Vamana-Purana, Saromahatmya 24

इति श्रीवामनपुराणे सरोमाहात्म्ये त्रयोविंशो ऽध्यायः सनत्कुमार उवाच अथोवाच महादेवो देवान् ब्रह्मपुरोगमान् । ऋषीणां चैव प्रैत्यक्षं तीर्थमाहात्म्यमुत्तमम्

iti śrīvāmanapurāṇe saromāhātmye trayoviṃśo 'dhyāyaḥ sanatkumāra uvāca athovāca mahādevo devān brahmapurogamān / ṛṣīṇāṃ caiva praityakṣaṃ tīrthamāhātmyamuttamam

Sanskrit only: no published translation is held for this verse.

एतत् सांनिहितं प्रोक्तं सरः पुण्यतमं महत् । मयोपसेवितं यस्मात् तस्मान्मुक्तिप्रदायकम्

etat sāṃnihitaṃ proktaṃ saraḥ puṇyatamaṃ mahat / mayopasevitaṃ yasmāt tasmānmuktipradāyakam

Sanskrit only: no published translation is held for this verse.

इह ये पुरुषाः केचिद् ब्राह्मणाः क्षत्रिया विशः । लिङ्गस्य दर्शनादेव पश्यन्ति परमं पदम्

iha ye puruṣāḥ kecid brāhmaṇāḥ kṣatriyā viśaḥ / liṅgasya darśanādeva paśyanti paramaṃ padam

Sanskrit only: no published translation is held for this verse.

अहन्यहनि तीर्थानि आसमुद्रसरांसि च । स्थाणुतीर्थं समेष्यन्ति मध्यं प्राप्ते दिवाकरे

ahanyahani tīrthāni āsamudrasarāṃsi ca / sthāṇutīrthaṃ sameṣyanti madhyaṃ prāpte divākare

Sanskrit only: no published translation is held for this verse.

स्तोत्रेणानेन च नरो यो मां स्तोष्यति भक्तितः । तस्याहं सुलभो नित्यं भविष्यामि न संशयः

stotreṇānena ca naro yo māṃ stoṣyati bhaktitaḥ / tasyāhaṃ sulabho nityaṃ bhaviṣyāmi na saṃśayaḥ

Sanskrit only: no published translation is held for this verse.

इत्युक्त्वा भगवान् रुद्रो ह्यन्तर्धानं गतः प्रभुः । देवाश्च ऋषयः सर्वे स्वानि स्थानानि भेहिरे

ityuktvā bhagavān rudro hyantardhānaṃ gataḥ prabhuḥ / devāśca ṛṣayaḥ sarve svāni sthānāni bhehire

Sanskrit only: no published translation is held for this verse.

ततो निरन्तरं स्वर्गं मानुषैर्मिश्रितं कृतम् । स्थाणुलिङ्गस्य माहात्म्य दर्शनात्स्वर्गमाप्नुयात्

tato nirantaraṃ svargaṃ mānuṣairmiśritaṃ kṛtam / sthāṇuliṅgasya māhātmya darśanātsvargamāpnuyāt

Sanskrit only: no published translation is held for this verse.

ततो देवाः सर्व एव ब्रह्माणं शरणं ययुः । तानुवाच तदा ब्रह्मा किमर्थमिह चागताः

tato devāḥ sarva eva brahmāṇaṃ śaraṇaṃ yayuḥ / tānuvāca tadā brahmā kimarthamiha cāgatāḥ

Sanskrit only: no published translation is held for this verse.

ततो देवाः सर्व एव इदं वचनमब्रुवन् । मानुषेभ्यो भयं तीव्रं रक्षास्माकं पितामह

tato devāḥ sarva eva idaṃ vacanamabruvan / mānuṣebhyo bhayaṃ tīvraṃ rakṣāsmākaṃ pitāmaha

Sanskrit only: no published translation is held for this verse.

तानुवाच तदा ब्रह्मा सुरांस्त्रिदशनायकः । पांशुना पूर्यतां शीघ्रं सरः शक्रे हितं कुरु

tānuvāca tadā brahmā surāṃstridaśanāyakaḥ / pāṃśunā pūryatāṃ śīghraṃ saraḥ śakre hitaṃ kuru

Sanskrit only: no published translation is held for this verse.

