Vamana-Purana, Saromahatmya 20

इति श्रीवामनपुराणे सरोमाहात्म्ये एकोनविंशो ऽध्यायः लोमहर्षण उवाच । समुद्रास्तत्र चत्वारो दर्विणा आह-ताः पुरा । प्रत्येकं तु नरः स्नातो गोसहस्रफलं लभेत्

iti śrīvāmanapurāṇe saromāhātmye ekonaviṃśo 'dhyāyaḥ lomaharṣaṇa uvāca / samudrāstatra catvāro darviṇā āha-tāḥ purā / pratyekaṃ tu naraḥ snāto gosahasraphalaṃ labhet

Sanskrit only: no published translation is held for this verse.

यत्किञ्चित् क्रियते तस्मिंस्तपस्तीर्थे द्विजोत्तमाः । परिपूर्णं हि तत्सर्वमपि दुष्कृतकर्मणः

yatkiñcit kriyate tasmiṃstapastīrthe dvijottamāḥ / paripūrṇaṃ hi tatsarvamapi duṣkṛtakarmaṇaḥ

Sanskrit only: no published translation is held for this verse.

शतसाहस्रिकं तीर्थं तथैव शतिकं द्विजाः । उभयोर्हि नरः स्नातो गोसहस्रफलं लभेत्

śatasāhasrikaṃ tīrthaṃ tathaiva śatikaṃ dvijāḥ / ubhayorhi naraḥ snāto gosahasraphalaṃ labhet

Sanskrit only: no published translation is held for this verse.

सोमतीर्थं च तत्रापि सरस्वत्यास्तटे स्थितम् । यस्मिन् स्नातस्तु पुरुषो राजसूयफलं लभेत्

somatīrthaṃ ca tatrāpi sarasvatyāstaṭe sthitam / yasmin snātastu puruṣo rājasūyaphalaṃ labhet

Sanskrit only: no published translation is held for this verse.

रेणुकाश्रममासाद्य श्रद्दधानो जितेन्द्रियः । मातृभक्त्या च यत्पुण्यं तत्फलं प्राप्नुयान्नरः

reṇukāśramamāsādya śraddadhāno jitendriyaḥ / mātṛbhaktyā ca yatpuṇyaṃ tatphalaṃ prāpnuyānnaraḥ

Sanskrit only: no published translation is held for this verse.

ऋणैर्मुक्तो भवेन्नित्यं देवर्षिपितृसंभवैः । कुमारस्याभिषेकं च ओजसं नाम विश्रुतम्

ṛṇairmukto bhavennityaṃ devarṣipitṛsaṃbhavaiḥ / kumārasyābhiṣekaṃ ca ojasaṃ nāma viśrutam

Sanskrit only: no published translation is held for this verse.

तस्मिन् स्नातस्तु पुरुषो यशसा च समन्वितः । कुमारपुरमाप्नोति कृत्वा श्राद्धं तु मानवः

tasmin snātastu puruṣo yaśasā ca samanvitaḥ / kumārapuramāpnoti kṛtvā śrāddhaṃ tu mānavaḥ

Sanskrit only: no published translation is held for this verse.

चैत्रषष्ठ्यां सिते पक्षे यस्तु श्राद्धं करिष्यति । गयाश्राद्धे च यत्पुण्यं तत्पुण्यं प्राप्नुयान्नरः

caitraṣaṣṭhyāṃ site pakṣe yastu śrāddhaṃ kariṣyati / gayāśrāddhe ca yatpuṇyaṃ tatpuṇyaṃ prāpnuyānnaraḥ

Sanskrit only: no published translation is held for this verse.

संनिहित्यां यथा श्राद्धं राहुग्रस्ते दिवाकरे । तथा श्राद्धं तत्र कृतं नात्र कार्या विचारणा

saṃnihityāṃ yathā śrāddhaṃ rāhugraste divākare / tathā śrāddhaṃ tatra kṛtaṃ nātra kāryā vicāraṇā

Sanskrit only: no published translation is held for this verse.

ओजसे ह्यक्षयं श्राद्धं वायुना कथितं पुरा । तस्मात् सर्वप्रयत्नेन श्राद्धं तत्र समाचरेत्

ojase hyakṣayaṃ śrāddhaṃ vāyunā kathitaṃ purā / tasmāt sarvaprayatnena śrāddhaṃ tatra samācaret

Sanskrit only: no published translation is held for this verse.

यस्तु स्नानं श्रद्दधानश्चैत्रषष्ठ्यां करिष्यति । अक्षय्यमुदकं तस्य पितॄणामुपजायते

yastu snānaṃ śraddadhānaścaitraṣaṣṭhyāṃ kariṣyati / akṣayyamudakaṃ tasya pitṝṇāmupajāyate

Sanskrit only: no published translation is held for this verse.

