

ya āpagāṃ nadīṃ gatvā tilaiḥ saṃtarpayiṣyati / tena tṛptā bhaviṣyāmo yāvatkalpaśataṃ gatam

Sanskrit only: no published translation is held for this verse.

नभस्ये मासि सम्प्राप्ते कृष्णपक्षे विशेषतः । चतुर्दश्यां तु मध्याह्ने पिण्डदो मुक्तिमाप्नुयात्

nabhasye māsi samprāpte kṛṣṇapakṣe viśeṣataḥ / caturdaśyāṃ tu madhyāhne piṇḍado muktimāpnuyāt

Sanskrit only: no published translation is held for this verse.

ततो गच्छेत विप्रेन्द्रा ब्रह्मणः स्थनमुत्तमम् । ब्रह्मोदुम्बरमित्येवं सर्वलोकेषु पिश्रुतम्

tato gaccheta viprendrā brahmaṇaḥ sthanamuttamam / brahmodumbaramityevaṃ sarvalokeṣu piśrutam

Sanskrit only: no published translation is held for this verse.

तत्र ब्रह्मर्षिकुण्डेषु स्नातस्य द्विजसत्तमाः । सप्तर्षिणां प्रसादेन सप्तसोमफलं भवेत्

tatra brahmarṣikuṇḍeṣu snātasya dvijasattamāḥ / saptarṣiṇāṃ prasādena saptasomaphalaṃ bhavet

Sanskrit only: no published translation is held for this verse.

भरद्वाजो गौतमश्च जमदग्निश्च कश्यपः । विश्वामित्रो वसिष्ठश्च अत्रिश्च भगवानृपिः

bharadvājo gautamaśca jamadagniśca kaśyapaḥ / viśvāmitro vasiṣṭhaśca atriśca bhagavānṛpiḥ

Sanskrit only: no published translation is held for this verse.

एतैः समेत्य तत्कुण्डं कल्पितं भुवि दुर्लभम् । ब्रह्मणा सेवितं यस्माद् ब्रह्मोदुम्बरमुच्यते

etaiḥ sametya tatkuṇḍaṃ kalpitaṃ bhuvi durlabham / brahmaṇā sevitaṃ yasmād brahmodumbaramucyate

Sanskrit only: no published translation is held for this verse.

तस्मिंस्तीर्थवरे स्नातो ब्रह्मणो ऽव्यक्तजन्मनः । ब्रह्मलोकमवाप्नोति नात्र कार्या विचारणा

tasmiṃstīrthavare snāto brahmaṇo 'vyaktajanmanaḥ / brahmalokamavāpnoti nātra kāryā vicāraṇā

Sanskrit only: no published translation is held for this verse.

देवान् पितॄन् समुद्दिश्य यो विप्रं भोजयिष्यति । पितरस्तस्य सुखिता दास्यन्ति भुवि दुर्लभम्

devān pitṝn samuddiśya yo vipraṃ bhojayiṣyati / pitarastasya sukhitā dāsyanti bhuvi durlabham

Sanskrit only: no published translation is held for this verse.

सप्तर्षीश्च समुद्दश्य पृथम् स्नानं समाचरेत् । ऋषीणां च प्रसादेन सप्तलोकाधिपो भवेत्

saptarṣīśca samuddaśya pṛtham snānaṃ samācaret / ṛṣīṇāṃ ca prasādena saptalokādhipo bhavet

Sanskrit only: no published translation is held for this verse.

कपिस्थलेति विख्यातं सर्वपातकनाशनम् । यस्मिन् स्थितः खयं देवो वृद्धकेदारसंज्ञितः

kapisthaleti vikhyātaṃ sarvapātakanāśanam / yasmin sthitaḥ khayaṃ devo vṛddhakedārasaṃjñitaḥ

Sanskrit only: no published translation is held for this verse.

तत्र स्नात्वार्ऽचयित्वा च रुद्रं दिण्डिसमन्वितम् । अन्तर्धानमवाप्नोति शिवलोके स मोदते

tatra snātvār'cayitvā ca rudraṃ diṇḍisamanvitam / antardhānamavāpnoti śivaloke sa modate

Sanskrit only: no published translation is held for this verse.

