Vamana-Purana, Saromahatmya 16

इति श्रीवामनपुराणे सरोमाहात्म्ने पञ्चदशो ऽध्यायः लोमहर्षण उवाच । पवनस्य ह्रदे स्नात्वा दृष्ट्वा देवं महेश्वरम् । विमुक्तः कलुषैः सर्वैः शैवं पदमवाप्नुयात्

iti śrīvāmanapurāṇe saromāhātmne pañcadaśo 'dhyāyaḥ lomaharṣaṇa uvāca / pavanasya hrade snātvā dṛṣṭvā devaṃ maheśvaram / vimuktaḥ kaluṣaiḥ sarvaiḥ śaivaṃ padamavāpnuyāt

Sanskrit only: no published translation is held for this verse.

पुत्रशोकेन पवनो यस्मिल्लीनो बभूव ह । ततः सब्रह्मकैर्देवैः प्रसाद्य प्रकटीकृतः

putraśokena pavano yasmillīno babhūva ha / tataḥ sabrahmakairdevaiḥ prasādya prakaṭīkṛtaḥ

Sanskrit only: no published translation is held for this verse.

अतो गच्छेत अमृतं स्थानं तच्छूलपाणिनः । यत्र देवैः सगन्धर्वैः हनुमान् प्रकटीकृतः

ato gaccheta amṛtaṃ sthānaṃ tacchūlapāṇinaḥ / yatra devaiḥ sagandharvaiḥ hanumān prakaṭīkṛtaḥ

Sanskrit only: no published translation is held for this verse.

तत्र तीर्थे नरः स्नात्वा अमृतत्वमवाप्नुयात् । कुलोत्तारणमासाद्य तीर्थसेवी द्विजोत्तमः

tatra tīrthe naraḥ snātvā amṛtatvamavāpnuyāt / kulottāraṇamāsādya tīrthasevī dvijottamaḥ

Sanskrit only: no published translation is held for this verse.

कुलानि तारयेत् सर्वान् मातामहपितामहान् । शालिहोत्रस्य राजर्षेस्तीर्थं त्रैलोक्यविश्रुतम्

kulāni tārayet sarvān mātāmahapitāmahān / śālihotrasya rājarṣestīrthaṃ trailokyaviśrutam

Sanskrit only: no published translation is held for this verse.

तत्र स्नात्वा विमुक्तस्तु कलुषैर्दैहसंभवैः । श्रीकुञ्जं तु सरस्वत्यां तीर्थं त्रैलोक्यविश्रुतम्

tatra snātvā vimuktastu kaluṣairdaihasaṃbhavaiḥ / śrīkuñjaṃ tu sarasvatyāṃ tīrthaṃ trailokyaviśrutam

Sanskrit only: no published translation is held for this verse.

तत्र स्नात्वा नरो भक्त्या अग्निष्टोमफलं लभेत् । ततो नैमिषकुञ्जं तु समासाद्य नरः शुचिः

tatra snātvā naro bhaktyā agniṣṭomaphalaṃ labhet / tato naimiṣakuñjaṃ tu samāsādya naraḥ śuciḥ

Sanskrit only: no published translation is held for this verse.

नैमिषस्य च स्नानेन यत् पुण्यं तत् समाप्नुयात् । तत्र तीर्थं महाख्यातं वेदवत्या निषेवितम्

naimiṣasya ca snānena yat puṇyaṃ tat samāpnuyāt / tatra tīrthaṃ mahākhyātaṃ vedavatyā niṣevitam

Sanskrit only: no published translation is held for this verse.

रावणेन गृहीतायाः केशेषु द्विजसत्तमाः । तद्वधाय च सा प्राणान् मुमुचे शोककर्शिता

rāvaṇena gṛhītāyāḥ keśeṣu dvijasattamāḥ / tadvadhāya ca sā prāṇān mumuce śokakarśitā

Sanskrit only: no published translation is held for this verse.

ततो जाता गृहे राज्ञो नजकस्य महात्मनः । सीता नामेति विख्याता रामपत्नी पतिव्रता

tato jātā gṛhe rājño najakasya mahātmanaḥ / sītā nāmeti vikhyātā rāmapatnī pativratā

Sanskrit only: no published translation is held for this verse.

सा हृता रावणेनेह विनाशायात्मनः स्वयम् । रामेण रावणं हत्वा अभिषिच्य विभिषणम्

sā hṛtā rāvaṇeneha vināśāyātmanaḥ svayam / rāmeṇa rāvaṇaṃ hatvā abhiṣicya vibhiṣaṇam

Sanskrit only: no published translation is held for this verse.

समानीता गृहं सीता कीर्तिरात्मवता यथा । तस्यास्तीर्थे नरः स्नात्वा कन्यायज्ञफलं लभेत्

samānītā gṛhaṃ sītā kīrtirātmavatā yathā / tasyāstīrthe naraḥ snātvā kanyāyajñaphalaṃ labhet

Sanskrit only: no published translation is held for this verse.