तत्र पञ्चवटं नाम तीर्थं त्रैलोक्यविश्रुतम् । महादेवः स्थितो यत्र योगमूर्तिधरः स्वयम्

tatra pañcavaṭaṃ nāma tīrthaṃ trailokyaviśrutam / mahādevaḥ sthito yatra yogamūrtidharaḥ svayam

Sanskrit only: no published translation is held for this verse.

तत्र स्नात्वार्ऽचयित्वा व देवदेवं महेश्वरम् । गाणपत्यमवाप्नोति दैवतैः सह मोदते

tatra snātvār'cayitvā va devadevaṃ maheśvaram / gāṇapatyamavāpnoti daivataiḥ saha modate

Sanskrit only: no published translation is held for this verse.

कुरुतीर्थं च विख्यातं कुरुणा यत्र वै तपः । तप्तं सुघोरं क्षेत्रस्य कर्षणार्थं द्विजोत्तमाः

kurutīrthaṃ ca vikhyātaṃ kuruṇā yatra vai tapaḥ / taptaṃ sughoraṃ kṣetrasya karṣaṇārthaṃ dvijottamāḥ

Sanskrit only: no published translation is held for this verse.

तस्य घोरेण तपसा तुष्ट इन्द्रोब्रवीद् वचः । राजर्षे परितुष्टो ऽस्मि तपसानेन सुव्रतः

tasya ghoreṇa tapasā tuṣṭa indrobravīd vacaḥ / rājarṣe parituṣṭo 'smi tapasānena suvrataḥ

Sanskrit only: no published translation is held for this verse.

यज्ञं ये च कुरुक्षेत्रे करिष्यन्ति शतक्रतोः । ते गमिष्यन्ति सुकृतांल्लोकान् पापविवर्जितान्

yajñaṃ ye ca kurukṣetre kariṣyanti śatakratoḥ / te gamiṣyanti sukṛtāṃllokān pāpavivarjitān

Sanskrit only: no published translation is held for this verse.

अवहस्य ततः शक्रो जगाम त्रिदिवं प्रभुः । आगम्यागम्य चैवैनं भूयो भूयो ऽवहस्य च

avahasya tataḥ śakro jagāma tridivaṃ prabhuḥ / āgamyāgamya caivainaṃ bhūyo bhūyo 'vahasya ca

Sanskrit only: no published translation is held for this verse.

शतक्रतुरनिर्विण्णः पृष्ट्वा पृष्ट्वा जगाम ह । यदा तु तपसोग्रेण चकर्ष देहमात्मनः । ततः शक्रो ऽब्रवीत् प्रीत्य ब्रूहि यत्ते चिकीर्षितम्

śatakraturanirviṇṇaḥ pṛṣṭvā pṛṣṭvā jagāma ha / yadā tu tapasogreṇa cakarṣa dehamātmanaḥ / tataḥ śakro 'bravīt prītya brūhi yatte cikīrṣitam

Sanskrit only: no published translation is held for this verse.

कुरुरुवाच ये श्रद्दधानास्तीर्थे ऽस्मिन् मानवा निवसन्ति ह । ते प्राप्नुवन्तु सदनं ब्रह्मणः परमात्मनः

kururuvāca ye śraddadhānāstīrthe 'smin mānavā nivasanti ha / te prāpnuvantu sadanaṃ brahmaṇaḥ paramātmanaḥ

Sanskrit only: no published translation is held for this verse.

अन्यत्र कृतपापा ये पञ्चपातकदूषिताः । अस्मिस्तीर्थे नराः स्नात्वा मुक्ता यान्तु परां गतिम्

anyatra kṛtapāpā ye pañcapātakadūṣitāḥ / asmistīrthe narāḥ snātvā muktā yāntu parāṃ gatim

Sanskrit only: no published translation is held for this verse.

कुरुक्षेत्रे पुण्यतमं कुरुतीर्थं द्विजोत्तमाः । ते दृष्ट्वा पापमुक्तस्तु परं पदमवाप्नुयात्

kurukṣetre puṇyatamaṃ kurutīrthaṃ dvijottamāḥ / te dṛṣṭvā pāpamuktastu paraṃ padamavāpnuyāt

Sanskrit only: no published translation is held for this verse.

कुरुतीर्थे नरः स्नातो मुक्तो भवति किल्विषैः । कुरुणा समनुज्ञातः प्राप्नोति परमं पदम्

kurutīrthe naraḥ snāto mukto bhavati kilviṣaiḥ / kuruṇā samanujñātaḥ prāpnoti paramaṃ padam

Sanskrit only: no published translation is held for this verse.