यस्तत्र तर्पणं कृत्वा पिबते चुलकत्रयम् । दिण्डिदेवं नमस्कृत्य केदारस्य फलं लभेत्

yastatra tarpaṇaṃ kṛtvā pibate culakatrayam / diṇḍidevaṃ namaskṛtya kedārasya phalaṃ labhet

Sanskrit only: no published translation is held for this verse.

यस्तत्र कुरुते श्राद्धं शिवमुद्दिश्य मानवः । चैत्रसुक्लचतुर्दश्यां प्राप्नोति परमंपदम्

yastatra kurute śrāddhaṃ śivamuddiśya mānavaḥ / caitrasuklacaturdaśyāṃ prāpnoti paramaṃpadam

Sanskrit only: no published translation is held for this verse.

कलस्यां तु ततो गच्छेद् यत्र देवी स्वयं स्थिता । दुर्गा कात्यायनी भद्रा निद्रा माया सनातनी

kalasyāṃ tu tato gacched yatra devī svayaṃ sthitā / durgā kātyāyanī bhadrā nidrā māyā sanātanī

Sanskrit only: no published translation is held for this verse.

कलस्यां च नरः स्नात्वा दृष्ट्वा दुर्गा तटे स्थिताम् । संसारगहनं दुर्गंनिस्तरेन्नात्र संशयः

kalasyāṃ ca naraḥ snātvā dṛṣṭvā durgā taṭe sthitām / saṃsāragahanaṃ durgaṃnistarennātra saṃśayaḥ

Sanskrit only: no published translation is held for this verse.

ततो गच्छेत सरकं त्रैलोक्यस्यापि दुर्लभम् । कृष्णपक्षे चतुर्दश्यां दृष्ट्वा देवं महेश्वरम्

tato gaccheta sarakaṃ trailokyasyāpi durlabham / kṛṣṇapakṣe caturdaśyāṃ dṛṣṭvā devaṃ maheśvaram

Sanskrit only: no published translation is held for this verse.

लभते सर्वकामांश्च शिवलोकं स गच्छति । तिस्राः कोट्यस्तु तीर्थानां सरके द्विजसत्तमाः

labhate sarvakāmāṃśca śivalokaṃ sa gacchati / tisrāḥ koṭyastu tīrthānāṃ sarake dvijasattamāḥ

Sanskrit only: no published translation is held for this verse.

रुद्रकोटिस्तथा कूपे सरोमध्ये व्यवस्थिता । तस्मिन् सरे च यः स्नात्वा रुद्रकोटिं स्मरेन्नरः

rudrakoṭistathā kūpe saromadhye vyavasthitā / tasmin sare ca yaḥ snātvā rudrakoṭiṃ smarennaraḥ

Sanskrit only: no published translation is held for this verse.

पूजिता रुद्रकोटिश्च भविष्यति न संशयः । रुद्राणां च प्रसादेन सर्वदोषविवर्जितः

pūjitā rudrakoṭiśca bhaviṣyati na saṃśayaḥ / rudrāṇāṃ ca prasādena sarvadoṣavivarjitaḥ

Sanskrit only: no published translation is held for this verse.

ऐन्द्रज्ञानेन संयुक्तः परं पदमवाप्नुयात् । इडास्पदं च तत्रैव तीर्थं पापभयापहम्

aindrajñānena saṃyuktaḥ paraṃ padamavāpnuyāt / iḍāspadaṃ ca tatraiva tīrthaṃ pāpabhayāpaham

Sanskrit only: no published translation is held for this verse.

अस्मिन् मुक्तिमवाप्नोति दर्शनादेव मानवः । तत्र स्नात्वार्ऽथयित्वा च पितृदेवगणानपि

asmin muktimavāpnoti darśanādeva mānavaḥ / tatra snātvār'thayitvā ca pitṛdevagaṇānapi

Sanskrit only: no published translation is held for this verse.

न दुर्गतिमवाप्नोति मनसा चिन्तितं लभेत् । केदारं च महातीर्थं सर्वकल्मषनाशनम्

na durgatimavāpnoti manasā cintitaṃ labhet / kedāraṃ ca mahātīrthaṃ sarvakalmaṣanāśanam

Sanskrit only: no published translation is held for this verse.