विमुक्तः कलुषैः सर्वैः प्राप्नोति परमं पदम् । ततो गच्छेत सुमहद् ब्रह्मणः स्थानमुत्तमम

vimuktaḥ kaluṣaiḥ sarvaiḥ prāpnoti paramaṃ padam / tato gaccheta sumahad brahmaṇaḥ sthānamuttamama

Sanskrit only: no published translation is held for this verse.

यत्र वर्णावरः स्नात्वा ब्राह्मण्यं लभते नरः । ब्राह्मणश्च विशुद्धत्मा परं पदमवाप्नुयात्

yatra varṇāvaraḥ snātvā brāhmaṇyaṃ labhate naraḥ / brāhmaṇaśca viśuddhatmā paraṃ padamavāpnuyāt

Sanskrit only: no published translation is held for this verse.

ततो गच्छेत सोमस्य तीर्थं त्रैलोक्यदुर्लभम् । यत्र सोमस्तपस्तप्त्वा द्विजराज्यमवाप्नुयात्

tato gaccheta somasya tīrthaṃ trailokyadurlabham / yatra somastapastaptvā dvijarājyamavāpnuyāt

Sanskrit only: no published translation is held for this verse.

यत्र सप्त सरस्वत्य एकीभूता वहन्ति च

yatra sapta sarasvatya ekībhūtā vahanti ca

Sanskrit only: no published translation is held for this verse.

सुप्रभा काञ्चनाक्षी च विशाला मानसह्रदा । सरस्वत्योघनामा च सुवेणुर्विमलोदका

suprabhā kāñcanākṣī ca viśālā mānasahradā / sarasvatyoghanāmā ca suveṇurvimalodakā

Sanskrit only: no published translation is held for this verse.

पितामहस्य यजतः पुष्करेषु स्थितस्य ह । अब्रुवन् ऋषयः सर्वे नायं यज्ञो महाफलः

pitāmahasya yajataḥ puṣkareṣu sthitasya ha / abruvan ṛṣayaḥ sarve nāyaṃ yajño mahāphalaḥ

Sanskrit only: no published translation is held for this verse.

न दृश्यते सरिच्छ्रेष्ठा यस्मादिह सरस्वती । तछ्रुत्वा भगवान् प्रीतः सस्माराथ सरस्वतीम्

na dṛśyate saricchreṣṭhā yasmādiha sarasvatī / tachrutvā bhagavān prītaḥ sasmārātha sarasvatīm

Sanskrit only: no published translation is held for this verse.

पितामहेन यजता आहूता पुष्करेषु वै । सुप्रभा नाम सा देवी तत्र ख्याता सरस्वती

pitāmahena yajatā āhūtā puṣkareṣu vai / suprabhā nāma sā devī tatra khyātā sarasvatī

Sanskrit only: no published translation is held for this verse.

तां दृष्ट्वा मुनयः प्रीता वेगयुक्तां सरस्वतीम् । पितामहं मानयन्तीं ते तु तां बहु मेनिरे

tāṃ dṛṣṭvā munayaḥ prītā vegayuktāṃ sarasvatīm / pitāmahaṃ mānayantīṃ te tu tāṃ bahu menire

Sanskrit only: no published translation is held for this verse.

एवमेषा सरिच्छ्रेष्ठा पुष्करस्था सरस्वती । समानीता सुरुक्षेत्रे मङ्कणेन महात्मना

evameṣā saricchreṣṭhā puṣkarasthā sarasvatī / samānītā surukṣetre maṅkaṇena mahātmanā

Sanskrit only: no published translation is held for this verse.

नैमिषे मुनयः स्थित्वा शौनकाद्यास्तपोधनाः । ते पृच्छन्ति महात्मानं पौराणं लोमहर्षणम्

naimiṣe munayaḥ sthitvā śaunakādyāstapodhanāḥ / te pṛcchanti mahātmānaṃ paurāṇaṃ lomaharṣaṇam

Sanskrit only: no published translation is held for this verse.

कथं यज्ञफलो ऽस्माकं वर्ततां सत्पथे भवेत् । ततो ऽब्रेवीन्महाभागाः प्रणम्य शिरसा ऋतीन्

kathaṃ yajñaphalo 'smākaṃ vartatāṃ satpathe bhavet / tato 'brevīnmahābhāgāḥ praṇamya śirasā ṛtīn

Sanskrit only: no published translation is held for this verse.

सरस्वती स्थिता यत्र तत्र यज्ञफलं महत् । एतच्छ्रुत्वा तु मनुयो नानास्वाध्यायवेदिनः

sarasvatī sthitā yatra tatra yajñaphalaṃ mahat / etacchrutvā tu manuyo nānāsvādhyāyavedinaḥ

Sanskrit only: no published translation is held for this verse.

समागम्य ततः सर्वे सस्मरुस्ते सरस्वतीम् । सा तु ध्याता ततस्तत्र ऋषिभिः सत्रयाजिभिः

samāgamya tataḥ sarve sasmaruste sarasvatīm / sā tu dhyātā tatastatra ṛṣibhiḥ satrayājibhiḥ

Sanskrit only: no published translation is held for this verse.