ततो ववर्ष भगवान् पांशुना पाकशासनः । सप्ताहं पूरयामास सरो देवैस्तदा वृतः

tato vavarṣa bhagavān pāṃśunā pākaśāsanaḥ / saptāhaṃ pūrayāmāsa saro devaistadā vṛtaḥ

Sanskrit only: no published translation is held for this verse.

तं दृष्ट्वा पांशुवर्षं च देवदेवो महेश्वरः । करेण धारयामास लिङ्गं तीर्थवटं तदा

taṃ dṛṣṭvā pāṃśuvarṣaṃ ca devadevo maheśvaraḥ / kareṇa dhārayāmāsa liṅgaṃ tīrthavaṭaṃ tadā

Sanskrit only: no published translation is held for this verse.

तस्मात् पुण्यतमं तीर्थमाद्यं यत्रोदकं स्थितम् । तस्मिन् स्नातः सर्वतीर्थैः स्नातो भवति मानवः

tasmāt puṇyatamaṃ tīrthamādyaṃ yatrodakaṃ sthitam / tasmin snātaḥ sarvatīrthaiḥ snāto bhavati mānavaḥ

Sanskrit only: no published translation is held for this verse.

यस्तत्र कुरुते श्राद्धं वटलिङ्गस्य चान्तरे । तस्य प्रीताश्च पितरो दास्यन्ति भुवि दुर्लभम्

yastatra kurute śrāddhaṃ vaṭaliṅgasya cāntare / tasya prītāśca pitaro dāsyanti bhuvi durlabham

Sanskrit only: no published translation is held for this verse.

पूरितं त चचो दृष्ट्वा ऋषयः सर्व एव ते । पांशुना सर्वगात्राणि स्पृशन्ति श्रद्धया युताः

pūritaṃ ta caco dṛṣṭvā ṛṣayaḥ sarva eva te / pāṃśunā sarvagātrāṇi spṛśanti śraddhayā yutāḥ

Sanskrit only: no published translation is held for this verse.

ते ऽपि निर्धूतपापास्ते पांशुना मुनयो गताः । पूज्यमानाः सुरगणैः प्रयाता ब्रह्मणः पदम्

te 'pi nirdhūtapāpāste pāṃśunā munayo gatāḥ / pūjyamānāḥ suragaṇaiḥ prayātā brahmaṇaḥ padam

Sanskrit only: no published translation is held for this verse.

ये तु सिद्धा महात्मानस्ते लिङ्गं पूजयन्ति च । व्रजन्ति परमां सिद्धिं पुनरावृत्तिदुर्लभाम्

ye tu siddhā mahātmānaste liṅgaṃ pūjayanti ca / vrajanti paramāṃ siddhiṃ punarāvṛttidurlabhām

Sanskrit only: no published translation is held for this verse.

एवं ज्ञात्वा तदा ब्रह्मा लिङ्गं शैलमयं तदा । आद्यलिङ्गं तदा स्थाप्य तस्योपरि दधार तत्

evaṃ jñātvā tadā brahmā liṅgaṃ śailamayaṃ tadā / ādyaliṅgaṃ tadā sthāpya tasyopari dadhāra tat

Sanskrit only: no published translation is held for this verse.

ततः कालेन महता तेजसा तस्य रञ्जितम् । तस्यापि स्पर्शनात् सिद्धः परं पदमवाप्नुयात्

tataḥ kālena mahatā tejasā tasya rañjitam / tasyāpi sparśanāt siddhaḥ paraṃ padamavāpnuyāt

Sanskrit only: no published translation is held for this verse.

ततो देवैः पुनर्ब्रह्मा विज्ञप्तो द्विजसत्तम । एते यान्ति परां सिद्धिं लिङ्गस्य दर्शनान्नराः

tato devaiḥ punarbrahmā vijñapto dvijasattama / ete yānti parāṃ siddhiṃ liṅgasya darśanānnarāḥ

Sanskrit only: no published translation is held for this verse.