तत्र स्नात्वा तु पुरुषः सर्वदानफलं लभेत् । किंरूपं च महातीर्थं तत्रैव भुवि दुर्लभम्

tatra snātvā tu puruṣaḥ sarvadānaphalaṃ labhet / kiṃrūpaṃ ca mahātīrthaṃ tatraiva bhuvi durlabham

Sanskrit only: no published translation is held for this verse.

सरकस्य तु पूर्वेण तीर्थं त्रैलोक्यविश्रुतम् । अन्यजन्म सुविख्यातं सर्वपापप्रणाशनम्

sarakasya tu pūrveṇa tīrthaṃ trailokyaviśrutam / anyajanma suvikhyātaṃ sarvapāpapraṇāśanam

Sanskrit only: no published translation is held for this verse.

नारसिंहं वपुः कृत्वा हत्वा दानवमूर्जितम् । तिर्यग्योनौ स्थितो विष्णुः सिंहेषु रतिमाप्नुवन्

nārasiṃhaṃ vapuḥ kṛtvā hatvā dānavamūrjitam / tiryagyonau sthito viṣṇuḥ siṃheṣu ratimāpnuvan

Sanskrit only: no published translation is held for this verse.

ततो देवाः सगन्धर्वा आराघ्य वरदं शिवम् । ऊचुः प्रणतसर्वाङ्गा विष्णुदेहस्य लम्भने

tato devāḥ sagandharvā ārāghya varadaṃ śivam / ūcuḥ praṇatasarvāṅgā viṣṇudehasya lambhane

Sanskrit only: no published translation is held for this verse.

ततो देवो महात्मासौ शारभं रूपमास्थितः । युद्धं च कारयामास दिव्यं वर्षसहस्रकम् । युध्यमानौ तु तौ देवौ पतितौ सरमध्यतः

tato devo mahātmāsau śārabhaṃ rūpamāsthitaḥ / yuddhaṃ ca kārayāmāsa divyaṃ varṣasahasrakam / yudhyamānau tu tau devau patitau saramadhyataḥ

Sanskrit only: no published translation is held for this verse.

तस्मिन् सरस्तटे विप्रो देवर्षिर्नारदः स्थितः । अश्वत्थवृक्षमाश्रित्य ध्यानस्थस्तौ ददर्श ह

tasmin sarastaṭe vipro devarṣirnāradaḥ sthitaḥ / aśvatthavṛkṣamāśritya dhyānasthastau dadarśa ha

Sanskrit only: no published translation is held for this verse.

विष्णुश्चतुर्भुजो जज्ञे लिङ्गाकारः शिवः स्थितः । तौ दृष्ट्वा तत्र पुरुषौ तुष्टाव भक्तिभावितः

viṣṇuścaturbhujo jajñe liṅgākāraḥ śivaḥ sthitaḥ / tau dṛṣṭvā tatra puruṣau tuṣṭāva bhaktibhāvitaḥ

Sanskrit only: no published translation is held for this verse.

नमः शिवाय देवाय विष्णवे प्रभविष्णवे । हरये च उमाभर्त्रे स्थितिकालभृते नमः

namaḥ śivāya devāya viṣṇave prabhaviṣṇave / haraye ca umābhartre sthitikālabhṛte namaḥ

Sanskrit only: no published translation is held for this verse.

हराय वहुरूपाय विश्वरूपाय विष्णवे । त्र्यम्बकाय सुसुद्धाय कुष्णाय ज्ञानहेतवे

harāya vahurūpāya viśvarūpāya viṣṇave / tryambakāya susuddhāya kuṣṇāya jñānahetave

Sanskrit only: no published translation is held for this verse.

धन्यो ऽहं सुकृती नित्यं यद् दृष्टो पुरुषोत्तमौ । ममाश्रममिदं पुण्यं युवाभ्यां विमलीकृतम् । अद्यप्रभृति त्रैलोक्ये अन्यजन्मेति विश्रुतम्

dhanyo 'haṃ sukṛtī nityaṃ yad dṛṣṭo puruṣottamau / mamāśramamidaṃ puṇyaṃ yuvābhyāṃ vimalīkṛtam / adyaprabhṛti trailokye anyajanmeti viśrutam

Sanskrit only: no published translation is held for this verse.