स्वर्गद्वारं ततो गच्छेत् शिवद्वारे व्यवस्थितम् । तत्र स्नात्वा शिवद्वारे प्राप्नोति परमं पदम्

svargadvāraṃ tato gacchet śivadvāre vyavasthitam / tatra snātvā śivadvāre prāpnoti paramaṃ padam

Sanskrit only: no published translation is held for this verse.

ततो गच्छेदनरकं तीर्थं त्रैलोक्यविश्रुतम् । यत्र पूर्वे स्थितो ब्रह्म दक्षिणे तु महेश्वरः

tato gacchedanarakaṃ tīrthaṃ trailokyaviśrutam / yatra pūrve sthito brahma dakṣiṇe tu maheśvaraḥ

Sanskrit only: no published translation is held for this verse.

रुद्रपत्नी पश्चिमतः पद्मनाभोत्तरे स्थितः । मध्ये अनरकं तीर्थं त्रैलोक्यस्यापि दुर्लभम्

rudrapatnī paścimataḥ padmanābhottare sthitaḥ / madhye anarakaṃ tīrthaṃ trailokyasyāpi durlabham

Sanskrit only: no published translation is held for this verse.

यस्मिन् स्नातस्तु मुच्येत पातकैरुपपातकैः । वैशाखे च यदा षष्ठी मङ्गलस्य दिनं भवेत्

yasmin snātastu mucyeta pātakairupapātakaiḥ / vaiśākhe ca yadā ṣaṣṭhī maṅgalasya dinaṃ bhavet

Sanskrit only: no published translation is held for this verse.

तदा स्नानं तत्र कृत्वा मुक्तो भवति पातकैः । यः प्रयच्छेत करकांश्चतुरो भक्ष्यसंयुतान्

tadā snānaṃ tatra kṛtvā mukto bhavati pātakaiḥ / yaḥ prayaccheta karakāṃścaturo bhakṣyasaṃyutān

Sanskrit only: no published translation is held for this verse.

कलशं च तथा दद्यादपूपैः परिशोभितम् । देवताः प्रीमयेत् पूर्वं करकैरन्नसंयुतैः

kalaśaṃ ca tathā dadyādapūpaiḥ pariśobhitam / devatāḥ prīmayet pūrvaṃ karakairannasaṃyutaiḥ

Sanskrit only: no published translation is held for this verse.

ततस्तु कलशं दद्यात् सर्वपातकनाशनम् । अनेनैव विधानेन यस्तु स्नानं समाचरेत्

tatastu kalaśaṃ dadyāt sarvapātakanāśanam / anenaiva vidhānena yastu snānaṃ samācaret

Sanskrit only: no published translation is held for this verse.

स मुक्ताः कलुषैः सर्वैः प्रयाति परमं पदम् । अन्यत्रापि यदा षष्ठी मङ्गलेन भविष्यति

sa muktāḥ kaluṣaiḥ sarvaiḥ prayāti paramaṃ padam / anyatrāpi yadā ṣaṣṭhī maṅgalena bhaviṣyati

Sanskrit only: no published translation is held for this verse.

तत्रापि मुक्तिफलदा क्रिया तस्मिन् भविष्यति । तीर्थे च सर्वतीर्थानां यस्मिन् स्नातो द्विजोत्तमाः

tatrāpi muktiphaladā kriyā tasmin bhaviṣyati / tīrthe ca sarvatīrthānāṃ yasmin snāto dvijottamāḥ

Sanskrit only: no published translation is held for this verse.

सर्वदेवैरनुज्ञातः परं पदमवाप्नुयात् । काम्यकं च वनं पुण्यं सर्वपातकनाशनम्

sarvadevairanujñātaḥ paraṃ padamavāpnuyāt / kāmyakaṃ ca vanaṃ puṇyaṃ sarvapātakanāśanam

Sanskrit only: no published translation is held for this verse.

यस्मिन् प्रविष्टमात्रस्तु मुक्तो भवति किल्बिषैः । यमाश्रित्य वनं पुण्यं सविता प्रकटः स्थितः

yasmin praviṣṭamātrastu mukto bhavati kilbiṣaiḥ / yamāśritya vanaṃ puṇyaṃ savitā prakaṭaḥ sthitaḥ

Sanskrit only: no published translation is held for this verse.

पूषा नाम द्विजश्रेष्ठ दर्शनान्मुक्तिमाप्नुयात् । आदित्यस्य दिने प्राप्ते तस्मिन् स्नातस्तु मानवः । विशुद्धदेहो भवति मनसा चिन्तितं लभेत्

pūṣā nāma dvijaśreṣṭha darśanānmuktimāpnuyāt / ādityasya dine prāpte tasmin snātastu mānavaḥ / viśuddhadeho bhavati manasā cintitaṃ labhet

Sanskrit only: no published translation is held for this verse.