तच्छ्रुत्वा भगवान् ब्रह्मा देवानां हितकाम्यया । उपर्युपरि लिङ्गानि सप्त तत्र चकार ह

tacchrutvā bhagavān brahmā devānāṃ hitakāmyayā / uparyupari liṅgāni sapta tatra cakāra ha

Sanskrit only: no published translation is held for this verse.

ततो ये मिक्तिकामाश्च सिद्धाः शमपरायणाः । सेव्य पांशुं प्रयत्नेन प्रयाताः परमं पदम्

tato ye miktikāmāśca siddhāḥ śamaparāyaṇāḥ / sevya pāṃśuṃ prayatnena prayātāḥ paramaṃ padam

Sanskrit only: no published translation is held for this verse.

पांशवो ऽपि कुरुक्षेत्रे वायुना समुदीरिताः । महादुष्कृतकर्माणं प्रयान्ति परमं पदम्

pāṃśavo 'pi kurukṣetre vāyunā samudīritāḥ / mahāduṣkṛtakarmāṇaṃ prayānti paramaṃ padam

Sanskrit only: no published translation is held for this verse.

अज्ञानाज्ज्ञानतो वापि स्त्रियो वा पुरुषस्य वा । नश्यते दुष्कृतं सर्वं स्थाणुतीर्थप्रभावतः

ajñānājjñānato vāpi striyo vā puruṣasya vā / naśyate duṣkṛtaṃ sarvaṃ sthāṇutīrthaprabhāvataḥ

Sanskrit only: no published translation is held for this verse.

लिङ्गस्य दर्शनान्मुक्तिः स्पर्शनाच्च वटस्य च । तत्संनिधौ जले स्नात्वा प्राप्नोत्यभिमतं फलम्

liṅgasya darśanānmuktiḥ sparśanācca vaṭasya ca / tatsaṃnidhau jale snātvā prāpnotyabhimataṃ phalam

Sanskrit only: no published translation is held for this verse.

पितृणां तर्पणं यस्तु जले तस्मिन् करिष्यति । बिन्दो बिन्दौ तु तोयस्य अनन्तफलभाग्भवेत्

pitṛṇāṃ tarpaṇaṃ yastu jale tasmin kariṣyati / bindo bindau tu toyasya anantaphalabhāgbhavet

Sanskrit only: no published translation is held for this verse.

यस्तु कृष्णतिलैः सार्द्ध लिङ्गस्य पश्चिमे स्थितः । तर्पयेच्छ्रद्धया युक्तः स प्रीणाति युगत्रयम्

yastu kṛṣṇatilaiḥ sārddha liṅgasya paścime sthitaḥ / tarpayecchraddhayā yuktaḥ sa prīṇāti yugatrayam

Sanskrit only: no published translation is held for this verse.

यावन्मन्वन्तरं प्रोक्तं यावल्लिङ्गस्य संस्थितिः । तापत्प्रीताश्च पितरः पिबन्ति जलमुत्तमम्

yāvanmanvantaraṃ proktaṃ yāvalliṅgasya saṃsthitiḥ / tāpatprītāśca pitaraḥ pibanti jalamuttamam

Sanskrit only: no published translation is held for this verse.

कृते युगे सान्निहत्यं त्रेतायां वायुसंज्ञितम् । कलिद्वापरयोर्मध्ये कूपं रुद्रह्रदं स्मृतम्

kṛte yuge sānnihatyaṃ tretāyāṃ vāyusaṃjñitam / kalidvāparayormadhye kūpaṃ rudrahradaṃ smṛtam

Sanskrit only: no published translation is held for this verse.

चैत्रस्य कृष्णपक्षे च चतुर्दश्यां नरोत्तमः । स्नात्वा रुद्रह्रदे तीर्थे परं पदमवाप्नुयात्

caitrasya kṛṣṇapakṣe ca caturdaśyāṃ narottamaḥ / snātvā rudrahrade tīrthe paraṃ padamavāpnuyāt

Sanskrit only: no published translation is held for this verse.

यस्तु वटे स्थितो रात्रिं ध्यायते परमेश्वरम् । स्थाणोर्वटप्रसादेन मनसा चिन्तितं फलम्

yastu vaṭe sthito rātriṃ dhyāyate parameśvaram / sthāṇorvaṭaprasādena manasā cintitaṃ phalam

Sanskrit only: no published translation is held for this verse.