य इहागत्य स्नात्वा च पितॄन् संतर्पयिष्यति । तस्य श्रद्धान्वितस्येह ज्ञानमैन्द्रं भविष्यति

ya ihāgatya snātvā ca pitṝn saṃtarpayiṣyati / tasya śraddhānvitasyeha jñānamaindraṃ bhaviṣyati

Sanskrit only: no published translation is held for this verse.

अश्वत्थस्य तु यन्मूलं सदा तत्र वसाम्यहम् । अश्वत्थवन्दनं कृत्वा यमं रौद्रं न पश्यति

aśvatthasya tu yanmūlaṃ sadā tatra vasāmyaham / aśvatthavandanaṃ kṛtvā yamaṃ raudraṃ na paśyati

Sanskrit only: no published translation is held for this verse.

ततो गच्छेत विप्रेन्द्रा नागस्य ह्रदमुत्तमम् । पौण्डरीके नरः स्नात्वा पुण्डरीकफलं लभेत्

tato gaccheta viprendrā nāgasya hradamuttamam / pauṇḍarīke naraḥ snātvā puṇḍarīkaphalaṃ labhet

Sanskrit only: no published translation is held for this verse.

दशम्यां शुक्लपक्षस्य चैत्रस्य तु विशेषतः । स्नानं जपं तथा श्राद्धं मुक्तिमार्गप्रदायकम्

daśamyāṃ śuklapakṣasya caitrasya tu viśeṣataḥ / snānaṃ japaṃ tathā śrāddhaṃ muktimārgapradāyakam

Sanskrit only: no published translation is held for this verse.

ततस्त्रिविष्टवं गच्छेत् तीर्थं देवनषेवितम् । तत्र वैतरणी पुण्या नदी पापप्रमोचनी

tatastriviṣṭavaṃ gacchet tīrthaṃ devanaṣevitam / tatra vaitaraṇī puṇyā nadī pāpapramocanī

Sanskrit only: no published translation is held for this verse.

तत्र स्नात्वार्ऽचयित्वा च शूलपाणिं वृषध्वजम् । सर्वपापविशुद्धात्मा गच्छत्येव परां गतिम्

tatra snātvār'cayitvā ca śūlapāṇiṃ vṛṣadhvajam / sarvapāpaviśuddhātmā gacchatyeva parāṃ gatim

Sanskrit only: no published translation is held for this verse.

ततो गच्छेत विप्रेन्द्रा रसावर्तमनुत्तमम् । तत्र स्नात्वा भक्तियुक्तः सिद्धिमाप्नोत्यनुत्तमाम्

tato gaccheta viprendrā rasāvartamanuttamam / tatra snātvā bhaktiyuktaḥ siddhimāpnotyanuttamām

Sanskrit only: no published translation is held for this verse.

चैत्र शुक्लचतुर्दश्यां तीर्थे स्नात्वा ह्यलेपके । पूजयित्वा शिवं तत्र पापलेपो न विद्यते

caitra śuklacaturdaśyāṃ tīrthe snātvā hyalepake / pūjayitvā śivaṃ tatra pāpalepo na vidyate

Sanskrit only: no published translation is held for this verse.

ततो गच्छेन विप्रन्द्राः फलकीवनमुत्तमम् । यत्र देवाः सगन्धर्वाः साध्याश्च ऋषयः स्थिताः । तपश्चरन्ति विपुलं दिव्यं वर्षसहस्रकम्

tato gacchena viprandrāḥ phalakīvanamuttamam / yatra devāḥ sagandharvāḥ sādhyāśca ṛṣayaḥ sthitāḥ / tapaścaranti vipulaṃ divyaṃ varṣasahasrakam

Sanskrit only: no published translation is held for this verse.

दृषद्वत्यां नरः स्नात्वा तर्पयित्वा च देवताः । अग्निष्टोमातिरात्राभ्यां फलं विन्दति मावनः

dṛṣadvatyāṃ naraḥ snātvā tarpayitvā ca devatāḥ / agniṣṭomātirātrābhyāṃ phalaṃ vindati māvanaḥ

Sanskrit only: no published translation is held for this verse.