समागता प्लावनार्थं यज्ञे तेषां महात्मनाम् । नैमिषे काञ्चनाक्षी तु स्मृता मङ्कणकेन सा

samāgatā plāvanārthaṃ yajñe teṣāṃ mahātmanām / naimiṣe kāñcanākṣī tu smṛtā maṅkaṇakena sā

Sanskrit only: no published translation is held for this verse.

समागता कुरुक्षेत्रं पुण्यतोय सरस्वती । गयस्य यजमानस्य गयेष्वेव महाक्रतुम्

samāgatā kurukṣetraṃ puṇyatoya sarasvatī / gayasya yajamānasya gayeṣveva mahākratum

Sanskrit only: no published translation is held for this verse.

आहूता च सरिच्छ्रेष्ठा गययज्ञे सरस्वती । विशालां नाम तां प्राहुरृषयः संशितव्रताः

āhūtā ca saricchreṣṭhā gayayajñe sarasvatī / viśālāṃ nāma tāṃ prāhurṛṣayaḥ saṃśitavratāḥ

Sanskrit only: no published translation is held for this verse.

सरित् सा हि समाहूता मङ्कणेन महात्मना । कुरुक्षेत्रं समायाता प्रविष्टा च महानदी

sarit sā hi samāhūtā maṅkaṇena mahātmanā / kurukṣetraṃ samāyātā praviṣṭā ca mahānadī

Sanskrit only: no published translation is held for this verse.

उत्तरे कोशलाभागे पुण्ये देवर्षिसेविते । उद्दालकेन मुनिना तत्र ध्याता सरस्वती

uttare kośalābhāge puṇye devarṣisevite / uddālakena muninā tatra dhyātā sarasvatī

Sanskrit only: no published translation is held for this verse.

आजगाम सरिच्छ्रेष्ठा तं देशं मुनिकारणात् । पूज्यमाना मुनिगणैर्वल्कलाजिनसंवृतैः

ājagāma saricchreṣṭhā taṃ deśaṃ munikāraṇāt / pūjyamānā munigaṇairvalkalājinasaṃvṛtaiḥ

Sanskrit only: no published translation is held for this verse.

मनोहरेति विख्याता सर्वपापक्षयावहा । आहूता सा कुरुक्षेत्रे मङ्कणेन महात्मना । ऋषेः संमाननार्थाय प्रविष्टा तीर्थमुत्तमम्

manohareti vikhyātā sarvapāpakṣayāvahā / āhūtā sā kurukṣetre maṅkaṇena mahātmanā / ṛṣeḥ saṃmānanārthāya praviṣṭā tīrthamuttamam

Sanskrit only: no published translation is held for this verse.

सुवेणुरिति विख्याता केदारे या सरस्वती । सर्वपापाक्षया ज्ञेया ऋषिसिद्धिनिषेविता

suveṇuriti vikhyātā kedāre yā sarasvatī / sarvapāpākṣayā jñeyā ṛṣisiddhiniṣevitā

Sanskrit only: no published translation is held for this verse.

सापि तेनेह मुनिना आराध्य परमेश्वरम् । ऋषीणामुपकारार्थं कुरुक्षेत्रं प्रवेशिता

sāpi teneha muninā ārādhya parameśvaram / ṛṣīṇāmupakārārthaṃ kurukṣetraṃ praveśitā

Sanskrit only: no published translation is held for this verse.

दक्षेण यजता सापि गङ्गाद्वारे सरस्वती । विमलोदा भगवती दक्षेण प्रकटीकृता

dakṣeṇa yajatā sāpi gaṅgādvāre sarasvatī / vimalodā bhagavatī dakṣeṇa prakaṭīkṛtā

Sanskrit only: no published translation is held for this verse.

समाहूता ययौ तत्र मङ्कणेन महात्मना । कुरुक्षेत्रे तु कुरुणा यजिता च सरस्वती

samāhūtā yayau tatra maṅkaṇena mahātmanā / kurukṣetre tu kuruṇā yajitā ca sarasvatī

Sanskrit only: no published translation is held for this verse.

सरोमध्ये समानीता मार्कण्डेयेन धीमता । अभिष्टूय महाभागां पुण्यतोयां सरस्वतीम्

saromadhye samānītā mārkaṇḍeyena dhīmatā / abhiṣṭūya mahābhāgāṃ puṇyatoyāṃ sarasvatīm

Sanskrit only: no published translation is held for this verse.

यत्र मङ्कणकः सिद्धः सप्तसारस्वते स्थितः । नृत्यमानश्च देवेन शङ्करेण निवारितः

yatra maṅkaṇakaḥ siddhaḥ saptasārasvate sthitaḥ / nṛtyamānaśca devena śaṅkareṇa nivāritaḥ

Sanskrit only: no published translation is held for this verse.