सोमक्षये च संप्राप्ते सोमस्य च दिने तथा । यः श्राद्धं कुरुते मर्त्यस्तस्य पुण्यफलं शृणु

somakṣaye ca saṃprāpte somasya ca dine tathā / yaḥ śrāddhaṃ kurute martyastasya puṇyaphalaṃ śṛṇu

Sanskrit only: no published translation is held for this verse.

गयायां च यता श्राद्ध पितृन् प्रीणाति नित्यशः । तथा श्राद्धं च कर्तव्यं फलकीवनमाश्रितैः

gayāyāṃ ca yatā śrāddha pitṛn prīṇāti nityaśaḥ / tathā śrāddhaṃ ca kartavyaṃ phalakīvanamāśritaiḥ

Sanskrit only: no published translation is held for this verse.

मनसा स्मरते यस्तु फलकीवनमुत्तमम् । तस्यापि पितरस्तृप्तिं प्रयास्यन्ति न संशयः

manasā smarate yastu phalakīvanamuttamam / tasyāpi pitarastṛptiṃ prayāsyanti na saṃśayaḥ

Sanskrit only: no published translation is held for this verse.

तत्रापि तीर्थं सुमहत् सर्वदेवैरलङ्कृतम् । तस्मिन् स्नातस्तु पुरुषो गोसहस्रफलं लभेत्

tatrāpi tīrthaṃ sumahat sarvadevairalaṅkṛtam / tasmin snātastu puruṣo gosahasraphalaṃ labhet

Sanskrit only: no published translation is held for this verse.

पाणिखाते नरः स्नात्वा पितृन् संतर्प्य मानवः । अवाप्नुयाद् राजसूयं सांख्यं योगं च विन्दति

pāṇikhāte naraḥ snātvā pitṛn saṃtarpya mānavaḥ / avāpnuyād rājasūyaṃ sāṃkhyaṃ yogaṃ ca vindati

Sanskrit only: no published translation is held for this verse.

ततो गच्छेत सुमहत् तीर्थं मिश्रकमुत्तमम् । तत्र तीर्थानि मुनिना मिश्रितानि महात्मना

tato gaccheta sumahat tīrthaṃ miśrakamuttamam / tatra tīrthāni muninā miśritāni mahātmanā

Sanskrit only: no published translation is held for this verse.

व्यासेन मुनिशार्दुला दधीच्यर्थं महात्मना । सर्वतीर्थेषु स स्नाति मिश्रके स्नाति यो नरः

vyāsena muniśārdulā dadhīcyarthaṃ mahātmanā / sarvatīrtheṣu sa snāti miśrake snāti yo naraḥ

Sanskrit only: no published translation is held for this verse.

ततो व्यासवनं गच्छेन्नियतो नियताशनः । मनोजवे नरः स्नात्वा मिश्रके स्नाति यो नरः

tato vyāsavanaṃ gacchenniyato niyatāśanaḥ / manojave naraḥ snātvā miśrake snāti yo naraḥ

Sanskrit only: no published translation is held for this verse.

मनसा चिन्तितं सर्वं सिध्यते नात्र संशयः । गत्वा मधुवटीं चैव देव्यास्तीर्थं नरः शुचिः

manasā cintitaṃ sarvaṃ sidhyate nātra saṃśayaḥ / gatvā madhuvaṭīṃ caiva devyāstīrthaṃ naraḥ śuciḥ

Sanskrit only: no published translation is held for this verse.

तत्र स्नात्वार्ऽचयेद् देवान् पितॄंश्च प्रयतो नरः । स देव्या समनुज्ञातो यथा सिद्धिं लभेन्नरः

tatra snātvār'cayed devān pitṝṃśca prayato naraḥ / sa devyā samanujñāto yathā siddhiṃ labhennaraḥ

Sanskrit only: no published translation is held for this verse.

कौशिक्याः संगमे यस्तु दृषद्वत्यां नरोत्तमः । स्नायीत नयताहारः सर्वपापैः प्रमुच्यते

kauśikyāḥ saṃgame yastu dṛṣadvatyāṃ narottamaḥ / snāyīta nayatāhāraḥ sarvapāpaiḥ pramucyate

Sanskrit only: no published translation is held for this verse.

ततो व्यासस्थली नाम यत्र व्यासेन धीमता । पुत्रशोकाभिभूतेन देहत्यागाय निश्चयः

tato vyāsasthalī nāma yatra vyāsena dhīmatā / putraśokābhibhūtena dehatyāgāya niścayaḥ

Sanskrit only: no published translation is held for this verse.

कृतो देवैश्च विप्रेन्द्राः पुनरुत्थापितस्तदा । अभिगम्य स्थलीं तस्य पुत्रशोकं न विन्दति

kṛto devaiśca viprendrāḥ punarutthāpitastadā / abhigamya sthalīṃ tasya putraśokaṃ na vindati

Sanskrit only: no published translation is held for this verse.

गिन्दत्तं कूपमासाद्य तिलप्रस्थं प्रदाय च । गच्छेत परमां सिद्धिं ऋणैर्मुक्तिमवाप्नुयात्

gindattaṃ kūpamāsādya tilaprasthaṃ pradāya ca / gaccheta paramāṃ siddhiṃ ṛṇairmuktimavāpnuyāt

Sanskrit only: no published translation is held for this verse.

यह्नं च सुदिनं चैव द्वे तीर्थे भुवि दुर्लभे । तयोः स्नात्वा विशुद्धात्मा सूर्यलोकमपाप्नुयात्

yahnaṃ ca sudinaṃ caiva dve tīrthe bhuvi durlabhe / tayoḥ snātvā viśuddhātmā sūryalokamapāpnuyāt

Sanskrit only: no published translation is held for this verse.

कृतजप्यं ततो गच्छेत् त्रिषु लोकेषु विश्रुतम् । तत्राभिषेकं कुवीन्त गङ्गायां प्रयतः स्थितः

kṛtajapyaṃ tato gacchet triṣu lokeṣu viśrutam / tatrābhiṣekaṃ kuvīnta gaṅgāyāṃ prayataḥ sthitaḥ

Sanskrit only: no published translation is held for this verse.

अर्चयित्वा महादेवमश्वमेधफलं लभेत् । कोटितीर्थं च तत्रैव दृष्ट्वा कोटीश्वरं प्रभुम्

arcayitvā mahādevamaśvamedhaphalaṃ labhet / koṭitīrthaṃ ca tatraiva dṛṣṭvā koṭīśvaraṃ prabhum

Sanskrit only: no published translation is held for this verse.

तत्र स्व्नात्वा श्रद्दधानः कोटियज्ञफलं लभेत् । ततो वामनकं गच्छेत् त्रिषु लोकेषु विश्रुतम्

tatra svnātvā śraddadhānaḥ koṭiyajñaphalaṃ labhet / tato vāmanakaṃ gacchet triṣu lokeṣu viśrutam

Sanskrit only: no published translation is held for this verse.

यत्र वामनरूपेण विष्णुना प्रभविष्णुना । बलेरपहृतं राज्यमिन्द्राय प्रतिपादितम्

yatra vāmanarūpeṇa viṣṇunā prabhaviṣṇunā / balerapahṛtaṃ rājyamindrāya pratipāditam

Sanskrit only: no published translation is held for this verse.

तत्र विष्णुपदेस्नात्वा अर्चयित्वा च वामनम् । सर्वपापविशुद्धात्मा विष्णुलोकमवाप्नुयात्

tatra viṣṇupadesnātvā arcayitvā ca vāmanam / sarvapāpaviśuddhātmā viṣṇulokamavāpnuyāt

Sanskrit only: no published translation is held for this verse.

ज्येष्ठाश्रमं च तत्रैव सर्वपातकनाशनम् । तं तु दृष्ट्वा नरो मुक्तिं संप्रयाति न संशयः

jyeṣṭhāśramaṃ ca tatraiva sarvapātakanāśanam / taṃ tu dṛṣṭvā naro muktiṃ saṃprayāti na saṃśayaḥ

Sanskrit only: no published translation is held for this verse.

ज्येष्ठे मासि सिते पक्षे एकादश्यामुपोषितः । द्वादश्यां च नरः स्नात्वा ज्येष्ठत्वं लभते नृपु

jyeṣṭhe māsi site pakṣe ekādaśyāmupoṣitaḥ / dvādaśyāṃ ca naraḥ snātvā jyeṣṭhatvaṃ labhate nṛpu

Sanskrit only: no published translation is held for this verse.

तत्र प्रतिष्ठिता विप्रा विष्णुना प्रभविष्णुना । दीक्षाप्रतिष्ठासंयुक्ता विष्णुप्रीणनतत्पराः

tatra pratiṣṭhitā viprā viṣṇunā prabhaviṣṇunā / dīkṣāpratiṣṭhāsaṃyuktā viṣṇuprīṇanatatparāḥ

Sanskrit only: no published translation is held for this verse.

तेभ्यो दत्तानि श्राद्धानि दानानि विविधानि च । अक्षयाणि भविष्यन्ति यावन्मन्वन्तरस्थितिः

tebhyo dattāni śrāddhāni dānāni vividhāni ca / akṣayāṇi bhaviṣyanti yāvanmanvantarasthitiḥ

Sanskrit only: no published translation is held for this verse.

तत्रैव कोटितीर्थं च त्रिषु लोकेषु विश्रुतम् । तस्मिस्तीर्थे नरः स्नात्वा कोटियज्ञफलं लभेत्

tatraiva koṭitīrthaṃ ca triṣu lokeṣu viśrutam / tasmistīrthe naraḥ snātvā koṭiyajñaphalaṃ labhet

Sanskrit only: no published translation is held for this verse.

कोटीश्वरं नरो दृष्ट्वा तस्मितीर्थे महेश्वरम् । महादेवप्रसादेन गाणपत्यमवाप्नुयात्

koṭīśvaraṃ naro dṛṣṭvā tasmitīrthe maheśvaram / mahādevaprasādena gāṇapatyamavāpnuyāt

Sanskrit only: no published translation is held for this verse.

तत्रैव सुमहत् तीर्थं सूर्यस्य च महात्मनः । तस्मिन् स्नात्वा भक्तिभुक्तः सूर्यलोके महीयते

tatraiva sumahat tīrthaṃ sūryasya ca mahātmanaḥ / tasmin snātvā bhaktibhuktaḥ sūryaloke mahīyate

Sanskrit only: no published translation is held for this verse.

ततो गच्छेत विप्रैन्द्रास्तीर्थं कल्मषनाशनम् । कुलोत्तारणनामानं विष्णुना कल्पितं पुरा

tato gaccheta vipraindrāstīrthaṃ kalmaṣanāśanam / kulottāraṇanāmānaṃ viṣṇunā kalpitaṃ purā

Sanskrit only: no published translation is held for this verse.

वर्णानामाश्रमाणां च तारणाय सुनिर्मलम् । ब्रह्मचर्यात्परं मोक्षं य इच्छिन्ति सुनिर्मलम् । ते ऽपि तत्तीर्थमासाद्य पश्यन्ति परमं पदम्

varṇānāmāśramāṇāṃ ca tāraṇāya sunirmalam / brahmacaryātparaṃ mokṣaṃ ya icchinti sunirmalam / te 'pi tattīrthamāsādya paśyanti paramaṃ padam

Sanskrit only: no published translation is held for this verse.

ब्रह्मचारी गृहस्थश्च वानप्रस्थो यतिस्तथा । कुलानि तारयेत् स्नातः सप्त सप्त च सप्त च

brahmacārī gṛhasthaśca vānaprastho yatistathā / kulāni tārayet snātaḥ sapta sapta ca sapta ca

Sanskrit only: no published translation is held for this verse.

ब्राह्मणाः क्षत्रिया वैश्याः सूद्रा ये तत्परायणाः । स्नाता भक्तियुताः सर्वे पश्यन्ति परमं पदम्

brāhmaṇāḥ kṣatriyā vaiśyāḥ sūdrā ye tatparāyaṇāḥ / snātā bhaktiyutāḥ sarve paśyanti paramaṃ padam

Sanskrit only: no published translation is held for this verse.

दूरस्थो ऽपि स्मरेद् यस्तु कुरुक्षेत्रं सवामनम् । सो ऽपि मुक्तिमवाप्नोति किं पुनर्न्निवसन्नरः

dūrastho 'pi smared yastu kurukṣetraṃ savāmanam / so 'pi muktimavāpnoti kiṃ punarnnivasannaraḥ

Sanskrit only: no published translation is held for this verse.